Киіз үй, көрнекі фото

Азаматтық берілген жоқ: Қытайдан қашып келген қандастардың тағдыры не болады

344
(Жаңартылды 14:26 12.07.2021)
Қазір ішкі істер министрлігі оларға жағдай жасау бойынша тиісті өзгерістерді қарап жатыр

НҰР-СҰЛТАН, 12 шілде – Sputnik. Отандастар қорының вице-президенті Мағауия Сарбасов Қытайдан қашып келген қандастардың ендігі тағдыры не болатынын айтты, деп хабарлайды Sputnik Қазақстан тілшісі.

"Қастер Мұсаханұлына, Мұрагер Әлімұлына және Қайша Ақанға Қазақстан Республикасының азаматтығы берілмейтін болды. Оларды енді Қытайға қайтара ма? Жалпы осындай мәселелер қалай реттеледі?", - деп сұрады журналист дүйсенбі күні орталық коммуникациялар қызметінде өткен брифингте.

"Мен нақты айта аламын: бұл бауырларымызды Қытайға қайтару мәселесі қаралып жатқан жоқ. Мүлде. Біздің бауырларымыз босқын мәртебесін алған еді. Олар елде тұруға, жұмыс істеуге құқылы", - деп жауап берді Сарбасов.

Айтуынша, қазір ішкі істер министрлігі оларға жағдай жасау бойынша тиісті өзгерістерді қарап жатыр. Келесі жылдан бастап олардың еркін жүріп-тұруына, елге шығып немесе қайтып келуіне жағдайлар жасалады.

Бүгінгі таңда бұл жұмыстар пысықталып жатыр, деп сендірді вице-президент.

Оқи отырыңыз: Қытайдан қашып келген қандастарға босқын мәртебесі берілді

Еске салсақ, 2019 жылы қазан айында екі қандасымыз Қастер Мұсаханұлы мен Мұрагер Әлімұлы Қытайдың Шыңжаң-Ұйғыр автономиялық ауданынан қашып келді. Сол кезде оларды екі айға қамауға алды. Қаңтар айында Шығыс Қазақстан облысы Зайсан аудандық соты оларды бір жылға бас бостандығынан айыру туралы шешім шығарды. Сот үкіміне дейінгі қамауда болған күндері екі күнге саналатын болды.

2020 жылдың маусымында Қастер Мұсаханұлы мен Мұрагер Семейдегі колониядан босап шықты. Қазан айында екеуіне босқын мәртебесі берілді.

344
Кілт сөздер:
Қытайдағы қазақтар, шетелдегі қазақтар
LinkedIn

Қазақстанда LinkedIn әлеуметтік желісі бұғатталды

35
Шектеу әлеуметтік желіде жалған аккаунттардың көбеюімен және республика аумағында тыйым салынған интернет-казиноны жарнамалаумен байланысты

НҰР-СҰЛТАН, 27 шілде – Sputnik. Қазақстанда іскерлік байланыстарды іздеу және орнатуға арналған LinkedIn әлеуметтік желісі бұғатталды.

Желі қолданушылары 26 шілде кешке сайтқа кіре алмай жатқанын айтып шағымдана бастады.

Ақпарат және қоғамдық даму министрлігі LinkedIn желісіне қолжетімділік ресурс тарапынан болған заңбұзушылықтарға байланысты шектелгенін түсіндірді.

"Мониторинг барысында LinkedIn интернет-ресурсында бірқатар заңбұзушылық анықталды. Интернет-казино жарнамаланып, нақты адамдардың атынан фейк аккаунттар ашылған. Айта кетсек, мұндай материалдарды орналастыру Қазақстанның заңнамасына ғана емес, LinkedIn ресурсының ішкі ережелеріне де қайшы келеді", - деп мәлімдеді министрліктегілер.

Ведомство ақпаратынша, LinkedIn-нің пайдаланушы келісімінде қатысушылар жариялайтын ақпарат шынайы және заңды болуға, үшінші тарапқа тиесілі құқықтарды бұзбауға тиіс екені көрсетілген.

Бұған қоса, интернет-ресурстың жарнама орналастыру ережелерінде қолданушының жалған ақпарат ұсынуына немесе жаңылыстыруға, сондай-ақ құмар ойындар жарнамасына тыйым салынған.

Тағы оқыңыз: Интернет алаяқтардан қалай қорғану керек – пайдалы кеңес

"Осыған байланысты министрлік "Байланыс туралы" заңның 41-1-бабы 3-1-тармағына сәйкес LinkedIn интернет-ресурсының әкімшілігіне анықталған заңбұзушылықтарды жою және тиісті материалдарды өшіру бойынша шаралар қабылдау талабымен хабарлама жолдады. Алайда, өкінішке қарай, LinkedIn әкімшілігі тарапынан заңбұзушылықтарды жоюға қатысты шара қабылданған жоқ", -деп түсіндірді ақпарат министрлігінің баспасөз қызметі.

Заңбұзушылықтар жойылған жағдайда Қазақстан аумағында LinkedIn желісі қайта ашылады.

Айта кетсек, 2018 жылдың қазанында ақпарат министрлігі азаматтарға LinkedIn әлеуметтік желісі арқылы ақпарат жіберумен байланысты алаяқтық фактілері жиілеп кеткенін ескертті.

Бүгінде LinkedIn желісіне 500 миллионнан астам қолданушы тіркелген, сайт 24 тілде жұмыс істейді. 2016 жылдың маусымында Microsoft компаниясы сайтты 26,2 миллиард долларға сатып алды. 2016 жылдың тамызынан бастап LinkedIn ресейлік қолданушылардың жеке деректерін сақтау ережелерін бұзғаны үшін Ресей аумағында бұғатталды.

35
Кілт сөздер:
бұғаттау, әлеуметтік желілер
Тақырып бойынша
Қазақстанда Ресейдің кітап сататын интернет-дүкені бұғатталды
YouTube ресейлік БАҚ-ты неге бұғаттады
Қостанайлықтың телефонын жиі қоңырау шалғаны үшін бұғаттап тастады
Twitter ұйғырлар туралы жазбадан кейін Қытай елшілігі парақшасын бұғаттады
Президент Қасым-Жомарт Тоқаев

Тоқаев екі министрлікті қайта құрды

2369
(Жаңартылды 13:14 27.07.2021)
Қасым-Жомарт Тоқаев мемлекеттік басқару жүйесін одан әрі жетілдіру жөніндегі шаралар туралы жарлыққа қол қойды

НҰР-СҰЛТАН, 27 шілде – Sputnik. Ішкі істер министрлігінің бірқатар өкілеттігі еңбек және денсаулық сақтау министрліктеріне беріліп, олар қайта ұйымдастырылды.

Мемлекеттік басқару жүйесін одан әрі жетілдіру жөніндегі шаралар туралы жарлыққа Қазақстан президенті Қасым-Жомарт Тоқаев қол қойды.

Құжатқа сәйкес, ішкі істер министрлігінің халықтың көші-қоны саласындағы, сондай-ақ босқындар мәселелері жөніндегі функциялары мен өкілеттіктері 2022 жылғы 1 қаңтардан бастап еңбек және халықты әлеуметтік қорғау министрлігіне беріледі.

Бұл ретте заңсыз көшіп келудің жолын кесу, заңсыз көшіп келушілердің реадмиссиясы, Қазақстаннан кетуге және Қазақстанға келуге визалар беру, халықты және азаматтықты құжаттандыру жөніндегі функциялар мен өкілеттіктер сол күйі ішкі істер министрлігінде қалады.

Сондай-ақ ішкі істер министрлігінің медициналық қамтамасыз ету саласындағы мемлекеттік саясатты үйлестіру жөніндегі функциялары мен өкілеттіктері денсаулық сақтау министрлігіне өтті.

Атап айтқанда:

  • 2022 жылдың 1 шілдесінен бастап қылмыстық-атқару жүйесінің тергеу изоляторларында ұсталатын адамдарға қатысты;
  • 2023 жылдың 1 қаңтардан бастап қылмыстық-атқару жүйесінің мекемелерінде ұсталатын адамдарға қатысты.

Президент үкіметке қайта ұйымдастырылатын мемлекеттік органдар мен оларға бағынысты ұйымдар арасында штат санын қайта бөлуді тапсырды.

Тағы оқыңыз: Түрмелердегі кей қызмет денсаулық сақтау министрлігіне беріледі

Жарлық қол қойылған күнінен бастап қолданысқа енгізіледі.

Бұған дейін ІІМ қылмыстық-атқару жүйесіндегі медициналық қамтамасыз ету денсаулық сақтау министрлігінің қарамағына берілетінін хабарлады.

Министрліктің мәлімдеуінше, бұл өзгеріс зерттеудің, диагностиканың және емдеудің қазіргі заманғы әдістеріне кеңінен қол жеткізуіне мүмкіндік береді. Сондай-ақ медицина қызметкерлері мекеменің әкімшілігіне тәуелді болмайды. Бұл заңсыз әрекеттерді жасыруға жол бермейді.

2369
Кілт сөздер:
министрлік, жарлық, Қасым-Жомарт Тоқаев
Тақырып бойынша
Тоқаев облыстардың бірінің әкімшілік-аумақтық құрылысына өзгеріс енгізді
Тоқаев Көкшетауға жұмыс сапарымен барды
Жедел жәрдем көлігі

Біреуі қайтыс болды Алматыда бір топ адам уланды

49
(Жаңартылды 15:49 27.07.2021)
Алматы қаласы санитарлық-эпидемиологиялық бақылау департаменті басшысының орынбасары оқиғаға қатысты түсініктеме берді

АЛМАТЫ, 27 шілде – Sputnik. Алматының "Демеу" әлеуметтік қызмет көрсету орталығында жаппай улану болып, бір адам қайтыс болды, деп хабарлайды Sputnik Қазақстан.

Алматы қаласы санитарлық-эпидемиологиялық бақылау департаменті басшысының орынбасары Сәдуақас Байғабылов оқиғаға қатысты түсініктеме берді. Оның айтуынша, 24 шілдеде 63 адам нәжіс бұзылуына байланысты шағым айтқан. 

Сөзінше, симптоматикалық емнен кейін түскі асқа қарай пациенттердің жағдайы жақсарған. Сол күні кешке жағдайы тұрақтанды.

Орталықтың хабарлауынша, олардың шағымы жоқ.

Ал қайтыс болған адамға бұған дейін екі рет операция жасалғаны анықталды.

"Жүрек-қантамыр жүйесі мен бүйрек созылмалы аурулары болған науқас қайтыс болды. Өлімнің себебі сот-медициналық сараптама жүргізілгеннен кейін анықталады", - деп түйіндеді Байғабылов.

49
Тақырып бойынша
Алматыда бес баласы бар отбасы қоғамдық моншада уланды
Эвакуациялау оңай болған жоқ: Өскеменде көп қабатты үйдің тұрғындары уланды
Алматыда демалыс күндері 40-қа жуық нысан карантинді бұзды
Талғарда төрт бала иіс тиіп уланды
Алматыда пәтер тонауды кәсіп еткен қылмыстық топ ұсталды