Мектептегі балалар

Нұр-Сұлтанда мұғалімдердің 85%-і коронавирусқа қарсы екпе алды

45
Қыркүйек айында мектептерді дәстүрлі оқыту форматына көшіру үшін вакцина алу қажет

НҰР-СҰЛТАН, 13 шілде – Sputnik. Нұр-Сұлтан қаласының әкімі Алтай Көлгінов Instagram парақшасында қыркүйек айында мектептерді қалыпты оқыту форматына көшіру үшін мұғалімдерді де, өзге де мектеп қызметкерлерін вакциналау қажет екенін мәлім етті.

Қала әкімі мектеп - балалар өзін қауіпсіз сезінетін, ал ата-аналар баласы үшін алаңдамайтын орын болуы керек екенін атап өтті. Пандемия оқыту форматын онлайн режимге көшуге мәжбүр етті. Мұғалімдер тарапынан жедел шаралар қабылданғанына қарамастан дәстүрлі, яғни офлайн форматтағы оқытуға ешнәрсе жетпейді.

"Қыркүйек айында мектептерді қалыпты оқыту форматына көшіру үшін мұғалімдерді де, өзге де мектеп қызметкерлерін вакциналау қажет. Бұл денсаулықты қорғауға, инфекцияны тоқтатуға және коронавирустың жаппай таралуын шектеуге көмектеседі. Қазіргі уақытта мектеп мұғалімдерінің 85%-і вакцина алды. Мысалы, №3, №7, №13, №21, №33, №34, №39, №46, № 81 мектеп-гимназиялары 100% иммундаудан өтті" ,- деп жазды Көлгінов.

Педагогтардың барынша жауапкершілік танытқаны қуантады. Дегенмен, бірқатар оқу орнында вакцина алғандар пайызы әлі де төмен. Мұғалімдермен (мектептер/колледждер) онлайн режимде жаңа оқу жылына дайындық мәселелері талқыланды.

Ол сондай-ақ соңғы күндері қалада инфекция жұқтырғандар саны артып жатқанын ескертті. Қосымша жұқпалы аурулар стационарлары ашылуда.

Оқи отырыңыз: Міндетті вакцинация мерзімі қайта қаралады

Тәулік сайын 300-ге жуық науқас ауруханаға жатқызылады. Дәрігерлер атап өткендей инфекция жұқтырғандар қатары коронавирустың жаңа штаммының пайда болуына, яғни "Дельта штаммына" (үнді штаммы деген атаумен белгілі) байланысты болып отыр. Бұл — коронавирустың аса қауіпті түрі, жылдам таралып, тез жұғады.

Қалада 100 вакциналау пункті жұмыс істейді, сондай-ақ егу орындары СОО-ларда, СҮ-лерде және т.б. орындарда бар.

Қазір 286 мыңға жуық адам вакциналанды. Соңғы апталарда вакцина алғысы келетіндер саны 7 есеге дейін өсті.

45
Кілт сөздер:
коронавирус, вакцина
Тақырып:
COVID-ке қарсы вакцина (319)
 Архивтегі фото

Коронавирус пен пневмония тағы 100 адамның өмірін жалмады

468
(Жаңартылды 10:57 31.07.2021)
Елімізде бір тәулікте 7 600-ден астам адамнан коронавирус инфекциясы анықталды. 330-дан астам науқас жасанды тыныс алдыру аппаратына қосылды

НҰР -СҰЛТАН, 31 шілде – Sputnik. Соңғы тәулікте Қазақстанда коронавирустан 86, пневмониядан 14 адам қайтыс болды.

Денсаулық сақтау министрлігінің мәліметінше, 31 шілдедегі жағдай бойынша 95 998 адам (93 366 КВИ + және 2 632 КВИ-) коронавирустан емделіп жатыр, оның ішінде 27 004 науқас ауруханада, 68 994 науқас амбулаторлық деңгейде емделуде.

"86 адам коронавирустан, 14 адам пневмониядан қайтыс болды. 1 677 науқас ауыр жағдайда, 349 науқас өте ауыр жағдайда жатыр, 334 науқас жасанды тыныс алдыру аппаратына қосылды", - деп хабарлады денсаулық сақтау министрлігі.

Сонымен қатар 29 шілдедегі жағдай бойынша коронавирус инфекциясының белгілері бар пневмония 309 адамнан анықталған, 110 адам жазылып шықты.

Оқи отырыңыз: Денсаулық сақтау министрлігі коронавирусқа қатысты статистиканы жаңартты 

Өткен тәулікте Қазақстанда коронавирус инфекциясы 7 691 адамнан табылды. Көбісі Нұр-Сұлтан (1518) мен Алматыда (1511) тіркелді.

"Қызыл" аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.

"Сары" аймақта: Түркістан облысы.

468
Тақырып:
Коронавирус эпидемиясы
Пробирка с тестом на коронавирус

Денсаулық сақтау министрлігі коронавирусқа қатысты статистиканы жаңартты

58
Нұр-Сұлтанда 1 518, Алматыда 1511, Қарағанды ​​облысында 964 адам коронавирус инфекциясын жұқтырған

НҰР-СҰЛТАН, 31 шілде – Sputnik. Қазақстанда өткен тәулікте 7 691 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 7 778 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1518
  • Алматы қаласы - 1511
  • Шымкент қаласы - 477
  • Ақмола облысы - 253
  • Ақтөбе облысы - 332
  • Алматы облысы - 300
  • Атырау облысы - 417
  • Шығыс Қазақстан облысы – 216
  • Жамбыл облысы - 247
  • Батыс Қазақстан облысы - 159
  • Қарағанды облысы - 964
  • Қостанай облысы - 245
  • Қызылорда облысы - 257
  • Маңғыстау облысы - 236
  • Павлодар облысы - 280
  • Солтүстік Қазақстан облысы - 155
  • Түркістан облысы – 124.

Жалпы ел бойынша ауырғандар саны – 572 576.

58
Кілт сөздер:
статистика, коронавирус
Тақырып:
Коронавирус эпидемиясы
Портфель, архивтегі фото

"Мен сізді аяймын, апа": Маңғыстауда әкім тойға келген қонақтардың алдынан шықты видео

0
Шенеунік той тойлауға келген әжейге бір күнде 14 адам өлгенін, қазір 1400 адам ауруханада жатқанын жеткізіп, карантинді сақтауды өтінді  

НҰР -СҰЛТАН, 31 шілде – Sputnik. Маңғыстау облысында Мұнайлы ауданының әкімі Рахат Елтизаров мейрамханаға тойға келген қонақтарды қарсы алып, үйге кері қайтуын сұрады, деп жазды Lada.kz.

Мұнайлы ауданында коронавирус инфекциясының таралуына байланысты карантиндік шаралар енгізілгеніне қарамастан, жауапсыз тұрғындар той өткізбек болды.

Мұнайлы ауданының әкімі Рахат Елтизаров мейрамхана алдында қонақтарды қарсы алды. Шенеунік көлікте отырған әжейге карантинді сақтау қажеттігін түсіндіріп жатқанда рейд қызметкерлері осы сәтті видеоға түсіріп алыпты.

"Мен сізді аяймын, апа. Бүгін облыста 14 адам өлді. Құдай сақтанғанды сақтайды. Қазір 1400 адам ауруханада жатыр. Өзіңіздің денсаулығыңызды күтіңіз, келін, балаларыңызды, мына кішкентай сәбиді ойлаңыз", – деді әкім өтпей қалған тойдың қонақтарының біріне.

0