Дәрі-дәрмек

Фармацевт дәрі-дәрмек сатып алуда ақша үнемдеу жолдарын атады

171
(Жаңартылды 10:19 14.07.2021)
Денсаулыққа келгенде ақша үнемдеуге болмайды. Алайда дәріханаға барған кезде қаржы ысырап етпеудің бірнеше тәсілін біліп барған жөн

АЛМАТЫ, 14 шілде – Sputnik. Фармацевт Ирина Булыгина дәрі-дәрмек алған кезде ақша үнемдеудің жолын айтты. Ол үшін бірнеше тәсілді меңгеру қажет.

Фармацевт дәрі-дәрмекті сатып алатын кезде дәріханада өзіңізге қажет дәрінің баламаларын және оның ішінде ең арзанын сұрауға кеңес берді. Мұндай жағдайда дәріхана қызметкері ең арзан дәрі-дәрмекті өзі ұсынады дегенге үміттенбеген жөн.

"Дәрінің әсері бірдей, алайда бір дәрінің 50-ге жуық атауы бар екенін түсіну қажет. Олардың бағасы да әртүрлі болады", - деді Булыгина Sputnik радиосына берген сұхбатында.

Дәрі-дәрмекке қаржы үнемдеуге арналған тағы бір тәсіл созылмалы ауруы бар науқастар үшін тиімді. Оларға өзіне қажетті дәріні алдын ала сатып алуға болады. Не дегенмен дәрі-дәрмектің бағасы әдетте уақыт өте келе қымбаттайды.

Алайда мұндай жағдайда дәрінің жарамдылық мерзімін қарауды ұмытпаған жөн.

Бірақ дәрі-дәрмекті "қажет болып қалар" деп сатып алу ақшаны ысырап етуге әкеледі.

171
Кілт сөздер:
дәрі-дәрмек
Тақырып бойынша
"Дәрі еккеннен кейін қайтыс болды": Нұр-Сұлтан ауруханасында тергеу басталды
Вакцина қояр алдында қандай дәрі ішуге болмайды – зерттеу нәтижесі
Елімізде қалқанша бездің қатерлігі ісігіне қарсы дәрі шығарыла бастады
Ресей ғалымдары коронавирустан емдейтін жаңа дәрі ойлап тапты
Министр дәрі-дәрмек бағасын төмендету жоспарын таныстырды
Архивтегі фото

Қазақстан Қырғызстанға QazVac вакцинасының 25 мың дозасын жеткізді

71
Енді қырғызстандықтар Astra Zeneca, Sputnik V және басқа да шетелдік вакциналармен қатар QazVac салдыра алады

АЛМАТЫ, 28 шілде – Sputnik. Қырғызстанға COVID-19 пандемиясымен күрестегі ынтымақтастық шеңберінде QazVac инактивтендірілген вакцинасының 25 000 дозасы жеткізілді, деп хабарлады Қазақстанның сыртқы істер министрлігі.

Бішкекте көмекті тапсыру рәсіміне Қырғызстан денсаулық сақтау министрі Алымкадыр Бейшеналиев, Қазақстан елшісі Рәпіл Жошыбаев пен медицина ұйымдарының өкілдері қатысты.

Вакцинадан кейін вирус жұқтырғандардың Ashyq-тағы статусы қалай өзгереді

Министр Бейшеналиев елде коронавирус инфекциясының одан әрі таралуына қарсы іс-қимылда маңызды қолдау көрсеткені үшін Қазақстан тарапына ризашылығын білдірді.

"Енді қырғызстандықтар Astra Zeneca, Sputnik V және басқа да шетелдік вакциналармен қатар QazVac салдыра алады", - деп атап өтті ол.  

Оның айтуынша, қазақстандық вакцина халықты вакциналау пункттеріне жедел таратылады.

Қазақстан елшісі Рәпіл Жошыбаев вакцина Қазақстан президенті Қасым-Жомарт Тоқаевтың тапсырмасына сәйкес жеткізілгенін айтты.

"Қырғызстан біздің достарымыз бен халықаралық серіктестеріміздің арасында бірінші болып коронавирусқа қарсы қазақстандық вакцинаны алады, бұл елдеріміз арасындағы достық пен тату көршілестік қатынастарын тағы да растайды", – деді елші.

Ол сондай-ақ Қазақстанның ізгілік көмегі көптеген адам өмірін құтқаруға және Қырғызстандағы санитарлық-эпидемиологиялық жағдайды жақсартуға көмектесетініне сенім білдірді.

Айта кетейік, QazVac вакцинасын Қазақстанның білім және ғылым министрлігінің Биологиялық қауіпсіздік проблемаларының ғылыми-зерттеу институты өндірген.

2021 жылдың басынан бері ол ресейлік және қытайлық мамандар әзірлеген препараттармен қатар қазақстандықтарды вакциналау үшін қолданылады. QazVac 18 жастан асқан адамдарға салынады.

71
Кілт сөздер:
коронавирус, вакцина
Тақырып:
COVID-ке қарсы вакцина
ASHYQ қосымшасы

Вакцинадан кейін вирус жұқтырғандардың Ashyq-тағы статусы қалай өзгереді

74
Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады

НҰР-СҰЛТАН, 28 шілде – Sputnik. Вакцинаның екі дозасынан кейін коронавирус жұқтырған адам Ashyq қосымшасында 14 күн бойы "қызыл" статуспен тұрады. Бұл туралы денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды Sputnik Қазақстан тілшісі.

"Вакцинаның екі дозасын алғаннан кейін Ashyq-та "жасыл" статус беріледі. Егер вакцина салғызған адам коронавирус жұқтырса, оның статусы қалай өзгереді? Егер статус "қызылға" ауысса, оған "жасыл" статус қалай қайтарылады?", - деп сұрады журналист эпидемиологиялық ахуал туралы баспасөз мәслитында.

"Бізде жүйе интеграцияланған. Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады. "Қызыл" статус 14 күн бойы сақталады. Екі апта өткен соң, ол автоматты түрде "жасылға" ауысады. Өйткені адам бәрібір де вакциналанған болып саналады", - деп жауап берді Айжан Есмағамбетова.

Ол бүгінде вакцина салдырғандар арасында індетке шалдыққандар өте аз екенін атап өтті.

74
Тақырып:
COVID-ке қарсы вакцина
Архивтегі фото

Жүргізушілердің бір-біріне жол бермеуінің кесірінен әкелі-балалы жолаушылар көз жұмды

0
Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кеткен

НҰР-СҰЛТАН, 29 шілде – Sputnik. Қарағанды облысында жантүршігерлік жол апатынан әкелі-балалы көз жұмды. Трагедия жүргізушілердің бір-біріне жол бермеуінің кесірінен болған.

36 жастағы ер адам мен 10 жасар ұлы Lada Granta көлігінде жолаушы болып отырған, деп хабарлады КТК.

Ақтау ауылынан Теміртау қаласына бағыт алған жүргізуші жолда Howo жүк көлігімен соқтығысып, жолдың қапталына шығып кетеді. Қатты соққының салдарынан әкесі мен баласы сол арада тіл тартпай кетті. Ал Lada иесі ауруханаға жеткізілді.

Ақтауда жол апаты адам өмірін қиды: көлік ішінде түсірілген видео жарияланды

Howo-ны 34 жастағы жігіт тізгіндеген. Мәліметтерге қарағанда ол қарама-қарсы бағытта келе жатқан жеңіл көлікке жол бермей солға бұрып жіберген. Оқиғаның анық-қанығын полиция тергеп жатыр.   

0