Сот отырысы, архивтегі фото

Экс-министр Біртановты үйқамақта ұстау мерзіміне қатысты ақпарат шықты

1244
(Жаңартылды 17:07 14.07.2021)
Бұрынғы денсаулық сақтау министрі қызметтік өкілеттігін асыра пайдалану бойынша күдікке ілінді. Айыптаушы тараптың мәлімдемесі бойынша, Біртанов жұмыс істемейтін ақпараттық платформаны қабылдаған және санавиация ұшғанымен заңсыз ұшқан

НҰР-СҰЛТАН, 14 шілде — Sputnik. Елордадағы сот бұрынғы денсаулық сақтау министрі Елжан Біртановқа қатысты үйқамақта болу мерзімін кезекті рет созды, деп хабарлайды Sputnik Қазақстан тілшісі.

Сәрсенбі, 14 шілдеде сот бүгін аяқталуы керек үйқамақта ұстау мерзімін созу туралы мәселені қарады. Экс-министрге қатысты бұлтартпау шарасы туралы мәселе Нұр-Сұлтандағы мамандандырылған ауданаралық тергеу сотында қаралды.

Прокурор Санат Талқанбаев айтқандай, Біртанов ісі бойынша сотқа дейінгі тергеу 7 шілдеде аяқталып, танысып шығу үшін қылмыстық іс материалдары процеске қатысушыларға жолданды. Мемлекеттік айыптаушының сөзінше, іс бойынша жәбірленушілерге енді 133 томнан тұратын көлемді қылмыстық іспен танысуға тура келеді.

Осыған байланысты 14 шілдеге, яғни Біртановтың үйқамақта болу мерзімі аяқталатын күнге дейін қылмыстық іс материалдарымен танысуды аяқтау мүмкін болмады, деп мәлімдеді прокурор.

"Біртанов сот белгілеген шектеулерді бірнеше рет өрескел бұзғанын, ауыр сыбайлас жемқорлық қылмыс жасады деп  күдікке ілінгенін есепке ала отырып, соттан күдікті Елжан Біртановты үйқамақта ұстау мерзімін іс материалдарымен танысу мерзімі аяқталғанға дейін, яғни 2021 жылдың 14 қыркүйегіне дейін созуды сұраймын", - деді прокурор.

Біртановтың адвокаттары өз кезегінде үйқамақта болу мерзімін ұзартуға қарсы екендерін жеткізді. Судья Алмат Бабатов кеңесу бөлмесіне шығып, содан кейін өз шешімін жариялады.

"Судья күдікті Елжан Біртановты үйқамақта ұстау мерзімін іс материалдарымен танысу мерзімі аяқталғанға дейін, яғни 2021 жылдың 14 қыркүйегіне дейін созу туралы қаулы етеді", - деді судья Бабатов.

Оқи отырыңыз: Біртанов бюджет қаражатын жымқырмаған болып шықты

Судьяның пікірінше, Біртанов бостандықта болса, қылмыстық істі объективті тергеуге кедергі келтіруі (өз бетінше немесе сенім танытқан тұлғалар арқылы) немесе сот пен тергеуден жасырынуы мүмкін.

Біртановқа қандай айып тағылды

Елжан Біртанов 2020 жылдың 25 маусымында Қазақстанның денсаулық сақтау министрі қызметінен отставкаға кетті (ол 2017 жылдан бері осы қызметті атқарды). Экс-шенеуніктің ұсталғаны туралы қарашаның басында белгілі болды: сол айда Біртановты үйқамаққа алу туралы шыққан шешім күні бүгінге дейін созылып келеді.

Бастапқыда Біртанов мемлекет қаражатын жымқыру бойынша күдікке ілінді. Алайда сотқа дейінгі тергеу аяқталуына бес күн қалғанда бұл бап "Қызметтік өкілеттігін асыра пайдалануға" өзгертілді.

Қаржы мониторингі агенттігінің нұсқасы бойынша, Біртанов науқастар, дәрілер мен медициналық бұйымдар туралы мәліметтерді біріктіруі керек жұмысқа жарамсыз платформаны қабылдаған және пайдалануға берген. Қазір аталған платформа жұмыс істеп тұрған жоқ. Ал орындалмаған жұмыстар құны 4,1 миллион АҚШ долларын немесе 1,5 миллиард теңгені құрап отыр, деп хабарлады Қаржы мониторингі агенттігінде.

Сонымен қатар Біртановқа 2020 жылдың маусымында Тараздан Нұр-Сұлтанға жету үшін санавиация ұшағын заңсыз қолданғаны бойынша өзінің қызметтік өкілеттігін асыра пайдаланды деген айып тағылды.

1244
Антиваксерлер шенеуніктерге тап берді

Нұр-Сұлтанда бір топ әйел шенеуніктерге тап берді оқиға немен аяқталды

170
Әйелдер денсаулық сақтау министрлігінің қызметкерлеріне былапыт сөздер айтып, жұдырық ала жүгірді

НҰР-СҰЛТАН, 24 шілде – Sputnik. Министрліктер үйіндегі бұзақылығы үшін алты әйел 70 мың теңгеден астам айыппұл төлейді. Бұл туралы Нұр-Сұлтан полиция департаментінің баспасөз қызметі хабарлады.

Полицияның ақпаратынша, 19 шілдеде ашулы әйелдер министрліктер үйінің ғимаратына баса-көктеп кірмек болды.  

Олар тәртіп сақшыларына тіл тигізіп, қол-аяғымен ұрып, денсаулық сақтау министрлігінің қызметкерлері мен күзетшілерге су шашқан.

"Министрліктің жауапты қызметкерлері диалог құрып, проблемаларын түсініп, оның шешімін табуға тырысқанда, әйелдер оларға балағат сөздер айтып, жұдырық ала жүгірген, беттерінен ұрып, киімін тартып жұлқылаған", - деп мәлімдеді департаменттегілер.

Тағы оқыңыз: Антиваксерлер шенеуніктерге тап берді: Цой әйелдермен кездесуге неге шықпады

Бұзақылық әрекеттері үшін алты әйел әкімшілік жауапқа тартылды: олардың әрбіріне 25 АЕК (72 925 теңге) айыппұл салынды. Полиция наразы әйелдер министрлікке қандай талаппен келгенін нақтылаған жоқ.

Посмотреть эту публикацию в Instagram

Публикация от Sputnik Казахстан (@sputniknewskz)

Бұған дейін әлеуметтік желіде бір топ ата-ананың денсаулық сақтау министрлігінің ғимаратына кірмек болғаны түсіп қалған видео жарияланды. Әйелдер мен ведомство күзетшілері арасында жанжал шықты.

170
Кілт сөздер:
вакцина, денсаулық сақтау министрлігі
Алматы

Алматыда неге локдаун енгізілмейді Бекшиннің жауабы

100
Баспасөз мәслихатында Алматының бас санитар дәрігері жаңа қаулыға байланысты мегаполис нысандарын қандай өзгерістер күтіп тұрғанын түсіндірді

НҰР-СҰЛТАН, 24 шілде – Sputnik. Алматының бас санитар дәрігері Жандарбек Бекшин жергілікті ауруханалар мен дәрігерлердің коронавирустың қазіргі таралу деңгейіне дайындығы туралы айтты.

"Өткен жыл ішінде біз денсаулық сақтау инфрақұрылымын, төсек-орынды дайындап қойдық, дәрімен қамтамасыз еттік. Бүгінде дәрі-дәрмек, жеке қорғаныш құралдары бойынша мәселе жоқ. Яғни инфрақұрылым дайын, тіпті мың жағдай тіркелсе де, оның шамасы жетеді", - деді Бекшин сенбі өткен баспасөз мәслихатында.

Тағы оқыңыз: Алматыда карантин күшейтілді – Бекшин себебін түсіндірді

Оның айтуынша, денсаулық сақтау жүйесі коронавирусқа қарсы күреске дайын. 

"Бізде науқастарды жатқызу, жедел жәрдем жұмысына қатысты проблема жоқ. Амбулаторлық-емханалық қызмет реттелген, барлық қызмет тиімді жұмыс істеп жатыр", - деді Бекшин.

100
Кілт сөздер:
коронавирус, Жандарбек Бекшин, Алматы
Тақырып:
Коронавирус эпидемиясы
Тақырып бойынша
Алматыда коронавирусты қасақана жұқтырмақ болғандар қашып құтыла алмады
Алматыда карантин күшейтіледі
Стенд компании Еврокоптер группы АО НК Казахстан инжиниринг

Қазақстан халықаралық көрмеде алғашқы отандық дронды таныстырды

0
Бұған дейін Қазақстанның авиация индустриясы өкілдері авиасалонға көрермен ретінде қатысып келді. Осы жылы тұңғыш рет олар өз стендін таныстырды

НҰР-СҰЛТАН, 24 шілде – Sputnik, Мария Науменко. Осы жылы Қазақстан халықаралық авиация-ғарыш салоны шарасында серіктес мемлекет болды. Мәскеу маңындағы Жуков қаласында республика атынан авиация және ғарыш өнеркәсібінің үлкен павильоны таныстырылды.

Sputnik тілшісі павильонда болып, қазақстандық компаниялар Ресейдегі көрмеде қандай техниканы таныстырғанын және Ресей Федерациясымен бірлесіп қандай жобаны жүзеге асырып жатқанын біліп қайтты.

Ғарыш саласындағы ынтымақтастық

Ресей авиақұрылыс пен ғарыш саласында Қазақстанмен өзара әрекеттестікті дамытады. Бұл туралы ХАҒС-2021 Халықаралық авиация-ғарыш салоны ашылуы кезінде РФ президенті Владимир Путин мәлімдеді.

"Біз авиақұрылыс сынды жоғары технологиялық салада қазақстандық әріптестерімізбен және Еуразиялық экономикалық одақ бойынша серіктестерімізбен өзара әрекеттестікті дамытуды көздеп отырмыз. Біздің кәсіпорындар бірқатар перспективалы жобаны жүзеге асырып жатыр. Мысалы, Қазақстанда МИ тобындағы тікұшақтар құрастырылып жатыр, "Роскосмос" желісі бойынша бірлескен "Бәйтерек" жобасы ілгерілетілуде. Экологиялық таза зымыран тасымалдағыш көмегімен "Байқоңыр" ғарыш айлағынан ғарыш аппараттарын ұшыруға арналған ұйымдастырушылық-техникалық құрылымды дайындау аталған жобаның мақсаты болады", - деді Ресей президенті.

Стенды казахстанских компаний в национальном павильоне на МАКС-2021
© Photo : Пресс-служба АО НК "Казахстан Инжиниринг"
ХАҒС-2021 көрмесінде ұлттық павильондағы қазақстандық компаниялардың стенді

Авиасалон аясында Қазақстанның цифрлық даму, инновациялар және аэроғарыш өнеркәсібі министрлігінің аэроғарыш комитеті Нұр-Сұлтанда құрастырылған Ғарыш аппаратын құрастыру-сынау кешені (ҒАҚСК) мен "Союз-5" зымыран тасымалдағыш макетін ұсынды.

Ғарыш аппаратын құрастыру-сынау кешені алты тоннаға дейінгі ғарыш аппараттары мен олардың компоненттерін жобалау, дайындау, құрастыру және сынауға арналған технологиялық және өндірістік база болып саналады.

Қазақстандық "Байкал"

"Байкал" жеңіл көп мақсатты ұшағын дайындау жобасындағы Қазақстан-Ресей кооперациясы ХАҒС-2021 көрмесіндегі басты оқиғаның біріне айналды. Болашақта "Байкал" ескірген Ан-2 ұшағын алмастыруы керек.

Қазақстандық тарап аталған жобаға 1 миллиард рубль көлемінде инвестиция салды. Есесіне Қазақстан жобадағы миноритарлы үлеске (акциялардың бақылаушы емес пакеті) және сол ұшақтардың өндірісіне арналған лицензияға ие болады.

"Қазір ғылыми-зерттеу тәжірибелік-конструкторлық жұмыстар жүріп жатыр. Сондай-ақ осы жобаны қаржыландыруға қатысып отырмыз. Алайда "Орал азаматтық авиация зауыты" АҚ-мен арадағы келісімшарт бойынша ұшақтың лицензиялық өндірісін Қазақстанда ұйымдастыруды жоспарлап отырмыз", - деді "Қазақстанның авиация индустриясы" ЖШС маркетинг бөлімінің басшысы Игорь Сыздықов.

Қазақстанның авиация индустриясындағы ұшақтардың толыққанды өндірісі 2024 жылы басталуы керек. Мамандар кәсіпорын қуаты жылына 50-30 ұшақ дайындауға мүмкіндік береді деп санайды. Сондай-ақ Қазақстан басқа мемлекеттер үшін "Байкалдың" экспорттық нұсқасын да шығара алады.

Игорь Сыздықов Қазақстан ресейлік тараптың ұсынысымен ХАҒС-2021 серіктесі атанғанын атап өтті. Бұған дейінгі жылдары Қазақстанның авиация индустриясы өкілдері авиасалонға көрермен ретінде қатысып келді. Осы жылы тұңғыш рет олар өз стендін таныстырды.

Модель пилотской кабины на стенде казахстанской компании на МАКС-2021
© Photo : Пресс-служба АО НК "Казахстан Инжиниринг"
ХАҒС-2021 көрмесінде қазақстандық компаниялар стендіндегі пилоттық кабинаның моделі

Сонымен қатар Қазақстандағы кәсіпорында Су-30СМ ұшақтарын жөндеу бойынша компанияның ресейлік "Иркут" авиақұрылыс корпорациясымен бірлескен жобасы бар.

"Біз ұшақтардың алғашқы жөндеуін 2025 жылы бастауды жоспарлап отырмыз. Қазір өндіріске дайындалып жатырмыз. Авиасалон аясында ресейлік серіктестермен кейбір мәселелерді нақтылауды жоспарлап отырмыз. Бізде Су-30СМ ұшақтарына техникалық қызмет көрсету және күрделі жөндеу жүргізу, мамандарды даярлау бойынша келісімшарт бар", - деді Sputnik агенттігіне сұхбат берген қазақстандық тарап өкілі.

Тікұшақ және пилотсыз ұшу аппараты

"Еурокоптер Қазақстан Инжиниринг" ЖШС Халықаралық авиация-ғарыш салонында ЕС-145 жаңа тікұшағының макетін таныстырды. Кәсіпорын сондай-ақ Н-145 қос қозғалтқышты тікұшағы, Н-130 бен Н-125 бір қозғалтқышты тікұшақтарының ірі торапты құрастыруы, оларға техникалық қызмет көрсету және жөндеуді жүзеге асырып, ұшу-техникалық құрамды даярлайды.

"Жақында біз Мәскеу авиация орталығы үшін ЕС-145 тікұшағын қалпына келтіруді қамтитын жөндеу бойынша Ресеймен ірі жобаны аяқтадық. Тікұшақ төтенше жағдайлар министрлігінің қажеттілігі үшін қолданылады", - деді "Еурокоптер Қазақстан Инжиниринг" ЖШС коммерциялық директоры Александр Савельев.

Сонымен қатар Қазақстан салон барысында өзінің алғашқы пилотсыз ұшатын әуе нысанының имитаторын таныстырды. Дрон құрлықтағы әскердегі әуедегі шабуылға қарсы қорғанысқа зенитші атқыштарды үйретуге арналған.

Тамыз-қыркүйекте аталған пилотсыз ұшатын аппарат соңғы әскери сынақтан өтіп, 2022 жылы Қазақстан Республикасындағы құрлықтағы әскер қарулануына қабылдануы керек.

Гендиректор АО 811 Авторемонтный завод КИ Рамиль Баязитов
© Sputnik / Мария Науменко
"Қазақстан инжиниринг - 811 автожөндеу зауыты" АҚ бас директоры Рамиль Баязитов

"Біздің пилотсыз ұшатын техника шетелдік аналогтардан әлдеқайда арзан және Қазақстанның қатал ауа райына, яғни жойқын желге, аязды қысына және аптап ыстық жазына төзімді", - деді Sputnik тілшісіне "Қазақстан инжиниринг - 811 автожөндеу зауыты" АҚ бас директоры Рамиль Баязитов.

Бұған дейін Қазақстанның қорғаныс министрлігі дрондарды тек шетелден, атап айтсақ, Ресей, Беларусь және Израильден сатып алатын. Енді республика жылына 10 данаға дейін пилотсыз ұшу аппаратын шығара алады.

Жуков қаласындағы Халықаралық авиация-ғарыш салоны авиа-ғарыш саласындағы жетістіктер мен техникаларды таныстыруға арналған әлемдегі ең ірі көрменің бірі. ХАҒС-2021 көрмесіне 140 мыңнан астам маман, сондай-ақ 570 мыңнан астам көрермен мен қонақ қатысты. Салон жұмысы 25 шілдеде аяқталады.

Sputnik агенттігі – авиасалонның ресми ақпараттық серіктесі.

Халықаралық авиация-ғарыш салонында қазақстандық павильонда авиация техникасы мен жабдығын дайындауға мамандандырылған мына жетекші кәсіпорындар өнімі таныстырылды: "Қазақстанның авиация индустриясы" ЖШС, "Еурокоптер Қазақстан инжиниринг" ЖШС, "Қазақстан Аселсан инжиниринг" ЖШС, "Қазақстан Ғарыш Сапары" ҰК" АҚ, "Байтерек" БК" АҚ, "Тыныс" АҚ, "№405 авиажөндеу жұмысы" АҚ, "811 автожөндеу зауыты", "Қазаэронавигация" РМК және басқалар.

0