Зертхана қызметкері, көрнекі фото

"Вакцина алғандар 2 жылдан кейін қайтыс болады": әлеуметтік желіде жалған ақпарат тарады

20198
(Жаңартылды 20:36 14.07.2021)
Әр адам ресми ақпаратты қолданып, шешім қабылдағаны жөн, дейді маман

АЛМАТЫ, 14 шілде – Sputnik. Денсаулық сақтау министрлігі маманы Манар Смағұл вакцинаға қатысты бірқатар сауалға жауап берді. Оның ішінде коронавирусқа қарсы вакцина салдырған адам 2 жылдан кейін қайтыс болады деген қауесеттің шындыққа жанаспайтынын жеткізді.

"Вакцина салдыру туралы ойланып жүрген адам көп. Ал осындай фейк ақпарат соған кері әсерін тигізеді. Вакцинацияны денсаулық сақтау саласында бірінші жыл қолданып отырған жоқпыз. Балаларға қызылша, қызамық, пневмококқа қарсы вакцина салынады, ол өзінің тиімдігін көрсеткен. Коронавирус вакцинасына тоқталсақ, мұның қолданылып жатқанына жарты жылдай болды. Сол себепті екі жылда өлім-жітім болады деген – фейк. Оған нақты деректер жоқ. Қайтадан ревакцинация жүргізу керек пе, жоқ па – зерттеліп жатқан дүние", - дейді қоғамдық денсаулық сақтау ұлттық орталығының санитариялық-эпидемиологиялық сараптама және мониторинг ғылыми-практикалық орталығы филиалы директорының орынбасары Манар Смағұл.

Оның сөзінше, вакцина салдырған адамдар арасында науқастанғандардың санының аз болуы – ақпараттың жалған екенінің бір дәлелі.

"Коронавирус жұқтырғаннан кейін (вакцина салдырғанмен салыстырғанда – Sputnik) бір-екі апта ішінде өліп кету мүмкіндігі жоғары. Сол себепті әр адам ресми ақпаратты қолданып, шешім қабылдағаны жөн", - дейді маман.

Сонымен қатар Манар Смағұл вакцинаның бірінші бөлігін алғаннан кейін коронавирус жұқтырған науқастарға қанша уақыттан кейін екінші бөлігін салдыру қажет екенін айтты.

Оқи отырыңыз: 4 өңірде карантин күшейтіледі – комиссия шешім қабылдады

"Коронавирусқа қарсы вакцина салдырғаннан кейін науқастанған адамдар бар. Мұндай жағдайда коронавирустан сауыққанша оған вакцина салынбайды. Аурудан жазылған соң 6 ай өткеннен кейін дәрігердің кеңесінен кейін екінші бөлігін алуы мүмкін. Бұл аралық 3 айға дейді қысқартылды, шешімді әр адам дәрігермен кеңесе отырып қабылдайды", - деп атап өтті ол.

Азамат вакцинаның бір бөлігін бір аймақта салдырып, басқа елді мекенге көшкен жағдайда екінші бөлігін сол жерде салдыра алады.

"Қазақстан бойынша бірінші бөлігін Алматыда алса, екіншісін салдыру қажет кезде басқа жақта болса, сол жақта салдыра алады. Себебі ақпараттық жүйе ортақ. Ал шетелге кетсе, елге оралған соң алады", - дейді Манар Смағұл.

20198
Кілт сөздер:
коронавирус, вакцина, қауесет, әлеуметтік желілер
Тақырып:
Коронавирус эпидемиясы (2540)
Тақырып бойынша
Жұмыс беруші вакцина салдырмаған қызметкерді жұмыстан шығаруға құқылы ма
Қазнетте мұғалімнің атынан жалған хабарлама тарады
Денсаулық министрлігі өткен тәулікте қанша адамның қайтыс болғанын жариялады
15 шілдеден бастап міндетті вакцинация тексеріле ме – министрлік жауап берді
Жансақтау бөлімі толы: елорда дәрігерлері ауруханадағы жағдайды көрсетті – видео
LinkedIn

Қазақстанда LinkedIn әлеуметтік желісі бұғатталды

36
Шектеу әлеуметтік желіде жалған аккаунттардың көбеюімен және республика аумағында тыйым салынған интернет-казиноны жарнамалаумен байланысты

НҰР-СҰЛТАН, 27 шілде – Sputnik. Қазақстанда іскерлік байланыстарды іздеу және орнатуға арналған LinkedIn әлеуметтік желісі бұғатталды.

Желі қолданушылары 26 шілде кешке сайтқа кіре алмай жатқанын айтып шағымдана бастады.

Ақпарат және қоғамдық даму министрлігі LinkedIn желісіне қолжетімділік ресурс тарапынан болған заңбұзушылықтарға байланысты шектелгенін түсіндірді.

"Мониторинг барысында LinkedIn интернет-ресурсында бірқатар заңбұзушылық анықталды. Интернет-казино жарнамаланып, нақты адамдардың атынан фейк аккаунттар ашылған. Айта кетсек, мұндай материалдарды орналастыру Қазақстанның заңнамасына ғана емес, LinkedIn ресурсының ішкі ережелеріне де қайшы келеді", - деп мәлімдеді министрліктегілер.

Ведомство ақпаратынша, LinkedIn-нің пайдаланушы келісімінде қатысушылар жариялайтын ақпарат шынайы және заңды болуға, үшінші тарапқа тиесілі құқықтарды бұзбауға тиіс екені көрсетілген.

Бұған қоса, интернет-ресурстың жарнама орналастыру ережелерінде қолданушының жалған ақпарат ұсынуына немесе жаңылыстыруға, сондай-ақ құмар ойындар жарнамасына тыйым салынған.

Тағы оқыңыз: Интернет алаяқтардан қалай қорғану керек – пайдалы кеңес

"Осыған байланысты министрлік "Байланыс туралы" заңның 41-1-бабы 3-1-тармағына сәйкес LinkedIn интернет-ресурсының әкімшілігіне анықталған заңбұзушылықтарды жою және тиісті материалдарды өшіру бойынша шаралар қабылдау талабымен хабарлама жолдады. Алайда, өкінішке қарай, LinkedIn әкімшілігі тарапынан заңбұзушылықтарды жоюға қатысты шара қабылданған жоқ", -деп түсіндірді ақпарат министрлігінің баспасөз қызметі.

Заңбұзушылықтар жойылған жағдайда Қазақстан аумағында LinkedIn желісі қайта ашылады.

Айта кетсек, 2018 жылдың қазанында ақпарат министрлігі азаматтарға LinkedIn әлеуметтік желісі арқылы ақпарат жіберумен байланысты алаяқтық фактілері жиілеп кеткенін ескертті.

Бүгінде LinkedIn желісіне 500 миллионнан астам қолданушы тіркелген, сайт 24 тілде жұмыс істейді. 2016 жылдың маусымында Microsoft компаниясы сайтты 26,2 миллиард долларға сатып алды. 2016 жылдың тамызынан бастап LinkedIn ресейлік қолданушылардың жеке деректерін сақтау ережелерін бұзғаны үшін Ресей аумағында бұғатталды.

36
Кілт сөздер:
бұғаттау, әлеуметтік желілер
Тақырып бойынша
Қазақстанда Ресейдің кітап сататын интернет-дүкені бұғатталды
YouTube ресейлік БАҚ-ты неге бұғаттады
Қостанайлықтың телефонын жиі қоңырау шалғаны үшін бұғаттап тастады
Twitter ұйғырлар туралы жазбадан кейін Қытай елшілігі парақшасын бұғаттады
Президент Қасым-Жомарт Тоқаев

Тоқаев екі министрлікті қайта құрды

2370
(Жаңартылды 13:14 27.07.2021)
Қасым-Жомарт Тоқаев мемлекеттік басқару жүйесін одан әрі жетілдіру жөніндегі шаралар туралы жарлыққа қол қойды

НҰР-СҰЛТАН, 27 шілде – Sputnik. Ішкі істер министрлігінің бірқатар өкілеттігі еңбек және денсаулық сақтау министрліктеріне беріліп, олар қайта ұйымдастырылды.

Мемлекеттік басқару жүйесін одан әрі жетілдіру жөніндегі шаралар туралы жарлыққа Қазақстан президенті Қасым-Жомарт Тоқаев қол қойды.

Құжатқа сәйкес, ішкі істер министрлігінің халықтың көші-қоны саласындағы, сондай-ақ босқындар мәселелері жөніндегі функциялары мен өкілеттіктері 2022 жылғы 1 қаңтардан бастап еңбек және халықты әлеуметтік қорғау министрлігіне беріледі.

Бұл ретте заңсыз көшіп келудің жолын кесу, заңсыз көшіп келушілердің реадмиссиясы, Қазақстаннан кетуге және Қазақстанға келуге визалар беру, халықты және азаматтықты құжаттандыру жөніндегі функциялар мен өкілеттіктер сол күйі ішкі істер министрлігінде қалады.

Сондай-ақ ішкі істер министрлігінің медициналық қамтамасыз ету саласындағы мемлекеттік саясатты үйлестіру жөніндегі функциялары мен өкілеттіктері денсаулық сақтау министрлігіне өтті.

Атап айтқанда:

  • 2022 жылдың 1 шілдесінен бастап қылмыстық-атқару жүйесінің тергеу изоляторларында ұсталатын адамдарға қатысты;
  • 2023 жылдың 1 қаңтардан бастап қылмыстық-атқару жүйесінің мекемелерінде ұсталатын адамдарға қатысты.

Президент үкіметке қайта ұйымдастырылатын мемлекеттік органдар мен оларға бағынысты ұйымдар арасында штат санын қайта бөлуді тапсырды.

Тағы оқыңыз: Түрмелердегі кей қызмет денсаулық сақтау министрлігіне беріледі

Жарлық қол қойылған күнінен бастап қолданысқа енгізіледі.

Бұған дейін ІІМ қылмыстық-атқару жүйесіндегі медициналық қамтамасыз ету денсаулық сақтау министрлігінің қарамағына берілетінін хабарлады.

Министрліктің мәлімдеуінше, бұл өзгеріс зерттеудің, диагностиканың және емдеудің қазіргі заманғы әдістеріне кеңінен қол жеткізуіне мүмкіндік береді. Сондай-ақ медицина қызметкерлері мекеменің әкімшілігіне тәуелді болмайды. Бұл заңсыз әрекеттерді жасыруға жол бермейді.

2370
Кілт сөздер:
министрлік, жарлық, Қасым-Жомарт Тоқаев
Тақырып бойынша
Тоқаев облыстардың бірінің әкімшілік-аумақтық құрылысына өзгеріс енгізді
Тоқаев Көкшетауға жұмыс сапарымен барды
Жедел жәрдем көлігі

Біреуі қайтыс болды Алматыда бір топ адам уланды

72
(Жаңартылды 15:49 27.07.2021)
Алматы қаласы санитарлық-эпидемиологиялық бақылау департаменті басшысының орынбасары оқиғаға қатысты түсініктеме берді

АЛМАТЫ, 27 шілде – Sputnik. Алматының "Демеу" әлеуметтік қызмет көрсету орталығында жаппай улану болып, бір адам қайтыс болды, деп хабарлайды Sputnik Қазақстан.

Алматы қаласы санитарлық-эпидемиологиялық бақылау департаменті басшысының орынбасары Сәдуақас Байғабылов оқиғаға қатысты түсініктеме берді. Оның айтуынша, 24 шілдеде 63 адам нәжіс бұзылуына байланысты шағым айтқан. 

Сөзінше, симптоматикалық емнен кейін түскі асқа қарай пациенттердің жағдайы жақсарған. Сол күні кешке жағдайы тұрақтанды.

Орталықтың хабарлауынша, олардың шағымы жоқ.

Ал қайтыс болған адамға бұған дейін екі рет операция жасалғаны анықталды.

"Жүрек-қантамыр жүйесі мен бүйрек созылмалы аурулары болған науқас қайтыс болды. Өлімнің себебі сот-медициналық сараптама жүргізілгеннен кейін анықталады", - деп түйіндеді Байғабылов.

72
Тақырып бойынша
Алматыда бес баласы бар отбасы қоғамдық моншада уланды
Эвакуациялау оңай болған жоқ: Өскеменде көп қабатты үйдің тұрғындары уланды
Алматыда демалыс күндері 40-қа жуық нысан карантинді бұзды
Талғарда төрт бала иіс тиіп уланды
Алматыда пәтер тонауды кәсіп еткен қылмыстық топ ұсталды