Тамара Асар

"Көзбен бағындырады": Тамара Асар жұбайы туралы айтып берді

2126
(Жаңартылды 15:36 15.07.2021)
Әнші сондай-ақ тұрмыс құрғанын не себепті бірден жарияламағанын түсіндірді

АЛМАТЫ, 15 шілде – Sputnik. Жақында желіде әнші Тамара Асардың тұрмыс құрғаны жайлы ақпарат тарады. Соған байланысты әнші жеке парақшасында жазба жариялап, құттықтау жолдап жатқан тыңдармандарына алғыс айтты.

Тамара Асар тұрмыс құрғанын не себепті бірден жарияламағанын да түсіндірді.

"Адамның бақыты өз жүрегінде, ой-сезімінде. Отбасы, ошақ қасында. Ауылдағы анамыз біз үйленген кезде, "бақытты өз бойларыңа әбден сіңдіріп алып, кештеу жариялаңдар", - деді. Сосын хабарлауды кейінге қалдырғанбыз...", - деп жазды әнші.

Сондай-ақ тұрмыс құрған ер азаматы туралы айтты.

Посмотреть эту публикацию в Instagram

Публикация от Тамара Асар (@tamara_assar_official)

"Темірден түйін түйген, еңбекқор, ата-бабасы Ресейде туған, өз ата-анасы бақилық болған, өзі өмір көрген, мені көзбен бағындырып, іспен сағындыратын, болмысымды құрмет тұтатын Жұмаш деген өзіммен құрдас кәсіпкер азамат маған үйленді. Өзім де іштей "мендей келіншек дәл осы азаматтың шәйін қайнатып, отын тұтатуы керек" деген ойға тоқтадым", - дейді ол.

Оқи отырыңыз: Актриса Сая Оразғалиева тұрмысқа шықты

"Алламыздың қалауымен, әкеміздің батасымен, шешеміздің рұқсатымен, екеуміздің "биссиміллә" нар тәуекел шешімімізбен бұйырымыс осылай болды. Құрметті оқырмандар, достар, әріптестер, туыстар, жаудырған жақсы тілектеріңізге рақмет", - деп түйіндеді әнші.

Айта кетейік, бұған дейін әнші Айгүл Елшібаева әлеуметтік желідегі парақшасында Тамара Асардың күйеуімен бірге түскен фотосын жариялады.

Посмотреть эту публикацию в Instagram

Публикация от Айгүл Елшібаева🌏 (@aigulyelshibayeva01)

2126
Кілт сөздер:
той, әншілер
Архивтегі фото

Жеті жарым мыңға жуық науқас тіркелді ковид рекорды тағы жаңарды

116
Нұр-Сұлтанда 1 571, Алматыда 1450, Қарағанды ​​облысында 1011 адам коронавирус инфекциясын жұқтырған

НҰР-СҰЛТАН, 29 шілде – Sputnik. Қазақстанда өткен тәулікте 7 479 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бір күн бұрын 6 925 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1571,
  • Алматы қаласы - 1450,
  • Шымкент қаласы - 445,
  • Ақмола облысы - 238,
  • Ақтөбе облысы - 230,
  • Алматы облысы - 270,
  • Атырау облысы - 424,
  • Шығыс Қазақстан облысы - 298,
  • Жамбыл облысы - 197,
  • Батыс Қазақстан облысы - 198,
  • Қарағанды облысы - 1011,
  • Қостанай облысы - 224,
  • Қызылорда облысы - 175,
  • Маңғыстау облысы - 220,
  • Павлодар облысы - 251,
  • Солтүстік Қазақстан облысы - 145,
  • Түркістан облысы - 132.

Жалпы ел бойынша ауырғандар саны – 557 107.

 

116
Тақырып:
Коронавирус эпидемиясы
Картофельная запеканка

Дәрігер COVID-тен жазылғаннан кейін қалай тамақтану керектігін айтты

28
(Жаңартылды 08:40 29.07.2021)
Рационда сүт, балық, жұмыртқа, ет сияқты ақуыз көзі, сондай-ақ маусымдық жемістер мен көкөністер болуы керек

НҰР-СҰЛТАН, 29 шілде – Sputnik. Диета коронавирус инфекциясынан кейін ағзаны тез қалпына келтіруге көмектеседі.

Ресейлік эндокринолог дәрігер Юргита Вараеваның айтуынша, әркелкі тамақтану COVID-19 індетінен кейін қалыпқа келу процесінде маңызды рөл атқарады. Тағамның калориясы өте жоғары болғаны жөн: тәулігіне дене салмағының килограмына 20-30 килокалория қажет.

Оқи отырыңыз: Адам ерте қартаяды – коронавирустың тағы бір қауіпті әсері анықталды 

Сондай-ақ, маманның айтуынша, бұлшықеттің семуімен күресу үшін рационда ақуыз жеткілікті мөлшерде болуы қажет.

"Рационға бүйректің жай-күйін ескере отырып, бұлшықет тіндерінің семуімен күресу үшін дене салмағының килограмына 1,2-ден екі грамға дейін ақуыз қосу керек. Сүт, ашымал сүт өнімдері, йогурт, сүзбе, балық, жұмыртқа, құс еті, ет  (шұжық өнімдері мен сосиска кірмейді), бұршақ, үрмебұршақ (фасоль), соя өнімдерімен күніне кем дегенде үш-төрт порция мөлшерінде тамақтанған жөн", - деді Вараева Sputnik радиосына берген сұхбатында.

Адамның рационы неғұрлым әркелкі болған сайын, соғұрлым көп қажетті қоректік заттарды ала алады, деп толықтырды дәрігер.

"Соның ішінде маусымдық жемістер мен көкөністерге назар аударған жөн, күн сайын кем дегенде бес порция (бір порцияға шамамен 80 грамм) тұтыну қажет", - деді Вараева.

Дәрігер сонымен қатар тұрақты түрде тамақтану керектігін атап өтті.

"Кем дегенде үш рет толық тамақтанып, бір-үш рет жүрек жалғап алу маңызды. Орташа мөлшерде, бірақ жиі және тұрақты тамақтанған дұрыс", - деп кеңес берді сарапшы.

Әрине, дұрыс тамақтанудың негізгі қағидалары ешқашан өзгермейді: түнде ас ішпеңіз, соңғы рет ұйқыға жатарға дейін екі-төрт сағат бұрын тамақтанған жөн.  

28
Кілт сөздер:
дұрыс тамақтану, тамақ, коронавирус
Қамшыбек Қоңқабаев

Токио Олимпиадасы: 29 шілдеде қазақстандықтар қандай жарыстарға қатысады

0
(Жаңартылды 09:18 29.07.2021)
Теннисші Елена Рыбакина финалға шығу үшін маңызды ойын өткізеді. Сонымен қатар бүгін еліміздің туын көтеріп шыққан Қамшыбек Қоңқабаев жұдырықтасады

НҰР-СҰЛТАН, 29 шілде – Sputnik. Олимпиадада қазақстандықтардың қатысуымен өтетін жарыстардың кестесін ұсынамыз.

8.30-да су полосынан Қазақстан - Испания матчы басталды (ерлер, топтық кезең).

8.40-та академиялық ескек есу басталды, оған біздің Владислав Яковлев қатысып жатыр.

12.00-де Елена Рыбакина әлемнің 12-ракеткасымен финалға шығу үшін күш сынасады.  

14.15-те боксшы Әбілхан Аманқұлдың  жекпе-жегі өтеді (1/8 финал, 75 келіге дейін).

15.51-де рингке ту ұстаушы Қамшыбек Қоңқабаев шығады (91 келіден жоғары).

14.18-де Ильфат Абдуллин садақ атудан өнер көрсетеді.

0
Кілт сөздер:
матчтар кестесі, олимпиада
Тақырып:
Токио Олимпиадасы