Жанармай станциясы, архивтегі фото

Бәсекелестікті қорғау агенттігі дизельді отын қымбатшылығын ауыздықтауға уәде берді

136
Қазақстанның өңірлерінде дизель отынына баға мамырдан бастап өскен

НҰР-СҰЛТАН, 16 шілде — Sputnik. Елімізде бірнеше жанармай құю станциялары дизель отынына бағаны төмендетеді. Бәсекелестікті қорғау және дамыту агенттігі жүргізілген талдау қорытындысы бойынша дизель отыны бағасының өсуі алыпсатарлық сипатқа ие екенін анықтады.

Бұған дейін мамыр айынан бастап еліміздің оңтүстігінде дизель отынына бағаның өскені туралы хабарланған болатын.

"Осыған байланысты, 19 жанармай құю станцияларына дизель отынына бағаны төмендету арқылы сөз байласу белгілерін жою қажеттілігі туралы хабарлама жіберілді. Хабарламаны орындау мерзімі оны алған күннен бастап күнтізбелік 30 күнді құрайды. Хабарламаны орындамау монополияға қарсы тергеу жүргізуге негіз болады", - делінген хабарламада.

Бұл хабарламаны нарық субъектілерінің көпшілігі мерзімінен бұрын орындады және бағаны төмендетуге дайын екенін хабарлады.

Нұр-Сұлтан, Алматы, Шымкент қалалары мен Қызылорда, Жамбыл, Түркістан, Алматы облыстарында әр литр бағасы 2-ден 5 теңгеге дейін төмендетілді.   

Оқи отырыңыз: Министр картоп пен сәбіз қашан арзандайтынын айтты

Сондай-ақ, Qazaq Oil, Gas Energy бағаның оңтүстікте ғана емес, еліміздің басқа да бірқатар өңірлерінде төмендегені туралы хабарлады. Ал Гелиос және Sinooil-ға жіберілген хабарламаларды орындау мерзімі әлі бар. Сонымен қатар осы жылдың 1 шілдесінен бастап дизель отынына акциз бағасы тоннасына 540 теңгеден 9 мың 300 теңгеге дейін көтерілгенін атап өту қажет, бұл фактор кейін бағаға әсер етуі мүмкін.

136
Кілт сөздер:
қымбатшылық, дизельді отын, жанармай, Қазақстан, баға
Тақырып бойынша
Доллардың қымбаттауы халық күнкөрісіне қалай әсер етеді - сарапшылар пікір білдірді
"7% қосып еді, бәрі қымбаттады": Ақтөбеде азық-түлік бағасы шарықтап кетті
Сұлтанов азық-түлік қымбаттауының алдын алу жолын атады
Бір жылда әр отбасы дәрі-дәрмекке қанша қаражат жұмсайды
Министр картоп пен сәбіз қашан арзандайтынын айтты
Оқушылар

Жаңа оқу жылындағы каникул: оқушылар қанша күн демалады

2
(Жаңартылды 11:22 04.08.2021)
2021-2022 оқу жылы әдеттегідей бірінші қыркүйекте басталады

НҰР-СҰЛТАН, 4 тамыз – Sputnik. Қазақстанда жаңа оқу жылының басталуы мен каникул датасы бекітілді.

Бұйрыққа білім және ғылым министрі Асхат Аймағамбетов қол қойды.

Құжатта 2021-2022 оқу жылының басталуы, ұзақтығы және каникул кезеңдерінің мерзімдері айқындалды.

  • 2021-2022 оқу жылының басталуы – 2021 жылдың 1 қыркүйегі;
  • оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);

1-сыныптарда: қосымша каникул – 7 күн (2022 жылдың 7-13 ақпаны аралығында).

Тағы оқыңыз: Мектеп формасы міндетті бола ма – Аймағамбетов мәлімдеме жасады

Бұйрық 2021 жылдың 9 тамызынан күшіне енеді.

2
Кілт сөздер:
оқушылар, каникул
Тақырып бойынша
Министрлік қыркүйектен бастап оқушылар қашықтан оқиды дегенді жоққа шығарды
Қыркүйекте оқушылар мектепке бара ма – Аймағамбетов жауап берді
Мұғалімдер мен оқушылар теракт кезінде не істеу керектігін үйренеді
Оқушылар 1 қыркүйектен бастап мектепке барып оқиды
мектеп формасы

Кәсіпкерлер министр Аймағамбетовтің шешіміне наразылық білдірді

23
(Жаңартылды 10:55 04.08.2021)
Елдегі эпидемиологиялық жағдайға байланысты білім министрлігі жаңа оқу жылында балаларға классикалық стильдегі киім киюге рұқсат бермек

НҰР-СҰЛТАН, 4 тамыз – Sputnik. Жаңа оқу жылында мектеп формасына талап қойылмайды. Оқушылар классикалық үлгідегі киіммен мектепке бара алады. Алайда кәсіпкерлер министрдің осы бір шешіміне үзілді-кесілді қарсы, деп хабарлайды КТК арнасы.

Күні кеше білім және ғылым министрі Асхат Аймағамбетов жаңа оқу жылында балаларға тағы классикалық стильдегі киім киюге рұқсат берілетінін мәлімдеді. Негізгі себеп – елдегі эпидемиологиялық жағдай. Министрдің айтуынша, қазіргі кезде дүкендер белгілі бір уақытта, ал кейбір қалаларда жұмыс күндері ғана істейді. Егер ата-аналар балаларға мектеп формасын сатып алу үшін сауда орталықтары мен дүкендерге жаппай баратын болса, онда ұзын-сонар кезектер болып, Covid-19 жұқтыру қаупі күшейеді. Оған қоса, уақытша экономикалық қиындықтарға байланысты мектеп формасы кейбір отбасылардың қалтасына салмақ салуы мүмкін. Пандемиядан кейін оқушылар қайтадан мектеп формасын киюге міндетті болады.

Алайда мектеп формасын шығаратын кәсіпкерлер министрдің шешімімен келіспей отыр. Себебі олар жарты жыл бұрын дайындық жұмыстарына кіріскен. Ал министр мырза формаға қатысты жаңалықты енді ғана жариялады. Кәсіпкерлер болса, қажетті материалды сатып алып, форма үлгілерін де жасап қойған.

"Былтыр ол жеңіл өнеркәсіптің бір бөлігін жойып жіберді. Биыл қалғанын құртуға шешім қабылдапты. Келесі жылы не болатынын ешкім білмейді. Біз 20-шы жылдан әрең дегенде шықтық. Ал келесі жылы ол формамен не істейміз? Бұның барлығы – миллиондаған шығын. Биыл біз және басқа әріптестеріміз қалдықтарды сатса, келесі жылы жаңа маталарды сатып алу қажет. Бірақ қандай мата аламыз? Кімге? Не үшін? Министр тағы бес минут қалғанда ештеңе керек емес деп айтып жүрмей ме?", - дейді кәсіпкер Сергей Сокирко.

Ал ата-аналар арасында министрліктің шешіміне қатысты екіұдай пікір бар. Біреулер қолдаса, енді біреулер жаңа форманы таңдап жүр.

Оқи отырыңыз: Мектеп формасы міндетті бола ма – Аймағамбетов мәлімдеме жасады

 

23
Кілт сөздер:
Асхат Аймағамбетов, жеке кәсіпкерлер