Қарағанды ​​фармацевтикалық кешені

Қазақстанда "Спутник лайт" вакцинасы шығарылады

58
Қазақстан президенті отандық фармацевтика кәсіпорындарында "Спутник лайт" препаратын өндіру мәселесін шешуді тапсырды

НҰР-СҰЛТАН, 19 шілде — Sputnik. Қазақстан президенті Қасым-Жомарт Тоқаев ресейлік "Спутник лайт" вакцинасын жеткізу және өндіру мәселесін пысықтауды тапсырды. Бұл туралы ол елдегі эпидемиологиялық ахуал бойынша өткен жиында мәлімдеді, деп хабарлайды Ақорданың баспасөз қызметі.

"Келесі мәселе вакцина дайындайтын көшбасшы кәсіпорындар ұсынған препараттар түрін кеңейту қажеттілігіне байланысты. Отандық фармацевтикалық алаңдарда ресейлік жаңа "Спутник лайт" вакцинасын жеткізу және шығару туралы мәселені пысықтау керек", - деді Тоқаев.

Еске сала кетейік, 15 шілдеде Қазақстанның денсаулық сақтау министрлігі коронавирусқа қарсы ресейлік бір компонентті "Спутник лайт" вакцинасын тіркеді.

Министрлік аталған препарат алдағы уақытта Қарағандыда шығарылуы мүмкін екенін мәлімдеді. Бұл туралы денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова айтты.

Қазақстандық вакцинаны ДДҰ-да тіркеуді жеделдету керек – мемлекет басшысы

"Біз екі дозадан тұратын "Спутник V" препаратын шығарып отырмыз. Сондықтан техникалық тұрғыда Қарағанды фармацевтикалық кешенінде "Спутник лайт" вакцинасын өндіруге еш кедергі көріп тұрған жоқпын. Іс жүзінде бұл "Спутник V" вакцинасының бірінші компоненті", - деді біраз бұрын комитет басшысы.

Айжан Есмағамбетова қазір Қазақстан "Спутник лайт" вакцинасын өндіру және оны жеткізу бойынша келіссөздер жүргізіп жатқанын мәлімдеді.

58
Кілт сөздер:
коронавирус, вакцина
Тақырып:
COVID-ке қарсы вакцина (320)
солдат

Отставкадағы генерал-лейтенант Құрбан Қаражанов өмірден озды

145
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

145
QazVac вакцинасы

Бас санитар дәрігер QazVac вакцинасына қатысты қаулыға қол қойды

80
(Жаңартылды 20:06 31.07.2021)
Енді QazVac вакцинасының құтысы үш немесе бес адам екпе алуға ниет еткенде ашылады, бұл вакцинаны сақтау талабын орындау үшін қажет

НҰР-СҰЛТАН, 31 шілде – Sputnik. Бас мемлекеттік санитар дәрігер Ерлан Қиясов қаулы шығарып, QazCovid-in (QazVac) вакцинасын шығару формасын өзгертті.

"QazCovid-in вакцинасын шығару формасы: 0,5 мл (бір доза), 1,0 мл (екі доза), 1,5 мл (үш доза), 2,5 мл (бес доза), сыйымдылығы 3 мл, резеңке тығынмен тығындалған және Flip-off типті пластикалық қақпағы бар металл қалпақпен оралған, Ι класты түссіз шыныдан жасалған құтыға құйылады", - делінген бас санитар дәрігердің қаулысында.

Денсаулық министрлігінің ақпаратына сүйенсек, вакцинаның ашық құтысы асептика жағдайының бұзылу қаупіне байланысты ашылғаннан кейін сақталмайды және бірден пайдаланылады. Сондықтан вакцинаның құйылуын барынша азайту үшін 3 немесе 5 адам болғанда ғана көп дозалы құтыны ашу ұсынылып отыр.

Бұған дейін денсаулық сақтау министрлігі вакцинаны сақтау тәртібінің бұзылмауын бақылауды күшейткені хабарланды.

Оқи отырыңыз: Коронавирусқа қарсы екі түрлі вакцина салдыруға бола ма

 

80
Тақырып:
COVID-ке қарсы вакцина (320)