Бердібек Сапарбаев

Сапарбаев бұрынғы ауыл шаруашылығы министрінің отставкасын қолдайтынын айтты  

250
Бердібек Сапарбаев экс-министр биыл қуаңшылық болатынын біле тұра, жергілікті әкімдермен жұмыс істемегенін атап өтті

НҰР-СҰЛТАН, 21 шілде – Sputnik. Жамбыл облысының әкімі Бердібек Сапарбаев бұрынғы ауыл шаруашылығы министрі Сапархан Омаровтың қызметтен кетуін неге қолдайтынын түсіндірді.

Журналист Нартай Аралбайұлы YouTube-каналындағы сұхбатында Сапарбаевтан қуаңшылыққа байланысты қызметінен кеткен бұрынғы ауыл шаруашылығы министрі Сапархан Омаровтың отставкасын қолдайсыз ба деп сұрады.

"Қолдаймыз, әрине. Ол ауыл шаруашылық министрі болды, сол салаға жауап беретін. Министр жергілікті әкімдермен жұмысты ұйымдастыруы керек. Оның үстіне биыл қуаңшылық болатыны белгілі еді, болжам болды", - деп жауап берді Бердібек Сапарбаев.

Ол биыл көрші Қырғызстанда да су тапшы екенін атап өтті.

"Біз судың сексен пайызын Қырғызстаннан аламыз. Қырғызстанның өзіне су жетіспей жатыр. Ол жақтан суды Қызылорда, Түркістан облысы алады. Яғни алдын ала белгілі болды. Соған сай жұмыстар жасауы керек еді. Өкінішке қарай осылай болды", - деді облыс әкімі.

Оқи отырыңыз: Министр Сапархан Омаров қызметінен босатылды 

Сондай-ақ Сапарбаевқа "дәл қазір үкіметтің жұмысына көңіліңіз тола ма, жоқ па?" деген сауал қойылды.

"Қуаңшылық табиғаттың ісі ғой енді. Бірақ, менің ойымша, бұл жерде ең бірінші жұмыс істейтін –  жергілікті әкімдер. Болжам бар ғой. Мысалы қазір шілде айында бір тамшы жаңбыр жаумайды. Яғни, біз ертең өзімізге керек шөпті қалай жинап аламыз деп ойлануымыз керек. Бізге 1 миллион 700 мың тонна шөп керек. Қазір шаруаларға қандай шөп бар, соның бәрін орып алыңдар деп айтып жатырмыз. Шілде осындай болса, тамыз айы қандай болатынын біз білмейміз. Қанша дегенмен қазақпыз ғой, "ертең егінді жинап алғаннан кейін, қыркүйек-қазанда шөпті жинап аламыз деп" асықпаймыз. Бірақ ауа райы осындай болып тұра берсе, күзде қандай шөп болады?!", - деді өңір басшысы.

Бұған қоса, ол қазір министрлікпен орман қорындағы жерді жайылым, шабындыққа пайдалану бойынша жұмыс жүргізіліп жатқанын айтты.

"Біз комиссия құрдық. Мен оларға әрбір ауыл, үйді-үйді аралап, қанша малы бар, шөп жинады ма, жоқ па, сұрау керек екенін айттым. Шөп жинамаса, ертерек қимылдасын. Әрине, биліктің де кінәсі бар шығар. Бірақ, ең алдымен, жергілікті халық өз мүмкіндіктерін толық пайдалануы керек", - деді Сапарбаев.

10 шілдеде президент Қасым-Жомарт Тоқаев ауыл шаруашылығы министрі Сапархан Омаровты қызметінен босатты.

Мемлекет басшысы Маңғыстау және Қызылорда облыстарындағы қауаңшылыққа байланысты ауыл шаруашылығы министрлігі мен әкімдіктер тарапынан тиісті шаралардың қолға алынбағанын атап өтті.

"Сондықтан осы салаға бірден бір жауапты тұлға ретінде министр Сапархан Омаровтың отставкаға кеткені дұрыс деп есептеймін", - деді Тоқаев үкіметтің кеңейтілген отырысында.

250
Кілт сөздер:
ауыл шаруашылығы, Бердібек Сапарбаев
Тақырып бойынша
Қызылорда облысы Арал ауданында төтенше жағдай режимі жарияланды
ҚТЖ Маңғыстауға шөп жіберіп жатқан еріктілерден ақша сұрап отыр
Үкімет құрғақшылықтан зардап шеккен шаруашылықтарға көмектеседі
ASHYQ қосымшасы

Вакцинадан кейін вирус жұқтырғандардың Ashyq-тағы статусы қалай өзгереді

0
Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады

НҰР-СҰЛТАН, 28 шілде – Sputnik. Вакцинаның екі дозасынан кейін коронавирус жұқтырған адам Ashyq қосымшасында 14 күн бойы "қызыл" статуспен тұрады. Бұл туралы денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды Sputnik Қазақстан тілшісі.

"Вакцинаның екі дозасын алғаннан кейін Ashyq-та "жасыл" статус беріледі. Егер вакцина салғызған адам коронавирус жұқтырса, оның статусы қалай өзгереді? Егер статус "қызылға" ауысса, оған "жасыл" статус қалай қайтарылады?", - деп сұрады журналист эпидемиологиялық ахуал туралы баспасөз мәслитында.

"Бізде жүйе интеграцияланған. Егер вакцина алған адамның ПТР-тесті оң нәтиже көрсетсе, оның статусы бірден "жасылдан" "қызылға" ауысады. "Қызыл" статус 14 күн бойы сақталады. Екі апта өткен соң, ол автоматты түрде "жасылға" ауысады. Өйткені адам бәрібір де вакциналанған болып саналады", - деп жауап берді Айжан Есмағамбетова.

Ол бүгінде вакцина салдырғандар арасында індетке шалдыққандар өте аз екенін атап өтті.

0
Тақырып:
COVID-ке қарсы вакцина
Аэропорт.  Ashyq

Ashyq-тан көк түсті алып тастау мүмкіндігі қарастырылады - денсаулық министрлігі

151
(Жаңартылды 18:59 28.07.2021)
Елімізде вакцина алған адамдар көбейген соң Ashyq қосымшасынан "көк" мәртебесін алып тастау мүмкіндігі қарастырылады

НҰР-СҰЛТАН, 28 шілде – Sputnik. Ashyq қосымшасынан көк түс алынып тасталуы мүмкін, деді денсаулық министрлігі санитарлық-эпидемиологиялық бақылау комитетінің төрағасы Айжан Есмағамбетова, деп хабарлайды Sputnik Қазақстан тілшісі.

Бүгінде Ashyq бағдарламасында ПТР-тест тапсырмаған және науқаспен байланыста болмаған адамдар көк түспен белгіленеді. Олар вакцина алған "жасылдармен" бірге кәсіпкерлік нысандарға емін-еркін кіре алады.

"Ashyq бағдарламасынан көк түсті алып тастауға әлі ерте деп ойлаймыз. Вакцинаның бірінші компонентін 5 миллион адам салдырды. Демек, қалған 8 миллион адам көк түспен жүр. "Қызыл" мен "сары" мәртебемен жүргендер де бар ", - деді Есмағамбетова орталық коммуникациялар қызметінде өткен онлайн брифингте.

Оның айтуынша, бүгінде Ashyq бағдарламасына жасыл түс бойынша өзгеріс енгізіліп жатыр. Алдағы уақытта вакцинаның бір компонентін алған адамдар да "жасылдар" болып белгіленіп отырады.

"Осылайша, біз адамдарды екпе алуға ынталандырамыз. Сондай-ақ көк түсті біртіндеп азайтамыз. Сондықтан әзірше көк түсті Ashyq-тан алмаймыз. Алайда вакцина алған адамдардың саны көбейгеннен кейін Ashyq-тан көк түсті мүлдем алып тастаймыз деп ойлаймын", - дейді Есмағамбетова.

Оқи отырыңыз: Мектептер Ashyq жобасына қосылуы мүмкін

 

151