аурухана

Алматы неге коронавирустың таралуы бойынша "қою қызыл" аймаққа енді

303
(Жаңартылды 16:08 02.08.2021)
Қоғамдық денсаулық сақтау басқармасының мәліметінше, Алматыда инфекциялық төсек-орындардың 65,6%-і бос емес

АЛМАТЫ, 2 тамыз – Sputnik. Алматының санитариялық-эпидемиологиялық бақылау департаменті басшысының орынбасары Әсел Қалықова қаланың не себепті коронавирустың таралуы бойынша "қою қызыл" аймаққа енгенін айтты, деп хабарлайды Sputnik Қазақстан.

Оның сөзінше, барлығы республиканың бас санитар дәрігерінің қаулысына негізделген.

"Бас мемлекеттік санитар дәрігердің қаулысына сәйкес жалғыз критерий белгіленді. "Қою қызыл" аймақ инфекциялық стационарлардағы төсек-орынның толуы бойынша енгізіледі. Неге Алматы "қызыл қою" аймаққа енді? Бұл ең алдымен алдын алу шарасы. Тәулік сайын қала тұрғындары арасында 1 200-1 500 адамнан коронавирус инфекциясы табылып жатқаны белгілі", - деді Әсел Қалықова.

Қоғамдық денсаулық сақтау басқармасының мәліметінше, Алматыда инфекциялық төсек-орындардың 65,6%-і бос емес. Қала бойынша 7 625 төсек-орын бөлінген. Қазіргі уақытта 4 930 адам ауруханада жатыр.

Айта кетері, Қазақстанда бас санитар дәрігердің қаулысына сәйкес коронавирус матрицасы бойынша "қою қызыл" аймақ пайда болды. "Қою қызыл" аймаққа инфекциялық төсек-орынның 70%-і толы, ал төсек-орынның толу көрсеткіші 100 мың халыққа шаққанда 200-ден асатын өңірлер кіреді.

Екінші тамыздан бастап Нұр-Сұлтанда, Алматыда, Шымкентте, Атырауда және Қарағандыда карантин күшейтілді. Бұл қалалар "қою қызыл" аймаққа кіріп отыр. 

303
жолдағы шұңқырлар

Министрлік ресейлік актердің "Атырау-Астрахань" жолына қатысты сынына жауап берді

18
(Жаңартылды 12:18 23.09.2021)
Орталық Азия елдерінен келетін транзиттік көліктің артуына байланысты жолдың жағдайы нашарлады

НҰР-СҰЛТАН, 23 қыркүйек – Sputnik. Ресейлік актер, шоумен Станислав Ярушиннің "Астрахань-Атырау" жолы туралы "мұндай нашар жолды өмірімде бірінші рет көріп тұрмын" деген сөзінен кейін индустрия және инфрақұрылымдық даму министрлігі жолдың сапасына қатысты түсініктеме берді. 

"Жалпы ұзындығы 277 шақырымдық "Атырау-Астрахань" автожолы өткен ғасырдың 70-ші жылдары салынған. 8 тоннаға дейінгі салмақты көтеретін III техникалық санаттағы республикалық маңызы бар жол. Жолдың техникалық жағдайы ағымдағы және орташа жөндеу жұмыстары есебінен сақталды. Орталық Азия елдерінен келетін ауыр жүк тасымалдайтын транзиттік көлік құралдарының артуына байланысты жолдың жағдайы нашарлады", - делінген хабарламада.

Министрлік мәліметіне сүйенсек, 2018-2019 жылдары "Атырау-Астрахань" жолының барлық шақырымына жобалау-сметалық құжат әзірленді.

2019 жылы Ресей Федерациясы шекарасынан Ганюшкино кентіне дейін ұзындығы 60 шақырымдық бірінші учаскені қайта жаңарту басталды.

"Ұзындығы 217 шақырым болатын қалған учаскелерде құрылыс-монтаждау жұмыстары 2020 жылы басталды. Биыл ұзындығы 92 шақырымдық учаске пайдалануға беріліп, қалған 185 шақырымындағы жұмыстарды келесі жылы аяқтау жоспарланып отыр", - деді ведомстводағылар.

Оқи отырыңыз: 

 

18
Кілт сөздер:
жол, Атырау, сын
Тақырып бойынша
1 қарашадан бастап Қазақстанда қандай жолдар ақылы болады
Ақылы жолдар мәселесі: көлік жүргізушілерінің наразылығы немен аяқталды
Нұр-Сұлтаннан Балқашқа дейінгі жаңа жол қашан ашылады
Касым-Жомарт Токаев

Алматыдағы атыс: Тоқаев үкімет пен ұлттық банкке бір ай уақыт берді

166
(Жаңартылды 12:23 23.09.2021)
Мемлекет басшысының айтуынша, кредиторлар мен проблемалық қарыз алушылар арасындағы қарым-қатынас саласы заңнамалық жетілдіруді талап етеді

НҰР-СҰЛТАН, 23 қыркүйек – Sputnik. Қазақстан президенті Қасым-Жомарт Тоқаев Алматыда бес адамның өмірін қиған атыстан кейін заңнамалық және нормативтік түзетулер әзірлеуді тапсырды.

Мемлекет басшысы атыс кезінде қаза тапқан адамдардың отбасына тағы да көңіл айтты.

"Полицейлер мен сот орындаушы қызметтік борышын орындады, өкінішке қарай шабуыл кезінде қаза болды. Себебі қандай болмасын, адам өлтіруді ақтауға болмайды. Өркениетті қоғамда осы тектес кез келген дау мен проблемалар тек құқықтық алаңда шешілуге тиіс. Сонымен қатар, трагедияны жіті тексерген жоқ. Неге осылай болғанын анықтау қажет", - деді Тоқаев Маңғыстау облысын әлеуметтік-экономикалық дамыту туралы жиында.

Президенттің айтуынша, кредиторлар мен проблемалық қарыз алушылар арасындағы қарым-қатынас саласы, әсіресе баспанаға қатысты, өте сезімтал және заңнамалық жетілдіруді талап етеді. Бұл банктердің кепіл саясатына, бағалау қызметін реттеуге, жеке сот орындаушылары мен басқа да аспектілерге қатысты.

"Бұл мәселеде ашық және біркелкі сот практикасын қамтамасыз ету өте маңызды. Үкімет, ұлттық банк және қаржы нарығын реттеу агенттігі, егер бұған қажеттілік болса, заңнамалық және нормативтік түзетулер пакетін бір ай мерзімде әзірлеуі керек. Бірақ мен мұндай қажеттілік бар деп санаймын. Алайда мамандар бұл проблеманы тағы бір мәрте мұқият зерделеуге тиіс", - деді мемлекет басшысы.

Ол үкімет пен Алматы әкімдігіне қайғылы оқиғадан зардап шеккендердің барлығына, ең алдымен балаларға көмек көрсетуді тапсырды.

Тоқаев заңнамалық түзетулер мазмұны жағынан үкімет пен мамандар тарапынан мұқият зерттеліп, жұртшылықпен келісіліп, келесі жылдың басында күшіне енуі керек екенін мәлімдеді.

Алматыдағы атыс

Трагедия 20 қыркүйек кешкі бес шамасында болды.

Банк борышкері сот шешімін орындауға келген бірнеше адамды атып тастады. Салдарынан бес адам – екі полицей, жеке сот орындаушысы, дау шыққан үйдің жаңа иесі мен оның танысы көз жұмды.

1967 жылғы күдікті басқа адамға сатылған баспанасын босатудан бас тартқан.

166
Кілт сөздер:
Қасым-Жомарт Тоқаев, Алматы, атыс
Тақырып:
Алматыдағы атыс: 5 адам қаза болды