АЛМАТЫ, 13 тамыз – Sputnik. Қазгидромет 14-16 тамызда республикада ауа райы қандай болатынын хабарлады.
Синоптиктер болжамына сәйкес, еліміздің оңтүстік, оңтүстік-шығыс және шығыс өңірлерінде температура төмендейді.
Оңтүстікте ауа температурасы күндіз +22...+30°C, оңтүстік-шығыста +17...+25°C, шығыста +15...+25°C дейін төмендейді.
Солтүстік аймақтар аздап жылиды. Солтүстікте температура +23...+28°C дейін көтеріледі.
Қазақстанның батысында ауа райы жылы болады, елдің бұл бөлігінде жауын-шашын жаумайды, +32...+40°C жылы болады.
Мегаполистердегі ауа райы
Алматыда 14-16 тамызда көшпелі бұлт шығады, найзағай ойнап, жаңбыр жауады. 14 тамызда күндіз ауа температурасы +23°C, түнде +16°C. 15 тамызда +21°C, түнде +15°C. 16 тамызда +19°C, түнде +14°C.
Нұр-Сұлтанда 14 күн алабұлтты, күндіз +20°C, түнде +10°C болады. 15 тамызда бұлтты, күндіз +21°C, түнде +12°C. 16 тамызда күн алабұлтты, аздаған жаңбыр болады. Күндіз +24°C, түнде +14°C.
Шымкентте алдағы үш күнде күн ашық болады. Ауа температурасы күндіз +29...+30°C, түнде +18...+19°C болады.
