НҰР-СҰЛТАН, 24 тамыз – Sputnik. Қазақстанда вакцина салдыруға тиіс халықтың тең жартысы екпенің екі дозасын алды. Бұл туралы денсаулық сақтау министрі Алексей Цой мәлімдеді, деп хабарлайды Sputnik Қазақстан тілшісі.
"Қазіргі таңда I компонент 6,4 миллион адамға егілді, бұл вакциналанатын халықтың 64%-і. Ал II компонентті 5 миллионнан астам адам алды, яғни вакцина алуға тиіс азаматтардың 50 проценті қамтылды", - деді Цой үкімет отырысында.
Айтуынша, вакцина салдыру бойынша жоғары көрсеткіш тоғыз өңірде байқалады: Шымкент, Алматы, Нұр-Сұлтан қалалары, Түркістан, Солтүстік Қазақстан, Қызылорда, Шығыс Қазақстан, Ақмола және Атырау облыстары.
Ал бірінші дозаны салдыру бойынша ең төмен көрсеткіш Маңғыстау облысында тіркеліп отыр – 38%.
Оқи отырыңыз: Цой коронавирусқа қатысты жаңа болжамды жариялады
Егу пунктерінде барлығы 1 миллион 400 мың доза бірінші компонент, 940 мың доза екінші компонент қалған. Вакцинаны жеткізу кестеге сай жүріп жатыр.
