Алматының үздік мұғаліміне пәтер берілді

Алматының үздік мұғаліміне пәтер берілді

52
"Алматының жыл мұғалімі" байқауының жүлдегерлеріне пәтер, автокөлік пен ақшалай сыйақы берілді

АЛМАТЫ, 13 қазан – Sputnik. Алматы әкімі Бақытжан Сағынтаев қала педагогтері арасындағы байқау жеңімпаздары және мұғалімдерді қолдау мен кәсіби дамытуға бағытталған арнайы грант иегерлерімен кездесті. Сондай-ақ қалалық "Алматының жыл мұғалімі" байқауының жеңімпаздарына бағалы сыйлықтар табыстады, деп хабарлады әкімдіктің баспасөз қызметі.

Аким Алматы с лучшими учителями города
© Photo : ПС акимата Алматы
Алматы әкімі қаланың үздік ұстаздарымен кездесті

Қалалық "Алматының жыл мұғалімі" байқауының гран-при иегері – №39 мамандандырылған лицейдің қазақ тілі мен әдебиеті пәнінің оқытушысы Нұржігіт Амановқа Alma City жаңа тұрғын үй кешенінен пәтер берілді. 1-орын алған №10 гимназияның физика пәнінің мұғалімі Дарын Сайынов автокөлікке ие болды. 2 және 3-орын алған №96 мектептің бастауыш сынып мұғалімі Раиса Цой және №92 мамандандырылған лицейдің химия пәнінің мұғалімі Суннатулла Каумбаев ақшалай сыйақы алды.

Сонымен қатар 10 үздік педагог, оның ішінде балабақша тәрбиешілері қала әкімінің грантын алды. Республикалық "Үздік педагог" байқауы қалалық турының жеңімпаздарына ақшалай сыйлықтар берілді.

Мұғалімдерді қолдау шаралары

Алматыда мектепке жаңа келген жас мұғалімдер үшін үшінші жыл қатарынан бір реттік материалдық көмек көрсетіліп келеді. Биыл оны 33 миллион теңгеден астам сомаға 566 жас маман алады.

"Мұғалімдердің тұрғын үй жағдайын жақсартуға ерекше көңіл бөлінеді. "Алматы жастары 3.0" қалалық бағдарламасы бойынша өткен жылы білім беру саласының 307 қызметкері пәтер алды. Биыл 245 педагог жеңілдетілген кредитті пайдаланды", - деп хабарлады қала әкімдігі.

Кездесу соңында Алматы әкімі Бақытжан Сағынтаев барлық педагог пен тәлімгерлерге табыс тіледі.

52
Кілт сөздер:
Алматы, мұғалім
Тақырып бойынша
Атырауда баласының күйеуінен екеніне күмәнданған мұғалім жантүршігерлік қылмыс жасады
Қарағандылық мұғалім оқушыларды "топас маймылға" теңеді – оқиға немен аяқталды
Елордалық мұғалім жүз шақты адамға жалған вакцина паспортын алуға көмектескен
"Ерекше қатал мұғалім еді": Аймағамбетов ұстаздары туралы айтты
Мемлекет басшысы Ұлытау ауданындағы Жошы хан тарихи-мәдени кешенін аралап көрді

Президент Алтын ордаға байланысты халықаралық конференция өткізу туралы ұсыныс айтты

2
Президент Жошы хан кесенесі үнемі ғалымдардың назарында болып, ғылыми айналымға түсуі керек екеніне баса мән берді

НҰР-СҰЛТАН, 18 қазан — Sputnik. Мемлекет басшысы Қасым-Жомарт Тоқаев Қарағанды облысына жұмыс сапары аясында Ұлытау ауданындағы "Жошы хан" тарихи-мәдени кешенін аралап көрді.

Президентке Жошы хан кесенесі, мұражай, Жошы хан ескерткіші, жорық шатыры және қонақ үйден тұратын кешеннің заманауи технологиялық мүмкіндіктері мен қордағы құнды жәдігерлер таныстырылды.

Мемлекет басшысы қасиетті тарихи нысанның үнемі ғалымдардың назарында болып, ғылыми айналымға түсуі керек екеніне баса мән берді.

"Келесі жылы шетелдің және еліміздің белгілі ғалымдарын шақырып, Алтын Ордаға байланысты үлкен халықаралық конференция өткізу керек", – деді Қасым-Жомарт Тоқаев.

Облыс әкімі Жеңіс Қасымбек өңірдің туристік әлеуеті туралы баяндама жасап, Президентке курорттық аймақтар мен тарихи-мәдени кешендерді дамыту жоспарын ұсынды. Жоспарға сәйкес Ұлытау, Қарқаралы аудандарының, Балқаш қаласының туризм саласындағы әлеуеті артып, сервистік және туристік инфрақұрылымдары дамитын болады.

Оқи отырыңыз: 

 

2
Кілт сөздер:
президент, Қарағанды облысы
Аяжан Еділова

Аяжан Еділованың өлімі: іс сотқа өтті

57
(Жаңартылды 18:52 20.10.2021)
Іс жыныстық қол сұғушылыққа қатысты болғандықтан жабық режимде өтеді

НҰР-СҰЛТАН, 20 қазан — Sputnik. Алматының қылмыстық істер жөніндегі мамандандырылған ауданаралық сотына Аяжан Еділованың өлімі туралы қылмыстық іс келіп түсті. Бұл туралы Sputnik Қазақстанға Алматы қалалық соты хабарлады.

"Алматының қылмыстық істер жөніндегі мамандандырылған ауданаралық сотына зорлау, сондай-ақ аса қатыгездікпен адам өлтіру бойынша қылмыстық іс келіп түсті. Іс жыныстық қол сұғушылыққа қатысты болғандықтан жабық режимде өтеді", - деп хабарлады соттың баспасөз қызметі.

Алдын ала сот тыңдалымында істің алқабилермен немесе соттың жеке төрелігімен қаралуы туралы мәселе шешіледі.

Процестік шешім қабылданғаннан кейін іс қаралатын күн туралы қосымша хабарланады. 

Күдіктіге Қылмыстық кодекстің "Зорлау" туралы 120-бабы және "Өзге қылмысты жасыру мақсатында адам өлтіру" туралы 99-бабы бойынша айып тағылып отыр. Істі Алматы қаласының мамандандырылған соты тергеді. 

Естеріңізге сала кетейік, 2001 жылы туған Аяжан Еділова 19 наурызда сағат 20:43-те жұмыстан шығып, сол күйі оралмаған. Оның жоғалғаны туралы хабар 20 наурызда тарады.

Қыздың денесі бөлшектеліп, қоқысқа лақтырылғаны белгілі болды. 

Аяжан Еділова қандай еді

Әпкесінің сөзінше, Аяжан бір көрген адаммен тез араласып, бір сағатта туысқан секілді сөйлесіп кететін болған. Сондай-ақ оның өте сенгіш және адам жатырқамайтын мінезі болғанын айтты.

Туыстарының сөзінше, Аяжан Еділова Алматыға қайтыс боларынан екі ай бұрын келген. Оған дейін карантин кезінде Талдықорған қаласында туыстарының жанында болған. Алматыдағы сән салоны мен тігін цехына жұмысқа орналасқанына да бір айдай болған.

"Осы жолы Алматыға жібермей қойдым. Коронавирустың күйіп тұрған кезі еді. Біреуге жақын отырып тырнақ жасайсың, "сен маған аман-есен керексің" деп айттым. Ортаға апасын салып, әкесін салып жүріп, бой бермей, кетті. Әйтпесе үйде байлап ұстап отырғанмын. Үйде отырып күйзеліске түсті. Жұмыс істеп, жүріп үйреніп қалған қыз ғой. Бір күні жұмыстан келсем, жылап-жылап көзі ісіп кетіпті. "Менің өлгім келмейді, өмір сүргім келеді" деп айтты", - дейді әпкесі Аяжанның коронавирус жұқтырып алудан қорыққанын айтып.

Содан қалада жұмыс істеп жүрген Аяжан ең соңғы рет жақындарымен телефон арқылы сөйлескен кезде наурыз мерекесіне үйіне баратынын айтқан.

"Ең соңғы рет анасына видео арқылы хабарласып, наурыз мерекесіне келетінін айтты. Жұмыстарын айтып, соларды бітірген соң 4 күн демалысқа келемін деді. "Сағынып кеттім" деп қоштасқандай еркелегені есімде. Анасы жолға қарап, әлі күтетін сияқты. "Келемін" деп айтқаннан кейін олар күтіп жүрді. Мұндай хабар келеді деп күткен жоқ. Шешесі әлі күтіп жүр. Аяжан оқуда жүрген сияқты сезімдеміз", - дейді Нұргүл Әбеутәліпова.

Айтуынша, Аяжанның анасы біраз уақытқа дейін істің мән-жайын білмеген. Тек қайтыс болғанын естіген.

"Ата-анасының жағдайы өте ауыр, олар күйзелістен әлі шыға алған жоқ. Стрессте жүр. Күліп отырып жылай салуы мүмкін, жылап отырып күле салуы мүмкін", - дейді әпкесі.

Оқи отырыңыз: 

57
Кілт сөздер:
қылмыс, сот, Алматы