Әуежай.  Ashyq

Ведомствоаралық комиссияның отырысында бірқатар маңызды шешім қабылданды

115
(Жаңартылды 21:35 13.10.2021)
Отырыста Алексей Цой елдегі санитариялық-эпидемиологиялық жағдай туралы баяндама жасады

НҰР-СҰЛТАН, 13 қазан – Sputnik. Қазақстанда соңғы екі аптада коронавирус жұқтырғандар саны 30%-ке, өлім-жітім 40%-ке азайды. Бұл туралы денсаулық сақтау министрі Алексей Цой коронавирус инфекциясының таралуына жол бермеу жөніндегі ведомствоаралық комиссияның отырысында айтты.

ВАК отырысында бірқатар маңызды шешім қабылданды:

  1. COVID-19-ға қарсы ұжымдық иммунитетті қалыптастыру мақсатында вакциналануға тиіс контингент 9,9 миллионнан 11,4 миллион адамға дейін ұлғайтылды, бұл ДДСҰ ұсынымдарына сәйкес ұжымдық иммунитетке 60% деңгейінде қол жеткізуге мүмкіндік береді;
  2. халықты қайта вакциналауды биылғы қарашаның үшінші онкүндігінен келесі санаттағы адамдар үшін бастау жоспарланып отыр: тәуекел топтары (медицина қызметкерлері, педагогтер, медициналық-әлеуметтік мекемелер мен жабық мекемелердің персоналы мен контингенті, күш құрылымдарының қызметкерлері), 60 жастан асқан адамдар, өздігінен зерттеулерден өткен және КВИ-ға қарсы антиденелерге теріс тест нәтижесі бар адамдар;
  3. "ASHYQ" жобасына қатысатын кәсіпкерлік нысандарының жұмыс уақыты ұлғайды, "жасыл аймақта" – сағат 03:00-ге дейін, "ASHYQ" жобасының көшбасшылары үшін – сағат 05:00-ге дейін; "сары аймақта" – сағат 01:00-ге дейін, "ASHYQ" жобасының көшбасшылары үшін – сағат 03:00-ге дейін;
  4. Үндістан және Филиппинмен өзара вакциналау төлқұжатын тану жұмыстары жүргізілді, нәтижесінде Қазақстан 15 елмен вакциналау паспортын тану туралы келісімге қол жеткізді (Түркия, Венгрия, Грузия, Қырғызстан, Молдова, Моңғолия, Таиланд, Беларусь, Армения, Иран, Сан-Марино, Аргентина, Эстония, Үндістан және Филиппин);
  5. карантин шектеулері кезеңінде мемлекеттік шекараны кесіп өту тәртібіне Қазақстан аумағына еркін кіру (ВАК шешімінсіз) бөлігінде өзгерістер енгізілді:
  • туыстық фактісін растай отырып, Қазақстан азаматтарының туысы болып келетін шетелдіктерге;
  • Қазақстан азаматтарының отбасы мүшелері саналатын шетелдіктерге ауыр науқастанғандарға күтім жасау үшін, олардың ілесіп жүретін жұбайлары мен кәмелетке толмаған балаларына, сондай-ақ жерлеу рәсіміне келгендерге.

Премьер-министрдің орынбасары Ералы Тоғжанов ведомствоаралық комиссияның отырысын қорытындылай келе, бірқатар нақты тапсырма берді.

Оқи отырыңыз: Цой Қазақстанда қайта вакциналау науқаны қалай және қашан өтетінін айтты 

 

115
Тақырып:
Коронавирус эпидемиясы (2660)
Аяжан Еділова

Аяжан Еділованың өлімі: іс сотқа өтті

20
(Жаңартылды 18:52 20.10.2021)
Іс жыныстық қол сұғушылыққа қатысты болғандықтан жабық режимде өтеді

НҰР-СҰЛТАН, 20 қазан — Sputnik. Алматының қылмыстық істер жөніндегі мамандандырылған ауданаралық сотына Аяжан Еділованың өлімі туралы қылмыстық іс келіп түсті. Бұл туралы Sputnik Қазақстанға Алматы қалалық соты хабарлады.

"Алматының қылмыстық істер жөніндегі мамандандырылған ауданаралық сотына зорлау, сондай-ақ аса қатыгездікпен адам өлтіру бойынша қылмыстық іс келіп түсті. Іс жыныстық қол сұғушылыққа қатысты болғандықтан жабық режимде өтеді", - деп хабарлады соттың баспасөз қызметі.

Алдын ала сот тыңдалымында істің алқабилермен немесе соттың жеке төрелігімен қаралуы туралы мәселе шешіледі.

Процестік шешім қабылданғаннан кейін іс қаралатын күн туралы қосымша хабарланады. 

Күдіктіге Қылмыстық кодекстің "Зорлау" туралы 120-бабы және "Өзге қылмысты жасыру мақсатында адам өлтіру" туралы 99-бабы бойынша айып тағылып отыр. Істі Алматы қаласының мамандандырылған соты тергеді. 

Естеріңізге сала кетейік, 2001 жылы туған Аяжан Еділова 19 наурызда сағат 20:43-те жұмыстан шығып, сол күйі оралмаған. Оның жоғалғаны туралы хабар 20 наурызда тарады.

Қыздың денесі бөлшектеліп, қоқысқа лақтырылғаны белгілі болды. 

Аяжан Еділова қандай еді

Әпкесінің сөзінше, Аяжан бір көрген адаммен тез араласып, бір сағатта туысқан секілді сөйлесіп кететін болған. Сондай-ақ оның өте сенгіш және адам жатырқамайтын мінезі болғанын айтты.

Туыстарының сөзінше, Аяжан Еділова Алматыға қайтыс боларынан екі ай бұрын келген. Оған дейін карантин кезінде Талдықорған қаласында туыстарының жанында болған. Алматыдағы сән салоны мен тігін цехына жұмысқа орналасқанына да бір айдай болған.

"Осы жолы Алматыға жібермей қойдым. Коронавирустың күйіп тұрған кезі еді. Біреуге жақын отырып тырнақ жасайсың, "сен маған аман-есен керексің" деп айттым. Ортаға апасын салып, әкесін салып жүріп, бой бермей, кетті. Әйтпесе үйде байлап ұстап отырғанмын. Үйде отырып күйзеліске түсті. Жұмыс істеп, жүріп үйреніп қалған қыз ғой. Бір күні жұмыстан келсем, жылап-жылап көзі ісіп кетіпті. "Менің өлгім келмейді, өмір сүргім келеді" деп айтты", - дейді әпкесі Аяжанның коронавирус жұқтырып алудан қорыққанын айтып.

Содан қалада жұмыс істеп жүрген Аяжан ең соңғы рет жақындарымен телефон арқылы сөйлескен кезде наурыз мерекесіне үйіне баратынын айтқан.

"Ең соңғы рет анасына видео арқылы хабарласып, наурыз мерекесіне келетінін айтты. Жұмыстарын айтып, соларды бітірген соң 4 күн демалысқа келемін деді. "Сағынып кеттім" деп қоштасқандай еркелегені есімде. Анасы жолға қарап, әлі күтетін сияқты. "Келемін" деп айтқаннан кейін олар күтіп жүрді. Мұндай хабар келеді деп күткен жоқ. Шешесі әлі күтіп жүр. Аяжан оқуда жүрген сияқты сезімдеміз", - дейді Нұргүл Әбеутәліпова.

Айтуынша, Аяжанның анасы біраз уақытқа дейін істің мән-жайын білмеген. Тек қайтыс болғанын естіген.

"Ата-анасының жағдайы өте ауыр, олар күйзелістен әлі шыға алған жоқ. Стрессте жүр. Күліп отырып жылай салуы мүмкін, жылап отырып күле салуы мүмкін", - дейді әпкесі.

Оқи отырыңыз: 

20
Кілт сөздер:
қылмыс, сот, Алматы
Кальмар ойыны

"Кальмар ойыны" бала психикасына қауіпті ме? Министрлік жауабы

165
(Жаңартылды 16:21 20.10.2021)
Сериал әлемнің 90 елінде кеңінен танымал болды. Басты рөлді сомдаған барлық актер бірден әлем деңгейіндегі жұлдызға айналды

НҰР-СҰЛТАН, 20 қазан — Sputnik. Білім және ғылым министрінің бірінші орынбасары Шолпан Каринова балалар мен жасөспірімдер арасында "Кальмар ойыны" атты оңтүстік кореялық сериалдың танымалдылығына қатысты пікір білдірді.

"Бұл қазақстандық өнім емес. Фильмнің белгілі бір шектеуі бар, ол 18 жастан асқан адамдарға арналған. Сондықтан ата-аналар ең алдымен осы тұсқа мән беруі керек", - деді Каринова баспасөз конференциясы кезінде.

Ол ата-ана да, мектеп те балаларға тәрбие беру аясында пайдалы ақпаратты негативтен ажырата белуге дағдыландыруы керек екенін айтты.

"Мектептерде де осы мәселеге назар аудару керек. Бала психикасы енді қалыптасып жатқандықтан, кез келген ақпаратты мектепте мұғалім, үйде ата-ана қадағалуы керек", - деді вице-министр.

Ол барлық білім беру мекемесінде "Жаһандық құзыреттер" курсы таңдау бойынша енгізіліп жатқанын айтты. Курс балалардың бойында сыни ойлау мен эмоциялы интеллектті дамытуға бағытталған.

"Кальмар ойыны" – бұл өмір үшін күресіп, басты сыйлық үшін бәсекеге түсетіндер туралы драмалық сериал. Ол Оңтүстік Корея кинематографына тән қатыгездік пен аяусыз көріністерге толы.

Сеиал Netflix платформасында 17 қыркүйектен бастап көрсетіле бастады да, бір айдың ішінде әлемнің 90 елінде адамдар ең көп көрген фильмдер қатарына енді.

Оқи отырыңыз: 

165
Кілт сөздер:
қауіпті ойын, бала, психика