Жедел жәрдем көлігі

Аймағамбетов 10 жасар баланың өлімі туралы: үлкен трагедия

664
Өткен аптада Түркістанда 5-сынып оқушысы көз жұмды. Әжесінің айтуынша, оны ақша тауып бере алмағаны үшін сотқар сыныптасы мектеп дәретханасында соққыға жыққан

НҰР-СҰЛТАН, 21 қазан – Sputnik. Түркістандағы 5-сынып оқушысының өліміне қатысты тергеу шаралары аяқталған жоқ. Бірақ қазірдің өзінде мектепте өрескел тәртіпбұзушылықтар анықталып отыр. Бұл туралы білім және ғылым министрі Асхат Аймағамбетов айтты, деп хабарлайды Sputnik Қазақстан тілшісі.

"Балалар құқығын қорғау комитетінің төрағасы, менің орынбасарым басқа әріптестерімізбен Түркістан облысына аттанды. Олар барлық мән-жайды біліп, талдау жасап шықты. Қазір тергеу шаралары жүргізіліп жатыр. Соның ішінде сот-медициналық сараптама да бар. Әрине, бұл үлкен трагедия. Тергеу нәтижесі бойынша тиісті шешім қабылданады. Біздің мамандар өткізген тексеріс кезінде мектепте оқу жұмысын ұйымдастыру жағынан өте өрескел тәртіпбұзушылықтар анықталды", - деді Аймағамбетов орталық коммуникациялар қызметінде өткен онлайн брифингте.

Министр мектепте нақты қандай тәртіпбұзушылықтардың анықталғанын да айтты.

"Ол жерде балаларды тамақтандыру жұмысынан бастап тәрбие жоспары, мектеп психологтары мен әлеуметтік педагогтар жұмысы, тәрбие және тағы басқа жұмысқа жауапты меңгерушілердің қызметіне қатысты үлкен қателіктер анықталды. Тергеудің нәтижесіне қарамастан, осы тәртіпбұзушылықтар бойынша тиісті шаралар қолданылады", - деп атап көрсетті Аймағамбетов.

Қазіргі кезде мектеп директоры жұмысынан уақытша шеттетілді. Министрдің айтуынша, Түркістан облысындағы бірқатар білім беру мекемеде дәл сондай тәртіпбұзушылықтар анықталған.

Оқушының өлімі

Өткен аптада Түркістанда 5-сынып оқушысы көз жұмды. Әжесінің айтуынша, оны ақша тауып бере алмағаны үшін сотқар сыныптасы мектеп дәретханасында соққыға жыққан. Жарақат алған бала бірнеше күн ауырып, ақыры ауруханада көз жұмған.

Баланың жақындары оқушыларға бас-көз болмаған мектеп ұжымы мен дер кезінде көмек бермеген дәрігерлерге наразы.

Әжесі балалар оны дәретхана ішінде ұрғанын айтты. Басынан қатты соққы алып, қан ұйып қалған. Одан кейін тамыры қысылып, бүйрегі ісіп кеткен.

Рамазан оқыған №18 мектеп-гимназияда әлімжеттік көп болады деген әңгіме ата-аналар арасында көп айтылады екен.

Бірақ мектеп директоры оны жоққа шығарды. Тіпті ата-аналармен жиналыс та өткізіпті. Бірақ ол отырыста сыныптағы сотқарлық туралы сөз болған жоқ, деді директор.

664
Кілт сөздер:
Асхат Аймағамбетов, бала, мектеп
Тақырып бойынша
"Көгертпей ұрады": Батыс Қазақстан тұрғыны мектептегі әлімжеттік туралы айтты
Түркістандағы оқушының өлімі: министрлік алдын ала тон пішпеуге кеңес берді
Дәретханада ақша талап еткен: Түркістанда таяқ жеген 5-сынып оқушысы көз жұмды
Түркістан облысында балабақша қызметкерлері наразылық акциясына шықты
Сауда орталығындағы оқушы өлімі: астаналық педагогтар жауапкершіліктен босатылды
коронавирус

Оқушыларды ата-ана келісімінсіз вакциналау туралы бұйрық шыққаны рас па

3
Санитарлық-эпидемиологиялық бақылау комитеті қазақстандықтарды әлеуметтік желілерде тараған күмәнді ақпаратқа сенбеуге шақырды

НҰР-СҰЛТАН, 27 қараша – Sputnik. Әлеуметтік желілерде 1-11 сынып оқушыларын ата-ана келісімінсіз COVID-19-ға қарсы вакциналау туралы бұйрық шыққаны туралы хабарлама тарады. Бұл ақпаратты Денсаулық сақтау министрлігінің санитарлық-эпидемиологиялық бақылау комитеті жоққа шығарды, деп хабарлайды StopFake.

Ведомствоның хабарлауынша, мұндай бұйрық ешқашан болмаған.

"Осы жарияланымға қатысты кез келген профилактикалық егу, соның ішінде коронавирусқа қарсы вакциналау да ата-аналардың ақпараттандырылған келісімімен ғана жүргізілетінін хабарлаймыз. Вакциналауға жататын жасөспірімдердің тізімін жоспарлау және жасау процесінде келісім алдын ала жиналады. Осыған байланысты алдын ала жасалған тізім бойынша вакциналауға ата-анасы қол қойған келісімі бар балалар және ата-анасының қатысуымен ғана екпе салдыруға шақырылады", – деп түсіндірді санитарлық-эпидемиологиялық бақылау комитетінің ресми өкілі Ержан Байтанаев.

Оқи отырыңыз: Цой ақылы вакцинация қашан басталатынын айтты

Оның айтуынша, мектептерде мәжбүрлі вакциналау жүргізіліп жатқан жоқ. Қазақстан Республикасы Бас мемлекеттік санитар дәрігерінің № 36 қаулысына сәйкес оқу мекемелерінде күн сайын кіру кезінде тексеру жүргізіледі. Мектептің барлық қызметкері термометриядан өтіп, кіреберісте қолын санитайзермен өңдеуге міндетті. Сабақ кестесі оқушылар бір-бірімен барынша аз байланыста болатындай етіп жасалады.

Ержан Байтанаев қазақстандықтарды әлеуметтік желілер мен мессенджерлерде тараған күмәнді ақпаратқа сенбеуге шақырды. Шынайы ақпарат алу үшін комитеттің ресми интернет-ресурсына, "COVID-19 таралуына жол бермеу жөніндегі ВАК" телеграмм-арнасы сияқты ресми дереккөздерге және Facebook, Instagram және YouTube әлеуметтік желілеріндегі аккаунттарға жүгінуге немесе комитетке жазбаша сауал жолдауға болады.

3
далада сауда-саттық жүргізіп отырғандар

Сатушыларға заңсыз айыппұл салған 87 полицей жазаланды Бас прокуратура

1245
(Жаңартылды 16:27 27.11.2021)
Бас прокуратура белгіленбеген жерде сауда-саттық жасағандарды қандай жағдайда жазалауға болмайтынын түсіндірді

НҰР-СҰЛТАН, 27 қараша – Sputnik. Белгіленбеген жерде сауда жүргізгендерге заңсыз айыппұл салған полицейлер мен әкімдік қызметкерлері жазаланды.

Бас прокуратура белгіленбеген жерде сауда жүргізгені үшін бизнес және азаматтарды жазаға тартудың негізділігін зерделеген. Олардың көбінесе заңсыз жауапқа тартылғаны анықталды.

Бас прокурордың орынбасары Болат Дембаевтың айтуынша, сауда үшін арнайы орындар анықталған кезде ғана жауапкершілік белгіленеді.

"Оларды облыстық, қалалық және аудандық әкімдер анықтайды ("Жергілікті мемлекеттік басқару туралы" Заңның 27, 31-баптары). Алайда, көптеген өңірде мұндай орындар болған жоқ, бірақ адамдарға 12-ден 27 мың теңгеге дейін айыппұл салынды", - дейді ол.

Мысалы, Жезқазған қаласында сауда орны белгіленбеген, бұған қарамастан кәсіпкерлер жауапкершілікке тартылды. Прокуратураның қолға алған шаралары бойынша 38 іс тоқтатылып, қалада сауда орындары анықталған.

Еліміздің басқа өңірінде – Ақмола облысының Зеренді ауданында прокурордың актісі бойынша сауда орындары анықталды. Жауапқа тарту туралы 26 заңсыз қаулының күші жойылды.

Жалпы прокуратураның шаралары бойынша 14 мыңнан астам заңсыз әкімшілік іс тоқтатылды, әкімдіктердің шешімімен еліміздің барлық өңірінде 4126 сауда орны анықталды. Бұл жұмыс жалғасып жатыр.

Олқылыққа жол берген 87 полицей мен 26 әкімдік қызметкері тәртіптік жауапкершілікке тартылған.

Бас прокуратураның бастамасымен Сауда және интеграция министрлігі осы мәселені бақылауға алды.

1245
Тақырып бойынша
Шығыс Қазақстанда рөлде ұйықтап кеткен полицей жол апатын жасады
150 мың теңге сұраған: көлікті себепсіз тоқтатқан екі полицей жұмыстан қуылды
Сыртынан жауып кеткен: полицей әйел өрт шыққан пәтердегі төрт баланы құтқарды
Коронавирустан 34 полицей қайтыс болды – Тұрғымбаев