Блокбекеттегі полицейлер мен әскерилер

Қазақстанның тағы төрт өңірінде төтенше жағдай режимі алынып тасталады

2049
Республиканың үш облысы мен бір ірі қаласында 14 қаңтар кешкі сағат алтыдан бастап төтенше жағдай режимі жойылады

НҰР-СҰЛТАН, 14 қаңтар – Sputnik. Мемлекет басшысы Қасым-Жомарт Тоқаев Шымкент қаласы, Шығыс Қазақстан, Қарағанды және Түркістан облыстарында төтенше жағдайдың күшін жою туралы жарлыққа қол қойды, деп хабарлайды Ақорда.

Президенттің жарлығына сәйкес, Шымкент қаласы, Шығыс Қазақстан, Қарағанды және Түркістан облыстарының шекараларындағы төтенше жағдайдың күші бүгін, 14 қаңтар күні сағат 18.00-ден бастап жойылады.

Бұған дейін Батыс Қазақстан, Павлодар және Солтүстік Қазақстан облыстарында төтенше жағдай режимі алынып тасталған болатын.

Оқи отырыңыз: ТЖ режимі: зейнетақы мен жәрдемақы рәсімдей алмағандар не істеуі керек

Еске салсақ, елдегі бүлікке байланысты Қазақстанда 5 қаңтардан 19 қаңтарға дейін төтенше жағдай режимі енгізілді.

Жаппай наразылық осы жылдың басында Жаңаөзен мен Ақтау қаласында басталды. Кейін басқа қалалардың тұрғындары да наразылық шеруіне шыға бастады.

Алматы қаласында наразылық шеруі жаппай тәртіпсіздікке ұласты. Артынша қалада содырлар лаңкестік әрекет жасады. Олар әкімшілік ғимараттарға шабуыл жасап, өртеп жіберді. Салдарынан күш құрылымдары қызметкерлері мен бейбіт тұрғындар қаза тапты.

2049
Кілт сөздер:
төтенше жағдай
архивтегі сурет

Талдықорғандық кәсіпкер қоршауда қалған әскерилер мен полицейлерге тамақ тасыған

13
(Жаңартылды 12:33 17.01.2022)
Талдықорғандағы тергеу изоляторына қарулы шабуыл жасалғанда Тәліпов пен аспаз оқтың астында қалды

НҰР-СҰЛТАН, 17 қаңтар – Sputnik. Танымал қазақстандық блогер Александр Цой ресторатор Дәурен Тәліповтың батыр әрекеті жайында жазды. Ол бүлікшілердің қоршауында қалған полицейлер мен әскерилерге тамақ тасыған.


4 қаңтар күні Талдықорған қаласында жаппай тәртіпсіздіктер басталды. Ал ертеңінде бүлікшілердің белсенділігі күшейе түсті.

"Олар қалалық полиция ғимаратын зақымдады, облыстық әкімдікті жағып жіберді, көліктер де отқа оранды. 101 мен 102 қызметтері жұмыс істеген жоқ. Интернетті өшіріп тастады. Барлық мейрамхана мен тамақтану орындары жабық тұрды. Өрт сөндірушілер, әскерилер мен полиция қызметкерлері ғимараттардан шыға алмады. Барлығы ас-ауқатсыз қалды", - дейді Александр Цой.

Сол кезде ресторатор Дәурен Тәліпов өз міндеттерін аш құрсақ атқарып жатқан тәртіп сақшыларына көмек беруге шешім қабылдады, дейді ол.

Даурен Тәліптовтың айтуынша, оған ешкім өтініш жасаған жоқ. Ол әкімшілік ғимаратын қорғап тұрған адамдардың ауқатсыз қалғанын білді. Аспаздарына хабарласып, тамақ әзірлеуге тапсырма берді. Артынан оны жаяу жүріп таратқан. Себебі қоғамдық көлік те, такси де тоқтап қалды.

"Біз машинаға 300-400 порцияны салып, қала бойынша тараттық. Бірақ алдын ала әскерилер мен полицийлермен қандай белгі беріп өтетінімізді келісіп отырдық. Әйтпесе, бізді атып тастайтын еді", - дейді Дәурен Тәліпов.

Осылайша, аспаздар командасы екі күн бойы ыстық тамақ таратты. Ал 8 қаңтарда Талдықорғандағы тергеу изоляторына төрт рет қарулы шабуыл жасалғанда Тәліпов тағы бір аспазбен оқтың астында қалды.

"Оқты жан-жақтан жаудырды. Сол жерден қатты жылдамдықпен кетіп бара жатқанда бізді БТР тоқтатты. Шамасы, қылмыскерлер деп ойлап қалған. Көлікте тағы бір аспаз келіншек болды. Соққының қатты болғаны сонша, екеуіміз естен танып қалдық. Ауруханада есімізді жидық. Ешкім жедел жәрдем шақырмаған. Жол-жөнекей өтіп бара жатқан адамдар бізді көлікке салып алып, ауруханаға жеткізген екен", - деп еске алды Тәліпов.

Дәурен мен аспазға бірнеше ота жасалды. Қазір жағдайлары жақсы, екеуі де сауығып келеді.

Оқи отырыңыз: 

 

13
Кілт сөздер:
Талдықорған, кәсіпкер, тамақ, полицейлер
Самат Әбіш

Тоқаев Самат Әбішті қызметінен босатты

521
(Жаңартылды 12:35 17.01.2022)
Бұған дейін Самат Әбіш жыл сайынғы еңбек демалысына шыққаны хабарланды

НҰР-СҰЛТАН, 17 қаңтар – Sputnik. Самат Әбіш Ұлттық қауіпсіздік комитеті төрағасының бірінші орынбасары қызметінен босатылды. 

"Мемлекет басшысының өкімімен Самат Сатыбалдыұлы Әбіш Қазақстан Республикасы Ұлттық қауіпсіздік комитеті төрағасының бірінші орынбасары лауазымынан босатылды", - деп хабарлайды Ақорда. 

Бұған дейін Ұлттық қауіпсіздік комитеті Самат Әбіш өз қызметінде екенін, 13 қаңтардан бастап жыл сайынғы еңбек демалысына шыққанын мәлімдеген еді. 

6 қаңтарда Ұлттық қауіпсіздік комитетінің басшысы Кәрім Мәсімов мемлекетке опасыздық жасады деген күдікпен қамауға алынды. 13 қаңтарда оның орынбасары Әнуар Садықұловтың ұсталғаны белгілі болды.  

43 жастағы Самат Әбіш – Нұрсұлтан Назарбаевтың інісі Сатыбалды Назарбаевтың ұлы. Самат Әбіш ҰҚҚ бірінші орынбасары болып 2015 жылдан бері қызмет етті. Генерал-лейтенант шені бар.

521
Кілт сөздер:
Қасым-Жомарт Тоқаев
Кумтор Голд Компани атқарушы директоры Қанат Құрманов

Қазақстандық Қырғызстандағы Құмтор кен орнына атқарушы директор болып барды

0
Жаңа директордың тау-кен өндіру саласында жиырма жылдық жұмыс тәжірибесі бар. Ол пайдалы қазбаларды байыту жөніндегі инженер

НҰР-СҰЛТАН, 17 қаңтар – Sputnik. Қазақстандық маман Қанат Құрманов "Құмтор голд компани" атқарушы директоры қызметін атқарады, деп хабарлайды Sputnik Қырғызстан.

Қанат Құрмановты кен орнының жаңа басшылығы шақырған.

Сондай-ақ ол өзі жайлы әңгімелеп берді.

"Мен Ыстықкөл облысы Тоң ауданы Боконбаево ауылында тудым. Үш жасқа толғанда, ата-анам Қазақстанға көшті. Әкем — қырғыз, анам — қазақ. Бүгінде мен Қазақстан азаматымын. Жаңа басшылық кен орнында сыртқы басқару енгізілген соң, мені шақырды. Менің мамандығым — пайдалы қазбаларды байыту жөніндегі инженер. Жоғары оқу орнын 2006 жылы тәмамдадым, алайда өндірістік кәсіпорындарда 2003 жылдан бері қызмет етемін", - деді Құрманов.

Айтуынша, оның тау-кен өндіру саласында 20 жыл, ал Қазақстандағы тау-кен байыту фабрикасында 18 жыл жұмыс тәжірибесі бар.

Оқи отырыңыз: 

Асқар Ақаев Қырғызстанға ұшып келді

Қуғынға ұшыраған президенттер: Атамбаевқа дейінгі басшылар қайда жүр?

0
Кілт сөздер:
Қырғызстан, кен орыны