майшам

Қазақстандық клубтың бұрынғы футболшысы ойын кезінде қайтыс болды

261
(Жаңартылды 09:24 20.11.2017)
Игорь Чумейко тоқсаныншы жылдардың басында Қазақстанның екі футбол клубының құрамында ойнаған

АСТАНА, 19 қараша — Sputnik. Орынбор футболының әйгілі ойыншысы, екі қазақстандық клубтың экс-футболшысы Игорь Чумейко 64 жасқа қараған шағында қайтыс болды, деп хабарлайды Sports.kz.

Порталдың хабарлауынша, 16 қарашада Чумейко әуесқойлар матчында өзін нашар сезініп, кейін қайтыс болған. 

"Орынбор" футбол клубының ұжымы Игорь Чумейконың отбасына қайғырып көңіл айтады", — делінген футбол клубының ресми сайтында жарияланған хабарламада.

Екі қазақстандық клубтың экс-футболшысы Игорь Чумейко 64 жасқа қараған шағында қайтыс болды
Екі қазақстандық клубтың экс-футболшысы Игорь Чумейко 64 жасқа қараған шағында қайтыс болды
Игорь Чумейко "Газовик", "Локомотив" және "Прогресс" орынборлық клубтарында, сонымен қатар "Химик" (Мелеуз), "Пищевик" (Орск) клубтарында ойнады. 

Қазақстанда ол 1993 жылы "Қарашығанақ" және 1995 жылы "Ферро" клубтарының ойыншысы болды. Екеуі де қазір жоқ. 

Кәсіптік деңгейде Чумейко  300-ге жуық матч өткізген.


261
Халықаралық Олимпиада комитетінің президенті Томас Бах

Олимпиада уақытында өтеді, "Б" жоспары жоқ Томас Бах

30
Жапония нақты қадамдар арқылы бұл Ойынды өткізуге дайын екенін баршамызға көрсетті, деді ХОК президенті

НҰР-СҰЛТАН, 26 қаңтар – Sputnik. Халықаралық Олимпиада комитетінің президенті Томас Бах Ұлттық Олимпиада комитеттерінің басшыларымен кеңейтілген телеконференция өткізді, деп хабарлады Olympic.kz.

Қазақстан Ұлттық Олимпиадалық комитетінің басшылығы да онлайн кездесуге қатысты.  Күн тәртібінде өте маңызды мәселелер қаралды. Екі сағаттан аса уақыт бойы қатысушылар ғаламдық пандемия, спортшыларды вакцинациялау, БҰҰ резолюциясы мен алдағы Токио-2020 және Бейжің-2022 Олимпиадаларына дайындықты талқылады. 

Оқи отырыңыз: Қазақстан атынан Токио Олимпиадасына кім баратыны белгілі болды 

Жиын барысында сөз алған Томас Бах 2021 жылдың қарбаласқа толы болатынын атап өтті. Өйткені Токиодағы Олимпиада ойындарынан кейін 6 ай өткен соң қысқы Олимпиада ойындары басталады. Мұндай жайт тарихта алғаш рет орын алмақ.

Қазіргі сәтте ХОК екі ірі спорттық іс-шараға толыққанды дайындық жүргізуде.  Томас Бах 2020 жылғы Токио Олимпиадасы қарсаңындағы түрлі сыбыстар мен қауесеттерге тойтарыс беру үшін Олимпиадалық қозғалыстың бірлесіп жұмыс істеуі қажеттігіне ерекше тоқталып өтті. 

"Қазір Олимпиадалық қозғалыстың бар назары 2020 жылғы Токио ойындарына бағытталған. 21 қаңтардың кеші мен 22 қаңтар күнгі жаңалықтарда Жапонияның Олимпиаданы өткізуден бас тартатыны туралы арандатушылық бағыттағы жазбалар көп болды. Бірақ бұл жалған ақпарат. Мен баршаңызды тек қана ресми дереккөздер мен ХОК-тың ресми мәлімдемесіне сенуге шақырамын. 22 қаңтар күні Жапония билігімен телефон арқылы сөйлестім, олар Жапония билігі атынан ресми мәлімдеме мүлде болмағанын айтты", - деді ХОК президенті.

Оның айтуынша, Олимпиада ойындары мен барлық жарыс және іс-шаралар жоспарланған уақытында өтеді. Осы салаға қызығушылық танытқан тараптардың бәрі де Ойынды сәтті өткізу үшін тынымсыз еңбектенуде.

"Сондықтан "Б" жоспарын ойластыруға негіз жоқ. Жапония нақты қадамдар арқылы бұл Ойынды өткізуге дайын екенін баршамызға көрсетті. Сондай-ақ, елдегі саяси пікірталастарға қарамастан, Қытай да қысқы ойындарды өткізуге әзір", - деп түйіндеді Томас Бах. 

ХОК басшысы Олимпиада ойындарына қатысушыларды вакцинациялау туралы да айтты. Томас Бах осы сұраққа қатысты  Ұлттық Олимпиадалық комитеттерге көмектесуге уәде беріп, барлық спортшыны вакцина қабылдауға шақырды. Алайда вакцинациялау әр спортшының еркі бойынша жүргізіледі. 

30
Кілт сөздер:
Токиодағы Олимпиада
Жалғас Жұмағұлов

"Сын айтқандарға да рахмет": Жұмағұлов UFC-дегі екінші жеңілісі туралы пікір білдірді

48
UFC 257 турнирінде екінші рет жолы болмаған Жұмағұлов жеңілдім деп бәрінен баз кешпейтінін айтады

НҰР-СҰЛТАН, 26 қаңтар – Sputnik. Қазақстандық спортшы Жалғас Жұмағұлов Instagram парақшасында UFC промоушеніндегі екінші жекпе-жегі туралы пікір білдірді. Ол қолдаушылар мен жанкүйерлеріне алғыс білдіріп, өзін сынағандарға да жауап берді, деп хабарлайды Sputnik Қазақстан.

"Жанкүйерлердің үмітін ақтай алмағаныма қарамастан, маған қолдау білдіріп жазатындар өте көп. Сол үшін зор алғыс. Сондай-ақ, өз ой-пікірін білдіріп, мені сынағандарға да рахмет айтамын", – деп жазды спортшы.

Ол мұндай ұйымда республика атынан әрекет ету үлкен жауапкершілік екенін айта келе, өзіне тым көп жүктеме алғанын атап өтті.

"Мен өз елімнің туын биікке көтере алмағаныма өкінемін. Мен қолымнан келгеннің бәрін жасауға тырыстым. Бар күшімді салдым, халқымның алдында шын ниетіммен әрекет еттім, бірақ бәрі мен қалағандай болмады", – деді Жұмағұлов.

Ендігі жерде Жұмағұлов демалып, қайта күш жинауды жоспарлап отыр және ол жеңілдім деп бәрінен баз кешпейтінін баса айтты.

Айта кетейік, Жалғас Жұмағұлов Әбу-Дабидегі UFC 257 турнирінде швед спортшысы Амир Альбазимен жұдырықтасып, жеңіліп қалды. Жекпе-жек толық үш раундқа созылып, төрешілер бірауыздан жеңісті Альбазиге берді. Осы жекпе-жектен кейін Жалғастың аралас жекпе-жектегі көрсеткіші 13 жеңіс пен 5 жеңілісті құрады.

Оқи отырыңыз: Шавкат Рахмоновтың UFC-дегі жекпе-жектен қанша ақша тапқаны белгілі болды

Жалпы Жұмағұлов UFC дебютін Fights Nights Global чемпионы ретінде өткізді. Ал 2019 жылдың қараша айында ол ресейлік Али Багаутиновты жеңді.

Өткен жылдың шілдесінде Жұмағұлов даулы шешіммен бразилиялық Раулиан Пайведен жеңіліп қалды.

48
Кілт сөздер:
спорт, UFC
Тақырып бойынша
Қазақ спортшысы UFC-дегі алғашқы жеңісіне жетті
UFC-дегі Рахмоновтың жеңісі, Нурмагомедовтің мәлімдемесі
Жалғас Жұмағұлов ресейлікті жеңіп, чемпиондық титулын қорғап қалды – видео  
Жалғас Жұмағұлов UFC-дегі алғашқы жекпе-жегінде жеңіліс тапты
Жалғас Жұмағұлов кімнің кесірінен жеңілгенін айтты
Дәрігер, пациент

"Вакцина арқылы чип салады": министрлік өз ұстанымын жариялады

0
(Жаңартылды 17:43 27.01.2021)
"Спутник V" 18 жасқа дейінгі балаларға салынбайды. Екпе Қазақстанның кәмелет жасына толған азаматтарына ғана егіледі

НҰР-СҰЛТАН, 27 қаңтар – Sputnik. Денсаулық сақтау министрлігі вакцина арқылы чип салу мәселесіне қатысты өз ұстанымын жариялады, деп хабарлайды Sputnik Қазақстан тілшісі.

"Вакцина арқылы чип салу – бұл кәсіби емес әрі негізсіз мәлімдеме. Вакцинацияға қарсы адамдар осы жалған ақпаратты ара-тұра таратып отырады", - деді бірінші вице-министр Марат Шоранов орталық коммуникациялар қызметінде өткен онлайн брифингте.

Бұдан бөлек, министрдің бірінші орынбасары коронавирусқа қарсы вакцинаға қатысты жалған ақпарат тарататындарға ескерту жасады.

"Қазіргі кезде вакцинацияның алдында осы екпенің кері әсері туралы фейк ақпарат таратылып жатыр. Осыған байланысты жалған ақпарат таратқаны үшін қылмыстық жазаның бар екенін еске салғым келеді. Оған сәйкес, 3 000 айлық есептік көрсеткіш (8 751 000 теңге) көлемінде айыппұлдан бастап үш жылға бас бостандығынынан айыруға дейінгі жаза қарастырылған", - деп атап көрсетті Шоранов.

Осы орайда бірінші вице-министр жалған сарапшылар мен арандатушыларға сенбеуге үндеді. Ресми мәліметке мән беруге кеңес берді.

"Пандемия жарияланғалы бір жыл өтті. Ол бізге көп нәрсе үйретті. Бүкіл адамзат өз басымдығын және құндылығын қайта қарауға мәжбүр болды. Бүгінде барша әлем вакцинацияның бәрімізді үйреншікті карантинсіз өмірге оралуға, экономиканы тұрақтандыруға, балаларды балабақшалар мен мектептерге, студенттерді дәріс залдарына оралуына жалпы отбасымызбен, әріптестерімізбен, достарымызбен қарым-қатынасқа оралуға мүмкіндік беретінін түсініп отыр", - дейді Шоранов. 

Жаппай вакцинация

Қазақстанда биыл 1 ақпанда жаппай вакцинациялау басталады. Инфекцияны жұқтыру және тарату қаупі жоғары халықтың осал топтарына кезең-кезеңмен ресейлік "Спутник V" вакцинасы егіледі. Вакцинациялау ерікті түрде және тегін салынады.

Вакцина бірінші кезеңде:

Инфекциялық ауруханалар, жедел жәрдем, реанимация бөлімшелері, науқастарды қабылдау бөлмесі, алғашқы медициналық-санитарлық көмек қызметінің медицина қызметкерлері, санитарлық-эпидемиологиялық қызмет жұмысшылары – 2021 жылдың 1 ақпанынан бастап шамамен 100 мың адам;

екінші кезеңде:

жалпы білім беретін мектептер, жоғары оқу орындарының педагогтері, медициналық қызметтің жұмысшылары – 2021 жылдың наурызынан 150 мыңға жуық адам;

үшінші кезеңде:

мектеп-интернаттар, мектепке дейінгі мекемелердің педагогтері, созылмалы аурумен ауыратындар – сәуір айынан бастап 600 мың адам.

Айта кететін жайт, "Спутник V" 18 жасқа дейінгі балаларға салынбайды. Яғни, екпе Қазақстанның кәмелет жасына толған азаматтарына ғана салынады.

Денсаулық сақтау министрлігі жыл соңына дейін 6 миллион қазақстандыққа вакцина салуды жоспарлап отыр.

Ал 2021 жылдың наурыз айында COVID-19-ға қарсы қазақстандық вакцинамен жаппай егу басталады.
Қазір QazCovid-in вакцинасын клиникалық сынақтан өткізудің соңғы ІІІ сатысы өтіп жатыр. Оның аясында вакцина 3 мың еріктіге егілді.

0
Кілт сөздер:
денсаулық сақтау министрлігі, коронавирус, вакцина
Тақырып:
Коронавирус эпидемиясы
Тақырып бойынша
Қытайда пандемияға қатысты жасырын ақпарат белгілі болды
"Шешім қабылдаған жоқпын": министрлер мен депутаттар қандай вакцина салдыратынын айтты
Отандық вакцинаның құрамында не бар
Алматыда карантин күшейтілуі мүмкін
Мәжіліс елді шулатқан заң жобасын кері қайтарып алды