Криштиану Роналду

Роналду Мессидің соңынан үйіне қайтты

172
(Жаңартылды 12:49 02.07.2018)
Уругвай мен Франция командасы 6 шілде күні Нижний Новгородта ресейлік мундиалдың ¼ финалында кездеседі

АСТАНА, 1 шілде — Sputnik. Сенбі, 30 шілде күні, футболдан әлем чемпионатында көптеген тосынсый жасаған 1/8 финалының екі матчы өтті. Франция құрамасы Аргентинаны, ал уругвайлықтар Португалияны ұтты. 

Адуынды Мбаппе Францияға жеңіс әкелді

Франция мен Аргентина Қазанда кездесті. Франция қарсыластарын 4:3 есебімен ұтып, Ресейдегі турнирдің алғашқы ¼ финалистері атанды. 

Құрамадағы Антуан Гризманн (пенальти), Бенжамен Павар, Килиан Мбаппе гол соқты. Ал аргентиналықтарда Анхель Ди Мария, Габриэль Меркадо және Серхио Агуэро ерекше көзге түсті. 

19 жастағы Мбаппе гол соғып қана қоймай, пенальти жасау мүмкіндігіне ие болды. Франция құрамасының бас бапкері Дидье Дешам Мбаппенің футбол туралы бәрін білетінін мәлімдеді. Жас спортшы 1998 жылы әлем чемпионатында Франция жеңіске жеткен жылы туған. 

"Килиан Әлем кубогын көрмеген болар, десе де ол футболды өте қатты жақсы көреді, бұл спортқа қатыстының барлығын біледі. Мбаппе франциялық болғаны үшін бақыттымын. Ол өте талантты, болашақта одан мықты ойыншы шығады", — деді Дешам.

Франция құрамасының жартылай қорғаушысы Н'Голо Канте ойынның маңызды болғанын және команданың ӘЧ-2018-дегі мүмкіндіктерін өзгерткенін мәлімдеді. 

"Бұл біз үшін өте маңызды ойын болды, қолымыздан келгеннің бәрін жасап бақтық деген ойдамын. Енді келесі матчқа ешбір алаңсыз дайындала берсек болады. Аргентинамен ойын біздің мундиалдегі мүмкіндіктерімізді жақсы жаққа өзгертті", — деді Канте.

 

Аргентина құрамасының бас бапкері Хорхе Сампаоли де франциялық Килиан Мбаппеге қатысты пікір білдіріп, өзінің командасы оның жылдамдығына ілесе алмағанын айтып өтті. 

"Бұл футбол, мұнда барлығын ойыншылар шешеді. Мұндай формадағы Мбаппе ойнайтын командаға қарсы тұру қиын", — деді Сампаоли пресс-конференция барысында. 

Сондай-ақ, ол өз командасының нәтижесіне көңілі толмай отырғанын айтып өтті. 

"Мен Ресейдегі әлем чемпионатына келгенім үшін өте қуаныштымын, біз мүмкіндігінше жақсы нәтиже көрсетеміз деп ойлаған едік. Бірақ бұл сәтсіздік мені бапкер ретінде қайрай түсетіні анық", — деп қосты Сампаоли. 

Кавани дублі — Уругвай жеңісі

Дәл осы күні Сочидің "Фишт" стадионында Уругвай құрамасы Португалия командасын 2:1 есебімен ұтты. Эдинсон Каваниді жарақатына байланысты екінші таймда басқа футболшы алмастырды. Ал португалиялықтарда Пепені басқа ойыншы алмастырды. 

"Бүгін осыны жасай алғаным үшін ерекше қуанып тұрмын. Бізге жанкүйер болған жандарды қуанта түскім келеді. Ал жарақатыма келер болсақ, мен ойынды соңына дейін жеткізе алмайтынымды сездім. Жақын уақытта барлығы белгілі болады", — деді пресс-конференцияға қатыспаған Кавани матчтан кейін. 

Футболдан Уругвай құрамасының бас бапкері Оскар Табарес өтіп жатқан чемпионатта өзінің командасының ешбір қарсыластан қорықпайтынын айтты. 

"Кейбіреулер біздің қарсыластарымыздың әлсіз болғанын айтқан еді. Бірақ, меніңше, Португалияны осал қарсылас деуге ешкімнің аузы бармайды", — деді Табарес. 

Португалияның бас бапкері Фернанду Сантуш өз кезегінде қарсыласын келесі раундқа өткенімен құттықтады. 

"Не болғанын өзім де түсіне алмай отырмын. Бұдан да жақсы нәтиже көрсетеміз деп сенген едік. Қазір ғана киім ауыстыратын бөлмеден келе жатырмын, ойыншылардың көңіл-күйлері жоқ. Уругвай құрамасын жеңістерімен құттықтаудан басқа амал жоқ", — деді Сантуш пресс-конференция барысында. 

Уругвайлықтар мұның алдында Мысыр (1:0), Сауд Арабиясы (1:0) және Ресей (3:0) құрамаларын ұтып, А тобының жеңімпаздары атанған еді. 

6 шілде күні Нижний Новгородта әлем біріншілігінің ¼ финалында Уругвай құрамасы Франция командасымен ойнайды.


172
Тақырып:
Футболдан әлем чемпионаты - 2018 (33)
Ұлттық қауіпсіздік комитетінің басшысы Кәрім Мәсімов

Кәрім Мәсімов Нурмагомедовті жеңісімен құттықтады видео

433
(Жаңартылды 14:11 25.10.2020)
Хабиб пен Гэтжи кездесуіне Қазақстан ұлттық қауіпсіздік комитетінің басшысы көрермен ретінде қатысты

НҰР-СҰЛТАН, 25 қазан – Sputnik. Қазақстанның жекпе-жек өнері қауымдастығының президенті Кәрім Мәсімов Хабиб Нурмагомедовті жеңісімен құттықтады. 

Нурмагомедов пен Гэтжидің кездесуі 25 қазанға қараған түні Абу-Дабидегі UFC 254 турнирінің басты жекпе-жегі болды. Кездесу екінші раундта Хабибтің жеңісімен аяқталды.

Жеңіске жеткен Нурмагомедов эмоцияға бой алдырып, сегізбұрышта тұрып көзіне жас алды. Ол өзінің 29-шы жеңісті жекпе-жегін әкесіне арнайтынын айтып, кәсіби мансабын аяқтайтынын жариялады.

Оқи отырыңыз: UFC-дегі Рахмоновтың жеңісі, Нурмагомедовтің мәлімдемесі

Айта кетейік, осы турнир аясында қазақстандық спортшы Шавкат Рахмонов UFC-дегі алғашқы жекпе-жегін өткізіп, бразилиялық Алекс Оливейраны мерзімінен бұрын жеңді. Бұл оның кәсіпқой спорттағы 13-ші жеңісі болды.  

433
Кілт сөздер:
Кәрім Мәсімов, Хабиб Нұрмагомедов
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
Қазақстандық спортшы қарсыласын ерекше тәсілмен тұншықтырып жеңді – видео
Қазақ боксшысы Нұрзат Сабыров мексикалық "Тайсонды" жеңді – видео
Қазақстан бірнеше миллиондық істі жеңді
Қуат Хамитов ресейлік спортшыны тұншықтыру әдісімен жеңді – видео
Хабиб Нурмагомедов

UFC-дегі Рахмоновтың жеңісі, Нурмагомедовтің мәлімдемесі

136
(Жаңартылды 10:48 25.10.2020)
UFC 254 турнирінде қазақстандық спортшы Шавкат Рахмонов алғашқы жеңісіне қолжеткізді. Сондай-ақ осы турнирдегі айқын жеңісінен кейін Нурмагомедов карьерасын аяқтайтынын жария етті

НҰР-СҰЛТАН, 25 қазан – Sputnik. Түнде Абу-Дабидегі Яс аралында UFC 254 турнирі өтіп, онда қазақстандық спортшы Шавкат Рахмонов алғашқы жеңісіне қолжеткізді. Сондай-ақ, аралас жекпе-жектің миллиондаған жанкүйері Хабиб Нурмагомедовтің мансабындағы соңғы жеңісіне куә болды.

UFC-дегі алғашқы жеңіс

Бразилиялық спортшы Алекс Оливейраның осы кезге дейінгі тәжірибесі мол болғанымен, Рахмоновтың UFC дебютті кездесуінде өзінің мықтылығын көрсете алмады. Дегенмен, Шавкаттың қарсыласы одан қатты қорқып, жекпе-жектің алғашқы секундтарынан бастап бастаманы өз қолына алуға тырыспады. 

Посмотреть эту публикацию в Instagram

Публикация от UFC Russia (@ufcrussia)

Алдымен қос спортшы аса сақтықпен қимылдап, бір-бірін барлауда бразилиялық түрлі соққыларымен Рахмоновтың иегін алуға тырысты. Солай десек те, Оливейра белсенді қимылдай алмады. Мұны сезген Шавкат қарсыласына шабуыл жасап, қылқындыру әдісі арқылы жеңіске жетті. 

Посмотреть эту публикацию в Instagram

Публикация от ufc (@ufc)

Осылайша, Рахмонов кәсіби мансабында 13 және бүкіл әлемге әйгілі UFC-дегі алғашқы жеңісіне қол жеткізді.

Нурмагомедов жеңіске жетіп, мәлімдеме жасады

Бұл кеште Рахмоновтың жекпе-жегінен кейін көрермендер тағы бірнеше жекпе-жекті тамашалады. Олардың әрқайсысы өте керемет өтті десек те, ең басты шайқас – Хабиб Нурмагомедов пен Джастин Гаджидің жекпе-жегі ерекше болды. 

"Дағыстандық бүркіттің" чемпиондық белбеуін кезекті қорғауы сәтті аяқталды. Шайқастың алғашқы секундтарынан бастап америкалық спортшы белсенді болды. Ол сегізбұрыштың ортасын иемденіп, Хабибке қысым жасағанымен, Гетжидің бұл әрекеті ұзаққа созылмады.

Осылайша, бірінші раунд қарсыластардың алма кезек соққы жасап, аса сақ қимылдауымен өтті.

Ал екінші раундты Хабиб өте қарқынды бастады. Қарсыласына "үшбұрыш" әдісін қолданып, Гэтжиді берілуге ​​мәжбүрледі.

Жеңіл салмақта UFC ұйымының чемпионы ресейлік Хабиб Нурмагомедов америкалық Джастин Гэтжиді жеңгеннен кейін карьерасын аяқтайтынын мәлімдеді.

"Бүгін мен соңғы жекпе-жегімді өткізгенімді мәлімдеймін. Менің ендігі қалайтыным – салмақ дәрежесіне қарамай жасалатын рейтингтің бірінші орнына шығу. Мен бұған лайықтымын деп ойлаймын. 29-0. Бір рет жеңілген жоқпын. Ұйымның басшыларына алыс айтқым келеді. Барлықтарыңызға рақмет", – деді Хабиб жекпе-жектен кейін.

Жекпе-жектен кейінгі мәлімдемесінде Нурмагомедов бұдан былай анасына көбірек уақыт бөлетінін айтты. Сондай-ақ, ол өз жанкүйерлеріне ата-анасына жақын болуға кеңес берді.

136
Кілт сөздер:
аралас жекпе-жек, Хабиб Нурмагомедов
Тақырып бойынша
Қазақстан барысы - 2019: жеңімпаз балуан қанша теңге ұтады?
Хабибтен жеңілген Порье көз жасын тыя алмады – жекпе-жектің видеосы
Қазақстандық пен ресейлік арасындағы жекпе-жек төбелеспен аяқталды - видео
"Өте қауіпті": Хабиб Нурмагомедов маңызды мәселені көтерді – видео
Хабиб Нурмагомедовтың әкесі қайтыс болды
Кісен

Қарағанды облысында ұйымдасқан қылмыстық топ ұсталды видео

3
Бес адамнан құралған ұйымдасқан қылмыстық топ екі жыл бойы Жезқазған мен Сәтпаевта ойын бизнесінен заңсыз пайда тапқан

НҰР-СҰЛТАН, 26 қазан – Sputnik. Қарағанды облысында заңсыз ойын бизнесін ұйымдастырған қылмыстық топтың жолы кесілді, деп хабарлайды Sputnik Қазақстан.

Қаржы министрлігі қаржы мониторингі комитеті баспасөз қызметінің ақпаратынша, қылмыстық топты Қарағанды облысы экономикалық тергеу департаментінің қызметкерлері ұстаған.

"2018 жылдың қаңтары мен 2020 жылдың мамыры аралығында бес адамнан құралған ұйымдасқан қылмыстық топ Жезқазған мен Сәтпаевта 7 заңсыз ойын нүктесін ұйымдастырған. Алынған табыстың жалпы сомасы 16 миллион теңгеден асады. Жедел шаралар нәтижесінде заңсыз айналымнан 200 данаға жуық Lotomatic ойын терминалы тәркіленді", - деп мәлімдеді ведомстводан.

Бұл факті бойынша қылмыстық іс бекітілген айыптау актісімен сотқа жолданды.

Айта кетсек, Қазақстанда құмар ойындарын өткізуге тек екі өңірдегі арнайы орындарда – Қапшағай қаласы мен Бурабайда рұқсат етілген. Республиканың қалған аумағында ойын терминалдары бар залдар мен казино жұмысына үзілді-кесілді тыйым салынған.

3
Кілт сөздер:
құмар ойын, Қарағанды облысы
Тақырып бойынша
Алматылық 30 миллион теңгемен ұсталды – видео 
Павлодардағы колониядан қашқан сотталушы бір жылдан кейін астанада ұсталды
Республикалық ветеринарлық зертхана қызметінің бастығы ұсталды – видео
Шығыс Қазақстанда халықаралық іздеуде жүрген қылмыскер ұсталды