Спорт

Қазақ боксшысы Голливудта америкалыққа қалай "таяқ жегізді" - видео

© ИА Новости-Казахстан, Асем МиржекееваҚазақ боксшысы Асхат Уалиханов
Қазақ боксшысы Асхат Уалиханов - Sputnik Қазақстан
Жазылу
Бұл Асхат Уәлихановтың былтырғы сәуірден бері алғашқы жеңісі

АСТАНА, 15 шілде — Sputnik. Қазақ боксшысы Асхат Уәлиханов Голливудта өткен бокс кешінің аясында жеңіске жетті, деп хабарлайды Sports.kz.

Төрт раундық жекпе-жекте ол америкалық Дарел Харристі ұтты. Қазақстандық бүкіл кездесу бойы қарсыласынан басым түсіп, ақыры соңында төрешілер бірауыздан шешім қабылдап, жеңісті қанжығасына байлады — 40-35.

Ақтық раундта рефери Харриске бірнеше рет ескерту жасап, кейін бір ұпайын кемітті.

Асхат үшін бұл былтырғы жылғы сәуірден бері алғашқы жеңісі болды — осы уақыт бойы ол рингке шықпаған еді. Алдыңғы кездесуінде америкалық боксшы Эрик Фаулерді нокаутқа түсірген. Сонымен бірге никарагуалық Карлос Агилераны нокаутпен ұтып, алайда дисквалификацияға байланысты мексикалық Даниэль Бастьенге жеңіліп қалды.

Әйелдер арасындағы "GGG"-дің нокаутқа түскен видеосы


Жаңалықтар
0