Бекболат Тлеухан

"Аты бар, заты жоқ". Бекболат Тілеухан садақ ата алмаған батырларды сынады

618
(Жаңартылды 19:28 31.08.2018)
Елімізге жыл сайын садақ атудан әлем чемпиондары шақырылатын болады

АСТАНА, 29 тамыз  Sputnik. Елімізде ат үстінде отырып садақ ату спорты қолға алынбақ. Бүгін Қазақстан мен Жапония арасында осы спорт түрін дамыту туралы меморандумға қол қойылды. Бұл туралы ҚР мәжіліс депутаты, ҚР Ұлттық спорт қауымдастығының президенті Бекболат Тілеухан айтты, деп хабарлайды Sputnik тілшісі.

Депутаттың пікірінше, бұл спорт түрі көпке дейін Қазақстанда қолға алынбай келді. Десе де, ол қазақтың ежелгі өміріне тән спорт түрі болғандықтан, қазіргі жастар оны бірден игеріп кетіп жатыр.

"Негізінен ат үстінен садақ атуды дамытуды біздің ел кеш қолға алды. Осы спорт түрін біз бірінші кезекте батырлар жырынан оқимыз. Батыр ат үстінде шауып бара жатыр, қолында садағы бар. Аты бар, заты жоқ. Енді осыны қолға алу үшін біз жаңағы спорт дамыған елдерге зер салдық. Бұл спорт түрінен бірінші орында Моңғолия тұр. Естеріңізде болса, 2014 жылы осы мәселеге байланысты Түркістан қаласында конференция өтті.

Спортшылар үшін дайындық шараларын ұйымдастырып, Моңғолиядан үздік спортшыны шақырдық. Бұл біздің жігіттердің қанында бар нәрсе. Үш жыл ішінде мергендеріміз тез үйреніп алды. Оларға осы нәрсені ұйымдастыратын адам ғана жетіспей келді. Жаңағы дайындыққа қатысқан спортшылар ішінде қолына садақты алғаш ұстағандардың өзі осыны әлемдік деңгейде меңгеріп, жақсы нәтиже көрсетті. Бұл қазақтың қанында бар нәрсе",  деді мәжіліс депутаты орталық коммуникациялар қызметі алаңында өткен брифинг барысында.

Пәктігін сатқан қыздар Бекболат Тілеуханды шошытты

Сондай-ақ, ол биыл Жапония елімен бірге ат үстінде отырып садақ ату спортын дамытуды қолға алып жатқандарын жеткізді. Конституция күні қарсаңында халықаралық ат үстінен садақ ату альянсы мен республикалық спорт түрлері қауымдастығы арасында осы спортты насихаттау жөнінде меморандумға қол қойылды.

"Бұйырса, осы халықаралық садақ ату альянсы деп аталатын ұйымға мүше болғалы отырмыз. Осы ұйымға мүше болу арқылы жыл сайын ұйымдастырылатын шараларға дүниежүзілік чемпион мергендерді шақыратын боламыз. Бұл халықаралық жарыстарға мол тәжірибе жинауға көмектесетіні сөзсіз",  деді Бекболат Тілеухан.

618
Кілт сөздер:
ат, ату жарысы, батыр, чемпион, спорт, Бекболат Тілеухан, Жапония, Моңғолия, Қазақстан
Тақырып бойынша
Бекболат Тілеухан туралы не білеміз?
Бокстан құрама жаттығу

Қазақстандық боксшы мексикалықты бір минутқа жеткізбей нокаутқа жіберді видео

3305
(Жаңартылды 13:02 21.11.2020)
Серік Мұсәділов пен Даниэль Нахераның жоспарланған алты раундтық жекпе-жегі 43 секундтан кейін аяқталды

НҰР-СҰЛТАН, 21 қараша – Sputnik. "Панда" лақап атымен танылған жеңілмеген қазақстандық боксшы Серік Мұсәділов мексикалық қарсыласы Даниэль Нахераны 43 секунд ішінде нокаутқа түсірді.

Бокс кеші АҚШ-тың Флорида штаты Хайалиа қаласында өтті, деп хабарлайды Sports.kz.

Қазақстандық боксшы мексикалық Даниэль Нахерамен (9-5-1, 4 КО) қолғап түйістірді. Жекпе-жек алты раундқа жоспарланған еді, алайда 43 секундта Мұсәділовтің жеңісімен аяқталды. Нокаутқа түскен мексикалыққа есін жию үшін орындық қажет болды.

Осылайша Серік Мұсәділов өзінің сегізінші жеңісіне қол жеткізді – бүкіл жекпе-жегін нокаутпен аяқтаған.

Ал Даниэль Нахера кәсіпқой рингте алтыншы рет жеңілді.

3305
Кілт сөздер:
видео, жекпе-жек, боксшы
Тақырып бойынша
Қазақстанда туып-өскен аралас жекпе-жек шебері қарсыласын нокаутқа жіберді
Арман Оспанов ресейлік файтерді жойқын нокаутқа түсірді – толық видео
Бірде-бір рет жеңілмеген қазақ боксшы қарсыласын нокаутқа түсірді: видео желіде жарияланды
Чемпиондық белбеу үшін жекпе-жекте қазақстандық спортшы нокаутқа түсті - видео
Геннадий Головкин

Головкин Шеремета жекпе-жегінің қашан өтетіні белгілі болды

52
(Жаңартылды 12:44 20.11.2020)
Жекпе-жек 18 желтоқсан күні АҚШ-тың Сан-Антониода штатындағы  Alamodome залында өтеді жоспарланған

НҰР-СҰЛТАН, 20 қараша – Sputnik. Қазақстандық танымал боксшының промоутері Эдди Хирн IBF және IBO тұжырымдарының орта салмақтағы чемпионы Геннадий Головкин мен Камил Шеремета жекпе-жек өткізетін күнді жариялады.

Геннадий Головкин (40-1-1, 35 КО) 18 желтоқсанда АҚШ-та Сан-Антониода Alamodome залында поляк Камил Шереметамен (21-0, 5 КО) жұдырықтасады, деп хабарлайды Sports.kz.

Эдди Хирн мұндай ақпаратты БАҚ өкілдеріне растап, жақын күндері жекпе-жек ресми түрде жариялануы мүмкін екенін жеткізді.

Оқи отырыңыз: "Тұрмысқа шыққаннан кейін спорттан кету керек": боксшы Назым Қызайбай сұхбат берді

Айта кетейік, бастапқыда Головкин-Шеремет жекпе-жегі 2020 жылдың бірінші тоқсанына жоспарланған болатын. Алайда алдымен Геннадийдің жарақатына, кейіннен COVID-19 пандемиясына байланысты кездесу бірнеше рет кейінге шегерілді.

Ал бұған дейін DAZN стримингтік қызметі тек GGG-мен қаржылық шарттар туралы келісуі керек деп хабарлаған.

52
Кілт сөздер:
Геннадий Головкин, спорт, кәсіпқой бокс
Тақырып бойынша
"Майк Тайсон деп айқайлады": боксшы жекпе-жек кезінде қарсыласын тістеп алды
Атырау облысында болашағынан үміт күттірген үш боксшы қаза болды  
Видео жарияланды – өзбек боксшы қазақстандықты нокдаунға жіберді
Бірде-бір рет жеңілмеген қазақстандық боксшы желіде видео жариялады
Қазақстандық боксшы қарсыласын жойқын соққымен нокаутқа түсірді - видео
Газ конфоркасы

Қазақстанда елді мекендердің тек 24 проценті газбен қамтылған

0
2015-2020 жылдар аралығында республикалық бюджет есебінен әкімдіктерге газдандыру шараларына 125 миллиард теңге нысаналы трансферт бөлінген

НҰР-СҰЛТАН, 24 қараша – Sputnik. Қазақстанда 6 мыңнан астам елді мекеннің тек 1468-іне газ тартылған. Бұл туралы энергетика министрі Нұрлан Ноғаев мәлімдеді, деп хабарлайды Sputnik Қазақстан тілшісі. 

Министр 2020 жылдың 1 қаңтарындағы жағдай бойынша газдандыру деңгейі 90%-тен асатын неғұрлым газдандырылған өңірлерді атады. 

Олар: Атырау облысы – 99,6%, Маңғыстау облысы – 99%, Алматы қаласы – 98,8%, Батыс Қазақстан облысы – 96,2%, Шымкент қаласы – 92,1% және Ақтөбе облысы – 90,1%.

"Жалпы, еліміздегі 6 162 елді мекеннің 1 468-і немесе елді мекендердің жалпы санының 24%-ы газдандырылған", - деді Ноғаев үкімет отырысында.

Сондай-ақ, айтуынша, соңғы бес жылда 1 334 шақырым магистральдық газ құбырлары және 20 мың шақырымнан астам газ тарату желілері салынды.

Магистральдық газ құбырлары құрылысының өсуі 7%-ті, газ тарату желілері құрылысының өсуі 49%-ті құрады.
Биылғы жылдың қорытындысы бойынша газдандыру деңгейін 53,07%-ке жеткізу күтілуде, бұл 2015 жылғы деңгейден 10%-ке артық.

2015-2020 жылдар аралығында республикалық бюджет есебінен әкімдіктерге газдандыру шараларына 125 миллиард теңге нысаналы трансферт бөлінген, оның ішінде соңғы екі жылда 76 миллиард теңге бағытталды.

0
Кілт сөздер:
газ, Қазақстан