Зульфия Чиншанло. Архивтегі фото

Зульфия Чиншанло допинг дауынан кейінгі алғашқы алтын медалін жеңіп алды

1403
(Жаңартылды 22:06 29.08.2018)
Зульфия Чиншанло допинг қолданғаны үшін спорттан екі жылға шеттетіліп, Олимпиада медалін қайтаруға мәжбүр болған еді

АСТАНА, 29 тамыз – Sputnik. Талдықорғанда өткен ауыр атлетикадан ел чемпионатында Зульфия Чиншанло топ жарды. 

Чиншанло жұлқа көтеру жаттығуын 75 келіден бастады. Екінші мүмкіндігінде 84 келі, үшінші рет шыққанда 90 келі көтерді.

Серпе көтеру жаттығуында бірінші 115 кг көтерді. Одан кейін 120 келіге тапсырыс берді. Алайда екі мүмкіндігінде де бұл салмақты басынан асыра алмады. Нәтижесінде 202 келі (87+115) көрсеткішпен алтын жүлдені иеленді, деп жазды prosports.kz.

Естеріңізге сала кетейік, 2016 жылы допингке байланысты спорттан шеттетілген Зульфия Чиншанлоны жарыстарға қатыстырмау туралы жаза мерзімі мамыр айының соңында аяқталған болатын.


1403
Кілт сөздер:
алтын жүлде, чемпионат, ауыр атлетика, Зульфия Чиншанло, Қазақстан
Тақырып бойынша
Қазақстан 2018 жылғы Азия ойындарының жетінші алтын медалін жеңіп алды
Баландин Испаниядағы біріншілікте үшінші алтын жүлдесін иеленді
Азиада-2018: Қазақстан құрамасының қоржынында қанша медаль бар?
Бұл медаль мен үшін алтынмен барабар – Юлия Галышева Пхенчханнан ұшып келді
Геннадий Головкин

Головкиннің қарсыласы және жекпе-жек өтетін күн белгілі болды

58
(Жаңартылды 16:24 03.03.2021)
Хайме Мунгиамен жекпе-жек 7 мамырда Американың Техас штатында өтеді. Оны DAZN платфорамасы көрсетеді

НҰР-СҰЛТАН, 3 наурыз – Sputnik. IBF және IBO тұжырымдары бойынша әлем чемпионы Геннадий Головкин (41-1-1, 36 КО) мексикалық Хайме Мунгиамен (36-0, 29 КО) жұдырықтасады. 

Ringpolska порталы таратқан мәліметке сәйкес, жекпе-жек 7 мамырда АҚШ-тың Техас штатында өтеді. Оны DAZN платфорамасы көрсетеді.

Мексикалық Хайме Мунгианың жасы – 24-те. Бұрын супер орта салмақтағы чемпион болған. Ал өткен жылы қаңтар айында орта салмаққа түсіп, екі жекпе-жек өткізді. Екеуінде де жеңіске жетті. Алдымен ирландиялық Гэри О'Салливанды жеңсе, одан кейін Багам аралдарынан келген Туреано Джонсоннан басым түсті.

Оқи отырыңыз: "Канело" Йылдырымды жеңгеннен кейін тосын оқиға болды –  видео 

Ал Головкин  Сауль Альвареске қарсы үшінші жекпе-жекті күтпейді. Себебі Канело супер орта салмаққа ауысып кетті. WBO чемпионы Деметриус Андрадемен жұдырықтасуға мүмкіндік жоқ. Америкалық боксшы өз титулын британдық Лиам Уильямсқа қарсы жекпе-жекте қорғауға міндеттелген.

58
Кілт сөздер:
жекпе-жек, Головкин
Тақырып бойынша
Геннадий Головкин әуесқой бокста өзіне кімдер қарсы болғанын айтты – видео
Назарбаев Головкинді әлем чемпионы атағын қорғап қалуымен құттықтады
Шереметаны жеңген Головкиннің гонорары жарияланды
Головкин мен "Канелоның" үшінші жекпе-жегі қашан өтуі мүмкін
Сауль Альварес, архивтегі фото

"Канело" Йылдырымды жеңгеннен кейін тосын оқиға болды  видео

4807
(Жаңартылды 17:29 28.02.2021)
Жанкүйерлер камераның алдына шығып, басқа жекпе-жекті жарнамалап жіберді, бірақ Канело оларды дереу қуып жіберді

НҰР-СҰЛТАН, 28 ақпан – Sputnik. Мексикалық боксшы Сауль Альварестің түрік Авни Йылдырымды жеңгеннен кейін берген сұхбаты кезінде тосын оқиға болды, деп хабарлады Sports.kz.  

Блогер Джейк Пол мен бұрынғы ММА шебері Бен Аскреннің суреті бейнеленген футболка киген екі жанкүйер рингке шығып кетті: олар камераның алдында секіріп, басқа жекпе-жекті жарнамалап жіберді, бірақ Канело оларды дереу қуып жіберді. Видеоеы төменде көруге болады.

"Канелоның" командасы шақырылмаған қонақтардың әрекетіне таңғалып тұрып қалды – әуелі мексикалықтың бапкері тіпті не болғанын түсінбеді.

Пол - Аскрен жекпе-жегі бокс ережесі бойынша 17 сәуірде өтеді деп жоспарланып отыр.

Еске сала кетейік, Альварес Авни Йылдырымды үшінші раундта жеңді: ол алдымен түркиялық боксшыны нокдаунға жіберді, содан кейін Йылдырым жекпе-жекті жалғастырудан бас тартты. 

4807
Кілт сөздер:
боксшы, видео, Канело, Сауль "Канело" Альварес
Иллюстративті фото

Қостанай облысында екі зейнеткерді өлтіріп кетті

0
(Жаңартылды 17:26 04.03.2021)
Зейнеткерлер пышақ жарақатынан көз жұмды. Қарттарды айуандықпен өлтірді деген күдікпен екі ер адам ұсталды

НҰР-СҰЛТАН, 4 наурыз – Sputnik. Қарттарды өлтірді деген күдікпен екі ер адам ұсталды, олардың бірі марқұмдармен таныс болған.

1 наурыз күні Алтынсарин ауданының Щербаково ауылында жеке үйден зорлықпен өлтірілген 84 жастағы ер адам мен 75 жастағы әйелдің денесі табылды, деп жазды өңірлік "Алау" басылымы.

Полиция қызметкерлері бұл фактіні Қылмыстық кодекстің 99-бабы "Адам өлтіру" және 192-бабы "Қарақшылық" бойынша тіркеді.

Оқиға орнына жедел-тергеу тобы, облыстық полиция департаментінің басшылығы келді.

Полицияның мәліметіне сәйкес, жедел-іздестіру шаралары барысында 31 және 32 жастағы күдіктілер анықталып, ұсталды. Қаскүнемдердің бірі зардап шегушілермен таныс болған, ол бұрын сол ауылда тұрған.

Сарыағаш тұрғыны зейнеткерді өлтіріп, денесін ауласына көміп тастаған

"Күдіктілер облыс орталығынан ауылға зейнеткерлерді тонау мақсатында келген. Ер адамдар ақша талап етіп, зейнеткерлерге пышақ жарақатын салған", - деп жазды басылым полицияға сілтеме жасап.

Қазіргі уақытта сотқа дейінгі тергеу амалдары жалғасып жатыр. Күдіктілер уақытша ұстау изоляторына қамалды.  

0