Хабиб Нурмагомедов пен Конор Макгрегор

Жекпе-жектен кейін төбелескені үшін Конор Макгрегор жазалануы мүмкін

369
(Жаңартылды 16:03 10.10.2018)
Невада штатының атлетикалық комиссиясы ирландықтың атына шағым түсіруі мүмкін

АСТАНА, 9 қазан — Sputnik. Жекпе-жектен кейін төбелеске қатысқаны үшін Хабиб Нурмагомедов қана емес, оның қарсыласы Конор Макгрегор да жазалануы мүмкін. Невада штатының атлетикалық комиссиясы (NSAC) өткен демалыста T-Mobile Arena-да болған оқиғадан кейін қос файтерге де ресми шағым түсірмек, деп хабарлайды ESPN.

NSAC төрағасы Энтони Марнелдың айтуынша, қазір комиссия Нурмагомедов пен Макгрегордың кездесуінен кейін шыққан төбелесті толығымен тергеп жатыр. Тергеу барысында видео мұқият зерттеліп, оқиғаға қатысушылардан жауап алынады.

Сонымен бірге төбелеске қатысқан басқа да тұлғалар жаза тартуы мүмкін – оның ішінде сегіз бұрышқа шығып Макгрегорды бірнеше рет ұрған "қызыл жейде киген адам" да бар. 

"Октагонға шығып кеткен көрерменге тағылатын айыптаулар бар. Оның кім және қайда екенін білеміз. Тәртіп бұзушылық жайында бас прокурорға хабарлауым керек. Бұл күрделі оқиға, сондықтан мұқият тергелуі тиіс", — дейді Марнелл.

NSAC төрағасы хабарлағандай, тәртіптік тыңдаулар қарашаның соңына дейін өтуі тиіс. 

Хабиб Нурмагомедов пен Конор Макгрегор арасындағы жекпе-жек ресейлік файтердің жеңісімен аяқталды. Алайда кездесу біте салысымен Нурмагомедов октагонның қоршауынан асып түсіп, қарсылас команданың өкілдерімен төбелесе бастады. Макгрегор да соңынан ұмтылып еді, оны ешкім жібермеді. Кейін ирландық файтер алаңда Нурмагомедовтің командасындағы адамдармен жұдырықтасты.

Жекпе-жектен кейінгі баспасөз мәслихатында Хабиб Нурмагомедов өз қылығы үшін кешірім сұраған.

369
Кілт сөздер:
UFC, видео, төбелес, аралас жекпе-жек, Конор МакГрегор, Хабиб Нурмагомедов
Тақырып:
"Нурмагомедов - Макгрегор" жекпе-жегі (18)
Тақырып бойынша
Нурмагомедов пен Макгрегор фанаттары төбелесінің видеосы жарияланды
"Белбеуім қайда?". Хабиб жекпе-жектен кейін байбалам салды
Ұлттық қауіпсіздік комитетінің басшысы Кәрім Мәсімов

Кәрім Мәсімов Нурмагомедовті жеңісімен құттықтады видео

328
(Жаңартылды 14:11 25.10.2020)
Хабиб пен Гэтжи кездесуіне Қазақстан ұлттық қауіпсіздік комитетінің басшысы көрермен ретінде қатысты

НҰР-СҰЛТАН, 25 қазан – Sputnik. Қазақстанның жекпе-жек өнері қауымдастығының президенті Кәрім Мәсімов Хабиб Нурмагомедовті жеңісімен құттықтады. 

Нурмагомедов пен Гэтжидің кездесуі 25 қазанға қараған түні Абу-Дабидегі UFC 254 турнирінің басты жекпе-жегі болды. Кездесу екінші раундта Хабибтің жеңісімен аяқталды.

Жеңіске жеткен Нурмагомедов эмоцияға бой алдырып, сегізбұрышта тұрып көзіне жас алды. Ол өзінің 29-шы жеңісті жекпе-жегін әкесіне арнайтынын айтып, кәсіби мансабын аяқтайтынын жариялады.

Оқи отырыңыз: UFC-дегі Рахмоновтың жеңісі, Нурмагомедовтің мәлімдемесі

Айта кетейік, осы турнир аясында қазақстандық спортшы Шавкат Рахмонов UFC-дегі алғашқы жекпе-жегін өткізіп, бразилиялық Алекс Оливейраны мерзімінен бұрын жеңді. Бұл оның кәсіпқой спорттағы 13-ші жеңісі болды.  

328
Кілт сөздер:
Кәрім Мәсімов, Хабиб Нұрмагомедов
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
Қазақстандық спортшы қарсыласын ерекше тәсілмен тұншықтырып жеңді – видео
Қазақ боксшысы Нұрзат Сабыров мексикалық "Тайсонды" жеңді – видео
Қазақстан бірнеше миллиондық істі жеңді
Қуат Хамитов ресейлік спортшыны тұншықтыру әдісімен жеңді – видео
Хабиб Нурмагомедов

UFC-дегі Рахмоновтың жеңісі, Нурмагомедовтің мәлімдемесі

110
(Жаңартылды 10:48 25.10.2020)
UFC 254 турнирінде қазақстандық спортшы Шавкат Рахмонов алғашқы жеңісіне қолжеткізді. Сондай-ақ осы турнирдегі айқын жеңісінен кейін Нурмагомедов карьерасын аяқтайтынын жария етті

НҰР-СҰЛТАН, 25 қазан – Sputnik. Түнде Абу-Дабидегі Яс аралында UFC 254 турнирі өтіп, онда қазақстандық спортшы Шавкат Рахмонов алғашқы жеңісіне қолжеткізді. Сондай-ақ, аралас жекпе-жектің миллиондаған жанкүйері Хабиб Нурмагомедовтің мансабындағы соңғы жеңісіне куә болды.

UFC-дегі алғашқы жеңіс

Бразилиялық спортшы Алекс Оливейраның осы кезге дейінгі тәжірибесі мол болғанымен, Рахмоновтың UFC дебютті кездесуінде өзінің мықтылығын көрсете алмады. Дегенмен, Шавкаттың қарсыласы одан қатты қорқып, жекпе-жектің алғашқы секундтарынан бастап бастаманы өз қолына алуға тырыспады. 

Посмотреть эту публикацию в Instagram

Публикация от UFC Russia (@ufcrussia)

Алдымен қос спортшы аса сақтықпен қимылдап, бір-бірін барлауда бразилиялық түрлі соққыларымен Рахмоновтың иегін алуға тырысты. Солай десек те, Оливейра белсенді қимылдай алмады. Мұны сезген Шавкат қарсыласына шабуыл жасап, қылқындыру әдісі арқылы жеңіске жетті. 

Посмотреть эту публикацию в Instagram

Публикация от ufc (@ufc)

Осылайша, Рахмонов кәсіби мансабында 13 және бүкіл әлемге әйгілі UFC-дегі алғашқы жеңісіне қол жеткізді.

Нурмагомедов жеңіске жетіп, мәлімдеме жасады

Бұл кеште Рахмоновтың жекпе-жегінен кейін көрермендер тағы бірнеше жекпе-жекті тамашалады. Олардың әрқайсысы өте керемет өтті десек те, ең басты шайқас – Хабиб Нурмагомедов пен Джастин Гаджидің жекпе-жегі ерекше болды. 

"Дағыстандық бүркіттің" чемпиондық белбеуін кезекті қорғауы сәтті аяқталды. Шайқастың алғашқы секундтарынан бастап америкалық спортшы белсенді болды. Ол сегізбұрыштың ортасын иемденіп, Хабибке қысым жасағанымен, Гетжидің бұл әрекеті ұзаққа созылмады.

Осылайша, бірінші раунд қарсыластардың алма кезек соққы жасап, аса сақ қимылдауымен өтті.

Ал екінші раундты Хабиб өте қарқынды бастады. Қарсыласына "үшбұрыш" әдісін қолданып, Гэтжиді берілуге ​​мәжбүрледі.

Жеңіл салмақта UFC ұйымының чемпионы ресейлік Хабиб Нурмагомедов америкалық Джастин Гэтжиді жеңгеннен кейін карьерасын аяқтайтынын мәлімдеді.

"Бүгін мен соңғы жекпе-жегімді өткізгенімді мәлімдеймін. Менің ендігі қалайтыным – салмақ дәрежесіне қарамай жасалатын рейтингтің бірінші орнына шығу. Мен бұған лайықтымын деп ойлаймын. 29-0. Бір рет жеңілген жоқпын. Ұйымның басшыларына алыс айтқым келеді. Барлықтарыңызға рақмет", – деді Хабиб жекпе-жектен кейін.

Жекпе-жектен кейінгі мәлімдемесінде Нурмагомедов бұдан былай анасына көбірек уақыт бөлетінін айтты. Сондай-ақ, ол өз жанкүйерлеріне ата-анасына жақын болуға кеңес берді.

110
Кілт сөздер:
аралас жекпе-жек, Хабиб Нурмагомедов
Тақырып бойынша
Қазақстан барысы - 2019: жеңімпаз балуан қанша теңге ұтады?
Хабибтен жеңілген Порье көз жасын тыя алмады – жекпе-жектің видеосы
Қазақстандық пен ресейлік арасындағы жекпе-жек төбелеспен аяқталды - видео
"Өте қауіпті": Хабиб Нурмагомедов маңызды мәселені көтерді – видео
Хабиб Нурмагомедовтың әкесі қайтыс болды
Астана көрінісі

Қазақстанда 26 қазанда қандай маңызды оқиғалар болады

0
Sputnik Қазақстан 26 қазан мен 5 қараша аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

26 ҚАЗАНҒА ЖОСПАРЛАНҒАН ШАРАЛАР  

08.30 – Түркия қорғаныс министрі Хулуси Акардың Қазақстанға ресми сапары. Қазақстан Республикасы қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді. Орналасқан жері: Нұр-Сұлтан, Достық көш., 14. Түркістан көшесі жағынан кіру (2 өткізу пункті). Анықтама үшін телефон: 8 (7172) 72-18-69, 72-15-59. Тіркелу үшін: 8 (7172) 72-18-69, 72-15-59.

09.00 – Ақпарат және қоғамдық даму министрлігі "Жыл еріктісі" халықаралық сыйлығына байқау жариялайды. Байқауға қатысу үшін өтінім беріп, qazvolunteer.kz интернет-платформасында волонтерлік қызмет туралы мәліметтерді толтыру керек. Өтінішт қабылдау 2020 жылдың 15 қараша күнгі сағат 09:00-ге дейін жалғасады (қосымша мәліметтер мына сілтемеде).

10.00 – Қазақстан жастары конгресі мен Нұрсұлтан Назарбаев қоры ұйымдастырған әмбебап және конвергентті журналистерді даярлауға арналған "Jas Qalam" республикалық жобасының басталуы. Жоба дәстүрлі сипатқа ие болды және үшінші рет өткізіліп отыр. Биыл оқыту екі тілде өтеді: 26 қазаннан 20 қарашаға дейін – орыс тілді аудитория үшін, ал 16 қарашадан 11 желтоқсанға дейін – қазақтілді аудитория үшін. Орыс тілді аудиторияға өтінімдер қабылдау 22 қазанда, ал қазақтілді аудитория үшін 16 қарашада аяқталады (тіркелу мына сілтеме бойынша).

10.30 – БҰҰ комитеттерінің көзқарасы бойынша сарапшылар мен жол картасы авторларының қатысуымен "Әділ сот талқылауына құқық" тақырыбындағы брифинг. Брифинг бейнеконференция форматында өтеді. Сарапшылар – Адам құқығы және заңдылықты сақтау жөніндегі Қазақстандағы халықаралық бюроның директоры Евгений Жовтис, адвокат Светлана Ковлягина, Данияр Қанафин, Алматы қалалық адвокаттар алқасының адвокаты Анар Ибраева, "Қадір-Қасиет" ҮЕҰ сарапшысы – онлайн-форматта өз ұсыныстарын республика заңнамасына енгізеді (тіркелу +7 (7172) 45-76-21 телефоны немесе prestigeedu20@gmail.com электронды  почтасы арқылы жүргізіледі).

11.00 – Интернеттегі трансляция форматындағы алаяқтықпен күрес тақырыбында ІІМ брифинг өткізеді. Спикер: ІІМ криминалдық полиция департаменті бастығының орынбасары Ерлан Омарбеков. Тақырып бойынша сұрақтар mvd_pr@mail.ru поштасы немесе 8 (705) 440 83 65 WhatsApp арқылы қабылданады.

Нұр-Сұлтан

08.30 – Түркия Республикасының қорғаныс министрі Хулуси Акардың Қазақстанға ресми сапары. Қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді (Өтетін орны: Қорғаныс министрлігі, Достық көшесі, 14. Байланыс телефоны: +7 (7172) 72-18-69, 72-15-59).

Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

31 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

18.00 – ХХ ғасырдың әйгілі хореографы Ролан Петидің Лео Делибес әуенімен сахналаған "Коппелия" комедиялық балеті. Либретто Эрнст Гофманның шебер Коппелиус жасаған механикалық қуыршаққа ғашық болған жас жігіт туралы "Песка" әңгімесінің негізінде жазылған ("Астана Опера" театры, Қонаев көшесі, 1. Байланыс телефоны: +7 (7172) 70 95 94).

5 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

12.00 – Эрнст Гофманның ертегісі бойынша "Щелкунчик" балеті, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0