Спорт

Қазақстандық зілтемірші әлем рекордын жаңартып, чемпион болды

© Public DomainШтанга, тяжелая атлетика
Штанга, тяжелая атлетика - Sputnik Қазақстан
Жазылу
Ол жұлқа көтеруде 127 келіні, серпе көтеруде 161 келіні еңсеріп, қоссайыс қорытындысы бойынша 288 келіні көтерді

АСТАНА, 11 наурыз – Sputnik. АҚШ-тың Лас-Вегас қаласында ауыр атлетикадан өтіп жатқан жасөспірімдер арасындағы әлем чемпионатында қазақстандық зілтемірші жеңімпаз атанды, деп хабарлайды Ұлттық Олимпиада комитеті.

67 келіге дейінгі салмақта сынға түскен Сайхан Тайсуев әлем рекордын жаңартып, чемпиондық атаққа ие болды.

Қайырбек Аяшев мұздай суда ұзақ уақыт тұрудан Қазақстан рекордын орнатты - Sputnik Қазақстан
Видео
Астана тұрғыны мұздай судың ішінде ұзақ уақыт тұрудан рекорд орнатты - видео
"Ол жұлқа көтеруде 127 келіні, серпе көтеруде 161 келіні еңсеріп, қоссайыс қорытындысы бойынша 288 келіні көтерді. Бұл оған өз қатарластары арасында әлем чемпионы атануға мүмкіндік берді", - деп жазылған хабарламада.

Сонымен қатар қазақстандық зілтемірші серпе және жұлқа көтеруден кіші алтын жүлдені де өз еншісінде қалдырды. Ол серпе көтеруден жасөспірімдер арасындағы әлем рекордын жаңартты. Бұл Қазақстан спортшыларының әлемдік сындағы екінші алтын медалі.

Айта кетейік, кеше 61 келіге дейінгі салмақта Ақмолда Сайрамкез топ жарды.

Қазақстан жасөспірімдер құрамасын белгілі ауыр атлет Бақыт Ахметов жаттықтырады.

 

Жаңалықтар
0