Геннадий Головкин, архивтегі сурет

Головкиннің туған күні боксшы туралы не дейді - нумеролог айтып берді

2325
(Жаңартылды 15:56 08.04.2019)
Нумеролог белгілі боксшы Геннадий Головкиннің өміріндегі өзгерістерді болжап көрді

НҰР-СҰЛТАН, 8 сәуір — Sputnik. 8 сәуір күні әйгілі қазақстандық боксшы Геннадий Головкин 37 жасқа толды. Танымал жерлесіміз мүшел жасқа келіп отыр. Sputnik Қазақстан тілшісі нумеролог маманмен сұхбаттасып, белгілі спортшының алдағы өмірі жайлы білді.

Мүшел жас нумерологиясы

Нумерология – сандардың, процестердің және жалпы адамның өмірі мен санасының мистикалық байланысын зерттейтін ғылым. Алайда ол адамның өмір кезеңдерін бөліп қарастырмайды.  

"Қазақтар ғасырлар бойы мүшел жасқа мән берген. Бұл исламмен емес, тәңіршілдік кезімен байланысты. Бұл наным-сенімнің тамыры тереңде жатыр. Мен мүшел жас ұғымына сенемін. Оны Эгрегор әсері деп те атауға болады. Яғни адамдардың бәрі бір нәрсеге сене бастаса, сол нәрседе энергетикалық күш пайда болады. Ал энергетикамен, әсіресе, адам энергетикасымен байытылған дүние тылсым күшке ие болып, орындала бастайды", - дейді нумеролог.

Әр 12 жыл сайын қайталана есептелетін мүшел жас қазақта, жалпы түркі халықтарында қауіпті кезең деп есептеледі. Алайда нумерологияда 12 санының ерекше күші мен әсері жоқ деп саналады.

Мүшел жас – GGG үшін қате шешімдер жылы 

Сарапшы-нумеролог  Әйгерім Жауханова Геннадий Головкиннің өмірлік жолының кодын зерттеп, 2019 жыл спортшы үшін жеңіл болмайды деген болжам жасады. Сәті түссе, тұрақты жыл болуы мүмкін. Бұл кезеңде ойдағы жоспарларды жүзеге асыру оңайға соқпайды. Қате шешім жасау қаупі арта түседі. Күйзеліске ұшырап, өмірлік құндылықтарды қайта қарастыруы мүмкін.

"Оның карьерасына қатысты айтатын болсам , 37 жас – қате шешім жасау жылы деп шығып отыр. Осындай қауіп бар екенін көріп отырмын. Мәселен, ол қандай да бір қалада жекпе-жек өткізуге бел байлауы мүмкін. Алайда бұл дұрыс шешім болмайды. Қарсылас таңдаған кезде де, мұқият болған жөн. Алайда мұның мүшел жаспен байланысы жоқ екенін атап өткім келеді", - деді сарапшы.

Биыл асықпай, сабырмен жұмыс істейтін жыл. Спортшы өзінің шешімі мен әрекетін бүге-шүгесіне дейін ойластыруы керек. Головкин туындаған мәселелерді эмоцияға берілмей, салқынқандылықпен шешуі қажет. 

"Әрбір шешімді жан-жақты ойластырған дұрыс. Оның артықшылығы мен кемшілігін қағазға тізіп жазуға да болады. Отбасы мүшелерімен ақылдасып отыру керек. Өйткені олардың бізге үнемі жаны ашып, әрдайым сәттілік тілеп отырады. Сондықтан отбасы мүшелерінің кеңесіне құлақ түру қажет", - дейді сарапшы.

2019 жылы отбасыға көңіл бөлу керек

Осы жылдың сандары отбасыға ерекше көңіл бөлу керектігін көрсетеді. Бір сөзбен, отбасы және үймен байланысты шешімдердің бәрі боксшы үшін сәтті болады.

Нумерологтың айтуынша, Головкин осы жайттарды ескерсе, ішкі жан дүниесі мен сыртқы өзгерістер үйлесім табады.

"Биыл оған шаруаларын біраз саябырсытып,карьераға емес, отбасына көңіл бөлуге кеңес беремін. Нумерологияда тоғыз жылдық цикл деген бар. Оның әрбір жылы отбасы, жұмыс, карьера сынды нақты бағыттарға бөлінеді. 2019 жылдың сандары отбасымен байланысты. Сондықтан үй сатып алу, бірге сапарға шығу секілді нәрселермен айналысу керек. Ал отбасын екінші орынға қойып, карьераға көңіл бөлетін болса, жыл сәтті болмайды", - деп кеңес береді сарапшы.

Оның айтуынша, алдағы жылы бәрі өз орнына келеді.

Сондай-ақ, 2019 жылы нумеролог спортшыға өз денсаулығына көңіл бөлуге кеңес берді. Жұмыс қарқынын біраз бәсеңдету керек.

"Отыз жеті дегеніміз – аз емес. Әсіресе, оның бокспен айналысқанын ескеру керек. Сондықтан денсаулығына бей-жай қарамағаны дұрыс. Оның туған күні бойынша денсаулық көрсеткіші бірқалыпты. Дегенмен, бастапқы сандар тізімінен алшақ кету қиын. Сондықтан оларды ескеріп, адам өз мүмкіндігін асыра бағаламауы керек", - дейді нумеролог.

Геннадий Головкиннің өміріне әсер ететін сандар

Геннадий Головкиннің цифрлық матрицасына қарап, оның мейірімді, қоғамның мақтауы мен мойындауын ұнататын тәуелсіз, еңбекқор, қамқоршы, әділ адам екенін көруге болады. Маманның айтуынша, Головкиннің "Қазір спорттан бизнес жасайтын болды" деген сөздері де, оның әділетсіздікке қарсы екенін көрсетеді.

"Гена байсалды, сабырлы, тұйық адам. Өзгелер оны мейірімді, талапкер деп біледі. Головкин көптеген адамға үлгі бола алады. 8 саны бар адамның өмірлік қағидасы: "Адам қолынан келмейтін нәрсе жоқ". Ол Майқұдықтан Америкаға барып, оны бағындыру мүмкін екенін дәлелдегісі келгендей.  Головкиннің әділдігі саясатта да жақсы болар еді. Бокстан бөлек, саясатта сәтті қызмет ете алады деп ойлаймын. Алайда мұның бәрі әлі алда", - деді Әйгерім Жауханова.

Оның айтуынша, Головкин өмірінде сандар сәтті орналасқан. Сондықтан оның карьерасының табысты болуы алдын-ала белгілі болған.  

"Мұндай адамдардың карьерасы табысты болады. Оның кестесіне көз жүгіртсек, 21  мен 35 жас аралығында энергетикалық жоғарылауды көреміз. Әдетте, бұл кезең өте сәтті болады. Алайда 35 пен 42 жас аралығында энергетикалық күштің төмендеуі байқалады. Бұл – жаңа шешімдер емес, тұрақты жұмыс уақыты", - деді нумеролог.

Боксшының келесі сәтті кезеңі 42 жастан басталады. Бұл кезеңде ол өзінің мүмкіндігін таныта алады. Ол үшін спорт саласын таңдау міндетті емес.

2325
Кілт сөздер:
GGG, туған күн, нумеролог, болжам, бокс, Геннадий Головкин
Тақырып бойынша
"Бұрынғы Головкин емес". Шетелдік тілші боксшының карьерасы туралы болжам айтты
Геннадий Головкин бұрынғы менеджерлерін сотқа берді
Головкин Назарбаевтың президенттіктен кетуіне қатысты пікір білдірді
Головкин карьерасын аяқтай ма? Эдди Хирн қызықты мәлімдеме жасады
"Бес жылда алғаш рет". Головкин антирекорд орнатты
Головкин тағы да Қазақстанның атын әлемге танытты
Иллюстративті фото

Қазақстанда туып-өскен аралас жекпе-жек шебері қарсыласын нокаутқа жіберді

1061
(Жаңартылды 12:09 11.10.2020)
Ілияс Хамзин Қазақстаннан ата-анасымен бірге Омбыға көшіп кеткен. Ол кикбоксингпен және тай боксымен айналысты, содан кейін аралас жекпе-жекке ауысты

НҰР-СҰЛТАН, 11 қазан – Sputnik. Қазақстанда туған Ілияс Хамзин Екатеринбургтегі аралас жекпе-жек турнирінде ресейлік Дмитрий Гавриловты мерзімінен бұрын жеңді.

Instagram-дағы MMA Fighters KZ аккаунты хабарлағандай, жекпе-жек бірінші раундта аяқталды.  

Посмотреть эту публикацию в Instagram

Публикация от Official | MMA Fighters KZ 🇰🇿 (@mma_f1ghters_kz)

"Екатеринбургтегі турнирде Ілияс Хамзин қарсыласын нокаутқа түсірді. Мына соққыдан кейін Гаврилов есін жия алмады", - делінген жазбада.

Нәтижесінде Ілияс Хамзин алтыншы жеңісіне қол жеткізді, ол бір рет жеңілген.

Жойқын нокаут: Әлімханұлының АҚШ-тағы жекпе-жегінің видеосы жарияланды

Ілияс Хамзин 32 жаста, ол Қазақстанда туған, содан кейін ата-анасымен Омбыға көшіп кетті. Ол кикбоксингпен және тай боксымен айналысты, бірақ ресейлік файтер Питер Янмен кездескеннен кейін ол аралас жекпе-жекке ауысты.  

1061
Кілт сөздер:
аралас жекпе-жек, ММА
Тақырып бойынша
Чемпиондық белбеу үшін жекпе-жекте қазақстандық спортшы нокаутқа түсті - видео
Қазақстандық боксшы қарсыласын жойқын соққымен нокаутқа түсірді - видео
Арман Оспанов ресейлік файтерді жойқын нокаутқа түсірді – толық видео
Макгрегор Серронені жойқын нокаутқа түсірді - видео
Жеңілмеген өзбек боксшысы нокаутшы Жүкембаевты жекпе-жекке шақырды
Жәнібек Әлімханұлы

Жойқын нокаут: Әлімханұлының АҚШ-тағы жекпе-жегінің видеосы жарияланды

5903
(Жаңартылды 09:56 10.10.2020)
Бұл қазақ спортшысының кәсіби карьерасындағы тоғызыншы жекпе-жегі. Бұл жолы аргентиналық "Сиқыршымен" кездескен болатын

НҰР-СҰЛТАН, 10 қазан — Sputnik. Жәнібек Әлімханұлы аргентиналық қарсыласын екінші раундта жойқын нокаутпен жеңді.

Посмотреть эту публикацию в Instagram

Публикация от SPORTS.KZ (@kzsports)

Бұл қазақ спортшысының (8-0, 4 КО) кәсіби карьерасындағы тоғызыншы жекпе-жегі, төртінші рет титул үшін жұдырықтасып отыр, деп хабарлайды Sports.kz. 

Ол Лас-Вегастағы бокс кешінде "Сиқыршы" деген лақап атпен өнер көрсететін аргентиналық Гонсало Кориямен (16-3, 6 КО) кездесті. Әлімханұлының екі чемпиондық белбеуі ортаға салынды. Ол WBC және WBO чемпионы атағын сақтап, жеңіске жетті. 27 жастағы қазақстандық боксшы әлі бірде-бір рет жеңілген жоқ.

Жекпе-жек он раундқа жоспарланған болатын. Алайда Әлімханұлы қарсыласын екінші раундта сұлатты.

5903
Кілт сөздер:
бокс, видео, жекпе-жек, нокаут, Жәнібек Әлімханұлы
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
Жәнібек Әлімханұлы екі чемпиондық титулды жеңіп алды – толық видео
"Бұл – басы ғана": Әлімханұлы айшықты жеңісінен кейін маңызды мәлімдеме жасады
Жәнібек Әлімханұлы: Альварес пен Джейкобсты жеңе алатынымды бәрі біледі
Әлімханұлы атақты Пакьяоның промоутерімен келісімшартқа қол қойды
Көлік қозғалысы

Нұр-Сұлтанда жаңа біржақты көше пайда болады

0
Бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданған

АЛМАТЫ, 20 қазан – Sputnik. Нұр-Сұлтанда 25 қазаннан бастап Family village ауданында Е652 көшесінде бір бағытты қозғалыс енгізу жоспарланып отыр.

Қала әкімдігінің баспасөз қызметінің хабарлауынша, бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданды. 

Елордалық көлік және жол-көлік инфрақұрылымын дамыту басқармасы мен әкімшілік полиция басқармасы бірлесіп, осы учаскелердің жол-техникалық жағдайын тексерген.

"Қозғалыс сағат тіліне қарсы бағытта болады. Белгіленген учаскеде бір бағытты қозғалысты енгізу көлік легінің үздіксіз қозғалысын қамтамасыз етуге, қарсы бағытпен қақтығыс жағдайын азайтуға, жол апатын болдырмауға мүмкіндік береді", - делінген әкімдік таратқан ақпаратта.

Сонымен қатар бұл өзгеріс жол қозғалысын оңтайландыру үшін және көше-жол желісіне жүктемені азайту мақсатында енгізіліп отыр.

0
Кілт сөздер:
көлік қозғалысы, көше, Нұр-Сұлтан
Тақырып бойынша
Көше сыпырып кеткен: Әблязовтің елге оралған сыбайластарының тағдыры белгілі болды
Нұр-Сұлтанда ерекше көше қиылысы пайда болды – видео
Америкалықты бір соққымен құлатқан қазақ па? Көше төбелесінің видеосы
Бұрынғы кәсіби футболшы көше сыпырып кетті – видео
Нұр-Сұлтанда бірнеше көше мен көпір жабылады