Қазақстандық боксшы Жанқош Тұраров

Бұрынғы әлем чемпионы Жанқош Тұраров туралы не ойлайтынын айтты

1375
Экс-чемпион Қазақстанда "жаңа" Головкин табылды деген ойымен бөлісті

НҰР-СҰЛТАН, 31 мамыр – Sputnik. Екінші жартылай жеңіл салмақтағы WBO тұжырымдамасы бойынша бұрынғы әлем чемпионы Алекс Артур Жанқош Тұраровтың (22-0, 15 КО) техникасы Геннадий Головкинге (38-1-1, 34 КО) ұқсайтынын айтты, деп хабарлайды Sports.kz.

Шотландиялық боксшы Тұраровтың жаттығуының видеосын көрген.

Тағы оқыңыз: Жанқош Тұраров Головкин мен Елеусінов арасындағы дауға пікір білдірді

"Оның бойында GGG-ге ұқсайтын қасиет көп. Қай тұрғыдан алып қарасақ та, Головкинге ұқсайды деп ойлаймын", - деді Артур.

Еске сала кетсек, Жанқош екі жылдан соң рингке қайта оралуды жоспарлап отыр. Ол шаршы алаңға 2017 жылдың қыркүйек айынан бері шыққан жоқ. Тұраров 1 маусым күні Кардиффте (Уэльс) ганалық боксшы Ричмонд Джарбенгпен (29-3-1, 23 КО) жекпе-жек өткізетін болады. Бұдан соң Тұраров 6 шілде күні Нұр-Сұлтандағы бокс кешінде өнер көрсетпек.

1375
Кілт сөздер:
Жанқош Тұраров, чемпион, WBO
Тақырып бойынша
Қанат Ислам Брендон Кукты ойсырата жеңді
Жанқош Тұраровтың Астанада өтетін жекпе-жектегі қарсыласы белгілі болды
Головкин "Канелодан" жеңілгеннен кейін IBO рейтингінде жаңа орынға жайғасты
"Ашығын айтайын..." Данияр Елеусінов Головкинмен арадағы дауға нүкте қойды
Головкин мен "Канелоның" үшінші жекпе-жегіне қатысты жағымсыз дерек шықты
Геннадий Головкин

Головкиннің қарсыласы және жекпе-жек өтетін күн белгілі болды

58
(Жаңартылды 16:24 03.03.2021)
Хайме Мунгиамен жекпе-жек 7 мамырда Американың Техас штатында өтеді. Оны DAZN платфорамасы көрсетеді

НҰР-СҰЛТАН, 3 наурыз – Sputnik. IBF және IBO тұжырымдары бойынша әлем чемпионы Геннадий Головкин (41-1-1, 36 КО) мексикалық Хайме Мунгиамен (36-0, 29 КО) жұдырықтасады. 

Ringpolska порталы таратқан мәліметке сәйкес, жекпе-жек 7 мамырда АҚШ-тың Техас штатында өтеді. Оны DAZN платфорамасы көрсетеді.

Мексикалық Хайме Мунгианың жасы – 24-те. Бұрын супер орта салмақтағы чемпион болған. Ал өткен жылы қаңтар айында орта салмаққа түсіп, екі жекпе-жек өткізді. Екеуінде де жеңіске жетті. Алдымен ирландиялық Гэри О'Салливанды жеңсе, одан кейін Багам аралдарынан келген Туреано Джонсоннан басым түсті.

Оқи отырыңыз: "Канело" Йылдырымды жеңгеннен кейін тосын оқиға болды –  видео 

Ал Головкин  Сауль Альвареске қарсы үшінші жекпе-жекті күтпейді. Себебі Канело супер орта салмаққа ауысып кетті. WBO чемпионы Деметриус Андрадемен жұдырықтасуға мүмкіндік жоқ. Америкалық боксшы өз титулын британдық Лиам Уильямсқа қарсы жекпе-жекте қорғауға міндеттелген.

58
Кілт сөздер:
жекпе-жек, Головкин
Тақырып бойынша
Геннадий Головкин әуесқой бокста өзіне кімдер қарсы болғанын айтты – видео
Назарбаев Головкинді әлем чемпионы атағын қорғап қалуымен құттықтады
Шереметаны жеңген Головкиннің гонорары жарияланды
Головкин мен "Канелоның" үшінші жекпе-жегі қашан өтуі мүмкін
Сауль Альварес, архивтегі фото

"Канело" Йылдырымды жеңгеннен кейін тосын оқиға болды  видео

4808
(Жаңартылды 17:29 28.02.2021)
Жанкүйерлер камераның алдына шығып, басқа жекпе-жекті жарнамалап жіберді, бірақ Канело оларды дереу қуып жіберді

НҰР-СҰЛТАН, 28 ақпан – Sputnik. Мексикалық боксшы Сауль Альварестің түрік Авни Йылдырымды жеңгеннен кейін берген сұхбаты кезінде тосын оқиға болды, деп хабарлады Sports.kz.  

Блогер Джейк Пол мен бұрынғы ММА шебері Бен Аскреннің суреті бейнеленген футболка киген екі жанкүйер рингке шығып кетті: олар камераның алдында секіріп, басқа жекпе-жекті жарнамалап жіберді, бірақ Канело оларды дереу қуып жіберді. Видеоеы төменде көруге болады.

"Канелоның" командасы шақырылмаған қонақтардың әрекетіне таңғалып тұрып қалды – әуелі мексикалықтың бапкері тіпті не болғанын түсінбеді.

Пол - Аскрен жекпе-жегі бокс ережесі бойынша 17 сәуірде өтеді деп жоспарланып отыр.

Еске сала кетейік, Альварес Авни Йылдырымды үшінші раундта жеңді: ол алдымен түркиялық боксшыны нокдаунға жіберді, содан кейін Йылдырым жекпе-жекті жалғастырудан бас тартты. 

4808
Кілт сөздер:
боксшы, видео, Канело, Сауль "Канело" Альварес
ADAM BOL Аwards жүлдесі

Дәрігерден ұялған: үйінде босанған келіншекке көмектескен ақтөбелік әйелдің әңгімесі

0
Ақбота Аманғалиева 8 жыл бұрын үйінде босанған көрші келіншекке көмектесіп, нәрестені аман алып қалған. Бастапқыда дауыс шығарып жыламаған сәбидің бет-аузын сүрткен ол, табанынан ұрып, жедел жәрдем келгенше бала мен ананың жағдайын жасаған

АЛМАТЫ, 4 наурыз – Sputnik. Қазақстанда биыл алғаш рет қиын сәтте батыл қадам жасаған азаматтар марапатталды. Әлия Назарбаеваның бастамасымен ADAM BOL сыйлығы табысталды. Халықтың дауыс беруі арқылы лауреат атанған 12 азаматқа 1 миллион теңгеден берілді. Әр батырдың оқиғасы әртүрлі. Бірі өрттен бір топ адамды аман алып қалса, енді бірі зорлық әрекеттің алдын алып, балаларға көмектескен. Соның бірі – ақтөбелік кәсіпкер Ақбота Аманғалиева. Ол 8 жыл бұрын үй ішінде әйел босандырып, жыламай туған нәрестенің бетін бері қаратқан.

Қазір сол баланың денсаулығы жақсы, екінші сыныпта оқып жүр.

Sputnik Қазақстан тілшісі Ақбота Аманғалиевамен және 2013 жылы үй ішінде босанған әйелмен әңгімелесті.

Дәрігерге бармаған...

Ақбота Аманғалиеваның бір ұл, бір қызы бар. Кенжесі мектеп жасына жеткен жылы отбасымен бірге Ақтөбеден 25 шақырым жерге көшкен. Қаладағы үйін бос қалдырып, жанындағы уақытша тұруға арналған үйді жалға берген.

2013 жылдың 3 наурызында әйел бос тұрған үйін жинау үшін қалаға келеді. Сол сәтте үйін жалдап тұрып жатқан Гүлбаршын Оразғалиеваның толғағы қысқан.

"2013 жылы 3 наурызда боран соғып, қар жауып тұрды. Үйде қызымыз екеуміз ғана едік. 43 жаста болған соң дәрігерге баруға ұялдым. Ауруханаға бармай, үйде босанып қалдым. Ақбота көршім ғой, бір аулада тұрдық. Үйін жалдап тұрдым. Кешкі сағат 7-8 шамасында толғағым келді. Жедел жәрдем жоқ. Күн суық. Хабарластық, келмей жатыр. Қызым жалаңаяқ жүгіріп барып, Ақботаны шақырды", – дейді Гүлбаршын Оразғалиева.

Бұл күнді Ақбота Аманғалиева да ұмытпаған. Оқиға күні кеше болғандай, бәрі де көз алдында.

"Ол күн әлі есімде. Бала жыламай туды. Сол оқиға болардан бір ай бұрын келінім босанған кезде жанына серіктес болып кірдім... Менің сол жерге барғаным да, көршілердің дәл біздің үйге көмек сұрап келгені – бәрі-бәрі баланың көрейін деп тұрған жарығы болар... Бала көкпеңбек болып туған соң перзентханада көргенімді істеп, екі аяғынан ұстап, табанынан шапалақпен ұрдым", – дейді ол. 

Посмотреть эту публикацию в Instagram

Публикация от @adambolawards

Алайда ол кездегі жағдай оңай болмаған. Ақботаның айтуынша, келіншек қатты толғатып жатқанда қорыққан. Жедел жәрдем келгенше шыдайды деп үміттенген.

"Әйелдің ыңғайланып жатқанын байқаған соң босануға көмектесуден басқа амал жоқ екенін түсіндім. Өзімді қолға алдым. Оған оның алдында серіктес болып кіргенімнің көмегі тиді", – дейді Ақбота Аманғалиева.

"Баланың жыламағанын көріп, қатты уайымдадым. Қызым ол кезде кішкентай еді, ол да өліп қалған екен деп қорқып кетті. Ақбота сәбидің аузы-мұрнын сүртіп, екі аяғын аспанға көтерді де, табанынан ұрып, баланы жылатты. Сол сәтте "уф" дедім", – дейді келіншек.

Үйде босанған әйел бала дүниеге келген соң әлсірей бастаған. Ұйқы қысып, демалғысы келген. Алайда Ақбота Аманғалиева дәрігерлер келгенше ояу болуын қадағалаған.

"Менің ұйықтап қалмасын деп шапалақпен ұрып отырды. Содан жарты сағат өткен соң жедел жәрдем келіп, мені мен баламды алып кетті. Оны осы күндері "борандатып туған балам" деп айтамын", – дейді Гүлбаршын.

Боранда туған бала

Бала қазір 8 жаста. Ақтөбеде екінші сыныпта оқып жатыр. Аты – Ербол. Бір кездері пәтер жалдап тұрған отбасы 2 қабатты үй салып, көшіп кеткен. Алайда баласының өмірін сақтап қалған әйелмен байланыс үзілмеген.

Гүлбаршын Оразғалиева мен ұлы Ербол
© Photo : Гүлбаршын Оразғалиеваның жеке архивінен
Гүлбаршын Оразғалиева мен 8 жасар Ербол

"Анда-санда Наурыз секілді мейрамдарда рақмет айтып, хабарласып тұрамыз. Әр туған күн сайын Ерболдың фотосын жібереміз. Көшеде көріп қалса, "менің балам қалай?" деп сұрайды. Ақботаның үйінде 2016 жылға дейін тұрдық", – дейді ақтөбелік әйел.

Ақботаның айтуынша, екі отбасы телефон арқылы сөйлескенімен, бір-бірінің үйіне бармаған. Алайда кәсіпкер жақында баланы көріп қайтатынын айтты.

"Біз ол жерден көшіп кеттік. Олар да басқа жерде тұрады. Қаланың екі жағында тұрамыз, бірақ әлі күнге дейін хабарламыз. Басында 2-3 жыл баланың туған күніне шақырып, келіншегі хабарласып жүрді. Баруға бір реті келмепті", – дейді Ақбота Аманғалиева.

Ол баланы әлі көрмесе де, жыл сайын туған күнімен құттықтап тұрады.

ADAM BOL AWARDS

Айта кетейік, бірінші наурызда Алматыда ADAM BOL жүлдесінің жеңімпаздары марапатталды. Сыйлық ерлік жасаған, басқа адамдардың өмірін құтқарған адамдарға берілді.

ADAM BOL AWARDS жүлдесінің құрылтайшысы – Қоғамдық маңызды бастамалар қорының жетекшісі, әдебиет пен өнер саласындағы мемлекеттік сыйлықтың лауреаты Әлия Назарбаева.

Жеңімпаздар тізімін мына сілтемеден оқуға болады.

0
Кілт сөздер:
сыйлық, ерлік
Тақырып бойынша
"Ондай сәтте ештеңе ойламайсың". Үш мәрте ерлік жасаған жас полицей нені армандайды?
Нұр-Сұлтандағы апат: автобус жүргізушісі ерлік жасағаны белгілі болды
Соғыста ерлік көрсеткен қазақ қыздары туралы не білеміз?
Ресейлік дипломат Тоқаев қытай тілінің арқасында қандай ерлік жасағанын айтты
Корея тұрғындары ерлік жасаған қазақ жігітін мемлекеттік марапатқа ұсынды