Қазақстандық спортшы мұрны сынса да, жекпе-жекті жеңіспен аяқтады – видео
НҰР-СҰЛТАН, 31 тамыз — Sputnik. Аралас жекпе-жек спортшысы Арман Әшімов (10-3-1) кәсіби карьерасындағы он бесінші жекпе-жегін өткізді.
Қазақстандық спортшы Ресейдің Орынбор қаласындағы M-1 Challenge 104 турниріне қатысты. Ол бразилиялық Флавио Да Силва Сантоспен (9-3) жекпе-жек өткізді. Қарсыласының мықты болғанына қарамастан, Әшімов төрешілер шешімімен жеңіске жетті, деп хабарлайды Sports.kz.
Посмотреть эту публикацию в Instagram
Бразилиялық спортшы бірінші раундта айналып теуіп, Әшімовтің мұрнын сындырды. Алайда бұл қазақстандықтың жеңіске жетуіне кедергі бола алмады.
Арман Әшімов ММА-дегі карьерасында он бірінші жеңісіне жетті. Мамыр айында қол жарақаты салдарынан Александр Доскальчуктен (10-1) жеңілген болатын. Ал содан кейін үш рет қатарынан қарсыласын ұтып отыр. Бұған дейін қазақстандық Кристиан Кольядо (0-1) мен Кайк Аленкардан (9-1) басым түсті.
Кілт сөздер:
Қазақстандық спортшы Хабиб Нурмагомедовтің інісімен жекпе-жекке шығады
(Жаңартылды 12:51 18.01.2021)
2021 жылдың 20 қаңтарында өтетін кездесу Сергей Морозов пен Омар Нурмагомедов үшін UFC-тегі дебют боладыАЛМАТЫ, 18 қаңтар – Sputnik. Жеңіл салмақтағы UFC чемпионы Хабиб Нурмагомедов туысы Омар Нурмагомедов қазақстандық Сергей Морозовқа қарсы жекпе-жекке қалай дайындалып жатқанын айтты.
2021 жылдың 20 қаңтарында өтетін кездесу Сергей Морозов пен Омар Нурмагомедов үшін UFC-тегі дебют болады.
"Барлығы жоспар бойынша жүріп жатыр, 20 қаңтарда Омар қуантуы тиіс. Барлық ауыр жаттығулар артта, салмақты реттеу ғана қалды, кестеден озып келе жатырмыз", - деп жазды Хабиб Instagram парақшасында.
Посмотреть эту публикацию в Instagram
Қазақстандық спортшы Сергей Морозов желідегі парақшасында сурет жариялап, жекпе-жекке дайын екенін жазды.
"Салмақты реттеу ғана қалды, жекпе-жекке дайынмын. Қазақстан, алға", - деп жазды Морозов.
Посмотреть эту публикацию в Instagram
Айта кетейік, бастапқыда жекпе-жек 2020 жылдың аяғында өтеді деп жоспарланды. Алайда қазақстандық спортшының ауырып қалуына байланысты кейінге шегерілді. Бұдан соң жекпе-жек 20 қаңтарға жоспарланған UFC on ESPN 20 турниріне ауысты.
Қазақстандық теннисші Голливуд жұлдызын тәнті етті – видео
(Жаңартылды 11:28 18.01.2021)
Юлия Путинцева қонақ үйдегі бөлмесінде карантинде отыр, спортшы теннистен Австралия ашық чемпионатында сынға түседіНҰР-СҰЛТАН, 18 қаңтар – Sputnik. Голливуд жұлдызы, режиссер, "Оскар" сыйлығының лауреаты Рассел Кроу қазақстандық теннисші Юлия Путинцеваға тәнті болды, деп хабарлайды Sputnik Қазақстан.
Қазақстандық спортшы Twitter-де қонақ үйдегі бөлмесінде алдағы чемпионатқа қалай дайындалып жатқанын көрсетіп, видео жариялады.
Рассел Кроу Путинцеваның жаттығуына баға беріп, видеоны өз парақшасында бөліскен.
Got my new favourite for the Australian open ... https://t.co/jlr3YPpHke
— Russell Crowe (@russellcrowe) January 17, 2021
"Australian Open-дағы (теннистен Австралия ашық чемпионаты) менің жаңа сүйікті теннисшім", - деп жазды Голливуд актері.
Рассел Кроу "Гладиатор", "Секреты Лос-Анджелеса", "Ной", "Игры разума", "Отверженные" және "Мумия" фильмдеріндегі рөлі арқылы кеңінен танымал. 2001 жылы "Оскар" сыйлығының лауреаты атанды.
sports.kz хабарлағандай, Юлия Путинцева мінген ұшақта үш жолаушының коронавирусқа қарсы тесті оң нәтиже көрсетті. Осыған байланысты қазақстандық теннисші Мельбурнде қонақ үйдегі нөмірінде карантинде отыр.
Кілт сөздер:
Еуропалық басылым "Спутник V" вакцинасына қолдау білдірді
НҰР-СҰЛТАН, 18 қаңтар – Sputnik. Ресей коронавирус пандемиясын бәсеңдетуге қабілетті препарат әзірледі. Батыс ресейлік ғылымды қаралаудан танар емес, деп жазды "Monde diplomatique"француз газетінің Испаниядағы өкілдігі.
Мақала авторы Федерико Кусконың пікірінше, Батыс орыстың ғылыми дәстүрін білмегендіктен, "Спутник V" вакцинасына немқұрайлы қарап, сенбеді.
"Тілдік, мәдени пен саяси айырмашылықтан туындаған бұл білімсіздік ресейлік бастамаға күдікпен қарауға себеп болып отыр", - деді журналист.
Ол препаратты әзірлеу Ресейдегі ғылыми дамудың бүкіл тарихи тізбегінің нәтижесі екенін баса айтты. Алайда, оның пікірінше, батыстықтар көп жыл бойы Ресейдің ғылыми жетістіктерін жоққа шығарып келді де, енді вакцина ойлап табу туралы хабарландыруға таңғалуда.
"Фармацевтикалық зертханалары дәрі-дәрмекке удай қымбат баға белгілейтін АҚШ пен Еуропалық Одақ елдеріне қарағанда Ресей ақша табуды көздеп отырған жоқ", - деді Куско.
Кусконың пікірінше, шамамен 50 жыл өткен соң қазір әлемнің түрлі еліне таралып жатқан "Спутник V" вакцинасына қатысты күдік ешкімнің есіне түспейді.