Бекзат Нұрдәулетов

Әлем чемпионы атанған Нұрдәулетов Ла Крустың мәлімдемесіне жауап берді

3131
(Жаңартылды 11:57 10.10.2019)
22 жастағы боксшыны Қазақстанның еңбек сіңірген бапкері Марат Жәкиев жаттықтырады. Бекзат бокспен он жылдан бері айналысады

НҰР-СҰЛТАН, 27 қыркүйек – Sputnik, Дәурен Ерболат. Бокстан әлем чемпионы Бекзат Нұрдәулетов спортқа қалай келгенін, Кубаның даңқты боксшысын қалай жеңгенін, ендігі мақсаты қандай екенін Sputnik Қазақстан тілшісіне берген сұқбатында айтты.

Екі дүркін Қазақстан чемпионы

Бекзат Нұрдәулетов 1998 жылдың 10 сәуірінде Маңғыстау облысы Жаңаөзен қаласында дүниеге келген. Бокспен 2009 жылдан бері шұғылдана бастапты.

"11 жастан бастап, бокспен шұғылдана бастадым. Яғни Жаңаөзендегі Рахмет Өтесінов атындағы спорт кешенінде жаттықтым. Алғашқы бапкерім – Батырбек Жайлыбаев", - дейді спортшы балалық шағын есіне алып.

Ол 10-сыныпта оқып жүрген кезде спортта жоғары нәтижеге қол жеткізе бастайды. Осы уақытта Нұрдәулетов жасөспірімдер арасында екі дүркін Қазақстан чемпионы атанады. Ал 2016 жылы жасөспірімдер арасындағы әлем чемпионатында қола жүлдені қанағат тұтады.

Қазіргі уақытта 22 жастағы Бекзатты ҚР еңбек сіңген бапкері Марат Жәкиев жаттықтырады. Ол 2005 жылда әлем чемпионы атаған Ердос Жаңабергенов пен Олимпиада ойындарының екі дүркін күміс жүлдегері Әділбек Ниязымбетовті дайындаған.

"Кувалда"

Әңгіме барысында Бекзат Нұрдәулетов өзінің лақап атына байланысты пікірін білдірді. Осыған дейін қазақстандық БАҚ-та 22 жастағы спортшыны достары жойқын әрі дәл соққылары үшін "Кувалда" деп атайтыны туралы ақпарат тарады.

Бекзат Нурдаулетов
© Sputnik / Владислав Воднев
Қазақстандық бұқаралық ақпарат құралдары Бекзатты "Кувалда" деп атап кеткен

"Жақын араласатын достарым олай айтпайды. Менің ойымша, бұл газет-журналдардың өздерінің шығарғаны шығар", - деп ол қысқа жауап қайырды.

Левитпен жұдырықтасқан

Маңғыстаулық жас боксшы өткен жылы Қазақстан чемпионатында 91 келіге дейінгі салмақта бағын сынаған. Бұл жарыста ол финалға дейін жетіп, төрт дүркін Қазақстан, екі дүркін Азия чемпионы, Рио Олимпиадасының күміс жүлдегері Василий Левитпен жұдырықтасқан еді. Бұл жекпе-жекте тәжірибелі Левит жеңімпаз атанды. Ал биыл Екатеринбургте өткен әлем чемпионатында Нұрдәулетов 81 келіге дейінгі салмақта өнер көрсетті.

"Салмақ тастау ауыр болған жоқ. Себебі, менің салмағым 91 келіге жетпейтін. Сондықтан бапкерім екеуміз 81 келіге дейінгі салмақта жұдырықтасамыз деген  шешім қабылдадық", - дейді қазақстандық спортшы.

Әлем чемпионатындағы жеңіс

22 жастағы қазақстандық боксшы Ресейде өткен әлем чемпионатында сәтті өнер көрсетуін дұрыс қойылған тактика мен ұзақ жылдар бойы жинаған тәжірибенің ұштасуы деп біледі.

Сонымен қатар Нұрдәулетов жартылай финалда 4 дүркін әлем чемпионы және Рио Олимпиадасының жеңімпазы, кубалық Хулио Сесар Ла Крусқа қарсы шаршы алаңға шықты. Ол жекпе-жек алдында еш қобалжымағанын, тек жаттықтырушының берген кеңесіне құлақ асқанын атап өтті.

"Ла Круспен ринкге шығардың алдында ешқандай қорқыныш болған жоқ. Ол да адам ғой. Сондықтан бұл жекпе-жекте уайымдаған жоқпын. Тек бапкерімнің айтқанын орындадым. Соның арқасында жеңіске жеттім", - деді ол.

Күтпеген мәлімдеме

Әңгіме барысында Бекзат кубалық боксшы Хулио Сесар Ла Крустың "Екатеринбургте өткен әлем чемпионатында төрешілер әділетсіздік жасады" деген мәлімдесіне қатысты өз ойын айтты.

"Әрбір адам өз пікірін айтуға құқылы. Бұл жекпе-жекте 5 төреші отырды. Олар ақылдаса келе, өз шешімдерін шығарды. Сонымен қатар бұл жекпе-жекті көрермендер көрді деп ойлаймын. Сондықтан кім жеңгенін халық шешсін", - деді спортшы.

Алдағы жоспар

Сонымен қатар әлем чемпионы алдағы жоспарымен де бөлісті.

"Енді мақсатым – Олимпиадаға жолдама алып, көк туымызды желбірету. Ол үшін дайындалып жатырмын. Алдағы мақсат – Олимп шығын бағындыру", - деп түйіндеді сөзін Бекзат Нұрдәулетов.

3131
Кілт сөздер:
әуесқой бокс, боксшы, мәлімдеме
Тақырып бойынша
Нұрдәулетовтен жеңілген Хулио Ла Крус күтпеген мәлімдеме жасады
"Тек қана алға!": Тоқаев сенсация жасаған Бекзат Нұрдәулетовті құттықтады
"Алға, Бекзат!": 22 жастағы қазақ боксшысы әлем чемпионы атанды - видео
"Оның бәрі - сатқындық" Әділбек Ниязымбетов кімді кешіре алмайтынын айтты
Жеңілмеген қазақстандық боксшы журналистің бетіне су шашып жіберді – видео
Иллюстративті фото

Қазақстанда туып-өскен аралас жекпе-жек шебері қарсыласын нокаутқа жіберді

1061
(Жаңартылды 12:09 11.10.2020)
Ілияс Хамзин Қазақстаннан ата-анасымен бірге Омбыға көшіп кеткен. Ол кикбоксингпен және тай боксымен айналысты, содан кейін аралас жекпе-жекке ауысты

НҰР-СҰЛТАН, 11 қазан – Sputnik. Қазақстанда туған Ілияс Хамзин Екатеринбургтегі аралас жекпе-жек турнирінде ресейлік Дмитрий Гавриловты мерзімінен бұрын жеңді.

Instagram-дағы MMA Fighters KZ аккаунты хабарлағандай, жекпе-жек бірінші раундта аяқталды.  

Посмотреть эту публикацию в Instagram

Публикация от Official | MMA Fighters KZ 🇰🇿 (@mma_f1ghters_kz)

"Екатеринбургтегі турнирде Ілияс Хамзин қарсыласын нокаутқа түсірді. Мына соққыдан кейін Гаврилов есін жия алмады", - делінген жазбада.

Нәтижесінде Ілияс Хамзин алтыншы жеңісіне қол жеткізді, ол бір рет жеңілген.

Жойқын нокаут: Әлімханұлының АҚШ-тағы жекпе-жегінің видеосы жарияланды

Ілияс Хамзин 32 жаста, ол Қазақстанда туған, содан кейін ата-анасымен Омбыға көшіп кетті. Ол кикбоксингпен және тай боксымен айналысты, бірақ ресейлік файтер Питер Янмен кездескеннен кейін ол аралас жекпе-жекке ауысты.  

1061
Кілт сөздер:
аралас жекпе-жек, ММА
Тақырып бойынша
Чемпиондық белбеу үшін жекпе-жекте қазақстандық спортшы нокаутқа түсті - видео
Қазақстандық боксшы қарсыласын жойқын соққымен нокаутқа түсірді - видео
Арман Оспанов ресейлік файтерді жойқын нокаутқа түсірді – толық видео
Макгрегор Серронені жойқын нокаутқа түсірді - видео
Жеңілмеген өзбек боксшысы нокаутшы Жүкембаевты жекпе-жекке шақырды
Жәнібек Әлімханұлы

Жойқын нокаут: Әлімханұлының АҚШ-тағы жекпе-жегінің видеосы жарияланды

5907
(Жаңартылды 09:56 10.10.2020)
Бұл қазақ спортшысының кәсіби карьерасындағы тоғызыншы жекпе-жегі. Бұл жолы аргентиналық "Сиқыршымен" кездескен болатын

НҰР-СҰЛТАН, 10 қазан — Sputnik. Жәнібек Әлімханұлы аргентиналық қарсыласын екінші раундта жойқын нокаутпен жеңді.

Посмотреть эту публикацию в Instagram

Публикация от SPORTS.KZ (@kzsports)

Бұл қазақ спортшысының (8-0, 4 КО) кәсіби карьерасындағы тоғызыншы жекпе-жегі, төртінші рет титул үшін жұдырықтасып отыр, деп хабарлайды Sports.kz. 

Ол Лас-Вегастағы бокс кешінде "Сиқыршы" деген лақап атпен өнер көрсететін аргентиналық Гонсало Кориямен (16-3, 6 КО) кездесті. Әлімханұлының екі чемпиондық белбеуі ортаға салынды. Ол WBC және WBO чемпионы атағын сақтап, жеңіске жетті. 27 жастағы қазақстандық боксшы әлі бірде-бір рет жеңілген жоқ.

Жекпе-жек он раундқа жоспарланған болатын. Алайда Әлімханұлы қарсыласын екінші раундта сұлатты.

5907
Кілт сөздер:
бокс, видео, жекпе-жек, нокаут, Жәнібек Әлімханұлы
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
Жәнібек Әлімханұлы екі чемпиондық титулды жеңіп алды – толық видео
"Бұл – басы ғана": Әлімханұлы айшықты жеңісінен кейін маңызды мәлімдеме жасады
Жәнібек Әлімханұлы: Альварес пен Джейкобсты жеңе алатынымды бәрі біледі
Әлімханұлы атақты Пакьяоның промоутерімен келісімшартқа қол қойды
Депутаттың жұмыс үстелі

Мәжіліс отырысы бір минут үнсіздікпен басталды

0
2016 жылы алтыншы сайланған мәжіліс депутаты атанған Глеб Щегельский экология мәселелері және табиғат пайдалану комитетінің төрағасы болды

НҰР-СҰЛТАН, 21 қазан – Sputnik. Парламент мәжілісінің бүгінгі жалпы отырысы бір минут үнсіздікпен басталды. Депутаттар әріптесі Глеб Щегельскийді еске алды, деп хабарлайды Sputnik Қазақстан тілшісі.

Мәжіліс төрағасы Нұрлан Нығматулин экология және табиғатты пайдалану комитетін басқарған Глеб Щегельскийдің мезгілсіз қазасына байланысты палата өкілдері мен отырысқа қатысқан үкімет мүшелерінің атынан тағы да көңіл айтып, қайғыға ортақтасатынын жеткізі. 

"Глеб Анатольевич өзінің бар күш-жігерін мен тәжірибесін ел игілігіне жұмсады. Ол үкіметпен тығыз жұмыс істеді, нағыз патриот болды. Біз оны ешқашан ұмытпаймыз", – деді Нығматулин. 

Мәжіліс депутаты Глеб Щегельский 2020 жылдың 17 қазанында 51 жасында кенеттен қайтыс болды.

Глеб Щегельский туралы

Ол 1969 жылы Целиноград облысының Степногорск қаласында туған. Мәскеудің С.Орджоникидзе атындағы Авиация институтын бітірген.

Еңбек жолын Ақтөбе ферроқорытпалар зауытында балқытушы, инженер болып бастаған. Әр жылдары Ақтөбе қаласы әкімінің бірінші орынбасары, "Рика ТВ" ЖШС директорының орынбасары, индустрия және сауда министрлігінің Ақтөбе техникалық реттеу және метрология департаментінің директоры болып еңбек еткен.

Глеб Щегельский
Глеб Щегельский

2012 жылдан бесінші сайланған парламент мәжілісінің депутаты. Мәжілістің қаржы және бюджет комитеті мен "Нұр Отан" партиясы фракциясының мүшесі. 2016 жылы алтыншы сайланған мәжіліс депутаты атанған ол экология мәселелері және табиғат пайдалану комитетінің төрағасы болды.

Астанаға 10 жыл, "Нұр Отан", Қазақстан Республикасы Тәуелсіздігінің 20 жылдығы медальдерімен, "Құрмет" орденімен марапатталған.

Төрт баласы бар.

0
Кілт сөздер:
депутат, еске алу шарасы, мәжіліс отырысы
Тақырып бойынша
Депутаттар белгісіз заттан уланған баланы еске алды
Әйелінің хаты оқтан құтқарды - әнші атасының майдандағы оқиғасын еске алды
Министр Абаев еден жуған жылдарын еске алды  
Нұр-Сұлтанда Қазақстанның бірінші қорғаныс министрі Нұрмағамбетовті еске алды
Бір минут үнсіздік: Тоқаев пандемия құрбандарын еске алды – видео