Головкин Деревянченконы жеңіп, әлем чемпионы атанды
(Жаңартылды 10:32 06.10.2019)
Қос боксшы арасындағы жекпе-жек 12 раундқа созылды, айқаста орта салмақтағы IBF және IBO титулдары сарапқа салындыНҰР-СҰЛТАН, 6 қазан – Sputnik. Нью-Йорк қаласындағы Madison Square Garden аренасында өткен жекпе-жекте қазақстандық боксшы Геннадий Головкин (39-1-1, 35 КО) украиналық Сергей Деревянченконы (13-1, 10 КО) жеңіп, IBF және IBO титулдарына ие болды, деп хабарлайды Sputnik Қазақстан тілшісі.
Қос боксшы арасындағы кездесу Нұр-Сұлтан уақытымен таңғы сағат 8:55-те басталды. Жекпе-жекте орта салмақтағы IBF және IBO әлем чемпионы титулдары сарапқа салынды. Кездесудің алғашқы раундында қазақстандық былғары қолғап шебері Сергей Деревянченконы нокдаунға жіберді. Екінші раудта Геннадий Головкиннің жойқын соққысынан украиналық боксшының қабағы жарылып, жарақат алды.
Посмотреть эту публикацию в Instagram
Қалған раундтарда украиналық боксшы жиі шабуылға шығып, басымдықты өз қолына алуға тырысты. Головкин де қарсыласына есесін жібермей, жойқын соққылар жасады. Бірақ қарсыласын алғашқы раундтағыдай нокдаунға түсіре алған жоқ. Қос боксшы арасындағы кездесу өте тартысты өтіп, 12 раундқа созылды. Төрешілердің шешімімен Геннадий Головкин жеңімпаз атанып, кәсіби рингтегі 40-шы жеңісіне қол жеткізді.
©
REUTERS / Joe Camporeale
Геннадий Головкин победил в бою с Сергеем Деревянченко
Әлемдік БАҚ таратқан мәліметке сәйкес, бұл кездесу үшін қазақстандық спортшы 15 миллион доллар (5 миллиард 835 миллион теңге, 1 доллар – 389 теңге), украиналық боксшы 5,2 миллион доллар (2 миллиард 22 миллион 800 мың теңге, 1 доллар – 389 теңге) алады.
Ауыр атлетикадан Олимпиада чемпионы Рахимов уақытша шеттетілді
НҰР-СҰЛТАН, 19 қаңтар – Sputnik. Ауыр атлетикадан 2016 жылғы Олимпиада чемпионы, Қазақстан өкілі Нижат Рахимов допингке қарсы ережені бұзғаны үшін спорттан уақытша шеттетілді, деп хабарлады Халықаралық ауыр атлетика федерациясының (IWF) сайты.
Рахимов 2016 жылы зәрді ауыстырды деген күдікке ілінді.
2017 жылғы Еуропа чемпионы румын Думитру Каптариге осындай айып тағылып, шеттетілді.
Оқи отырыңыз: Қазақстандық ауыр атлет әлем чемпионы атағынан айырылды
Рахимов Рио-де-Жанейро Олимпиадасында 77 келіге дейінгі салмақта жеңіске жетті, бұл салмақта ол 2015 жылы әлем чемпионы атанды.
2013 жылы тамызда 27 жаста болған Рахимов допингке қарсы ережені бұзғаны үшін екі жылға шеттетілген болатын.
Кілт сөздер:
Қазақстандық спортшы Хабиб Нурмагомедовтің інісімен жекпе-жекке шығады
(Жаңартылды 12:51 18.01.2021)
2021 жылдың 20 қаңтарында өтетін кездесу Сергей Морозов пен Омар Нурмагомедов үшін UFC-тегі дебют боладыАЛМАТЫ, 18 қаңтар – Sputnik. Жеңіл салмақтағы UFC чемпионы Хабиб Нурмагомедов туысы Омар Нурмагомедов қазақстандық Сергей Морозовқа қарсы жекпе-жекке қалай дайындалып жатқанын айтты.
2021 жылдың 20 қаңтарында өтетін кездесу Сергей Морозов пен Омар Нурмагомедов үшін UFC-тегі дебют болады.
"Барлығы жоспар бойынша жүріп жатыр, 20 қаңтарда Омар қуантуы тиіс. Барлық ауыр жаттығулар артта, салмақты реттеу ғана қалды, кестеден озып келе жатырмыз", - деп жазды Хабиб Instagram парақшасында.
Посмотреть эту публикацию в Instagram
Қазақстандық спортшы Сергей Морозов желідегі парақшасында сурет жариялап, жекпе-жекке дайын екенін жазды.
"Салмақты реттеу ғана қалды, жекпе-жекке дайынмын. Қазақстан, алға", - деп жазды Морозов.
Посмотреть эту публикацию в Instagram
Айта кетейік, бастапқыда жекпе-жек 2020 жылдың аяғында өтеді деп жоспарланды. Алайда қазақстандық спортшының ауырып қалуына байланысты кейінге шегерілді. Бұдан соң жекпе-жек 20 қаңтарға жоспарланған UFC on ESPN 20 турниріне ауысты.
Президент мемлекеттік қызметшілерді қысқартуға қатысты тапсырма берді
НҰР-СҰЛТАН, 19 қаңтар — Sputnik. Қазақстан президенті мемлекеттік қызмет істері агенттігінің төрағасы Анар Жайылғанованы қабылдады, деп хабарлайды Ақорда.
Кездесуде мемлекет басшысына агенттіктің 2020 жылы атқарған жұмыстарының негізгі қорытындылары туралы егжей-тегжейлі есеп берілді.
Анар Жайылғанова ведомствоның мемлекеттік қызметке орналасу рәсімдерін жетілдіруге, саяси қызметті кәсібилендіруге, қызметкерлерді ынталандыруға және дамытуға бағытталған жұмыстар туралы айтты. Президенттік жастар кадрлық резерві, сондай-ақ, мемлекеттік қызметтің ұйымдастыру мәдениетін өзгертуге қатысты атқарылған шара жайлы ақпарат берді.
Агенттік төрағасы мемлекеттік қызметті цифрландыру, оның ішінде, "Е-қызмет" жүйесінің интеграция аясын кеңейту және i-Qyzmet жүйесін әзірлеу барысына да тоқталды.
Жайылғанованың айтуынша, өткен жылы агенттіктің штаты 10 процентке қысқарған, ал биыл ақпан айының соңына дейін тағы да 15 процентке оңтайландырылмақ.
Қасым-Жомарт Тоқаев агенттік төрағасына орталық және жергілікті деңгейдегі мемлекеттік қызметшілерді қысқарту үдерісінің ашықтығы мен тиімділігін бақылауды қамтамасыз етуді тапсырды. Сонымен қатар президент мемлекеттік басқару тұжырымдамасын әзірлеу және жүзеге асыру аясында ведомствоның жұмысын жандандыруға нұсқау берді.
Кілт сөздер: