Қанат Ислам

Қанат Исламның жеңісін мойындамады: "Қазақтың" жекпе-жегі дау тудырды - видео

6778
(Жаңартылды 10:50 27.10.2019)
Қазақстанда өткен жекпе-жекте Қанат Ислам бірінші орта салмақтағы WBO International чемпионы титулын қорғады

НҰР-СҰЛТАН, 26 қазан — Sputnik. Алматыда қазақстандық Қанат Ислам (27-0, 21 КО) мен намибиялық боксшы Уолтер Каутондоква (18-2, 17 КО) арасында жекпе-жек өтті, деп жазады Sports.kz.

Боксшылар бірінші орта салмақтағы WBO International чемпионы титулы үшін тартысты. Жекпе-жек 10 раундқа созылып, қазақстандық төрешілердің шешімімен (97-92, 97-92, 99-92) Қанат Исламның жеңісімен аяқталды. Бесінші раундта Каутондоква нокдануға түсіп қалды.

Дегенмен, қазақстандық жанкүйерлердің ішінде төрешілердің шешімімен келіспей жатқандар бар. Әлеуметтік желіде пікір жазып жатқандардың көпшілігі бұл жолғы жекпе-жекте Қанат жеңіліп қалды деп есептейді, жеңісті Каутондовкаға беру керек еді.

Ал Boxingscene.com сайты Қанат Исламның жеңісін мойындаудан бас тартты.

"Ислам үшін ең үздік болған бесінші ранудтан кейін қазақстандық боксшы әлсіреп қалды. Оның төзімділігі таусылды, ал Каутондокваның керісінше екінші тынысы ашылды. Бірақ төрешілер жеңісті Исламға берді. BoxingScene жекпе-жекте Каутондоква жеңді деп есептейді. Андрадемен кездескісі келетін Исламның мүмкіндігі күмән келтіреді. Оған және оның командасына әлі де жұмыс істеу керек екені анық", — деп жазады Boxingscene.com.

Айта кетсек, Қанат Ислам үшін бұл 27-ші жеңіс. Ол осы күнге дейін бірде-бір рет жеңілген жоқ.

Уолтер Каутондоква екінші рет жеңілді. Былтыр ол америкалық Деметриус Андрадемен (28-0, 17 КО) өткен жекпе-жекте қарсыласына есе жіберген еді.

6778
Кілт сөздер:
видео, Қанат Ислам
Тақырып бойынша
"Бұл Қытай құрамасына үлкен соққы болды" Қанат Ислам туралы не білеміз?
Қанат Ислам "Головкинмен жұдырықтасқың келе ме?" деген сұраққа жауап берді
Қанат Ислам Назарбаевтың шешімі жайлы: дүние тоқтап қалғандай болды
Алматыда Қанат Ислам қарсыласын 10 секундта есінен тандырды – видео
Бокстан құрама жаттығу

Қазақстандық боксшы мексикалықты бір минутқа жеткізбей нокаутқа жіберді видео

3378
(Жаңартылды 13:02 21.11.2020)
Серік Мұсәділов пен Даниэль Нахераның жоспарланған алты раундтық жекпе-жегі 43 секундтан кейін аяқталды

НҰР-СҰЛТАН, 21 қараша – Sputnik. "Панда" лақап атымен танылған жеңілмеген қазақстандық боксшы Серік Мұсәділов мексикалық қарсыласы Даниэль Нахераны 43 секунд ішінде нокаутқа түсірді.

Бокс кеші АҚШ-тың Флорида штаты Хайалиа қаласында өтті, деп хабарлайды Sports.kz.

Қазақстандық боксшы мексикалық Даниэль Нахерамен (9-5-1, 4 КО) қолғап түйістірді. Жекпе-жек алты раундқа жоспарланған еді, алайда 43 секундта Мұсәділовтің жеңісімен аяқталды. Нокаутқа түскен мексикалыққа есін жию үшін орындық қажет болды.

Осылайша Серік Мұсәділов өзінің сегізінші жеңісіне қол жеткізді – бүкіл жекпе-жегін нокаутпен аяқтаған.

Ал Даниэль Нахера кәсіпқой рингте алтыншы рет жеңілді.

3378
Кілт сөздер:
видео, жекпе-жек, боксшы
Тақырып бойынша
Қазақстанда туып-өскен аралас жекпе-жек шебері қарсыласын нокаутқа жіберді
Арман Оспанов ресейлік файтерді жойқын нокаутқа түсірді – толық видео
Бірде-бір рет жеңілмеген қазақ боксшы қарсыласын нокаутқа түсірді: видео желіде жарияланды
Чемпиондық белбеу үшін жекпе-жекте қазақстандық спортшы нокаутқа түсті - видео
Геннадий Головкин

Головкин Шеремета жекпе-жегінің қашан өтетіні белгілі болды

53
(Жаңартылды 12:44 20.11.2020)
Жекпе-жек 18 желтоқсан күні АҚШ-тың Сан-Антониода штатындағы  Alamodome залында өтеді жоспарланған

НҰР-СҰЛТАН, 20 қараша – Sputnik. Қазақстандық танымал боксшының промоутері Эдди Хирн IBF және IBO тұжырымдарының орта салмақтағы чемпионы Геннадий Головкин мен Камил Шеремета жекпе-жек өткізетін күнді жариялады.

Геннадий Головкин (40-1-1, 35 КО) 18 желтоқсанда АҚШ-та Сан-Антониода Alamodome залында поляк Камил Шереметамен (21-0, 5 КО) жұдырықтасады, деп хабарлайды Sports.kz.

Эдди Хирн мұндай ақпаратты БАҚ өкілдеріне растап, жақын күндері жекпе-жек ресми түрде жариялануы мүмкін екенін жеткізді.

Оқи отырыңыз: "Тұрмысқа шыққаннан кейін спорттан кету керек": боксшы Назым Қызайбай сұхбат берді

Айта кетейік, бастапқыда Головкин-Шеремет жекпе-жегі 2020 жылдың бірінші тоқсанына жоспарланған болатын. Алайда алдымен Геннадийдің жарақатына, кейіннен COVID-19 пандемиясына байланысты кездесу бірнеше рет кейінге шегерілді.

Ал бұған дейін DAZN стримингтік қызметі тек GGG-мен қаржылық шарттар туралы келісуі керек деп хабарлаған.

53
Кілт сөздер:
Геннадий Головкин, спорт, кәсіпқой бокс
Тақырып бойынша
"Майк Тайсон деп айқайлады": боксшы жекпе-жек кезінде қарсыласын тістеп алды
Атырау облысында болашағынан үміт күттірген үш боксшы қаза болды  
Видео жарияланды – өзбек боксшы қазақстандықты нокдаунға жіберді
Бірде-бір рет жеңілмеген қазақстандық боксшы желіде видео жариялады
Қазақстандық боксшы қарсыласын жойқын соққымен нокаутқа түсірді - видео
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

0
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

0
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы