Александр Винокуров

Бельгия соты Александр Винокуровты ақтап шығарды

106
(Жаңартылды 19:03 05.11.2019)
Қазақстандық велошабандоз Александр Винокуров қуанышты хабарымен әлеуметтік желіде бөлісті. Ол алдағы жоспарын да айтты

НҰР-СҰЛТАН, 5 қараша – Sputnik. Жемқорлық бойынша істі болған "Астана" велокомандасының бас менеджері Александр Винокуров ақталып шықты.

"Мен бұл мәселеде нүкте қойылғанына, соттың әділ шешім шығарғанына өте қуаныштымын. Тек алға, болашаққа қараймыз. Біз биыл ең сәтті маусымға қол жеткіздік, бірақ алда тағы көп жұмыс пен жоспар бар. Әрі қарай еңбектенеміз", - деп жазды Винокуров Instagram-парақшасында.
View this post on Instagram

A post shared by Alexandr Vinokurov (@alexandrvinokurov) on

Велоспорттан Олимпиада чемпионы Александр Винокуров пен ресейлік Александр Колобнев алты айға дейін бас бостандығынан айырылуы мүмкін еді.

Бельгия прокуратурасы Винокуровты Колобневке 150 мың еуро төледі деп айыптаған болатын. Қазақстандық велошабандоз бұл ақшаны қарсыласына 2010 жылы Льеж-Бастонь-Льеж жарысының мәресінде әдейі жеңілгені үшін берді деген еді. Іс бірнеше жыл қаралды. Екі айыпталушы да жарыс нәтижесі туралы келіскені жайлы ақпаратты бірнеше рет жоққа шығарды.

Нәтижесінде Бельгия соты дәлелдің жоқтығынан Винокуров пен Колобневті ақтап шықты.

Тағы оқыңыз: Карьерасын аяқтаған танымал қазақстандық спортшылар қазір қайда жүр?

106
Кілт сөздер:
сот үкімі, Александр Винокуров, жарыс
Тақырып бойынша
Иван Ургант "Астана" велокомандасының формасын киді
Роналду спортқа қатысы жоқ рекорд жасады
Ұлттық құраманың формасы

Бейжің 2022: Қазақстан құрамасының формасы таныстырылды

63
Киімді тігу барысында Қытайдың қысқы климаты да ескерілген. Бейжіңде температура кей кезде 20 градустан төмен болады

АЛМАТЫ, 20 қаңтар – Sputnik. Ұлттық Олимпиада комитеті 2022 жылы Бейжің ойындарына Қазақстан командасы киіп шығатын форманы таныстырды, деп хабарлайды Sputnik Қазақстан.

Мұнда ел атауы алғаш рет "Qazaqstan" деп жазылған.

Форма национальной олимпийской сборной Казахстана
Қазақстан Ұлттық құрамасының формасы.

Олимпиада командасына арналған спорт формасын қазақстандық ZIBROO компаниясы шығарды. Салтанатты сапқа арналған коллекцияны ресейлік дизайнер, SHISHKIN брендінің негізін қалаушы Дмитрий Шишкин дайындаған.

"Қазақстан құрамасының олимпиадалық экипировкасын дайындауға бір жылдан аса уақыт кетті. Киімді тігу процесіне атлеттердің өзі қатысты. Олар форманың дизайны, сапасына қатысты өз ұсыныстарын білдірді", - делінген Ұлттық Олимпиада комитеті таратқан ақпаратта.

Посмотреть эту публикацию в Instagram

Публикация от Kazakhstan Olympic Team (@olympickz)

"Бір аптадан соң Қазақстанның олимпиада құрамасы Қытайға ұшады. 4 ақпанда төртжылдықтың басты додасы – қысқы Олимпиада басталады. Токио қарсаңындағы секілді, бұл ойын басталардан бұрын да біз олимпиадалық экипировканы дайындау кезінде спортшылардың ұсыныс-тілегін ескердік. Біз үшін Олимпиада ойындарында спортшыларға осы форманың ыңғайлы, қолайлы болғаны маңызды", - дейді ҰОК бас хатшысы Андрей Крюков.

Киімді тігу барысында Қытайдың қысқы климаты да ескерілген. Бейжіңде температура кей кезде 20 градустан төмен болады. Сондықтан сыртқы киімге табиғи қаздың жүні салынған, жылуды сақтап, суық өткізбейтін материалдар қолданылған. Киім өте жеңіл және қозғалуға ыңғайлы. Олимпиада ойындарына қатысушылар форманы спорт аренасынан басқа жерде де кие алады, дейді дизайнерлер.

Сондай-ақ киімнің түсінде Олимпиада өтетін су жолбарысы жылы да ескерілген. Шығыс күнтізбесі бойынша 2022 жылы аспан көк, қара және ақ түс басымдыққа ие.

Форма национальной олимпийской сборной Казахстана
Қазақстан Ұлттық құрамасының формасы.

Айта кетері, қысқы ойындарға арналған форманы таныстыруға жазғы спорт түрлері бойынша олимпиадада бақ сынаған Қамшыбек Қоңқабаев, Сәкен Бибосынов пен Софья Берульцева қатысты.

Сондай-ақ фотосессияға дзюдошылар Жансай Смағұлов пен Ақмарал Науатбек, бокстан ерлер командасының капитаны

Абылайхан Жүсіпов, гимнаст Аружан Қасенова мен "Барыс" хоккейшісі Самат Данияр қатысқан.

Қысқы Олимпиада ойындары 4 ақпан Бейжіңде басталып, 20 ақпанға дейін созылады. Қазақстан командасы спорттың сегіз түрінен бақ сынайды.

63
Кілт сөздер:
Бейжің, олимпиада

Олимпиада ойындарында тұңғыш рет ел атауы қазақша жазылады

3157
Маңызды элементті халықаралық белгіден ұлттық белгіге өзгерту үшін Халықаралық Олимпиада комитетінен арнайы рұқсат алынды

НҰР-СҰЛТАН, 19 қаңтар – Sputnik. Қазақстан тарихында тұңғыш рет олимпиадалық құраманың формасы қазақша  "QAZAQSTAN" деген атаумен шығады, деп хабарлайды Ұлттық олимпиаладық комитеттің баспасөз қызметі.

Маңызды элементті халықаралық белгіден ұлттық белгіге өзгерту үшін Халықаралық Олимпиада комитетінен арнайы рұқсат алынды. Бұл ретте Қазақстан ХОК-тың үш әріптік кодтарының тізімінде KAZ белгісімен қала береді. Өйткені аббревиатура халықаралық стандартқа сәйкес пайдаланылады.

Қазақстан Ұлттық Олимпиаладық комтитеті мемлекеттік тілде дайындалған олимпиадалық киім-кешектің маңызды элементтерінің бірі атлеттерге сенімділік беріп, олар үшін отандастарды қолдаудың символына айналатынына сенеді.

"Олимпиада ойындары - ең алдымен үздік атлеттер өз байрағымен шығатын достық пен бейбітшіліктің үлкен фестивалі. Бұл тек спортшылар үшін ғана емес, өз командаларын қолдайтын барлық жанкүйер үшін маңызды оқиға. Олимпиада кезіндегі кез – келген жабдыққа басты назар аударылады. Сондықтан ел атауының "QAZAQSTAN" деп жазылуы - ұлттық құраманы және бүкіл елді әлемдік қауымдастық алдында өте маңызды қадам болып саналады", - деп атап өтті еліміздің Ұлттық Олимпиадалық комитетінде.

Комитеттегілердің айтуынша, шетелдік әріптестеріміз жаңа жазуға жоғары баға берді.

Оқи отырыңыз: 

 

 

3157
Кілт сөздер:
олимпиада, ұлттық құрама
АҚШ туы

АҚШ Ресеймен соғысуды қалай ма БАҚ

0
Пентагонға қызмет ететін Гудзон институтындағы аналитиктер тез арада америкалық орташа қашықтыққа ұшатын зымырандарды Ресей шекарасын бойлай орналастыруға және НАТО әскерін Сувалки дәлізіне жөнелтуге кеңес береді

НҰР-СҰЛТАН, 20 қаңтар – Sputnik. Батыстағы элита БАҚ-та ақпараттық шу шығарып, Украинаны Ресейден "құтқарып" жатқан шақта америкалық әскерилер өз шаруаларын тындырып жатыр, деп жазды РИА Новости.

НАТО Біріккен қарулы күштерінің бұрынғы бас қолбасшысы Филипп Бридлав Еуропада америкалық заманауи стратегиялық көлік ұшақтары мен жанармай тасымалдайтын ұшақтардың жоқ екеніне шағымданды. Ол ұшақтар әуедегі НАТО басымдығын қамтамасыз ететін еді. Алайда кімнен басым түсу қажет? Генерал Бридлав Ресеймен соғысты жоспарлап отырғаны анық.

Ол 2014 жылы НАТО Әуе күштеріне қолбасшылық еткен шақта "сыпайы адамдардың" Қырымға қонуын байқамаған сыңай танытты. Ол сол кезде ашуға мініп, Ресейдің айыру белгісі жоқ әскерді қолдануын ең таңғаларлық блицкирг деп бағалады. Ол бүгінгі жағдайды сол оқиғаның есесін қайтарудың мүмкіндігі ретінде қарастыратын секілді.

Пентагонға қызмет ететін Гудзон институтындағы аналитиктер тез арада америкалық орташа қашықтыққа ұшатын зымырандарды Ресей шекарасын бойлай орналастыруға және НАТО әскерін Сувалки дәлізіне жөнелтуге кеңес береді. Бірақ олар Сувалки дәлізі Белоруссия мен Калининград облысының арасында 65 километрге созылып жатқан аумақ екенін біле ме? Бір жағында Литва болса, екінші жағында Польша орналасқан. Картада бәрі анық көрсетілген. Сонда Украинаның бұған не қатысы бар?

Шындығында Украинаның ешқандай қатысы жоқ және көп уақыттан бері барлығы ашық әрекетке көшті. Америкалықтар Ресеймен соғысуды көздеп отыр. "Тежеу" – бұл сыпайы эвфемизм. АҚШ Украинаны да Балтық маңы елдері секілді қажеттілігіне қарай қолданады. Территориясын әскери әрекеттер театры ретінде, халқын соғыс кезіндегі адам шығыны ретінде, елдегі билікті өз дегенін бұлжытпай орындайтын "одақтас" ретінде қолданады.

Америкалық әскеридің жоспары олар өз одақтастарын аса бағаламайтынын айғақтап тұр. Себебі Украина барлық стратегиялық шараларда атүсті аталады. Украина үшін Ресейді тежеу туралы бірер сөз айтылса, одан кейінгі жоспар ауқымдылығымен таңғалдырады. Сувалки дәлізі, тасымалдаушы ұшақтар, "die erste Kolonne marschiert, die zweite Kolonne marschiert..." Балтық елдеріндегі оқиға қайталанып жатыр.

Соңғы отыз жылда кейбір лимитрофты елдерде ұлтшылдықты тым асқақтатып жібергені соншалық, жергілікті тұрғындар қарапайым нәрсені елемей отыр. Олар өзерінің ұлттық ерекшеліктерін айтып, қанша мақтанса да, америкалықтар оларды әрдайым "орыстар" ретінде ғана қабылдайды. Немесе "кеңестік" деп қарастырады, айырмашылығы жоқ.

Бір кездері Еуразияның жүрегі болған одаақтың елдері біртұтас болған шақта ешкімге жеңістік бермейтін. Ресей шекарасын бойлай орналасқан халықтарға "дербес ұлтшылдық" таңу үшін бүтіндей сарапшылар институты ондаған жылдар бойы жұмыс істеп жатыр.

Украинаны Ресейден қорғау бойынша батыстағы әріптестердің іс-әрекеті жаға ұстатарлықтай. Себебі бейбітшілікке апаратын жол – бұл келіссөз, келісімді әзірлеу және сақтау емес пе? Ал америкалықтар Украинаға әскери техника жөнелтіп, ағылшындар танкіге қарсы зымырандармен жабдықтап жатыр. Ал Канада арнайы мақсаттағы әскер жасағын осы іске жұмылдырды. Американың Орталық барлау қызметі украин сарбаздарын арнайы даярлықтан өткізіп жатыр. Тіпті немісер де атсалысып жатыр. Олар украин әскерилеріне медициналық көмек көрсетуде.

Егер шындықты бүкпесіз баяндасақ, онда АҚШ үстемдігімен батыс елдердің Украинаны оккупациялауы баяу, бірақ табанды түрде жүріп жатыр. Украинаның бұл мәселеде өз есебі болғаны анық. Олар 2014 жылы осындай бір есепті жүзеге асырды: украиндер америкалықтардың ықпалына көшіп, есесіне солардың қаржысына иек артуға, ал өздерін Ресейден қысым көріп жатқан ел ретінде танытуды көздеді. Соғыс басталғалы жатыр деп дабыл қағып, бірақ ол соғысқа өзіміз қатыспаймыз деп жоспарлады.

Мәскеу көрінісі
© Sputnik / Наталья Селиверстова

Бірақ Ресей көршісі америкалықтар оларға қарағанда есепке жүйрік екенін ескермеді. Себебі украиндер міне, соғыс табалдырығында тұр. Елге аштық пен кедейлік қаупі төнді. Ресейді елемеуге тырысқан Украина өзі құрған қақпанға өзі түсті.

Егер 2014 жылы Украина Майданға мән бермей, Ресеймен тату қарым-қатынасты ұстана берсе, онда сол кездегі қақтығыс кезінде көз жұмған кемінде он төрт мың адам қазір тірі жүрер еді. Ел экономикасы құлдырамас еді және газ бағасы Ресейдегідей, яғни қазіргі өлшем бойынша нөлге тең дәрежеде болар еді.

Бір қызығы, әлемде тек Ресей ғана Украинаны қаз-қалпында, ел ішінде ешқандай жаңашылдық енгізбей-ақ, өзіндік атмосферасымен қабылдады. Ал басқалары бұл елді кезінде Ресейден бөлініп шыққан және ескіліктің заманында қалып кеткен түсініксіз аумақ ретінде қарастырды.

Батыстық басқыншылар жергілікті халыққа қатысты аяушылық пен адамгершілік танытады дегенге сену қиын. Себебі Донбастағылар жас гвардияшыларды әлі ұмытқан жоқ. Бабий Яр әлі де Киевтің жадында. Сол себепті орыстар бүгінде болып жатқан қатыгездікке абыржып отыр.

Украина Қарулы күштері мектептерді оқ ату және соғыс жүргізу орындары ретінде қолдануға көшті. Уукраина артиллериясы Донбастағы жүзден астам бейбіт тұрғынның көзін жойды. Одессадағы Кәсіподақтар үйінде ондаған адам тірідей өртелді және соққыға жығылды. Шаңқай түсте сәбиімен бірге өлтірілген жас әйелдің суреті бүкіл әлемге тарады.

Адам айтса сенгісіз бұл жағдай бүгінде Украинаның ақиқатына айналды. Ал америкалықтар "Ресей Украинаға шабуыл жасауға дайындалып жатыр" деп әлемді дүрліктіруін қояр емес. Ал шындығында америкалықтар мен еуропалықтардың Украинаға басып кіруін әлдеқайда бұрын болып қойған еді.

Енді бүгінде украин халқы кедейлік пен аштықтың қарсаңында тұр. Енді бұл сұрапылдан украиндерді кім құтқарады?

0
Кілт сөздер:
АҚШ, Ресей, соғыс