Қазақстан атынан Токио Олимпиадасына кім баратыны белгілі болды

Қазақстан атынан Токио Олимпиадасына кім баратыны белгілі болды

375
Токио Олимпиадасына жаңа бес спорт түрі енді. Қазақстанныің ұлттық құрамасында спорттың 14 түрінен 28 лицензия бар

АЛМАТЫ, 18 ақпан – Sputnik. Қазіргі кезде соңғы болып жеңіл атлет Айман Ратова олимпиадаға баруға лицензия алды. Ол спорттық жүріс бойынша Түркияның ашық чемпионатының қола медалін жеңіп алды.

Ратова 20 шақырым қашықтықты бір сағат жиырма тоғыз минут отыз бір секундта жүріп өтті. Бұл оған қола жеңіп алып, олимпиада ойындарына жолдама алуға мүмкіндік берді.

Токио Олимпиадасына тағы кім барады

Юрий Юрков – Дохада өткен нысананы көздеу жарысында алтыншы орынға ие болды. Бұл Олимпиада лицензиясын алуға жеткілікті көрсеткіш.

Сарсенкүл Рысбекова – Дохада өткен Азия чемпионатында стенд ату бойынша екінші орын алып, Олимпиадаға жолдама алды.

Елена Потапенко мен Павел Ильяшенко – Уханьда өткен Азия чемпионатында қазіргі бессайыс бойынша он екінші және төртінші орындарды иеленді. Сайыста Потапенкодан кейін Оңтүстік Корея, Қытай, Жапония және Өзбекстан елінің спортшылары болды.

Ришат Хайбуллин Олимпиадаға жаңа спорт түрі спорттық құзға өрмелеуден қатысады. 2019 жылы Жапонияда өткен әлем чемпионатында финалға қатысу автоматты түрде Хайбуллинге Токио Олимпиадасында орын алуға кепілдік берді.

Дмитрий Баландин – брасс әдісімен 100 метрге жүзу бойынша әлем чемпионы. Ол Токиодағы Олимпиадаға 100 және 200 метрге жүзу бойынша қатысады.

Тағы оқыңыз: Олимпиада чемпионы тікелей эфирде есінен танып құлады – видео

Виталий Худяков ашық суда жүзуден Кувейтте өткен Азия чемпионатында екі рет жеңіске жетіп, Токиодағы Олимпиадаға жолдама алды.

Әртістік жүзу бойынша апалы-сіңлілі Александра мен Екатерина Немич Оңтүстік Кореяның Кванжу қаласында өткен әлем чемпионатында судағы спорт түрі сайыстарында олимпиадалық стандартты орындады.

Милад Карими Германияның Штутгарт қаласында өткен көпсайыс чемпионатының финалына шықты. Сол арқылы Олимпиадаға қатысуыға жолдама алды.

Эльмира Сыздықова мен Валентина Исламова – екі спортшы да еркін күрестен әр түрлі салмақтағы әлем чемпионатында қола алды.

Асхат Ділмұхамедов пен Мейрамбек Айнағұлов грек-рим күресінен 66 және 77 келі салмақта әлем чемпионатының жартылай финалына шықты.

Әлішер Ерғали, Нұрислам Санаев, Дәулет Ниязбеков және Данияр Қайсанов Нұр-Сұлтанда өткен еркін күрестен әлем чемпионатының жартылай финалына шықты. Күрестің барлық түрінде лицензия аталмайды.

Токио Олимпиадасына велосипед спортынан Қазақстан құрамасынан үш спортшы қатысады. Лицензия аталмайды.

Денис Ганькин, Санжар Мұсаев, Ильфат Абдуллин – Әлем кубогы мен Азия кубогының жеңімпаздары, сондай-ақ садақ атудан Әлем чемпионатының жеңімпаздары. Спортшылар жеке, команда ретінде де өнер көрсетеді.

Ольга Рыпакова – жеңіл атлет, Олимпиада чемпионы. Рыпакова Токиода өтетін сайысты есептегенде Олимпиадаға төртінші рет қатысқалы жатыр.

Георгий Шейко – Азия біріншілігінде 20 шақырым қашықтықта күміске ие болды.

Олимпиада ойындары – 2020 

XXXII жазғы Олимпиада ойындары 2020 жылы 24 шілде мен 9 тамыз аралығында Жапонияда өтеді.
Олимпиадада 33 спорт түрінен 339 медаль жиынтығы сарапқа салынады.

Токио Олимпиадасына жаңадан бес спорт түрі енді. Олар: бейсбол/софтбол, каратэ, серфинг, спорттық құзға өрмелеу және скейтбординг.

206 ұлттық олимпиада комитетінен 11 090 спортшы қатысады деп жоспарланып отыр. Спортшылардың 49%-ы – әйелдер.

375
Кілт сөздер:
спорт, Токиодағы Олимпиада, Қазақстан
Тақырып бойынша
Бірде-бір рет жеңілмеген қазақ боксшы қарсыласын нокаутқа түсірді: видео желіде жарияланды
Илья Ильин алтын медаль ұтып алды - видео
Қазақ күресінің атауы өзгеретін болды
Қазақстан ұлттық құрамасының Токио Олимпиадасына киетін формасы жазда таныстырылады
Атырауда олимпиададан келе жатқан оқушылар апатқа ұшырады – видео
Иллюстративті фото

Қазақстанда туып-өскен аралас жекпе-жек шебері қарсыласын нокаутқа жіберді

1061
(Жаңартылды 12:09 11.10.2020)
Ілияс Хамзин Қазақстаннан ата-анасымен бірге Омбыға көшіп кеткен. Ол кикбоксингпен және тай боксымен айналысты, содан кейін аралас жекпе-жекке ауысты

НҰР-СҰЛТАН, 11 қазан – Sputnik. Қазақстанда туған Ілияс Хамзин Екатеринбургтегі аралас жекпе-жек турнирінде ресейлік Дмитрий Гавриловты мерзімінен бұрын жеңді.

Instagram-дағы MMA Fighters KZ аккаунты хабарлағандай, жекпе-жек бірінші раундта аяқталды.  

Посмотреть эту публикацию в Instagram

Публикация от Official | MMA Fighters KZ 🇰🇿 (@mma_f1ghters_kz)

"Екатеринбургтегі турнирде Ілияс Хамзин қарсыласын нокаутқа түсірді. Мына соққыдан кейін Гаврилов есін жия алмады", - делінген жазбада.

Нәтижесінде Ілияс Хамзин алтыншы жеңісіне қол жеткізді, ол бір рет жеңілген.

Жойқын нокаут: Әлімханұлының АҚШ-тағы жекпе-жегінің видеосы жарияланды

Ілияс Хамзин 32 жаста, ол Қазақстанда туған, содан кейін ата-анасымен Омбыға көшіп кетті. Ол кикбоксингпен және тай боксымен айналысты, бірақ ресейлік файтер Питер Янмен кездескеннен кейін ол аралас жекпе-жекке ауысты.  

1061
Кілт сөздер:
аралас жекпе-жек, ММА
Тақырып бойынша
Чемпиондық белбеу үшін жекпе-жекте қазақстандық спортшы нокаутқа түсті - видео
Қазақстандық боксшы қарсыласын жойқын соққымен нокаутқа түсірді - видео
Арман Оспанов ресейлік файтерді жойқын нокаутқа түсірді – толық видео
Макгрегор Серронені жойқын нокаутқа түсірді - видео
Жеңілмеген өзбек боксшысы нокаутшы Жүкембаевты жекпе-жекке шақырды
Жәнібек Әлімханұлы

Жойқын нокаут: Әлімханұлының АҚШ-тағы жекпе-жегінің видеосы жарияланды

5906
(Жаңартылды 09:56 10.10.2020)
Бұл қазақ спортшысының кәсіби карьерасындағы тоғызыншы жекпе-жегі. Бұл жолы аргентиналық "Сиқыршымен" кездескен болатын

НҰР-СҰЛТАН, 10 қазан — Sputnik. Жәнібек Әлімханұлы аргентиналық қарсыласын екінші раундта жойқын нокаутпен жеңді.

Посмотреть эту публикацию в Instagram

Публикация от SPORTS.KZ (@kzsports)

Бұл қазақ спортшысының (8-0, 4 КО) кәсіби карьерасындағы тоғызыншы жекпе-жегі, төртінші рет титул үшін жұдырықтасып отыр, деп хабарлайды Sports.kz. 

Ол Лас-Вегастағы бокс кешінде "Сиқыршы" деген лақап атпен өнер көрсететін аргентиналық Гонсало Кориямен (16-3, 6 КО) кездесті. Әлімханұлының екі чемпиондық белбеуі ортаға салынды. Ол WBC және WBO чемпионы атағын сақтап, жеңіске жетті. 27 жастағы қазақстандық боксшы әлі бірде-бір рет жеңілген жоқ.

Жекпе-жек он раундқа жоспарланған болатын. Алайда Әлімханұлы қарсыласын екінші раундта сұлатты.

5906
Кілт сөздер:
бокс, видео, жекпе-жек, нокаут, Жәнібек Әлімханұлы
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
Жәнібек Әлімханұлы екі чемпиондық титулды жеңіп алды – толық видео
"Бұл – басы ғана": Әлімханұлы айшықты жеңісінен кейін маңызды мәлімдеме жасады
Жәнібек Әлімханұлы: Альварес пен Джейкобсты жеңе алатынымды бәрі біледі
Әлімханұлы атақты Пакьяоның промоутерімен келісімшартқа қол қойды
Блок бекет

Қарағанды облысының бір ауылы карантинге жабылды

1
Карантиннің енгізілуіне ауылға инфекция жұқтырған адамның келуі себеп болды. Енді тұрғындарға себепсіз көшеге шығуға болмайды

АЛМАТЫ, 21 қазан – Sputnik. Қарағанды облысының Центральный ауылы карантинге жабылды. Облыс әкімдігі санитарлық шараның қатаңдатылуын ауылға коронавирус инфекциясын жұқтырған адамның келуімен байланыстырды, деп хабарлайды Sputnik Қазақстан.

"Омбыдан келген қонақ коронавирустың бар-жоғын анықтайтын тест тапсырды. Нәтижесінде инфекцияның бар екені анықталды. Ол кісімен байланыста болғандар да ауырып қалған. Бұхар Жырау ауданының бас санитар дәрігерінің қаулысына сәйкес, карантинге алынған аймақтың шыға берісіне блок бекеттер қойылды. Енді бұл аймаққа кіріп-шығуға тыйым салынды", - делінген облыс әкімдігі таратқан ақпаратта.

Санитар дәрігердің қаулысына сәйкес, ауыл тұрғындары карантин шараларын сақтауға міндетті. Үйден тек жұмысқа, жақын маңдағы дүкен немесе дәріханаға баруына болады.

Әкімдіктің хабарлауынша, карантин инфекция жұқтырған науқастардың барлығы жазылғанша жалғасады. Шектеулерді алып тастау бойынша ақпарат қосымша хабарланады.

Айта кетейік, бұған дейін Нұр-Сұлтан, Алматы қалаларында, Батыс Қазақстан, Павлодар, Маңғыстау, Атырау, Солтүстік Қазақстан, Шығыс Қазақстан, Қарағанды, Алматы және Жамбыл облыстарында карантиндік шектеулер енгізілген болатын.

1
Кілт сөздер:
карантин
Тақырып:
Коронавирус эпидемиясы