Спортзал, архив

Алматыда мемлекеттік спорт ұйымдарында оқу-жаттығу жұмысы тоқтатылды

88
Сонымен қатар спортшылардың Қазақстаннан тыс жерге шығуына шектеу қойылды, мегаполис аумағында халықаралық спорттық шаралар да тоқтатылды

АЛМАТЫ, 14 наурыз – Sputnik. Коронавирусқа байланысты Алматы қаласындағы мемлекеттік спорт ұйымдарында оқу-жаттығу процесі тоқтатылды, деп хабарлайды қалалық әкімдіктің баспасөз қызметі.

Алматыда 14 коммуналдық спорт нысаны бар, оның 9-ы балалар мен жасөспірімдерге арналған спорт мектебі. Ал қала бойынша спорт үйірмесіне баратындар саны – 12 мың адам.

"ҚР президенті Қасым-Жомарт Тоқаевтың тапсырмасы бойынша 13 наурыздан бастап Алматы қаласының барлық мемлекеттік спорт мектебінде оқу-жаттығу процесі тоқтатылды", - делінген ақпаратта.

Сонымен қатар жергілікті және республикалық бюджет ақшасынан қаржыландырылатын спорт кәсіпорындарындағы оқу-жаттығулары, физикалық-сауықтыру қызметтерін ұсыну және спорт саласындағы әлеуметтік жобаларды іске асыруға да шектеу қойылды.

Барлық спорт түрі бойынша қалалық құрама командаларының мүшелері Қазақстан Республикасынан тыс жерлерге шығуына шектеу қойылды және мегаполис аумағында халықаралық спорттық шаралар да тоқтатылды.

Коронавирус індеті

Айта кетсек, Алматыда коронавирус жұқтырғандардың саны төртке жетті. Олардың үшеуінің жағдайы қалыпты, біреуінің хәлі орташа деп бағаланып отыр. Жалпы, Алматыда 606 адам карантинде жатыр. 

Жалпы, қазіргі уақытта Қазақстанда дертке шалдыққан алты адам анықталды. Екеуі Нұр-Сұлтанда ауруханада емделуде. Олардың барлығы шетелден ұшақпен ұшып келген. Төртеуі Германиядан, біреуі Италиядан, тағы бір әйел Варшавадан, бірақ оның да Германияда болғаны хабарланды. 

88
Кілт сөздер:
Алматы
Тақырып:
Коронавирус эпидемиясы (1824)
Тақырып бойынша
Қазақстан полициясы күшейтілген қызмет режиміне көшті 
"Біреуінің жағдайы ауыр": Алматыда коронавирус жұқтырғандардың хәлі белгілі болды
Нұр-Сұлтанда коронавирусқа байланысты төтенше жағдай режимі енгізілуі мүмкін
Алматыда анықталған төртінші науқастың ұлынан коронавирус табылған
Алматы қаласының бас санитар дәрігері карантинде жатыр
Жұдырық, ыза

UFC спортшысы қарсыласына: қазақтың кім екенін және көшпенділер рухын сезінесің

1012
(Жаңартылды 12:50 30.11.2020)
Қазақстандық аралас жекпе-жек шеберінің швециялық қарсыласымен кездесуі Абу-Дабидегі UFC 257 турнирі аясында өтеді

НҰР-СҰЛТАН, 30 қараша – Sputnik. Қазақстандық аралас жекпе-жек шебері Жалғас Жұмагұлов UFC-де екінші мәрте октагонға шығуға дайындалып жатыр. Оның Амир Альбазимен кездесуі 28 қарашадан 23 қаңтарға ауыстырылды. 

Кездесу кейінге қалдырылса да, спортшылар әлеуметтік желіде "жекпе-жек" өткізіп үлгерді. 

Амир Альбази Instagram-да қазақстандық қарсыласына: "Жалғас Жұмағұлов, мен саған бара жатырмын", - деп сес көрсетті. 

Посмотреть эту публикацию в Instagram

Публикация от Amir “The Prince 👑” Albazi (@amiralbazi)

Жұмағұлов та бірден жауап қайырды:

"Мен өзім-ақ келемін, қазақтың кім екенін, көшпенділердің рухын сезінесің", - деді ол қарсыласына.

Жекпе-жек 12 желтоқсан күні өтуі мүмкін деген болжам жасалған еді. Бірақ UFC бұл ақпаратты растаған жоқ.

Жекпе-жекке дайындық

Жалғас Жұмағұлов Амир Альбазимен кездесуге дайындалып, Америка визасының рәсімделуін күткен болатын. Ол дайын болды, алайда төлқұжатын дер кезінде қайтармаған. Лас-Вегасқа бара алмайтын болып, ұйымдастырушыларға хабарласты. Енді жекпе-жек Абу-Дабидегі UFC 257 турнирі аясында өтеді.

Биыл шілде айында Жалғас Жұмағұлов UFC-де алғашқы жекпе-жегін өткізді. Ол бразилиялық Раулиан Пайвадан жеңілді. Бұған дейін Жұмағұлов FNG-де төрт рет жеңіске жеткен болатын. Соңғы екі жекпе-жекте Тагир Уланбеков пен Али Багаутиновтен мықты болды.

1012
Кілт сөздер:
қазақтар, спортшы, UFC
Тақырып бойынша
Головкин Елеусіновті неге құттықтаған жоқ – боксшының менеджері өз болжамын айтты
Данияр Елеусінов қарсыласын нокаутқа түсіріп, чемпиондық белбеу жеңіп алды
Жалғас Жұмағұлов кімнің кесірінен жеңілгенін айтты
Жалғас Жұмағұлов ресейлікті жеңіп, чемпиондық титулын қорғап қалды – видео  
Жалғас Жұмағұлов UFC-дегі алғашқы жекпе-жегінде жеңіліс тапты
Боксшылар, чемпионат

Бокстан Қазақстан чемпионатының жеңімпаздары анықталды

558
Турнирде Маңғыстау облысының боксшылары басым түсті. Ал әйелдер арасында астаналық сопртшылар бірінші орынды иеленді

АЛМАТЫ, 29 қараша — Sputnik. Бокстан Қазақстан чемпионатының жеңімпаздары анықталды, деп хабарлайды Ұлттық олипиадалық комитет. 

Шымкентте бокстан Қазақстан чемпионаты аяқталды. 2020 жылы респбликалық турнир ерекше өтті - ерлер мен әйелдер жарысы біріктірілді. Пандемияға байланысты тағы бірқатар өзгеріс енгізілді. 

Ресми емес командалық есепте Маңғыстау облысы жеңіске жетті - екі алтын, екі қола. Екінші орында - Нұо-Сұлтан (бір алтын, екі күміс, бір қола). Үшінші орында Жамбыл облысы (бір алтын, бір күміс, үш қола).

Ерлер арасындағы жеңімпаздар:

  • 49 келіге дейін: Даниял Сәбит (Батыс Қазақстан облысы);
  • 52 келіге дейін: Сабырхан Махмуд (Шымкент);
  • 57 келіге дейін: Серік Теміржанов (Павлодар облысы);
  • 60 келіге дейін: Саматәлі Төлтаев (Маңғыстау облысы);
  • 63 келіге дейін: Ертуған Зейнуллиев (Алматы облысы);
  • 69 келіге дейін: Абылайхан Жүсіпов (Қарағанды облысы);
  • 75 келіге дейін: Әбілхан Аманқұл (Жамбыл облысы);
  • 81 келіге дейін: Бекзад Нұрдаулетов (Маңғыстау облысы);
  • 91 келіге дейін: Айбек Оралбай (Нұр-Сұлтан);
  • 91 келіден жоғары: Қамшыбек Қоңқабаев (Қызылорда облысы).

Чемпионатта әйелдер арасында астаналық спортшылар басым түсті. Үш алтын, екі күміс, бір қола. Екінші орын Қостанай облысы (екі алтын, бір қола). Үшінші орын Шымкентте (бір алтын, үш күміс, бір қола),

Әйелдер арасындағы жеңімпаздар:

48 келіге дейін: Аяулым Балқыбекова (Жамбыл облысы);

51 келіге дейін: Назым Қызайбай (Алматы);

54 келіге дейін: Дина Жоламан (Ақмола облысы);

57 келіге дейін: Владислава Кухта (Қостанай облысы);

60 келіге дейін: Римма Волосенко (Нұр-Сұлтан);

64 келіге дейін: Милана Сафронова (Қарағанды облысы);

69 келіге дейін: Валентина Хальзова (Нұр-Сұлтан);

75 келіге дейін: Надежда Рябец (Қостанай облысы);

81 келіге дейін: Фариза Шолтай (Шымкент);

81 келіден жоғары: Ләззат Күнгейбаева (Нұр-Сұлтан).

558
Тақырып бойынша
Майк Тайсон мен Рой Джонс шаршы алаңда кездесті – жекпе-жектің толық видеосы
Атырау облысында болашағынан үміт күттірген үш боксшы қаза болды  
Головкин Елеусіновті неге құттықтаған жоқ – боксшының менеджері өз болжамын айтты
"Тұрмысқа шыққаннан кейін спорттан кету керек": боксшы Назым Қызайбай сұхбат берді
Қазақстандық боксшы мексикалықты бір минутқа жеткізбей нокаутқа жіберді – видео
Дональд Трамп

АҚШ Иранға қарсы соғыс жариялай ма?

0
Дональд Трамп дауыс берушілер алқасы Джо Байденнің жеңісін мойындаса, АҚШ билігінен бас тартуға келісті. Алайда, БАҚ болжамы бойынша, ол "тақтан" кетпес бұрын Иранға соғыс ашуға дайын көрінеді

Иранмен соғысуға "ядролық келісім" іске аспағаннан кейін қайта жаңғыртылған атомдық бағдарлама себепші болмақ. Америкалықтар Тегеранға қысым көрсетуге Тель-Авивті де тартуы мүмкін, деп жазады РИА Новости.

"Дональд Трамп Иранға соққы жасау туралы бұйрық беруі мүмкін. Сондықтан, Израильдің қорғаныс армиясы (ЦАХАЛ) сақ жүруі тиіс. Израиль билігі Джо Байденнің инаугурациясына дейінгі кезеңнің қиындығын түсінуі керек. Кетіп бара жатқан америкалық көшбасшы Натанздағы уран байыту зауытының көзін жою туралы бірнеше рет мәселе көтерген болатын", - деп жазды Axios онлайн-басылымы.

Ақпарат агенттігі өз дереккөздеріне сүйеніп жазғанына сәйкес, МАГАТЭ ирандық ядролық бағдарламаның дамуы туралы кезекті есепті жария еткеннен кейін Трампқа Тегеранға соққы жасау туралы ой келген. Құжатта Ислам Республикасы Бірлескен жалпыға ортақ жоспар талаптарын орындаудан бас тартқаннан кейін елде жоғары байытылған уран қоры артқаны жазылған. Америкалық шенеуніктердің сөзіне сүйенген The New York Times басылымы президентті бұл жағдай қатты ашуландырғанымен, Майн Пенс пен Майк Помпео оны сабырға келуге шақырғанын жазды. Олар Иранға соққы жасау қажетсіз зорлық-зомбылыққа себепші болатынын айтқан.

Америка жоспары туралы расталған мәлімет жоқ. Бірақ, Израильдегілер ықтимал қарсылыққа дайындалу туралы нұсқау келгенін айтты.

Саясаткерлер ықтимал соғыс туралы ақпараттың рас-өтірігін анықтап жатқан шақта Иранда физик Мохсен Фахризаде өлтірілді. Батыстағы арнайы қызмет әсерилері оны "Иран бомбасының атасы" деп атайтын. Дәл осы азамат Иранның ядролық бағдарламасын басқарып отыр деген қауесет бар еді. Тегеран тез арада бұл кісі өліміне Израильді кінәлап, кек алуға уәде етті. Биньямин Нетаньяху ирандықтардың мәлімдемесіне құлақ асқан жоқ.

Иранға соққы жасау туралы алып-қашпа әңгімеге көңіл аудармауға болар еді. Бірақ, күні кеше АҚШ Таяу Шығысқа B-52H Stratofortress стратегиялық бомбалаушыларын жеткізгені елең еткізді. Америка қарулы күштерінің орталық қолбасшылығы (CENTCOM) әскери ұшақтар агрессияны бақылауда ұстау және одақтастарға қолдау көрсету мақсатында өңірге жеткізілгенін айтты.

Вашингтон қанша бомбалаушы ұшақ жөнелтілгені және олардың қай мемлекетке орналастырылғаны туралы ешқандай ақпарат ұсынған жоқ. Жойғыш ұшақтар қазір Диего-Гарсияда екені туралы мәлімет пайда болды.

Иранның Таяу Шығыстағы беделінің өсуі басқасынан бұрын Израильді қатты алаңдатады. АҚШ пен Иранның қыстағы шиеленісуінен кейін Тель-Авив дабыл қақты. Премьер-министр Биньямин Нетаньяху Тегеран тек америкалықтардан ғана емес, еврей мемлекетінен де кек қайтармақшы деп болжады.

Парсы шығанағындағы монархиялар да Иранның Таяу Шығыстағы ықпалына кедергі келтіруге тырысуда. Ирактағы Саддам Хусейн режимі құлағаннан кейін Ислам Республикасы аймақтағы көшбасшы рөлін өз қолына алуға тырысты. Арабтар мазасыздана бастады. Аятоллалардың шиит режимі олардың сунниттік ұстанымдарына сәйкес келмейді.

Өңірдегі Иран рөлінің күшеюін қалай да азайту мақсатында арабтық монархтар 2000-шы жылдардың ортасында-ақ Израильмен ресми емес келісімдер жасасқан болатын. Олардың ашық түрде бірігуіне шешімін таппаған палестиналық мәселе кедергі келтіргенімен, тараптар Тегеранға қарсы қадамдарды біріктіру туралы келісіп алды.

Қос елдің бірлесе әрекет етуіне Иордания, Сауд Арабиясы, Бахрейн мен БАӘ мемлекеттерінің израильдік авиация үшін өз әуе кеңістіктерін ашуға дайын екендігі дәлел бола алады.

Дональд Трамптың президенттікке келуі және оның антиирандық ұстанымы арабтар мен израильдіктердің байланысын нығайта түсті. Билікке келген АҚШ-тың 45-ші президенті "ғасыр мәмілесі" арқасында таяушығыстық проблемалардың барлығының шешімін табатынын айтты. Ол палестиналық мәселені "қос халыққа арналған қос мемлекет" принципі бойынша шешуді қарастырды. Яғни, Израильмен бірге әлем картасында Палестина да пайда болады.

Алайда, бұл бастама араб әлемінде қолдау таппады. Бірақ, парсы монархиясының айтуынша, бұл "Таяу Шығыстың жаңадан құрылуына" ықпал етті. Қыркүйекте Израиль, БАӘ және Бахрейн америкалықтардың қолдауымен ресми дипломатиялық қарым-қатынас орнатты. Олар бұл дипломатиялық "одақтастық" Иранға қарсы сипатта екенін еш жасырмады.

Өзін араб әлемінің көшбасшысы ретінде ұстайтын Сауд Арабиясы Израильдің жанына жуымайтын. Мемлекеттердің ресми емес қарым-қатынасы туралы барлығы білгенімен, жоғары деңгейдегі диалогқа ешкімнің батылы бармады. Эр-Рияд палестиналық проблема шешілгенге дейін Тель-Авивпен бірлескен іс-әрекет жайлы ешқандай сөз болмайтынын дәстүрлі түрде мәлімдеді. Бірақ, бұл стереотип те ұзаққа барған жоқ.

Күні кеше Нетаньяху саудтық Неом қаласында құпия түрде болып, мұрагер ханзада Мұхаммед бин Салманмен келіссөздер жүргізгені белгілі болды. Жаңалық сенсацияға айналды. Бұл кездесуде қозғалған басты мәселе ирандық ықпал болғаны туралы болжам бар.

Эр-Рияд бастапқыда бұл диалогты жоққа шығарды. Бірақ, Тель-Авивтің осыған қатысты пікір білдіруден бас тартуы кездесудің болғанын айқындай түсті. Бұл кездесудің АҚШ мемлекеттік хатшысының Таяу Шығыстағы турнесімен тұспа-ртұс болуы да алаңдатады. Майк Помпео кезекті рет қос мемлекетті достастырып, Ираннан төнген қауіптің орасандығын айтты.

"Израиль Иранмен тікелей соғысқа түскісі келмейді. Бірақ, жасырын конфронтация барлық жақта байқалады. Ислам Республикасы израильдік шекара периметрі бойынша Сириядағы әскери қатысуларын күшейтіп жатыр. Тағы бір көрші – Ливан – Иранның бағынышында десек те болады. Тегеранның Газ секторына ауқымды ықпалы бар, ХАМАС-ты қаржыландырады. Жалпы, Иран израильдік шекараның барлығына дерлік ықпал етіп отыр", - деп санайды кнессеттің экс-депутаты, Израильдегі Герцлийск пәнаралық институтының сарапшысы Ксения Светлова.

Ол Нетаньяхудың Сауд Арабиясына құпия сапарын АҚШ-тағы биліктің жақында ауысуымен байланыстырады.

ММХҚИ Халықаралық зерттеулер институтының аналитигі Адлан Маргоев Иран араб-израиль өзара әрекеттесітігі туралы хабардан деп санайды. Сарапшының айтуынша, Сауд Арабиясы, БАӘ және Бахрейннің Израильмен байланысын сынағанымен, Иран билігі қақтығыстың шиеленісуін қаламайтынын айтты.

Маргоевтың пікірінше, Тегеран АҚШ әкімшілігі ауысқаннан кейін антиирандық ұстаным бәсеңдейді деп үміттенеді. Ол Трамптың антиирандық шешімдерін бірден жоққа шығару Байденге оңай соқпайтынын айтады. Трамп әкімшілігі мен оны жақтаушылар Иран саясатын тек жаман тұсынан көрсетіп, үнемі қаралаумен болды. Сарапшының айтуынша, қалай болғанда да пікір қайшылықтары соғысқа алып келетіндей жағдайдың алдын алу әлі де мүмкін.

0