XXII жазғы Олимпиада ойындарының салтанатты ашылуы

Sputnik 1980 жылы өткен Олимпиада туралы арнайы жобаны іске қосты

227
(Жаңартылды 15:59 20.07.2020)
Sputnik ақпарат агенттігі мен радиосы тілшілері КСРО тұрғындарының тұрмыс-тіршілігі мен тарихын ақтарып, 1980 жылғы жазғы Олимпиада ойындарын зерттеді

АЛМАТЫ, 20 шілде – Sputnik. Мәскеу Олимпиадасына билік қанша қаражат жұмсады? Кеңес жеңімпаздары сыйақысын қайда жаратты? Қауіпсіздік қалай қамтамасыз етілді? Діни атлеттер атеистік КСРО-да дұға ете алды ма?

Осы сауалдың барлығына Sputnik ақпарат агенттігі Олимпиада ойындарының 40 жылдығына арнап дайындаған "Мәскеу-80: Ретро-tube" арнайы жобасынан білуге болады.

Бұл мультимедиялық жоба – бұрынғы Кеңес Одағы кеңсесіндегі Sputnik-тің 13 редакциясы және Мәскеу кеңсесі жұмысының нәтижесі. Бұл жоба спорттағы нәтижелер жайлы емес, олимпиада өткен Мәскеу мен елдегі атмосфера жайлы болады.

Оқи отырыңыз: Назарбаев 1980 жылғы Олимпиа чемпионымен қол күрестірді

"Россия сегодня" ХАА бас редакторының орынбасары Андрей Благодыренко жобаның іске қосылуына байланысты пікір білдірді.

"Бұл жоба үлкен ел өмір сүрген сол дәуір, адамдар, атмосфера туралы болады, сондай-ақ, бұрынғы одақтас республикалардың онжылдықтағы басты оқиғаның біріне қалай дайындалғаны туралы айтылады. Жоба арқылы бәзбіреуге олимпиаданың қалай өткенін еске саламыз, енді біреуге 1980 жылы адамдардың қалай өмір сүргенін көрсетеміз. Жобада барлық мүмкін деген форматты қолданамыз: Олимпиада куәгерлері мен қатысушыларының, спортшылар, шенеуніктердің әңгімелері, бірегей архивтегі фото мен кинодеректер, оның ішінде кейіпкерлердің жеке мұрағаты да қолданылады. Сонымен қатар жобаның басты ерекшелігі - "Мәскеу-80:Ретро-tube" сериалы, әр серияны танымал жүргізуші және блогерлер жүргізеді", - деді Андрей Благодыренко.

Мәскеу-80: Ретро-tube" – көп форматты жоба. Оның негізі – мини-сериал. Әр серияны Тина Канделаки, Дмитрий Пучков (Гоблин), Дмитрий Губерниев, саяхатшы-блогер Михаил Ронкаинен секілді танымал блогерлер мен медиатұлғалар жүргізеді.

Олар Олимпиада КСРО-дағы сәнге қалай әсер еткенін, дүкен сөрелерінде қандай ғажайып өнімдер пайда болғанын, басқа олимпиадалармен салыстырғанда Мәскеудегі ойындар қанша тұрды және арнайы қызметтер оқыс оқиғалардың қалай алдын алғанын айтып береді.

Видеоролик, мәтін, сұхбат, инфографика Sputnik-тің 13 сайтындағы жобаның арнайы парақшасында, орыс тілінде шығатын Sputnik-тің YouTube парақшасында, Sputnik телеграм-арналарында және әлеуметтік желілердегі ресми аккаунттарда жарияланады.

Материалдарды дайындау барысында Sputnik тілшілері осы кезеңде КСРО тарихын күтпеген, бейресми жақтан көруге мүмкіндік беретін олимпиадаға қатысты мәліметтерді іздеді. Жоба авторларының айтуынша, көптеген қызықты мәлімет табылды. Оның ішінде Минскіде Олимпиада алауын ұрлау әрекетіне милицияның тосқауыл болып қалғаны, КХДР делегациясы команда мүшелерінің біріне халықтық сот құрғаны жайлы оқиғалар кездеседі.

Жобаның бір бөлігі Кеңес республикаларының 80-ші жылы өткен олимпиадаға дайындыққа және оны өткізуге қатысуына арналған. Әңгіме тек ойындарда медаль жеңіп алған КСР спортшылары туралы ғана емес, сондай-ақ бүкіл КСРО бойынша орналасқан жаттығу базалары туралы болып отыр. Республикалардан Мәскеуге және Олимпиаданы өткізетін басқа қалаларға: Минск, Ленинград және Таллинге құрылыс материалдары мен азық-түлік жіберілді. Бүкіл елден астанаға милиционерлер, аудармашылар, үздік даяшылар мен аспаздар, музыкалық ұжымдар жіберілді. Әр Sputnik сайтында жоба өзінше ерекше мазмұнда жарияланатын болады.

Sputnik – ірі халықаралық бұқаралық ақпарат құралдарының бірі, ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілінде ақпарат жеткізеді.

Sputnik ақпарат ресурстарының аудиториясы айына 80 миллионнан астам адамды құрайды, Sputnik әлеуметтік желілеріндегі жазылушылардың жалпы саны 20 миллионнан асады. Бүкіл әлем бойынша 24 редакциялық орталықта ондаған ұлттың мыңнан аса өкілі жұмыс істейді.

227
Гүл шоғы

Қазақстандық спортшы жол апатынан көз жұмды

3152
Жол апаты 24 қаңтарға қараған түні Бурабай кенті маңында болды, қазақстандық шаңғышы отыз сегіз жаста еді

НҰР-СҰЛТАН, 24 қаңтар – Sputnik. Қазақстандық шаңғышы, әлем чемпионатының қола жүлдегері Николай Чеботько 38 жасында көз жұмды,  деп хабарлайды Olympic.kz. 

Спортшы 24 қаңтарға қараған түні Бурабай кенті маңында (Ақмола облысы) жол апатынан көз жұмды. 

"Қазақстан Ұлттық Олимпиада комитеті барлық спорттық қауымдастық атынан спортшының жақындары мен туыстарына қайғыра көңіл айтады. Николай Чеботько талантты шаңғышы, олимпиадашы және жарқын жүзді адам ретінде мәңгі жүрегімізде сақталады", -делінген хабарламада.

Николай Чеботько 1982 жылы 29 қазанда Щучьеде туған.

Шаңғы спортынан 2013 жылғы әлем чемпионатының қола жүлдегері, төрт бірдей Олимпиада ойындарына қатысқан спортшы, Қазақстан Республикасына еңбек сіңірген спорт шебері. 

Тағы оқыңыз: Атырауда танымал спортшыны өлтіріп кетті

Үлкен спорттағы ең ірі жетістігіне Чеботько 2013 жылы қол жеткізді. Ол сол жылы Валь-де-Фьеммеде өткен әлем чемпионатында командалық спринт бойынша үздік үштікке енді.

Сондай-ақ, спортшы Азия ойындарында үш алтын, төрт күміс және екі қола медаль жеңіп алған. 

Әлем кубогі кезеңдерінде 2001 жылдан бастап сынға түсті. 2012 жылы Квебектегі әлем кубогі кезеңінде Денис Волоткамен бірге тарихи алтын жүлде иеленген. Ол бірнеше рет ел чемпионатында көзге түсіп, өмірінің соңына дейін шаңғы жарыстарында бақ сынады.

3152
Кілт сөздер:
жол апаты, спортшы
Тақырып бойынша
18 жастағы қазақстандық спортшы көз жұмды
Әлемге әйгілі спортшы жол апатынан көз жұмды
Семейде көмір алуға барған атақты спортшы көз жұмды
Жойқын нокаутқа түскен спортшы көз жұмды – видео
Жалғас Жұмағұлов

Жалғас Жұмағұлов UFC-дегі екінші жекпе-жегінде жеңіліп қалды видео

578
UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш

НҰР-СҰЛТАН, 24 қаңтар – Sputnik. Қазақстандық аралас жекпе-жек шебері Жалғас Жұмағұлов Әбу-Дабиде өткен UFC 257 турнирінде швед қарсыласынан жеңіліп қалды.

Ең жеңіл салмақтағы кездесу үш раундқа созылды. Төрешілер жеңісті бірауыздан Амир Альбазиге берді.

"Тартысты жекпе-жекте Жалғас Жұмағұлов Амир Альбазиге есе жіберді", - деп хабарлады UFCRussia Instagram-да.

Осылайша Жалғас аралас жекпе-жекте 13 рет жеңіске жетіп, бес кездесуін жеңіліспен аяқтады. Жұмағұлов UFC-ге алғаш рет өткен жылдың жазында шықты. Ол төрешілер шешімімен бразилиялық Раулиан Пайведен жеңілді, алайда бұл шешім көпшілік арасында дау тудырған еді.

Еске салсақ, UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш.

578
Кілт сөздер:
видео, аралас жекпе-жек
Лом ұстаған адам, иллюстративті сурет

Қыз үшін атысқан: Нұр-Сұлтан тұрғындары түн ортасында шошып оянды

0
Төбелеске қатысқандардың барлығы ұсталып, "Байқоңыр" ауданының полиция басқармасына жеткізілді, тергеу басталды

НҰР-СҰЛТАН, 24 қаңтар – Sputnik. Нұр-Сұлтанда жексенбіге қараған түні жас жігіттер бойжеткен үшін төбелесіп, бір-біріне оқ атты. Тәртіп сақшылары барлық күдіктіні ұстап, полиция басқармасына жеткізді, деп хабарлайды Sputnik Қазақстан.

Түнгі атыс жайлы елорда тұрғыны Facebook-те жазды.

"Бірінен соң бірі атылған оқтың даусы естілді, терезеден қарасам, жаппай төбелес болып жатыр. Жаралылар қансырап жерде жатыр. Бір топ адам Сембинов көшесіне қарай қашып кетті. Мен полиция мен жедел жәрдем шақырдым. Бірақ, бір минуттан кейін жаралыларды көлікке салып алып кетті", - дейді Эльмира Баекешева.

Қалалық полиция департаменті бұл оқиғаға қатысты түсініктеме берді. Полицейлер жігіттердің қыз үшін төбелескенін анықтаған.

"24 қаңтарда 102 пультіне сағат 01.09-да қалалық ауруханаға оқ жарақатымен 19 және 23 жастағы екі ер адам түскені жайлы хабарлама келді. Белгілі болғандай, бұрынғы таныстар арасында қыз үшін төбелес шыққан", - деді полиция департаментінің баспасөз қызметінен.

Қазір жанжалдасқан адамдардың барлығы ұсталып, "Байқоңыр" ауданының полиция басқармасына жеткізілді. Аталған факті бойынша қылмыстық іс қозғалды, тергеу жүріп жатыр.

0
Кілт сөздер:
жаппай төбелес, Нұр-Сұлтан