Мәскеу олимпиадасы - 1980 жыл

Sputnik "Мәскеу–80: ретро-tube" жобасын таныстырды

41
(Жаңартылды 12:55 21.07.2020)
Пандемия кезінде шектеу енгізіліп, жоспарланған олимпиаданың 40 жылдық мерейтойы Мәскеуде өтпейтін болды. Алайда агенттіктің арнайы жобасы оның орнын толтырды. Халықаралық олимпиада комитетінің құрметті мүшесі Виталий Смирнов Sputnik  жобасына осындай баға берді

АЛМАТЫ, 21 шілде – Sputnik, Данара Курманова. Жиырмасыншы шілдеде, осыдан 40 жыл бұрын КСРО-да Олимпиада–80 спорт ойындарының бөлігі басталған күні Sputnik ақпарат агенттігі мен радиосы "Мәскеу–80: ретро-tube" арнайы жобасының басталғанын жариялады. Осыған байланысты "Россия сегодня" халықаралық баспасөз орталығында "Олимпиада өткен Мәскеу тарихы" конференциясы өтті. 

Іс-шараға олимпиаданы ұйымдастыру комитетінің мүшесі Виталий Смирнов, Мәскеу қаласында жарысты түсірген фотограф Сергей Гунеев және Кеңес құрамасының бірнеше олимпиада чемпионы бейнебайланыс арқылы қатысты. 

Сонымен қатар видео арқылы кездесуге америкалық семсерші Фил Райли қосылды. Ол олимпиадаға қатысуды армандаған, бірақ АҚШ тарапынан бойкот жариялауына байланысты КСРО-ға келе алмады.

Пресс-конференция К 40-летию летних Олимпийских игр 1980: истории олимпийской Москвы
© Sputnik / Владимир Трефилов
Олимпиада ойындарының 40 жылдығына арналған "Олимпиада өткен Мәскеу тарихы" конференциясы

Пандемия кезіндегі Sputnik-тің арнайы жобасы олимпиаданың 40 жылдығына арналған салтанатты жиынның орнын толықтырды. Бұл туралы Ресей олимпиада комитетінің құрметті президенті және Халықаралық олимпиада комитетінің құрметті мүшесі, Мәскеу олимпиадасын ұйымдастыру комитетінің мүшесі Виталий Смирнов мәлімдеді. Өйткені, Мәскеуде олимпиаданың мерейтойын кең дәрежеде атап өту жоспарланған болатын.

"Біз президент Владимир Путинге осындай ұсыныспен жүгіндік. Ол біздің бастамамызды қолдап, Мәскеу мэрі Сергей Собянинге тапсырма берді",– деді Смирнов.

"Біз Мәскеуге көптеген қонақ, оның ішінде спортшыларды, федерация президенттерін шақыруды жоспарладық. Толық ұйымдастыру комитетін құрдық, бірақ індет бәріне кедергі болды",– дейді ол.

Почетный президент Олимпийского комитета России, почетный член МОК Виталий Смирнов
© Sputnik / Владимир Трефилов
Ресей олимпиада комитетінің құрметті президенті Виталий Смирнов

Дей тұрғанмен, "Мәскеу–80: ретро-tube" арнайы жобасының арқасында олимпиадада медаль жеңіп алғандарға екі апта онлайн форматта құрмет көрсетіледі. Sputnik тек оларға ғана емес, сонымен қатар жарыстарды ұйымдастыруға қатысқан қатардағы адамдарға, оның ішінде экскурсоводтарға, аудармашыларға, қоғамдық тамақтану қызметкерлеріне және 1980 жылы өткен олимпиаданы тарихта үздік ойындардың бірі еткен көптеген азаматқа да назар аударды.

"Бұл теңдесі жоқ оқиға болды", – деді Виталий Смирнов. "Біз жүздеген мың шетел азаматын қабылдауымыз керек болды. Ал Мәскеудің қонақ үй қоры 40 мың орынға есептелген. Олимпиада–80 ел үшін шапшаңдатқыш болды. Мәскеуге әуежайдың жаңа терминалы қажет болды, нәтижесінде "Шереметьево–2" салынды. Ленинград, Таллин, Минск, Киев (жарыстың бір бөлігі осы қалаларда өтті) қалалары дамыды. Нәтижесінде ойын өте жоғары бағаға ие болды".

Жеке мәліметтер

Sputnik арнайы жобасы Олимпиада–80 ойындарының құпияларын ашады. Мысалы, медаль алған жеңімпаздар алғаш рет өздерінің жүлделі сыйақыларын қайда жұмсағанын айтты. Төрт дүркін олимпиада чемпионы, Бүкілресейлік жүзу федерациясының президенті Владимир Сальников автокөлік сатып алғанын еске алды.

Владимир Сальников
© Sputnik / Юрий Сомов
Владимир Сальников

"Үш медальмен өзіме экспорттық модификациядағы "Жигули" алу мүмкіндігіне ие болдым және 20 жасында жеке көлік алғанымды мақтан тұттым",– дейді ол.

Кеңес құрамасында Украин КСР-і атынан шыққан олимпиада чемпионы Александр Сидоренко да әкесіне көлік сатып алғанын айтты.

"Ол "Волга" алуды армандады. Сол себепті сыйақымды әкеме бердім. Ал Украина өз қаржысына "Волга" сатып алуға талон берді",– дейді Сидоренко.

Жүзгіш Сергей Фесенконың айтуынша, алтын медаль алған кезде бастапқыда не болып жатқанын түсінбегенін айтты. Себебі допингке тексеру үшін ұзақ уақыт спорт нысанынан кете алмады.

"Мен олимпиада ауылына келіп, ұйықтап қалдым да, таңғы төртте "не істедім?" деген сезімнен ояндым",– деп еске алады ол.

"Сергейдің жеңісін біз онымен бірге де, өзі жоқ кезде де тойладық. Себебі жүзгіштер арасындағы алғашқы алтын медаль бізге сенімділік берді, бәрінің мүмкін екеніне сендірді",– дейді Владимир Сальников.

Жаңа мүмкіндіктер

Әлі күнге дейін "Россия сегодня" ХАА-де жұмыс істеп келе жатқан танымал фотограф Сергей Гунеев жарыстан бірегей кадрларды түсіруге не көмектескенін айтып берді.

Өзінің ең танымал "Кедергілер арқылы жүгіру" фотосын түсіру үшін Гунеев бір жыл дайындалған. КСРО халықтарының жазғы спартакиадасының барысын түсіріп жаттыққан.

"Қауіпсіздік қызметі және жарыстың бас төрешісімен келісу қажет болды. Камера кедергі астында тұрды. Ол спортшыларға кедергі келтірмейтін еді, құлап қалмасы да анық еді. Алайда, сөйлесуге екі күн кетті. Жарыс күні мен камераны түзеп, өзім шетке шықтым. Пленкада 36 кадр болса, ішінде 33-ші кадр сәтті шықты",– деді ол.

Бег с препятствиями на Олимпиаде в Москве
© Sputnik / Сергей Гунеев
Мәскеу олимпиадасындағы кедергілер арқылы жүгіру

Бірегей масштаб

Арнайы жоба аясындағы жарияланымдар форматы әртүрлі мәтіннен бастап видеороликтерге дейін болады. Бірақ әрбір материал есте қаларлық фишкаға бай. Мысалы, "Мәскеу–80"сериалында бірден төрт жүргізуші бар – "Матч ТВ" телеарнасының баспродюсері Тина Канделаки, спорт комментаторы Дмитрий Губерниев, жазушы Дмитрий Пучков және саяхатшы-блогер Михаил Ронкаинен қатысады.

Олимпиаданың қауіпсіздігін қамтамасыз етушілерге арналған жобаның бірінші сериясын қазір көруге болады. 

Мини-сериалдың басқа бөлімдері олимпиада ойындарының КСРО-дағы сәнге әсер етуіне, жарыстарға жұмсалған шығын мен олимпиада өткен Мәскеу тұрмысы мен атмосферасы жайында болады.

Коронавирус пандемиясына байланысты енгізілген шектеулерге байланысты "Мәскеу–80: ретро-tube" жобасының басталуына арналған конференция онлайн форматта өтті. "Россия сегодня" ХАА бас редакторының орынбасары Андрей Благодыренко оқшаулау режимінің жоба дамуына ықпал еткенін атап өтті. 

Заместитель главного редактора МИА Россия сегодня Андрей Благодыренко
© Sputnik / Владимир Трефилов
"Россия сегодня" ХАА бас редакторының орынбасары Андрей Благодыренко
"Бұл жоба бүгін таяу шетелдегі 13 сайтта басталды. Жобаға Мәскеу және Ұлттық редакциялардағы көптеген қызметкер жұмыс істеді. Біз не айтқымыз келді? Ең алдымен үлкен елдің 40 жыл бұрын қалай өмір сүргенін көрсеткіміз келді. Бұл тек спорт жайлы емес, сол кездегі атмосфера жайлы болады: Олимпиададан кейін ел қалай өзгерді және оны өткізуге Кеңес республикалары қандай үлес қосты",– деді Андрей Благодыренко.

"Қазірдің өзінде 13 редакция олимпиада туралы 200 материал дайындады",– деп атап өтті Благодыренко. Алайда жобаның соңына қарай, 3 тамызда олардың саны 250-ден асады.

1980 жылғы жазғы олимпиада ойындары 19 шілде мен 3 тамыз аралығында КСРО астанасы Мәскеуде өтті. Жарыстың бір бөлігі Кеңес Одағының басқа қалаларында, атап айтсақ, Таллин, Киев, Ленинград және Минскіде өтті. Бұл Шығыс Еуропа аумағындағы алғашқы олимпиада ойындары болды.

41
Кілт сөздер:
олимпиада, Мәскеу, спорт
Зульфия Чиншанло Олимпиадада

Допинг дауының қатысы жоқ: Чиншанлоның жұлқа көтеруін төрешілер неге есептемеді

36
Мемлекеттік жаттықтырушы Токио Олимпидасында "қола" алған қос ауыр атлетші ереже бұзып, қателік жасады деп санамайтынын айтты

АЛМАТЫ, 30 шілде – Sputnik. Төрешілер қазақстандық ауыр атлетші, Токио Олимпиадасында "қола" алған Зүлфия Чиншанлоның 93 келіні көтерген салмағын есептемей қойған еді. Ауыр атлетикадан Қазақстанның мемлекеттік жаттықтырушысы Меңдіхан Тәпсірұлы соған қатысты пікір білдірді, деп хабарлайды Sputnik Қазақстан.

"Қазір ауыр атлетикада төрешілерге талап қатаңдаған. Бұған сол себеп болуы мүмкін. Сондай-ақ төрешілердің асыра сілтеуі байқалды. Спортшылардың сәл теріс қозғалысын есепке алып, мүмкіндіктерін толық көрсетуге кедергі жасады. Бұл әсіресе Зүлфия Чиншанлоның жарыс жолында байқалды. Серпе көтеру, жұлқа көтерудің бірінші мүмкіндіктерінде көтерген салмағын есепке алмай, психологиялық жағынан кедергі жасаған жерлері бар", - деді Меңдіхан Тәпсірұлы.

Жаттықтырушы бұған ауыр атлетика төңірегіндегі допинг дауының ешбір қатысы жоқ екенін атап өтті.

"Допингтің бұған салдары тиген жоқ. Қазақ спортшыларының жаттығуына оның әсері болды деп санамаймыз. Өйткені допинг дауын толыққанды әділетті деп есептемейміз. Спортшылардың 8 жыл бұрынғы талдауын тексеру сенімсіздік тудырады. Кейінгі жылдары қазақ атлетшілерінде бірде-бір ереже бұзушылық болған жоқ", - дейді Меңдіхан Тәпсірұлы.

Ол Токио Олимпидасында "қола" алған қос ауыр атлетші ереже бұзып, қателік жасады деп санамайтынын айтты.

Меңдіхан Тәпсірұлы бұған дейін Ресей, Әзербайжан секілді елдерден кей салмақ бойынша спортшылардың шақырылғанын, алайда қазір оған қажеттілік жоқ екенін жеткізді.

"Жеңіл салмақта, қыздар арасында көрсеткіштер нашар болған. Сол деңгейді көтеру үшін сырттан спортшылар шақырылған. Енді ол мақсатымыз орындалды. Жасөспірімдер арасында жеңіл салмақта да, әйелдер арасында да ауыр атлетикамыз қарқынды дамып келеді. Сырт жақтан спортшы шақыру бізге қажет емес", - деді ол.

Айта кетейік, қазір Қазақстан қоржынында дзюдошы Елдос Сметов, ауыр атлетші Игорь Сон мен Зульфия Чиншанло жеңіп алған үш қола медаль бар.

Оқи отырыңыз: "Өкініш байқалды": Токиода жүрген қазақстандықтар сұхбат берді

 

36
Кілт сөздер:
Зульфия Чиншанло, төрешілер, ауыр атлетика
Тақырып:
Токио Олимпиадасы
Тақырып бойынша
Зүлфия Чиншанло ел қоржынына үшінші қола медаль салды
Токио Олимпиадасы: Ольга Рыпакова финалға шыға алмады
Токио Олимпиадасы: қазақстандық спортшылардың жарыс кестесі
Қамшыбек Қоңқабаев: жарыс кезінде бәрі басқаша болады
Ольга Рыпакова Токио Олимпиадасында

Токио Олимпиадасы: Ольга Рыпакова финалға шыға алмады

101
(Жаңартылды 17:18 30.07.2021)
2012 жылғы Олимпиада чемпионы Ольга Рыпакованың үздік көрсеткіші 13 метр 69 сантиметр болды

НҰР-СҰЛТАН, 30 шілде – Sputnik. Токио Олимпидасында үш қарғып секіруден іріктеу сайыстары өтті. Оған үш қазақстандық спортшы қатысты, деп хабарлайды Sputnik Қазақстан тілшісі.

Ережеге сәйкес, 34 атлеттің ішінен 14 метр 40 сантиметрден артық секірген немесе үздік көрсеткішке ие болған 12 спортшы ғана финалға өтеді. Әрбір атлетке үш рет секіруге мүмкіндік беріледі. Соның ішінен үздік көрсеткіш алынады.  

Іріктеуге үш қазақстандық спортшы қатысты. Олар – Ольга Рыпакова, Мария Овчинникова және Ирина Эктова. Соңғы екі атлетіміз 13,34 метр және 12,90 метрге секірді. Ал 2012 жылғы Олимпиада чемпионы Ольга Рыпакованың үздік көрсеткіші – 13 метр 69 сантиметр. Осылайша, үшеуі де финалға өте алмады.

Айта кетейік, 2012 жылы Лондон Олимпиадасында Ольга Рыпакова 14 метр 98 сантиметрге секіріп, алтын медаль жеңіп алған болатын. Ал 2016 жылы Рио Олимпиадасына қатысып, 14 метр 74 сантиметрмен қола жүлдеге қол жеткізген. Сол кезде колумбиялық Катерин Ибаргуэн алтын алып кетті. Ол 15,17 метрге секірді. Ал Венесуэладан келген 20 жастағы Юлимар Рохас 14,98 метрді еңсерді. Осы екі спортшы Токио Олимпиадасына да келді.

101
Тақырып:
Токио Олимпиадасы
Сириядағы журналистер. Архивтегі фото

Халед әл-Хатыб атындағы халықаралық сыйлыққа өтінім қабылдау басталды

0
(Жаңартылды 21:39 30.07.2021)
Жүлде 2017 жылы Сирияда қаза тапқан журналист Халед әл-Хатыбты еске алу үшін тағайындалған

НҰР-СҰЛТАН, 30 шілде – Sputnik. RT телеарнасы журналистерге қақтығыс аймағында дайындаған үздік жұмысы үшін берілетін жыл сайынғы Khaled Alkhateb International Memorial Awards халықаралық сыйлығына өтінім қабылдауды бастады. 

Сыйлық 2017 жылы 30 шілдеде Сирияда қаза тапқан журналист Халед әл-Хатыбты еске алу үшін тағайындалған. Биыл бұл жүлде төртінші рет өткізіліп отыр.

Халед әл-Хатыб атындағы Халықаралық сыйлық төмендегі аталымдар бойынша беріледі:

  • "Қақтығыс аймағында дайындалған үздік жұмыс: мәтін";
  • "Қақтығыс аймағында дайындалған үздік жұмыс: видео";
  • "Соғыстан кейін: мәтін/видео" - соғысты бастан өткерген және бейбіт өмірге оралған адамдардың және тұтас халықтың тағдыры туралы. Номинация алғаш рет ұсынылып отыр.   

Khaled Alkhateb International Memorial Awards — 2021 жүлдесінің жеңімпаздары 200 мың рубль көлемінде ақшалай сыйлық алады.

https://award.rt.com сайтында өтінім беруге болады. Жеңімпаздар 30 қарашада анықталады.

Алғашқы жылы Ирак, Ирландия және Сингапурдан қатысқан журналистер марапатталды. Қазылар алқасының құрамында шетелдік және ресейлік журналистер, оның ішінде Ирада Зейналова мен Евгений Поддубный болды.

2019 жылы 25 елден жолданған жұмыстар қаралды.

Сириядағы, Ирактағы және Ливиядағы қақтығыстар туралы айтқан Ресей, АҚШ, Италия және Үндістанның өкілдері лауреат атанды. 2020 жылы RT сыйлығын Ресей, Сирия және Үндістанның әскери корреспонденттері алды.

RT телеарнасы RT Arabic-пен ынтымақтастық орнатқан 25 жастағы журналист Халед әл-Хатыбты еске алуға арналған Khaled Alkhateb International Memorial Awards сыйлығын тағайындады.

Ол 2017 жылы Сирияның Хомс провинциясындағы содырлардың зымыран шабуылы салдарынан қаза тапты. Халед өз репортаждарында Сирияның үкіметтік күштерінің террористермен соғысын көрсетті.

0