Халықаралық Олимпиада комитетінің президенті Томас Бах

Олимпиада уақытында өтеді, "Б" жоспары жоқ Томас Бах

53
Жапония нақты қадамдар арқылы бұл Ойынды өткізуге дайын екенін баршамызға көрсетті, деді ХОК президенті

НҰР-СҰЛТАН, 26 қаңтар – Sputnik. Халықаралық Олимпиада комитетінің президенті Томас Бах Ұлттық Олимпиада комитеттерінің басшыларымен кеңейтілген телеконференция өткізді, деп хабарлады Olympic.kz.

Қазақстан Ұлттық Олимпиадалық комитетінің басшылығы да онлайн кездесуге қатысты.  Күн тәртібінде өте маңызды мәселелер қаралды. Екі сағаттан аса уақыт бойы қатысушылар ғаламдық пандемия, спортшыларды вакцинациялау, БҰҰ резолюциясы мен алдағы Токио-2020 және Бейжің-2022 Олимпиадаларына дайындықты талқылады. 

Оқи отырыңыз: Қазақстан атынан Токио Олимпиадасына кім баратыны белгілі болды 

Жиын барысында сөз алған Томас Бах 2021 жылдың қарбаласқа толы болатынын атап өтті. Өйткені Токиодағы Олимпиада ойындарынан кейін 6 ай өткен соң қысқы Олимпиада ойындары басталады. Мұндай жайт тарихта алғаш рет орын алмақ.

Қазіргі сәтте ХОК екі ірі спорттық іс-шараға толыққанды дайындық жүргізуде.  Томас Бах 2020 жылғы Токио Олимпиадасы қарсаңындағы түрлі сыбыстар мен қауесеттерге тойтарыс беру үшін Олимпиадалық қозғалыстың бірлесіп жұмыс істеуі қажеттігіне ерекше тоқталып өтті. 

"Қазір Олимпиадалық қозғалыстың бар назары 2020 жылғы Токио ойындарына бағытталған. 21 қаңтардың кеші мен 22 қаңтар күнгі жаңалықтарда Жапонияның Олимпиаданы өткізуден бас тартатыны туралы арандатушылық бағыттағы жазбалар көп болды. Бірақ бұл жалған ақпарат. Мен баршаңызды тек қана ресми дереккөздер мен ХОК-тың ресми мәлімдемесіне сенуге шақырамын. 22 қаңтар күні Жапония билігімен телефон арқылы сөйлестім, олар Жапония билігі атынан ресми мәлімдеме мүлде болмағанын айтты", - деді ХОК президенті.

Оның айтуынша, Олимпиада ойындары мен барлық жарыс және іс-шаралар жоспарланған уақытында өтеді. Осы салаға қызығушылық танытқан тараптардың бәрі де Ойынды сәтті өткізу үшін тынымсыз еңбектенуде.

"Сондықтан "Б" жоспарын ойластыруға негіз жоқ. Жапония нақты қадамдар арқылы бұл Ойынды өткізуге дайын екенін баршамызға көрсетті. Сондай-ақ, елдегі саяси пікірталастарға қарамастан, Қытай да қысқы ойындарды өткізуге әзір", - деп түйіндеді Томас Бах. 

ХОК басшысы Олимпиада ойындарына қатысушыларды вакцинациялау туралы да айтты. Томас Бах осы сұраққа қатысты  Ұлттық Олимпиадалық комитеттерге көмектесуге уәде беріп, барлық спортшыны вакцина қабылдауға шақырды. Алайда вакцинациялау әр спортшының еркі бойынша жүргізіледі. 

53
Кілт сөздер:
Токиодағы Олимпиада
Бой Головкин - Альварес

"Канело" Сондерсті жекпе-жектен бас тартуға мәжбүрледі видео

8425
(Жаңартылды 11:39 09.05.2021)
Жекпе-жек бастапқыда он екі раундқа жоспарланды, алайда Сондерс тоғызыншы раундқа шығудан бас тартты

НҰР-СҰЛТАН, 9 мамыр – Sputnik. АҚШ-та өткен бокс кешінің басты жекпе-жегінде мексикалық Сауль Альварес (56-1-2, 38 КО) пен Ұлыбритания өкілі Билли Джо Сондерс (30-1, 14 КО) жұдырықтасты, деп хабарлады Sports.kz.

Жекпе-жек бастапқыда он екі раундқа жоспарланды, алайда Сондерс тоғызыншы раундқа шығудан бас тартты. Осылайша "Канело" кәсіпқой бокстағы 56-шы жеңісіне қол жеткізіп, супер орта салмақтағы WBC, WBA Super және WBO тұжырымдары бойынша әлем чемпионы титулдарын біріктірді. Ал Сондерс алғаш рет жеңіліске ұшырады.

"Мен оның жақ сүйегін сындырып жіберген сияқтымын. Ол жекпе-жекті жалғастырмайтынын білдім. Эдди Рейносоға оның шықпайтынын айттым. Мен ең үздік бапкермен жұмыс істеймін. Ол маған қалай дайындалу керектігін және рингте не істеу қажеттігін айтады, мен оны орындаймын", - деді Сауль Альварес Сондерспен жекпе-жектен кейін берген сұхбатында .

Еске сала кетейік, Сондерспен жекпе-жектің алдында "Канело" қазақстандық боксшы Геннадий Головкин (41-1-1, 36 КО) супер орта салмаққа ауысқан жағдайда онымен үшінші жекпе-жек өткізуге келіскен болатын.

Назарларыңызға Сауль "Канело" Альварес – Билли Джо Сондерс жекпе-жегінің видеосын ұсынамыз:

8425
Иллюстративті фото

Мұрнын бет қылды: ММА спортшысы бір ғана соққымен кездесу тағдырын шешті видео

537
(Жаңартылды 18:53 08.05.2021)
Америкалық спортшы күресті жалғастыруды қалағанымен, дәрігерлер жекпе-жекті мерзімінен бұрын тоқтатты

НҰР-СҰЛТАН, 8 мамыр – Sputnik. Аралас жекпе-жек спортшысы британдық Майкл Пэйдж Bellator турнирінде техникалық нокаутпен жеңіске жетті, деп хабарлайды Sputnik Қазақстан.

Жекпе-жектің видеосы аталған ұйымның Twitter желісіндегі парақшасында жарияланды. 

​34 жастағы Пэйджге америкалық спортшы Дерек Андерсон қарсылас атанған. Бірінші раундта-ақ британдық спортшы қарсыласына сол аяғымен сұмдық соққы жасап, мұрнын бет қып жіберді, деп жазады Lenta.ru.

Андерсон соған қарамастан күресті жалғастырған. Алайда, бірінші раундтан кейін дәрігерлер жекпе-жекті мерзімінен бұрын тоқтатты. Осылайша, Пэйдж техникалық нокаутпен жеңіске қолжеткізді.

Бұл оның мансабындағы 19-шы жеңісі және 15-ші кездесуін мерзімінен бұрын аяқтап отыр. Осы кезге дейін ол бір рет жеңілген.

Оқи отырыңыз: Қарсыласын "ұйықтатты": Қазақстан ММА-ден әлем чемпионатында 9 медаль жеңіп алды

Айта кетейік, Пэйдж Bellator, Super Fight League және UCMMA турнирлерінде жиі өнер көрсетуімен танымал болған спортшылардың бірі.

Ал осымен төртінші рет жеңіліске ұшыраған америкалық спортшы Андерсонның есебінде 17 жеңіс бар.

537
Кілт сөздер:
спорт, аралас жекпе-жек
Тақырып бойынша
ММА файтері қарсыласын 8 секундта нокаутқа түсірді – әсерлі видео
ММА жекпе-жегінен кейін жаппай төбелес басталды – видео
ММА файтері рингте жеңісін тойлап жатқанда күтпеген оқиға болды – видео
Беларустің сұлу спортшы қызы ММА жекпе-жегінде ауыр нокаутқа түсті – видео
ММА файтерлері бір уақытта бірін-бірі нокдаунға жіберді
телефон

Мамандар телефон арқылы ақша ұрлаудың әдістері туралы айтты

0
(Жаңартылды 13:20 10.05.2021)
Сарапшылардың айтуынша, смартфонды ұрлап кетсе, алаяқтар иесінің барлық қаржылық операциясына кіре алады. Сол себепті ұялы телефонды үнемі бұғаттап отыру қажет

НҰР-СҰЛТАН, 10 мамыр - Sputnik. Ресейлік мамандар картасыз төлем жасау жүйесі арқылы ақша ұрлаудың әдіс-тәсілдері туралы айтты. Алаяқтар оны жиі қолданып жатады.

"Синергия" университетінің "Банк ісі" кафедрасының аға оқытушысы Антон Рогачевскийдің айтуынша, барлық төлем телефон арқылы жасалса, ақшаны кәдімгідей терминалдың көмегімен кез келген жерде ұрлауға болады.

"Біз телефонды ылғи шалбардың калтасына салып жүреміз. Терминалды да сөмкеге салып, қажетті соманы енгізу арқылы ақшаны ұрлап кетуге болады. Ол үшін қарбалас сәтті пайдаланып, қоғамдық көлікте ме, басқа жерде ме, адамға жақын тұрып, телефонға сөмкені жақындатып өткізсе де жеткілікті", - деді Рогачевский "Прайм" агенттігіне берген сұхбатында.

Ал Еуропалық заң қызметінің заңгері Евгений Иванов NFC арқылы төлем жасаудың басты кателігін атады. Оның айтуынша, телефонмен ақша аударғанда операцияны саусақтың ізімен немесе пин-кодпен растау қажет. Бірақ смартфонды ұрлап кетсе, алаяқтар иесінің барлық қаржылық операцияларына кіре алады. Сол себепті ұялы телефонды үнемі бұғаттап отыру қажет. Ал картасыз төлем жасау жүйесіне мобильді аударымның шекті сомасын енгізіп қойған дұрыс.

Бұған дейін SafeNet аймақтық инжинирингтік орталығының директоры Денис Кувиков телефон алаяқтарының қалай қылмыс жасайтынын айтқан еді. Олар алдымен сан алуан интернет-дүкендерінің сайттарын бұзып, адамдардың жеке мәліметтерін алады. Сөйтіп әрбір адамның мекенжайын, аты-жөнін, қандай банкте тіркелгенін және тағы басқа ақпаратты алып, алаяқтық әрекеттер жасайды.

Оқи отырыңыз: "Мобильді аударым жасаңыз!": кәсіпкерлер халықты қалай алдайды

 

0