Бокс қолғабы

Танымал қазақстандық боксшы әлем чемпионы атағынан айырылып қалды  

12913
(Жаңартылды 19:27 30.01.2021)
Бейбіт Шүменов отыз айдан астам уақыт бойы өз титулын қорғамаған, осы себепті WBA қазақ боксшысынан чемпиондық белбеуді қайтарып алды  

НҰР-СҰЛТАН, 30 қаңтар – Sputnik. Қазақстандық боксшы Бейбіт Шүменов (18-2, 12 КО) WBA Regular тұжырымы бойынша ауыр салмақтағы әлем чемпионы атағынан айырылды, деп хабарлады Prosports.kz Дүниежүзілік бокс қауымдастығына (WBA) сілтеме жасап.

Оған спортшының ұзақ уақыт бойы әрекетсіздігі себеп болды.

Шүменов рингке соңғы рет 2018 жылдың шілде айында шыққан еді.

Осы жылдың 29 қаңтарында Бейбіт америкалық Рафаэль Мерфимен Голливудта, Флоридада, АҚШ-та жекпе-жек өткізуі керек еді, бірақ белгісіз себептермен қазақстандық боксшы жекпе-жектен бас тартты.

Оқи отырыңыз: Садриддин Ахмедов үш титул үшін өткен жекпе-жекте жеңіске жетті 

Бельгиялық Рияд Мерхи ауыр салмақта WBA тұрақты әлем чемпионы деп жарияланды. Ол келесі жекпе-жегін кубалық Джуниер Дортикосқа қарсы өткізуі керек.

"WBA шешімі ішкі ережелерге негізделді. Шүменов WBA-дан өзіне берілген көптеген мүмкіндікті пайдалануға өтініш білдіргенімен, отыз айдан астам уақыт бойы өз титулын қорғамады. Осы себепті ол чемпион атағынан айырылды, осылайша Мерхи ауыр салмақта WBA чемпионы атанды", – дейді ұйым.

12913
Кілт сөздер:
Бейбіт Шүменов, кәсіпқой бокс, әлем чемпионы
Тақырып бойынша
Ермахан Ибраимовтың үстінен полицияға арыз түсті: боксшы не істейтінін айтты
"Оңай жеңемін": Жәнібек Әлімханұлы Канелоны жекпе-жекке шақырды
"Канело" Головкинмен 2021 жылдың мамыр айында жекпе-жек өткізуге келісті
Бокстан әлем чемпионы Жанат Жақиянов бухгалтерінің жымысқы әрекетін байқамаған
"Ол ашуланды": Садриддин Ахмедовтың жекпе-жегі кезінде күтпеген оқиға болды – видео

Қазақстандық ауыр атлеттер өз медальдерін қоқысқа лақтырып жіберді видео

1651
(Жаңартылды 19:34 18.09.2021)
Азия және Қазақстанның бірнеше дүркін чемпионы, ауыр атлет Альберт Линдердің өз-өзіне қол салғаны хабарланды

НҰР-СҰЛТАН, 18 қыркүйек — Sputnik. Қазақстандық ауыр атлеттер Михаил Макеев пен Фархат Самарханов 25 жастағы Альберт Линдердің қазасына байланысты видеоүндеу жасады, деп жазады Sports.kz.

Посмотреть эту публикацию в Instagram

Публикация от SPORTS.KZ (@kzsports)

"Альберт Линдердің қазасынан кейін бір нәрсені түсіндім – қан мен тердің арқасында тапқан мына медальдердің енді маған керегі жоқ. Халқым үшін емес, кей адамдардың пайдасы үшін көп жыл маңдай терімді төгіп еңбектеніп, жаттығып, жарыстарға қатысқанымды біле тұра, бұл медальдерді қалдыра алмаймын", - деді Макеев.

Макеевтің әріптесі Фархат Самарханов та медальдерін қоқыс жәшігіне тастады.

"Мен Михаил Макеевтің сөзі мен ісіне қосыламын. Өсіп келе жатқан ұрпаққа бір нәрсе айтқым келеді. Кезінде бізге бапкерлеріміз "Кез келген адамның орнын басатын басқа біреу табылады" деуші еді. Біреулер кетеді, біреулер келеді. Сондықтан қазіргі уақытта спортпен шұғылданып, жетістікке ұмтылып жүргендерге айтарым – күндердің күнінде сендердің орындарыңа басқалар келеді. Ал мына медальдер енді маған керек емес", - дейді видеоүндеуде спортшы.

Еске сала кетсек, 25 жастағы Альберт Линдер 17 қыркүйекте көз жұмды. Ол жасөспірімдер арасындағы әлем чемпионы және Азия чемпионы, Қазақстанның бірнеше дүркін чемпионы болды. Универсиадада жеңімпаз атанып қана қоймай, рекордқа қол жеткізді.

Алматы облысының полиция департаменті ауыр атлеттің қазасына байланысты Қылмыстық кодекстің 105-бабы (өз-өзіне қол салуға жеткізу) бойынша іс қозғалғанын хабарлады.

Кейін қазақстандық ауыр атлет Илья Ильин Линдердің отбасына көңіл айтып, спортшыларға карьерасын аяқтағаннан кейін қолдау көрсету қажет екенін айтты.

1651
Кілт сөздер:
видео
Гольф

Желіде Назарбаевтың гольф ойнап жүрген сәті жарияланды

2066
(Жаңартылды 16:37 18.09.2021)
Жастық шағында Нұрсұлтан Назарбаев күреспен шұғылданды, кейін теннис пен тау шаңғысымен сырғанауды үйренді

НҰР-СҰЛТАН, 18 қыркүйек – Sputnik. Елбасы Нұрсұлтан Назарбаевтың әлеуметтік желідегі парақшасында оның гольф ойнап жүрген видеосы жарияланды. 

"Гольф – Нұрсұлтан Назарбаевтың сүйікті спорт түрлерінің бірі. Елбасы әлемге әйгілі саясаткерлермен және бизнесмендермен бірге әртүрлі халықаралық турнирлерге жиі қатысатын", - деп жазылған instagram-да.

Елбасы гольфтен басқа спорт түрімен айналысады. Жастық шағында күреспен шұғылданды, кейін теннис пен тау шаңғысымен сырғанауды үйренді. Сондай-ақ мемлекет басшысының тақымы мықты, жүзе де біледі.

Бірде Нұрсұлтан Назарбаев сурет салуға қызығушылығы артып жүргенін айтты. 

"Ұзақ өмір сүру үшін айналысатын дүниелер көп болуы керек дейді. Тіпті, зейнетке шыққан соң да шет тілдерін меңгеріп, миды жаттықтырып, ғылыми әдебиет оқып немесе сурет салу қажет. Айтпақшы, мен де сурет салып жүрмін. Маймен сала бастадым", — деді Назарбаев қазақстандық журналистерге берген сұхбатында.

Оқи отырыңыз: 

 

2066
Кілт сөздер:
Назарбаев, гольф, спорт
Нұр-Сұлтан

Синоптиктер 19 қыркүйекте ауа райы қандай болатынын болжады

44
Бірқатар облыста найзағай ойнап, тұман түсіп, жел күшейсе, кейбір өңірде үсік жүреді

НҰР-СҰЛТАН, 19 қыркүйек – Sputnik. Қазақстанның басым бөлігі солтүстік антициклон ықпалында болғандықтан, күн ашық болады, деп хабарлайды Қазгидромет.

"Қазақстанның солтүстік, орталық, шығыс және оңтүстік аймақтарына әлі де солтүстік-батыс циклоны ықпал етеді, жаңбыр жауады, оңтүстікте найзағай ойнап, тұман түседі, жел күшейеді", - деп хабарлады синоптиктер.

Солтүстік Қазақстан облысының солтүстігінде тұман, түнде оңтүстік-шығысында жел 15-20 м/с-ке дейін күшейеді, күндіз облыстың басым бөлігінде желдің күші 15-20, екпіні 23-28 м/с болады.

Ақмола облысының солтүстігінде тұман, күндіз басым бөлігінде жел 15-20 м/с-ке дейін күшейеді.

Қостанай, Павлодар облыстарының солтүстік-шығыс және шығысында тұман түсіп, жел15-20-ке дейін күшейеді.

Түркістан облысының таулы аймақтарында найзағай ойнап, желдің күші 15-20 м/с-ке дейін жетеді. Түнде облыстың солтүстік және орталығында тұман түседі.

Түнде Батыс Қазақстан облысының солтүстігінде топырақ бетінде, Ақмола, Солтүстік Қазақстан облысының батысында, Ақтөбе, Қостанай облыстарының солтүстігінде, Қарағанды облысының солтүстік және орталығында 1-3 градус үсік күтіледі.

Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай облысының оңтүстік-батыс, батыс және орталығында, Қарағанды облысының оңтүстік және орталығында, Батыс Қазақстан облысының солтүстік-шығыс және орталығында, Павлодар облысының орталығында, Шығыс Қазақстан облысының оңтүстігінде төтенше өрт қаупі сақталады.

Мегаполистерде ауа райы қандай болады

Нұр-Сұлтанда күн бұлтты, жаңбыр жаумайды. Күндіз ауа температурасы +8..+10 °C, түнде +1..+3 °C. Желдің жылдамдығы 9-14 м/с, күші 15-20 м/с-ке дейін жетеді.

Алматыда күн бұлтты болады, күндіз ауа температурасы +31..+33 °C, түнде +18..+20 °C.

Шымкентте күн ашық, ауа температурасы күндіз +28..+30 °C, түнде  +13..+15 °C болады.

44