Геннадий Головкин

Геннадий Головкин әуесқой бокста өзіне кімдер қарсы болғанын айтты видео

1100
Әлем чемпионы халықаралық турнирлерде өз елінің министрлігі ғана емес, барлық төреші қарсы болғанын мәлімдеді

АЛМАТЫ, 10 ақпан – Sputnik. Қазақстандық боксшы Геннадий Головкин әуесқой боксшы ретінде алаңға шыққан күндерін еске алды, деп хабарлайды Sputnik Қазақстан.  

"Мені ешкім қолдамаған кезде, халықаралық жекпе-жектер мен турнирлерде ешқандай көмексіз, қандай да бір байланыссыз жеңіске жеттім. Ол кезде маған өзімнің министрлігім ғана емес, барлық төреші қарсы болды. Сол себепті менің әуесқой карьерамды қалай атаса да лайық деп есептеймін ", - деді Головкин DAZN-ге берген сұқбатында.

Посмотреть эту публикацию в Instagram

Публикация от SPORTS.KZ (@kzsports)

Айта кетейік, Геннадий Головкин 2004 жылы олимпиадада күміс жүлдегер атанды. 2003 жылы әлем чемпионатын, 2004 жылы Азия чемпионатын, 2002 жылы Азия ойындарын жеңді. 2002, 2005 жылдары Әлем кубогында "күміс" және "қола" иеленді.

"Канело" Головкинмен 2021 жылдың мамыр айында жекпе-жек өткізуге келісті

Головкин 2006 жылы кәсіби карьерасын бастады. Осы жылы рингте орта салмақта (72 келіге дейін) өнер көрсетті.

1100
Кілт сөздер:
әуесқой бокс, Геннадий Головкин
Тақырып бойынша
Шереметаны жеңген Головкиннің гонорары жарияланды
Головкин желіде видео жариялады
Канело Смиттің белбеулерін тартып алды
Камил Шеремета Головкиннен жеңілуіне қатысты пікір білдірді
2020 жыл: қазақстандық спортшылардың жеңісі мен жеңілісі
Волейбол

"Сабинадан асып кетті": сұлу волейболшы қыздың суреті мен видеосы жарияланды

8973
(Жаңартылды 20:43 25.02.2021)
Алиса спортпен бірге сән бизнесін де алып жүр, сан алуан шоулар мен сәнді киімдер таныстырылымына жиі қатысып тұрады

НҰР-СҰЛТАН, 25 ақпан – Sputnik. "Gazzetta" атты грек басылымы ғаламшардағы ең сұлу волейболшы қызды атады. 25 жастағы ресейлік спортшы Алиса Маненок қазақстандық Сабина Алтынбековадан озып кетті. Бойжеткеннің суреті мен видеосы жарияланды.

Алиса 14 жасынан бастап спортпен айналысады. Бас кезінде жүзуге барған. Бірақ артынан волейболға ауысып кетті. Николай Дубинин атындағы дарынды балаларға арналған мектеп-интернатында білім алды. "Приморье" командасының құрамында ойнады. Ал Қазан федералдық университетінің журналистика және социология факультетіне түскеннен кейін жоғары оқу орнының құрамасына қабылданды, деп хабарлайды Sports.kz

Алиса спортпен бірге сән бизнесін де алып жүр, сан алуан шоулар мен сәнді киімдер таныстырылымына жиі қатысып тұрады. 2013 жылы алғашғы титулы - "Приморье аруы" атағын жеңіп алды. Екі жылдан кейін тағы екі конкусқа қатысып, Miss Beautiful Body атанды. Сосын "Татарстан аруы" байқауында екінші орынды иеленді. Одан кейін бірінші вице-мисс атанып, Supermodel International конкурсында бір атақ жеңіп алды.

2018 жылы Алиса Маненок Ресейдің атынан World Beauty Queen конкурсына қатысып, бірінші орынға ие болды.

2019 жылы Алиса  "Жер аруы" халықаралық конкурсына қатысты. Ол жерде Беларусьтың атынан шықты. Себебі әкесі осы елде дүниеге келген, туған-туыстарының басым бөлігі де сонда тұрады. Манилада өткен байқауда Алиса төртінші орынды иеленді. 

Алиса жеке өмірі туралы ештеңе айтпайды. Әлеуметтік желіге де ер адаммен бірге түскен сурет салмайды.

Қазіргі кезде Маненок Қазан қаласында тұрады. Қазан университетінің командасында. Сондай-ақ, модель болып жұмыс істейді. Спортшының Instagram парақшасына 97,9 мың адам жазылған.

8973
Кілт сөздер:
видео, сурет, волейбол
Пресс-конференция в студии Sputnik с участием Ильи Ильина

Илья Ильин Қазақстан азаматтығынан айырылған шенеунікке араша түсті

814
Егер Олег Почиваловта Ресей азаматтығы болмаса, оған өңірдегі спортты дамытуды жалғастыруға мүмкіндік беру керек, деп есептейді әлем чемпионы

АЛМАТЫ, 24 ақпан – Sputnik. Ауыр атлетикадан төрт дүркін әлем чемпионы Илья Ильин Шымкент қаласы спорт басқармасының басшысы, екі азаматтығы бар Олег Почиваловқа араша түсті. Қазақстанда Полчивалов секілді мамандардың аз екенін айтып, оған екінші мүмкіндік беруді сұрады, деп хабарлайды Sputnik Қазақстан.

"Олег Почиваловты құрметтеймін. Меніңше, адам өзге елдің азаматтығын алған болса, Қазақстанда тұрып, жұмыс істемей, баяғыда-ақ сол елге кетіп қалар еді. Еліміздегі білікті спорт мамандарын сақтап қалуға тырысу қажет, өйткені бізде мұндай маман көп емес. Егер ол кісіде Ресей азаматтығы болмаса, Олег Почиваловқа өңірдегі спортты дамытуды жалғастыруға мүмкіндік беру керек", - деп жазды спортшы әлеуметтік желідегі парақшасында.

Айта кетейік, Шымкент спорт басқармасының басшысы Олег Почивалов Қазақстан мен Ресей азаматтығын алғаны 2020 жылдың соңында белгілі болды. Сол кезде спорт басқармасы бұл мәліметті жоққа шығарған.

Оқи отырыңыз: Шымкенттік шенеунік Қазақстан азаматтығынан айырылды

Кейіннен басқарма басшысының қос азаматтығы бар екені анықталып, ол Қазақстан азаматтығынан айырылды.

"Азаматтық туралы" заңның 21-бабына сәйкес, көші-қон қызметі басқармасы Олег Владимирович Почиваловтың Қазақстан азаматтығынан айырылу фактісін тіркеді", - деп хабарлады Шымкент қалалық полиция департаментінің көші-қон және азаматтық бөлімі мамандары.

Содан кейін шенеунік көші-қон полициясының шешімін сотқа берді, алайда бұл процесте жеңілді.

814
Кілт сөздер:
спортшы, азаматтық, Илья Ильин
ҰҚШҰ оқу-жаттығуы

ҰҚШҰ-ға әскери оқу-жаттығулар не үшін қажет?

0
Ұжымдық қауіпсіздік туралы шарт ұйымы халықаралық терроризм мен НАТО-ның деструктивті әскери белсенділік қаупі артып келе жатқан қазіргі жағдайда өзінің қорғаныс әлеуетін сәтті дамытып, бірлескен жаттығуларды тұрақты өткізіп келеді

ҰҚШҰ-ның жауапкершілік аясындағы әскери-саяси ахуал әлі де күрделі болып отыр. АҚШ-тың Еуропадағы әскери күшінің кеңеюі, бірқатар батыс мемлекетінің коалициялық және ұлттық әскери әлеуетінің күшеюі, Ауғанстан мен Сириядағы қарулы қақтығыстардың өршуі, халықаралық терроризм мен діни экстремизм ұйым мүшелеріне қауіп төндіруде. Ұжымдық қауіпсіздік жүйесі қауіп-қатерлерге бірлескен әскери дайындық шаралары арқылы жедел жауап беріп отыр. Бұл туралы 25 ақпанда Мәскеуде өткен баспасөз конференциясында ҰҚШҰ Біріккен штабының басшысы генерал-полковник Анатолий Сидоров мәлімдеді.

Американың жаңа әкімшілігі "Стратегиялық шабуылдау қаруын шектеу туралы шартты" ұзартты. Дегенмен, Шығыс Еуропада АҚШ-тың зымыранға қарсы қорғаныс жүйесі дамып жатыр. Румыниядағы (Девеселу) зымыранға қарсы қорғаныс базасына қосымша ретінде 2022 жылы Польшада (Редзиково) осы тектес тағы бір нысан пайда болады. Дәл осы позицияда ұшу қашықтығы 2000 километрден асатын "Томагавк" қанатты зымырандарын қолдану басталуы мүмкін.

Польшадағы, Балтық жағалауындағы елдердегі, Болгариядағы және Румыниядағы әскери базаларда Пентагонның қару-жарақтарын, әскери техникасы және материалдарын жүйелі түрде жинақтау жалғасуда. Вашингтон мен Варшава арасындағы қорғаныс саласындағы кеңейтілген ынтымақтастық туралы келісім поляктердің жерінде 20 мыңға дейін америкалық әскерді тұрақты орналастыруға арналған инфрақұрылым нысандарын салуды көздейді.

ҰҚШҰ елдері Шығыс Еуропа, Орталық Азия және Кавказ бағыттарындағы сын-қатерлерге жауап беруге мәжбүр. 2021 жылғы әскери оқу-жаттығулар антитеррористік бағытта ұйымдастырылып, жауынгерлік дағдыларды жетілдіруге және ҰҚШҰ қорғаныс әлеуетін арттыруға бағытталған.

Тәжікстан Республикасының аумағында өтетін "Мызғымас бауырластық-2021" бірлескен жедел-стратегиялық оқу-жаттығулары маңызды шараға айналмақ. Бұл шара ҰҚШҰ Ұжымдық күштерінің түрлі компоненттерін даярлауды біріктіретін болады.

Орталық Азия аймағындағы оқу-жаттығулар кезінде Ұжымдық күштер тобы алдын ала жоспарға сәйкес ҰҚШҰ аумағына халықаралық террористік ұйымдардың содырлары кіруіне кедергі келтіріп, оқ-дәрі мен қару тасымалдау жолын кеседі. Одан кейін РФ аумағында ҰҚШҰ Бітімгерлер күшімен "Мызғымас бауырластық-2021" бірлескен оқу-жатығулары өтеді.

Сондай-ақ, Мәскеуде Ұйымның дағдарыстық әрекет ету орталығында ҰҚШҰ Бас хатшысының жетекшілік етуімен ұйымға мүше мемлекеттердің министрліктері және ведомсвтолары қатысқан бірлескен іскерлік "ойын" өтеді. ҰҚШҰ әскери дайындығы мен оқужатығулары үшін бұл шаралар тым көп емес пе?

Америкалық топтың Шығыс Еуропа бағытындағы шабуыл күшінің өсуі Беларусь пен Ресей үшін нақты қауіп-қатер болып отыр. Мұнда "Күшейтілген озық қатысу", "Атлантикалық батылдық" және Балтық елдерінің әуе кеңістігін қорғау миссиясында бір уақытта 12 мыңнан астам НАТО әскері жұмылдырылған.

Сонымен қатар, "Солтүстік" (Латвия), "Солтүстік-Шығыс" (Польша), "Оңтүстік-Шығыс" (Румыния) көпұлтты дивизиялар штабы құрылды. Румынияда көпұлтты корпустың штабын орналастыру бойынша келіссөздер жүріп жатыр. 2020 жылдың қарашасында Кентукки штанынан келген АҚШ құрлықтағы әскерінің 5-ші армия корпусы штабының жұмысы Польшада қайта жаңғыртылды. Литва қарулы күштерінің "Пабраде" полигонында Беларусь Республикасының мемлекеттік шекарасына жақын маңда америкалық танк батальоны орналастырылды.

НАТО барлау мүмкіндіктерін арттырап, ядролық әлеуетті соғыс жағдайында қолдануға дайын ұстап отыр.

НАТО қызметінің негізгі бағыттары Вашингтонның тікелей бақылауымен орындалады. Аййта кету керек, "ресейлік агрессияны ұстап тұруға" дайындық ұйымның барлық дерлік доктриналық құжаттарында бекітілген. Ақ үйдің сыртқы саясатының басты бағыты әскери күш қолдану арқылы әлемдік көшбасшылықты қамтамасыз ету екеніне күмән жоқ.

Орталық Азия аймағында ҰҚШҰ елдеріне негізгі қауіп-қатерлер террористік исламшыл топтар тарапынан болып отыр. Генерал-полковник Анатолий Сидоровтың айтуынша, "Талибан" қозғалысының (Қазақстан Республикасында тыйым салынған террористік ұйым) қатарындаға содырлар саны  70 мыңға жуықтайды және олардың шамамен 15 мыңы Тәжікстан мен Өзбекстанға іргелес солтүстік аймақтарда әрекет етеді. Тәлібтер Ауғанстан Ислам Республикасының ауқымды бөлігін бақылауда ұстап, елдің қазіргі билігін құлатуға және "Ауғанстан Ислам Эмиратын" қайта құруды көздейді.

Аймақтағы қауіпсіздікке "Ислам мемлекетінің" Ауғанстандағы филиалы – "Вилаят Хорасан" (Қазақстан Республикасында тыйым салынған террористік ұйым) да қауіп төндіруде. Оның құрамында 4 мыңға жуық содыр бар. Бұл жасақтар шығыс және солтүстік провинцияларда аса белсенді. Лаңкестер Тәжікстан және Пәкістанмен шекаралас аудандарға бақылау орнатып, ыңғайлы плацдарм құруды және одан әрі Орталық Азия мемлекеттерін басып алуды көздейді.

Ауғанстанда сонымен қатар "Өзбекстан ислам қозғалысы", "Әл-Каида", "Шығыс Түркістанның ислам қозғалысы" террористік топтары бар. Оның құрамындағы содырлар саны барлығы 2 500-ге жуық.

Кавказ аймағындағы ұжымдық қауіпсіздікте Грузияның НАТО-мен әскери ынтымақтастығының артуы, өңірдегі АҚШ-тың әскери қатысуы байқалады. Жақында Брюссельде өткен кездесулер нәтижесінде ел билігі мен Солтүстік Атлантикалық Альянс "НАТО – Грузия шараларының маңызды пакеті" толықтырылды. Тараптар 2021 жылы бірлескен жедел және әскери дайындық іс-шараларын арттыру жөнінде келісті.

0