Қанат Ислам

Қанат Ислам қарсыласын нокаутқа түсірді видео

7433
Кездесуге санаулы күн қалғанда 35 жастағы Исламға қарсы эквадорлық Джейсон Минда шығатыны белгілі болды

НҰР-СҰЛТАН, 21 ақпан – Sputnik. Майамидедегі (АҚШ, Флорида) кәсіпқой бокс кешінде қазақстандық боксшы Қанат Ислам (27-0, 21 КО) мен эквадорлық Джейсон Минданың (14-3-1, 8 КО) жекпе-жегі өтті, деп хабарлайды Sports.kz.

Қазақстандық спортшы қарсыласын екі рет нокдаунға түсіріп, кезекті соққысымен "Жазалаушыны" нокаутқа жіберді. 

Негізінен 35 жастағы Исламның қарсыласы 33 жастағы ганалық Ободай Саи болуы тиіс еді. Алайда, отандасымыздың кездесуге санаулы күн қалғанда оған қарсы эквадорлық Джейсон Минда шығатыны анықталды.

Орта салмақтағы жекпе-жек он раундқа жоспарланғанымен, Ислам жетінші раундта техникалық нокаутпен жеңіске жетті.

Оқи отырыңыз: "Біреуге баға беретіндей сен кімсің?" Қанат Ислам жастарға ақыл айтты

Осылайша, Қанат Ислам өзінің кәсіби мансабындағы 28-ші жекпе-жегінде жеңіске жетті ал Джейсон Минда рингтен төртінші рет жеңіліске ұшырады.

7433
Кілт сөздер:
спорт, Қанат Ислам
Тақырып бойынша
"Бұл Қытай құрамасына үлкен соққы болды" Қанат Ислам туралы не білеміз?
Қанат Ислам рингке қайта оралады: жеңілмеген боксшының қарсыласы кім?
Алматыда Қанат Ислам қарсыласын 10 секундта есінен тандырды – видео
Қанат Ислам көпбалалы ананың арманын орындады
"Сергей өте мықты": Қанат Ислам Головкиннің ертеңгі жекпе-жегінде кім жеңетінін болжады
Пресс-конференция в студии Sputnik с участием Ильи Ильина

Илья Ильин Қазақстан азаматтығынан айырылған шенеунікке араша түсті

689
Егер Олег Почиваловта Ресей азаматтығы болмаса, оған өңірдегі спортты дамытуды жалғастыруға мүмкіндік беру керек, деп есептейді әлем чемпионы

АЛМАТЫ, 24 ақпан – Sputnik. Ауыр атлетикадан төрт дүркін әлем чемпионы Илья Ильин Шымкент қаласы спорт басқармасының басшысы, екі азаматтығы бар Олег Почиваловқа араша түсті. Қазақстанда Полчивалов секілді мамандардың аз екенін айтып, оған екінші мүмкіндік беруді сұрады, деп хабарлайды Sputnik Қазақстан.

"Олег Почиваловты құрметтеймін. Меніңше, адам өзге елдің азаматтығын алған болса, Қазақстанда тұрып, жұмыс істемей, баяғыда-ақ сол елге кетіп қалар еді. Еліміздегі білікті спорт мамандарын сақтап қалуға тырысу қажет, өйткені бізде мұндай маман көп емес. Егер ол кісіде Ресей азаматтығы болмаса, Олег Почиваловқа өңірдегі спортты дамытуды жалғастыруға мүмкіндік беру керек", - деп жазды спортшы әлеуметтік желідегі парақшасында.

Айта кетейік, Шымкент спорт басқармасының басшысы Олег Почивалов Қазақстан мен Ресей азаматтығын алғаны 2020 жылдың соңында белгілі болды. Сол кезде спорт басқармасы бұл мәліметті жоққа шығарған.

Оқи отырыңыз: Шымкенттік шенеунік Қазақстан азаматтығынан айырылды

Кейіннен басқарма басшысының қос азаматтығы бар екені анықталып, ол Қазақстан азаматтығынан айырылды.

"Азаматтық туралы" заңның 21-бабына сәйкес, көші-қон қызметі басқармасы Олег Владимирович Почиваловтың Қазақстан азаматтығынан айырылу фактісін тіркеді", - деп хабарлады Шымкент қалалық полиция департаментінің көші-қон және азаматтық бөлімі мамандары.

Содан кейін шенеунік көші-қон полициясының шешімін сотқа берді, алайда бұл процесте жеңілді.

689
Кілт сөздер:
спортшы, азаматтық, Илья Ильин
Бокс. Архивтегі фото

Жеңілмеген қазақстандық боксшы күтпеген жерден нокаутқа түсіп қалды видео

8053
(Жаңартылды 11:19 22.02.2021)
Константин Брусенский Новосибирск қаласында өткен бокс кешінде жергілікті боксшымен қолғап түйістірді

НҰР-СҰЛТАН, 22 ақпан — Sputnik. Қазақстандық боксшы Константин Брусенский  (3-0, 2 КО) кәсіпқой рингтегі төртінші жекпе-жегін өткізді, деп хабарлады Sports.kz.

Оқи отырыңыз: Қанат Ислам қарсыласын нокаутқа түсірді – видео 

Ол Ресейдің Новосибирск қаласында өткен бокс кешінде жергілікті боксшы Артем Ткаченкомен кездесті (5-0, 3 КО). Екінші аса жеңіл салмақтағы жекпе-жек алты раундқа есептелген, бірақ бірінші раундта Ткаченконың жеңісімен аяқталды. Техникалық нокауттың видеосын төменде көруге болады.

Посмотреть эту публикацию в Instagram

Публикация от SPORTS.KZ (@kzsports)

Осылайша, Артем Ткаченко кәсіби карьерасындағы алтыншы жеңісіне қол жеткізді (төртеуін нокаутпен ұтты), ал Константин Брусенский алғашқы жеңілісіне ұшырады. 25 жастағы қазақстандық 2018 жылдың желтоқсан айында кәсіпқой боксқа келген болатын.  

8053
Кілт сөздер:
видео, боксшы
Тақырып бойынша
Елеусіновтың экс-қарсыласы рингте еңбектеуге мәжбүр болды – видео
Жанкүйерлер тарихтағы ең жылдам нокаутқа куә болды
Садриддин Ахмедов ұлтына қатысты сұрақтың нүктесін қойды
Қарсыласын мазақ етіп тұрған боксшы жойқын нокаутқа түсіп қалды – видео  
2020 жыл: қазақстандық спортшылардың жеңісі мен жеңілісі
Архивтегі фото

Сенатор үкіметтен ашаршылыққа қатысты құпия деректерді ашуды талап етті  

5
Ашаршылыққа қатысты көптеген құжат пен құнды материал архивтерде сақтаулы тұр. Ал оған зерттеушілер кіре алмайды, дейді Мұрат Бақтиярұлы

НҰР-СҰЛТАН, 25 ақпан – Sputnik. Сенатор Мұрат Бақтиярұлы ашаршылыққа қатысты құпия құжаттарды ашуды талап етті, деп хабарлайды Sputnik Қазақстан тілшісі.

Сенаттың жалпы отырысында Мұрат Бақтиярұлы үкімет басшысына депутаттық сауал жолдады. Оның айтуынша, ашаршылықтың ақтаңдақ беттері әлі күнге дейін жан-жақты зерттелмей отыр. Деректер ала-құла, ал құрбандардың нақты санына қатысты ортақ пайым жоқ. Себебі көптеген құжат ашылмай отыр.

Оқи отырыңыз: Ашаршылықтан қырылмағанда, халқымыздың саны әлденеше есе көп болар еді – Тоқаев

"Ашаршылыққа қатысты көптеген құжат пен құнды материал ұлттық қауіпсіздік комитеті, бас прокуратура мен ішкі істер министрлігінің архивінде сақтаулы тұр. Ал оған зерттеушілер кіре алмайды. Бұл мәліметтер осы күнге дейін құпия болғандықтан, қолында нақты дерегі жоқ тарихшылар ашаршылық жылдары қайтыс болған, Қазақстаннан тыс жерге ауып кеткен, түрлі індеттер мен жұқпалы аурулардан көз жұмған адамдардың саны туралы кесімді нәрсе айтуға бара бермей, тек жуықтап әрі шамалап айтуға ғана мәжбүр", - деді Бақтиярұлы.

Депутаттың айтуынша, ашаршылық ақиқатын толыққанды ашып, оған объективті баға беру қажет. Ол үшін "Азаттық жолындағы ақтаңдақтар: ашаршылық зардаптарына шынайы тарихи көзқарас" атты дөңгелек үстелдің қатысушылары әзірлеген ұсыныстарды іске асыру қажет. Олар:

  • барлық архивке кіруге рұқсат беру;
  • архивтердің "құпия" деген белгілерін алып тастау;
  • шекаралас мемлекетердің архивтеріне кіруге мүмкіндік жасау;
  • ғылыми-зерттеу бағдарламасын әзірлеу;
  • ашаршылық қасіреті туралы кітаптар шығару, театрлық қойылымдар жасау, фильмдер түсіру.

Бұдан бөлек, ғалымдар жыл сайын 31 мамырда мемлекеттік деңгейде "Аза тұту минутын" өткізуді ұсынып отыр.

"Ашаршылық қасіретін ұрпақтар жадында мәңгі есте қалдыру мақсатында елордада "Аза сарайы", не болмаса, "Қазақ қасіретіне тағзым" мемориалдық кешенінің құрылысы қолға алынса, құба-құп. Онда интерактивті карта арқылы ашаршылық жылдары халқымыз өткен тозақтың жан шошырлық фрагменттері, халықтың аштыққа ұшыраудың нақты себептері, ашаршылықтың салдары, аштық апаты жойған тұтас ауылдар, әулеттер, адамдар жайындағы деректер көрсетілуі керек", - деп атап өтті Бақтиярұлы.

Депутаттың айтуынша, кешенге кірген адамдар қазақ халқына жасалған тарихи әділетсіздікті терең ұғынады. Тарихи санамызды да жаңғыртады.

5
Кілт сөздер:
үкімет, ашаршылық
Тақырып бойынша
Тоқаев ашаршылық қасіреті туралы іс-шаралар қабылдауды тапсырды
Тоқаев ашаршылық туралы: орыс халқының еш қатысы жоқ
Әшімбаев ашаршылық туралы: әлі ашылмаған ащы ақиқат аз емес
Елбасы көрші елдер жайлы: тағдырымыз солай
Қазақстанда саяси қуғын-сүргін құрбандарының барлығы ақталады