Архивтегі фото

Уайт Поветкинді нокаутқа түсірді видео

3651
Александр Поветкин мен Диллиан Уайттың алғашқы жекпе-жегінде ресейлік нокаутпен жеңіске жеткен болатын

НҰР-СҰЛТАН, 28 наурыз – Sputnik. Ресейлік боксшы Александр Поветкин (36-3-1, 25 КО) британдық Диллиан Уайтпен (28-2, 18 КО) реваншта кездесіп, бұл жолы жеңіліске ұшырады, деп хабарлады Sports.kz.

Жекпе-жектің басында Уайт Поветкинді бірнеше рет есеңгіретіп үлгерді, бірақ ресейлік құлаған жоқ. Дегенмен төртінші раундта бірнеше жойқын соққыдан кейін Поветкин нокаутқа түсті – төреші бірден жекпе-жекті аяқтады. Александр Поветкин — Диллиан Уайт 2 жекпе-жегінің видеосын төменде көруге болады.

Осылайша Поветкин WBC тұжырымы бойынша ауыр салмақтағы "уақытша" әлем чемпионы белбеуінен айырылды. Ресей боксшысы үшін бұл үшінші жеңіліс. Уайт болса, 28-ші жеңісіне қол жеткізіп, титулды қайтарып алды.

3651
Тақырып бойынша
50 жастағы экс-әлем чемпионы рингке оралып, қарсыласын нокаутқа түсірді – видео
Қанат Ислам қарсыласын нокаутқа түсірді – видео
27 жастағы боксшы нокаутқа түскеннен кейін көз жұмды – видео
Қуат Хамитов қарсыласын небәрі 50 секундта нокаутқа түсірді - жекпе-жек видеосы
Жеңілмеген қазақстандық боксшы күтпеген жерден нокаутқа түсіп қалды – видео
Қазақстандық боксшы WBO титулы үшін жекпе-жекте нокаутпен жеңілді – видео
Тұрсынбай Құлахмет, архивтегі фото

Қазақ боксшысы қарсыласын небәрі 70 секундта нокаутқа түсірді видео

8021
Құлахмет кәсіпқой бокстағы үшінші жеңісіне қол жеткізді, ол қазірдің өзінде екі титулдық жекпе-жек өткізіп үлгерді

НҰР-СҰЛТАН, 4 сәуір – Sputnik. Қазақстандық боксшы Тұрсынбай Құлахмет (2-0, 1 KO) бірінші орта салмақтағы WBC International чемпионы титулын сәтті қорғады, деп хабарлады Sports.kz.

Құлахмет Дубайда (БАӘ) өткен бокс кешінде Венесуэладан келген Эбер Рондонмен (20-0, 13 КО) титулдық жекпе-жек өткізді. Бұл жекпе-жек он раундқа есептелді, алайда Құлахмет бірінші раундта – 70 секундта нокаутпен жеңіске жетті, оған дейін қарсыласын нокдаунға түсірді. Тұрсынбай Құлахмет – Эбер Рондон жекпе-жегінің видеосын төменде көруге болады.

Осылайша, Құлахмет кәсіпқой бокстағы үшінші жеңісіне қол жеткізді, ол қазірдің өзінде екі титулдық жекпе-жек өткізіп үлгерді. Ал Рондон кәсіпқой карьерасында алғаш рет жеңіліске ұшырады.  

8021
Кілт сөздер:
видео, нокаут, қазақ боксшысы
Боксшы қолғабы

Жанқош Тұраров жекпе-жекке шықпайды боксшы мән-жайды түсіндірді

1567
(Жаңартылды 18:57 03.04.2021)
Жанқош Тұраров пен Тайрон Маккенна жекпе-жегі бүгін Дубайда Caesars Palace аренасында өтуі керек еді

НҰР-СҰЛТАН, 3 сәуір – Sputnik. Қазақстандық боксшы Жанқош Тұраров жекпе-жекке шықпайтын болды. Ол коронавирус жұқтырған.

Қазақстандық спортшы британдық Тайрон Маккеннамен кездесу өткізіп, бірінші жартылай орта салмақта WBO Inter-Continental чемпиондық титулын қорғауы  тиіс еді. Бірақ шоу ұйымдастырушысы, D4G Promotions промоутерлік компаниясы Жанқош Тұраровтың жекпе-жекке шықпайтынын хабарлады. Спортшының айтуынша, бұған COVID-19 індетіне шалдығуы себеп болған.

"Дубайға келген күннен бастап ентігу, температура, мұрынның бітуі, дәм сезбеу симптомдары пайда болды. Турнирге шығар алдында міндеттелген ПТР тест оң нәтиже көрсетіп, мені қонақ үйге оқшаулады, салмақ өлшеу рәсіміне шығарылмауымның себебі осы болды", - деп жазды ол инстаграмдағы парақшасында.

Алайда боксшы ештеңеге қарамастан жаттығуын бөлмесінде жалғастырған. Оқшауланған күйде салмақ өлшеу рәсімінен өткен. Өкінішке қарай, екінші рет тапсырған ПТР-тест те оң нәтиже көрсетіпті.

"Айналама, қоршаған ортама деген жауапкершілікті сезіне отырып турнирден шеттетілдім. Егер дәл осы диагноз болмағанда қазіргі жағдайыммен-ақ 3 раунд жеткілікті еді", - дейді спортшы.

Посмотреть эту публикацию в Instagram

Публикация от Janqosh ‘JoJo’ Turarov (@zhankoshturarov)

Желідегі жанкүйерлері спортшыға қолдау білдірді. "Тезірек сауығып кетіңіз", "Жанқош, сен мықтысың", "Әлі жеңіс алда", "Ең бастысы денсаулық" деп жазды олар.

1567
Нұр-Сұлтан

Қазақстанда 12 сәуірде қандай маңызды оқиғалар болады

0
Sputnik Қазақстан 12-30 сәуірде өтетін негізгі іс-шаралар мен оқиғаларға шолу жасайды (ақпарат толықтырылып отырады)

12 СӘУІРГЕ ЖОСПАРЛАНҒАН ШАРАЛАР

НҰР-СҰЛТАН

09.00 – Үкімет отырысы. Күн тәртібінде Қазақстан республикасының 2021 жылғы қаңтар-наурыз айындағы әлеуметтік-экономикалық дамуының қорытындысы және республикалық бюджеттің атқарылуы талқыланады. Отырыс PrimeMinister.kz сайтында және әлеуметтік желілердегі ресми аккаунттарында онлайн режимде көрсетіледі.

11.00 – "Халықтан заңсыз сақтаулы қару-жарақты, оқ-дәріні және жарылғыш заттарды сатып алу бойынша кезекті акция өткізу туралы" ішкі істер министрлігінің брифингі. Спикерлер: ішкі істер министрлігінің әкімшілік полиция комитеті төрағасының орынбасары Милюк Алексей Казимирович, ішкі істер министрлігінің әкімшілік полиция комитетінің бөлім басшысы Ыдырысов Асылбек Түлкібекұлы. Брифинг тақырыбы бойынша сұрақтарды 9 сәуір сағат 18:30-ға дейін mvd_pr@mail.ru электронды поштаға немесе 8 705 440-83-65 нөміріне (WhatsApp) жолдауға болады.

11.00 – Елорданың оң жағалауындағы Елбасы кітапханасының музейінде "Адамға табын, жер, енді" халықаралық онлайн көрмесі өтеді. Көрме Қазақстан Республикасы Тәуелсіздігінің 30 жылдығын мерекелеу аясында өткізіліп отыр. Сондай-ақ бұл шара Юрий Гагариннің ғарышқа ұшуының 60 жылдығына және Тоқтар Әубәкіровтың ғарышқа ұшуының 30 жылдығына арналған (Бейбітшілік көшесі, 11).

12.00 - Қазақстан Ғылым қызметкерлері күні Л.Н. Гумилев атындағы Еуразия ұлттық университетінде "Функционалдық материалдар және нанотехнологиялар", сондай-ақ "Функционалдық материалдарды кванттық-химиялық модельдеу" атты екі инновациялық білім беру-ғылыми зертханасы ашылады. Университеттің 25 жылдық мерейтойына арналған іс-шара ЖОО басшылығы мен физика-техникалық факультетінің ғалымдары және шақырылған профессорлардың қатысуымен өтеді. Өтетін орны: Қажымұқан көшесі 13, Л.Н.Гумилев атындағы ЕҰУ, №3 ғимарат.

БАЙКОҢЫР

"Ғарыштағы алғашқы адамдар" мерекелік концерті. Шараға танымал музыканттар мен актерлер, симфониялық оркестр қатысады. Концерт Байқоңыр ғарыш айлағының №1 ұшу алаңындағы "Гагарин стартында" өтеді.

Концертті Ресей Федерациясының мәдениет министрлігі, Ресей Федерациясы президенті әкімшілігі және адамзаттың алғаш рет ғарышқа ұшуының 60 жылдығын атап өту бойынша ұйымдастыру комитетінің қолдауымен Бүкілресейлік мемлекеттік телевизиялық және радиотарату компаниясымен бірлесіп орыс концерт агенттігі ұйымдастырды. Жобаның көркемдік жетекшісі – ресейлік танымал музыкант Юрий Башмет.

Концерт сценографиясында заманауи айрықша технологиялық құралдар қолданылады. Салтанатты кеште әлемнің түрлі елінен келген танымал композиторлар ғарыш пен жаңа кеңістікті игеруге арналған музыкалық туындыларының таныстырылымын өткізеді.

30 СӘУІРГЕ ЖОСПАРЛАНҒАН ШАРАЛАР

Денсаулық сақтау министрі Алексей Цой есеп беру үшін халықпен кездеседі. Кездесуде министр ведомствоның 2020 жылғы жұмысын қорытындылайды және алдағы жоспарлар жайлы айтады, сондай-ақ азаматтардың сұрағына жауап береді. Есеп беру кездесуі министрліктің ресми сайтында тікелей эфирде көрсетіледі. Министрге сұрақты мына электронды мекенжайға жіберуге болады: s.kopeev@dsm.gov.kz.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0