Боксер Геннадий Головкин

"Жақында көрісеміз": Головкин желіде жазба қалдырды

212
Пікір жазғандар GGG-дің алдымен Деметриус Андрадеге қарсы жекпе-жек өткізгенін қалайтынын жеткізді

НҰР-СҰЛТАН, 8 шілде – Sputnik. IBF мен IBO тұжырымдары бойынша орта салмақтағы әлем чемпионы Геннадий Головкин әлеуметтік желіде рингке қайта оралуына қатысты жазба қалдырды, деп хабарлайды Sputnik Қазақстан.

"Мен рингке өзім және фанаттарым үшін шығамын. Жақында көрісеміз", - деп жазды GGG Twitter парақшасында.

Бірнеше сағаттың ішінде Головкиннің жазбасына жүздеген адам ретвит жасаған. Ал пікір жазғандар GGG-дің алдымен Деметриус Андрадеге қарсы жекпе-жек өткізгенін қалайтынын жеткізді. Альвареспен үшінші жекпе-жек өткізуге кеңес бергендер де бар.

Оқи отырыңыз: Жәнібек Әлімханұлы Брантты жеңгеннен кейін әлем чемпиондарын жекпе-жекке шақырды 

Айта кетейік, желтоқсан айында Геннадий Головкин (41-1-1, 36 КО) орта салмақтағы WBA чемпионы жапон Риота Муратамен (16-2, 13 КО) жекпе-жек өткізуді жоспарлап отыр. Ал Matchroom Boxing промоутерлік компаниясының басшысы Эдди Хирн GGG-дің қыркүйекте тағы бір жекпе-жек өткізуі мүмкін екенін айтқан.

Головкин рингке соңғы рет өткен жылы желтоқсан айында шыққан болатын. Сол кезде қазақстандық боксшы поляк Камил Шереметаны (21-1,5 КО) нокаутпен жеңді.

212
Кілт сөздер:
Геннадий Головкин
Ярослава Шведова мен Андрей Голубев

Голубев пен Шведова аралас жұптық сында Олимпиададан шығып қалды

39
Елена Рыбакинадан басқа қазақстандық теннисшілердің барлығы жекелеген сындардан шығып қалды – ол ертең швейцариялық Белинда Бенчичке қарсы ойнайды

НҰР-СҰЛТАН, 28 шілде – Sputnik. Қазақстандық теннисшы Андрей Голубев пен Ярослава Шведова аралас жұптық сайыстың  алғашқы кезеңінде жеңіліп қалды.

Олар 1/8 финалда жапониялық Эна Сибахара және Бен Маклахлан жұбына қарсы шыққан болатын. Бұл матчта қазақстандықтар екі сетте 3:6, 6:7 есебімен қарсыласқа есе жіберді. Осылайша Сибахара мен Маклахлан ширек финалға шықты, енді олар ресейлік Анастасия Павлюченкова және Андрей Рублевпен кездеседі.

Бүгін теннистен әйелдер арасындағы жекелей сында қазақстандық Елена Рыбакина жартылай финалға жолдама алды. Ертең ол швейцариялық Белинда Бенчичке қарсы ойнайды.

Айта кетейік, Елена Рыбакинадан басқа қазақстандық теннисшілердің барлығы жекелеген сындардан шығып қалды. Юлия Путинцева мен Ярослава Шведова аптап ыстық пен күн өту салдарынан жарысты жалғастыра алмаса, Зарина Диястың жарақаты ойыннан шығуына себеп болды. Александр Бублик бірінші раундта ресейлік Даниил Медведевке есе жіберіп қойды. Ал Михаил Кукушкин бүгін беларус Илья Ивашкодан ұтылды. Жалпы, осы жолы қазақстандық теннисшілер 8 бірдей лицензия иеленді. Токиоға 7 спортшы аттанды.

39
Тақырып:
Токио Олимпиадасы
Василий Левит

Олимпиадада нокаутқа түсіп қалған Василий Левит желіде жазба жариялады

88
(Жаңартылды 20:18 28.07.2021)
Боксшы соққыға жалғыз төтеп беру оңай емес екенін, алайда қазақстандықтардың қолдауын сезінгенін атап өтті

АЛМАТЫ, 28 шілде – Sputnik. Токио Олимпиадасында нокаутқа түсіп қалған қазақстандық боксшы Василий Левит қиын сәтте қолдау көрсеткен жанкүйерлеріне алғыс айтты, деп хабарлайды Sputnik Қазақстан.

"Сіздер менімен бірге жеңістен кейінгі қуаныш пен жеңілістен кейінгі қайғыны бөлісіп келесіздер. Спорт – менің өмірім. Боксшылар арасында мынадай даналық бар: төмен құламаған адам жоғары көтерілмейді. Бұл сөз өз мақсатына ұмтылған және алға қарай жүретін кез келген адамның өмірінде қолданылады", - деп жазды Василий Левит.

Посмотреть эту публикацию в Instagram

Публикация от Василий Левит (@vassiliy_levit)

Ол сондай-ақ соққыға жалғыз төтеп беру оңай емес екенін, алайда қазақстандықтардың қолдауын сезінгеннен кейін өзінің жалғыз емес екенін түсінгенін айтты.

"Әрқашан қолдайтын отбасым, жақын адамдарым бар. Сондай-ақ менімен жеңіс пен жеңілісті бөлісуге дайын қымбатты жанкүйерлер, сіздер барсыздар. Сіздер жолдаған хаттарды оқыған кезде өмірдегі ең құнды дүние сені түсініп, саған сенетін адамдар барын білу екенін түсіндім", - деді боксшы.

Айта кетейік, Токио Олимпиадасында қазақстандық боксшы Василий Левит 91 келі салмақ дәрежесінде шықты. Оның қарсыласы испаниялық боксшы Эммануэль Рейес болды.

Токио Олимпиадасы: Левит нокаутқа түсіп қалды – видео

Бірінші раунд испаниялық боксшы пайдасына шешілді. Ал екінші раундтың басында Левит қарсыластың сериялық соққысынан кейін нокаутқа түсіп қалды. Бірақ аяғына тұрды. Төреші оның теңселіп тұрғанын көріп, жекпе-жекті тоқтатты.

Левит Рио Олимпиадасында күміс жүлдені жеңіп алған болатын.

88
Кілт сөздер:
Василий Левит
Картофельная запеканка

Дәрігер COVID-тен жазылғаннан кейін қалай тамақтану керектігін айтты

0
(Жаңартылды 08:40 29.07.2021)
Рационда сүт, балық, жұмыртқа, ет сияқты ақуыз көзі, сондай-ақ маусымдық жемістер мен көкөністер болуы керек

НҰР-СҰЛТАН, 29 шілде – Sputnik. Диета коронавирус инфекциясынан кейін ағзаны тез қалпына келтіруге көмектеседі.

Ресейлік эндокринолог дәрігер Юргита Вараеваның айтуынша, әркелкі тамақтану COVID-19 індетінен кейін қалыпқа келу процесінде маңызды рөл атқарады. Тағамның калориясы өте жоғары болғаны жөн: тәулігіне дене салмағының килограмына 20-30 килокалория қажет.

Оқи отырыңыз: Адам ерте қартаяды – коронавирустың тағы бір қауіпті әсері анықталды 

Сондай-ақ, маманның айтуынша, бұлшықеттің семуімен күресу үшін рационда ақуыз жеткілікті мөлшерде болуы қажет.

"Рационға бүйректің жай-күйін ескере отырып, бұлшықет тіндерінің семуімен күресу үшін дене салмағының килограмына 1,2-ден екі грамға дейін ақуыз қосу керек. Сүт, ашымал сүт өнімдері, йогурт, сүзбе, балық, жұмыртқа, құс еті, ет  (шұжық өнімдері мен сосиска кірмейді), бұршақ, үрмебұршақ (фасоль), соя өнімдерімен күніне кем дегенде үш-төрт порция мөлшерінде тамақтанған жөн", - деді Вараева Sputnik радиосына берген сұхбатында.

Адамның рационы неғұрлым әркелкі болған сайын, соғұрлым көп қажетті қоректік заттарды ала алады, деп толықтырды дәрігер.

"Соның ішінде маусымдық жемістер мен көкөністерге назар аударған жөн, күн сайын кем дегенде бес порция (бір порцияға шамамен 80 грамм) тұтыну қажет", - деді Вараева.

Дәрігер сонымен қатар тұрақты түрде тамақтану керектігін атап өтті.

"Кем дегенде үш рет толық тамақтанып, бір-үш рет жүрек жалғап алу маңызды. Орташа мөлшерде, бірақ жиі және тұрақты тамақтанған дұрыс", - деп кеңес берді сарапшы.

Әрине, дұрыс тамақтанудың негізгі қағидалары ешқашан өзгермейді: түнде ас ішпеңіз, соңғы рет ұйқыға жатарға дейін екі-төрт сағат бұрын тамақтанған жөн.  

0
Кілт сөздер:
дұрыс тамақтану, тамақ, коронавирус