Лондондағы Уэмбли стадионы

Футболдан Еуропа чемпионаты: Италия құрамасы жеңіске жетті

114
Осылайша Италия құрамасы екінші рет Еуропа чемпионы атанды

НҰР-СҰЛТАН, 12 шілде - Sputnik. Италияи құарамасы ЕУРО-2020 финалында пенальтиден Англияны жеңіп, Еуропаның чемпионы атанды.

Лондондағы "Уэмбли" стадионында өткен финалдың негізгі уақыты 1-1 есебімен аяқталды. Британдықтардан Люк Шоу (2-минут), итальяндықтардан - Леонардо Бонуччи (67) көзге түсті. Люк Шоу Еуропа чемпионаты тарихындағы ең жылдам гол соқты. Бұл үшін  оған 117 секунд қажет болды.

Оқи отырыңыз: ЕУРО-2020: жасыл алаңдағы қуаныш пен өкініш – фото

Пенальти сериясында итальяндықтар 3-2 есебімен басым түсті. Ағылшындар Маркус Рэшфорд, Джейдон Санчо және Букайо Сака қатарынан үш пенальтиді соға алмады. Финалдың қорытындысы бойынша Италия құрамасының қақпашысы Джанлуиджи Доннарума Еуропа чемпионатының үздік ойыншысы деп танылды. ПСЖ қақпашысы осы турнирде ұлттық құрама үшін екі пенальти жеңіп алды. Біріншісі испандықтармен өткен жартылай финалда болса, ағылшындарға қарсы екіншісі финалда еді.

Италия бұған дейін 1968 жылы Еуропа чемпионатын жеңіп алған болатын. Италия үшін бұл алтыншы үлкен жеңіс: төрт әлем чемпионаты (1934, 1938, 1982 және 2006 жылдары) және екі реті Еуропа чемпионаты.

114
Кілт сөздер:
Еуропа чемпионаты, футбол, футбол, футболшы, футболшылар, Англия, Италия
Қазақстан құрамасы Токиодағы Олимпиада стадионында

Қазақстан Олимпиада трансляциясына қанша ақша жұмсады

19
Құқық иесі трансляция бағасын төмендетуге Олимпиада ойындары басталардан бір күн бұрын келіскен

АЛМАТЫ, 4 тамыз – Sputnik. Ақпарат және қоғамдық даму министрлігі Олимпиада ойындарын трансляциялауға қанша қаражат жұмсалғанын хабарлады.

Бұл мәліметтерді министрлік "Ақ Жол" демократиялық фракциясының депутаттық сауалына жауап ретінде жариялады.

Олимпиада ойындарының көрсетіліміне жапонның Dentsu Inc компаниясы және оның Орталық Азиядағы өкілі – шведтің Silver spring media компаниясы жауап береді.

"2018 жылдың 16 қарашасында аталған компаниялар 2021 және 2022 жылғы Олимпиада ойындарын жалпы сомасы 15 миллион долларға (техникалық шығындарды қоспағанда) сатып алуды ұсынды", - деп хабарлады ақпарат министрлігі.

2021 жылдың ақпанында "Қазақстан" РТРК"АҚ мен "Хабар" агенттігі" АҚ Silver spring media және Dentsu Inc-ке Токиодағы XXXII Олимпиада ойындары мен Бейжіңдегі XXIV қысқы Олимпиада ойындарын трансляциялауға байланысты бағасын ұсынуды және өткен кезеңдегідей 5,1 миллион долларға шарт жасасу мүмкіндігін қарастыруды сұрап хат жолдаған.

Айта кетері, 2016 және 2018 жылдардағы Олимпиада ойындарын көрсетуге техникалық шығындарды қосқанда 5,1 миллион доллар кеткен.

"Алайда компания бұл ұсынысты елемей, хатты жауапсыз қалдырды", - деді министрлік.

Алайда құқық иелерімен келіссөздер жалғасқан. Олимпиада ойындары басталардың алдында ғана олар бағаны төмендетуге келіскен.

"2021 жылдың 23 шілдесінде Токиодағы XXXII жазғы Олимпиада ойындарын және Бейжіңдегі XXIV қысқы Олимпиада ойындарын техникалық шығындарды ескере отырып, жалпы сомасы 6,25 миллион долларға трансляциялауға лицензиялық құқықты сатып алу туралы келісімге қол қойылды", - деп нақтылады министрлік.

Осыған байланысты қазақстандықтар спортшы Елдос Сметовтың алаңға шыққанын отандық телеарна арқылы көре алмады.

"Құқық иелері тиісті техникалық талаптарды беруден бас тартты, бұл тікелей эфир үшін техникалық трактілер жүргізуге мүмкіндік бермеді. Трансляция сынақ режимінде бұрын тексерілмегендіктен, спутниктік сигналдардың жиілігі мен форматы сәйкес келмеді. Осыған байланысты кеш қосылып, техникалық себептерге байланысты қазақстандық спортшы Елдос Сметовтің белдесуі "Хабар" телеарнасының эфирінде жоспарланған уақытта көрсетілмеді", - деп түсіндірді министрлік.

Кейін Сметовтің ойыны жазба күйінде көрсетілді.

Ақпарат және қоғамдық даму министрлігінің хабарлауынша, 24 шілде кешке ведомство құқық иелерімен және мемлекеттік телеарналармен бірлесіп барлық техникалық мәселені реттеген. Содан кейін трансляция арқылы қазақстандық спортшылардың өнері кедергісіз көрсетіліп келеді.

19
Тақырып:
Токио Олимпиадасы
Өзбекстандық ауыр атлетші Ақбар Джураев

Қазақстандық бапкер Өзбекстанға Токио Олимпиадасында "алтын" алуға көмектесті

1588
(Жаңартылды 12:59 04.08.2021)
Қазақстандық Ержас Болтаев Илья Ильиннің жаттықтырушысы болды, алайда ол Токио–2020 ойындарына чемпиондарды тәрбиелеу үшін Өзбекстанға кеткен

АЛМАТЫ, 4 тамыз – Sputnik. Токио Олимпиадасында Өзбекстан Қазақстаннан әлдеқайда жақсы өнер көрсетіп жатыр. Қазір көрші елдің қоржынында үш медаль бар, оның екеуі алтын. Ол алтынның бірін қазақстандық бапкер Ержас Болтаевтың шәкірті Акбар Джураев алды.

Джураевты алғашқылардың бірі болып Илья Ильин құттықтады. Ол 2011 жылдан бастап Болтаевпен бірге жаттыққан еді.

Посмотреть эту публикацию в Instagram

Публикация от Илья Ильин (@ilyailyinforever)

Бес жыл бұрын Рио–2016 ойындарында Болтаев Алексей Нимен жанжалдасып қалған болатын. Сол кезде жаттықтырушы шәкірті Александр Зайчиков өнер көрсетер алдында Олимпиадада аккредитациясынан айырылды. Қазір Болтаев Өзбекстан үшін олимпиада чемпиондарын тәрбиелеп жүр.

Қазақстандық ауыр атлеттер Олимпиадада қалай өнер көрсетті

Қазақстанның ауыр атлетикасы үшін бұл Олимпиада сәтсіз болды деп айта алмаймыз. Ел атынан барған екі спортшы екі қола алды. Бұл сайысқа елдегі ең мықты ауыр атлеттер таңдалғаны анық. Дегенмен ерлер арасында әуелден-ақ алтын алуға үміт болмады, сондықтан қоланың өзі үлкен сый ретінде қабылданды.

Мұны Олимпиада алдындағы сарапшылардың болжамы және жарыстан кейін спортшы Игорь Сон мен оның жаттықтырушыларының реакциясы көрсетті. Егер Қазақстан үшін ауыр атлетикада қоланың өзі үлкен сый болса, демек елде спорттың бұл түрі дағдарыс алдында тұрғанын мойындау қажет.

Зүлфия Чиншанло алтын алуға үмітті еді, алайда бұл ойын жүзеге асыра алмады. Чиншанло спорттағы мансабын аяқтаса не болады? Ол Қазақстан әйелдер құрамасының көшбасшысы. Ал оның ізін басар спортшылар әлі жоқ секілді. Өкінішке қарай, соңғы Қазақстан чемпионатында жаңа есімдер шықпады. 

Сұрақ көп, бірақ оны шешуге уақыт аз - келесі Олимпиада ойындары үш жылдан кейін өтеді. 

Оқи отырыңыз: Токио Олимпиадасы: қазақстандық палуан жартылай финалға шықты

 

1588
Кілт сөздер:
бапкер, ауыр атлетика, Токио Олимпиадасы
Тақырып:
Токио Олимпиадасы
Тақырып бойынша
Ауыр атлетика федерациясы Сон мен Чиншанлоға көлік сыйлайды
Допинг дауының қатысы жоқ: Чиншанлоның жұлқа көтеруін төрешілер неге есептемеді
Токио Олимпиадасында ерсі қылық көрсеткен Әлиев қатаң жазаға тартылды
Токио Олимпиадасы: Сафиуллин жеңіліп қалды
Архивтегі фото

"Ұйықтатамын деп бөлмеге кіргізген": Алматыда педофил сотталды

0
Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған

НҰР-СҰЛТАН, 4 тамыз – Sputnik. Алматыда кәмелеттік жасқа толмаған қызға жыныстық зорлық жасаған ер адам 20 жылға бас бостандығынан айырылды, деп хабарлайды Polisia.kz.

Сотталушы Қазақстан Қылмыстық кодексінің 121-бабы 4-бөлігі бойынша айыпталды. Істі қылмыстық істер жөніндегі мамандандырылған ауданаралық соты қарады.

Бұл оқиға өткен жылдың қараша айында Алматының Наурызбай ауданындағы "Премьера" тұрғын үй кешені үйлерінің бірінде болған.

Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған. Оған ешкім кедергі жасай алмаған.

Тергеу де, сот та бұл іс бойынша жеңілдететін мән-жайларды таба алмады.

Сот жоғарыда айтылғандарды ескере отырып, Б.есімді ер адамды 20 жылға бас бостандығынан айырды.

0