Серік Теміржанов

Қазақстандық боксшы Олимпиаданы жеңіспен бастады

6220
(Жаңартылды 12:03 24.07.2021)
Серік Теміржанов қарсыласын екі рет нокдаунға түсіріп, айқын басымдықпен жеңді. Есеп – 5:0

НҰР-СҰЛТАН, 24 шілде – Sputnik. Токио Олимпиадасында қазақстандық боксшылардың жекпе-жектері басталды, деп хабарлайды Sputnik Қазақстан тілшісі.

57 келі салмақ дәрежесінде Серік Теміржанов венгриялық Ролан Галосқа қарсы шықты. Жерлесіміз қарсыласын айқын басымдықпен жеңді. Есеп – 5:0. Оған қоса, венгриялық боксшы екі рет нокдаун алып қалды. Серік Теміржановтың келесі қарсыласы – америкалық Дьюк Раган.

Айта кетейік, Олимпиадада қазақстандық боксшылар барлық салмақ дәрежесінде өнер көрсетеді. Олар: Сәкен Бибосынов (52 келі), Серік Теміржанов (57 келі), Закир Сафиуллин (63 келі), Абылайхан Жүсіпов (69 келі), Әбілхан Аманқұл (75 келі), Бекзат Нұрдәулетов (81 келі), Василий Левит (91 келі) пен Қамшыбек Қоңқабаев (91 келіден жоғары).

6220
Кілт сөздер:
Токио Олимпиадасы, боксшы
Тақырып:
Токио Олимпиадасы (115)
Жұдырығын түйіп тұрған ер адам

Қызуқанды екен: матч кезінде бапкер төрешіні бетінен ұрды видео

152
Бапкері ерсі қылық танытқан командаға техникалық жеңіліс есептелді. Ойын 0:3 есебімен қарсылас команда пайдасына шешілді

НҰР-СҰЛТАН, 28 қыркүйек — Sputnik. Италияда "Карпиньяно" командасының бапкері Джованни Алози төреші Андреа Фелисті бетінен ұрды, деп хабарлайды Eurosport.

Оқиға елдің жетінші дивизионындағы Prima Categoria чемпионаты аясында "Оледжо-Кастелло" матчында болған.

​Төреші ​Алозиді алаңнан қуған болатын. Бұған ызаланған бапкер төрешіге жұдырық ала жүгірді. Бұл уақытта "Карпиньяно" 0:2 есебімен жеңіліп жатқан. 

Бапкер өз қылығы үшін кешірім сұрады. Кейін бас бапкер қызметінен кетті. Алайда оған қарсы санкциялар мен ұзақ мерзімге шеттеу жазасы қолданылады. 

Бапкері ерсі қылық танытқан командаға техникалық жеңіліс есептелді. Есеп - 0:3.

Жуырда осыған ұқсас жағдай қазақстандық хоккейшілер арасында болған еді. Алайда бапкер емес, қақпашы өз командасының қорғаушысын ұрды. 

Бұл оқиға "Ақтөбе" мен "Торпедо" хоккей клубтары арасындағы матч кезінде болған. Өскемен командасының қақпашысы Антон Осокин шайбаны өткізіп алғаннан кейін өзінің қорғаушысы Кирилл Индюковты бір ұрды. Осы сәттің видеосы әлеуметтік желіде тарап кетті.

Индюков қақпаны қорғаймын деп, шайбаны екі аяқтың арасымен өткізіп алған. Бірақ қақпашы оны сол аяғымен қайтара білді. Ал "Ақтөбе" клубының шабуылшысы тоқтаған жоқ, кері серпілген шайбаны тағы бір ұрып, қақпаға кіргізіп жіберді. Осы кезде "Торпедо" қақпашысы қорғаушыны шықшыттан бір ұрады.

152
Кілт сөздер:
видео, футбол, бапкер, Италия, төреші
Тақырып бойынша
Жүрегі тоқтап қалған: танымал қазақстандық футболшы қайтыс болды
Әйгілі футболшы Роналду Головкинге жекпе-жек алдында қолдау көрсетті - видео
Қазақстан чемпионатындағы ең қымбат футболшы кім
Футболшы өз алаңынан қарсылас қақпасына гол соқты – видео
Жүрегі тоқтаған футболшы мен тізе бүккен ағылшындар: Еуро-2020 несімен есте қалды - фото
Футзал

Желіде футзалдан Қазақстан құрамасының эмоцияға толы видеосы жарияланды

31
(Жаңартылды 18:16 28.09.2021)
Футболистер эмоциясын есіктерді ұрғылап, қол шапалақтап шығарып жатыр

НҰР-СҰЛТАН, 28 қыркүйек – Sputnik. Қазақстан футбол федерациясы ұлттық құраманың чемпионаттың жартылай финалына шыққаннан кейінгі видеосын жариялады.

Видео киім ауыстыратын жерде түсірілген. Ол жерден құрама өкілдерінің қуанышы қойнына сыймай отырғанын көруге болады. 

Посмотреть эту публикацию в Instagram

Публикация от KAZAKHSTAN FOOTBALL FEDERATION (@kff_team)

Футзалдан Қазақстан құрамасының бапкері Кака "Алға, Қазақстан" деп айғайлайды, футболистер болса эмоциясын есіктерді ұрғылап, қол шапалақтап шығарып жатыр. 

Естеріңізге сала кетейік, қазақстандықтар Иран құрамасын 3:2 есебімен жеңіп, футзалдан әлем чемпионатының жартылай финалына шықты. Осылайша тарихи жеңіске жетті.

Құраманы бұл жетістікпен ел президенті Қасым-Жомарт Тоқаевтың өзі құттықтады

"Футзалдан Қазақстан ұлттық құрамасы алғаш рет әлем чемпионатының жартылай финалына шығып, керемет сенсация жасады. Құтты болсын! Алдағы ойындарына да сәттілік тілеймін!", - деп жазды Тоқаев Twitter парақшасында.

Оқи отырыңыз: 

 

31
Кілт сөздер:
футзал, ұлттық құрама, жеңіс
Тақырып бойынша
Қазақстан футзал бойынша ТОП-10 құрамалар қатарына енді
Ресей құрамасы футзал бойынша ӘЧ ширек финалына өтті
Нұр-Сұлтанда футбол матчы жаппай төбелеспен аяқталды – видео
 Елбасы Астана Бас жоспары ғылыми-зерттеу жобалық институты ЖШС-да болды

Нұр-Сұлтанның даму барысын үнемі қадағалап отырамын Назарбаев

4
Алғашында жаңадан қала салу жобасына ғана емес, осы маңайда қалың орман өсетініне де күмәнмен қарағандар болған

НҰР-СҰЛТАН, 28 қыркүйек – Sputnik. Елбасы Нұрсұлтан Назарбаев "Астана Бас жоспары" ғылыми-зерттеу жобалық институты" жауапкершілігі шектеулі серіктестігінде болды, деп хабарлады Elbasy.kz.

Қазақстанның Тұңғыш президенті елордада туристік, мәдени және әлеуметтік жаңа нысандар салу жоспарымен танысты.

Алтай Көлгінов аудандар құрылысының барысы, қаланы көгалдандыру процесі жайлы, сонымен қатар денсаулық сақтау, мектепке дейінгі және орта білім беру нысандарының, спорт ғимараттары мен коммерциялық орындардың халыққа қолжетімділігін қамтамасыз ету үшін қабылданып жатқан шаралар туралы егжей-тегжейлі баяндады.

Сондай-ақ Елбасы назарына елорданың жаңа мешіті мен ЭКСПО ауданына іргелес аумақта жүргізілетін құрылыс пен абаттандыру жобалары ұсынылды.

"Мен үшін бұл қаланың орны бөлек. Оның даму барысын үнемі қадағалап отырамын, болашағы туралы көп ойланамын. Алғашында жаңадан қала салу жобасына ғана емес, осы маңайда қалың орман өсетініне де күмәнмен қарағандар болған. Кейбір ғалымдар бұл жерге ағаш өспейді деген еді. Алайда елорда аз уақыт ішінде айналасын "жасыл белдеу" қоршаған ірі мегаполиске айналды", – деп түйіндеді Елбасы.

Оқи отырыңыз:

4