Ярослава Шведова

"Тұншыға бастадым": қазақстандық теннисші жарыстан неге шығып қалғанын айтты– видео 

668
(Жаңартылды 12:04 26.07.2021)
Бұған дейін Зарина Диас пен Юлия Путинцева да ойынды жалғастырудан бас тартқан болатын

НҰР-СҰЛТАН, 26 шілде – Sputnik. Қазақстандық теннисші Ярослава Шведова Токио Олимпидасында алғашқы ойынды жалғастырудан не себепті бас тартқанын түсіндірді, деп хабарлайды Sputnik Қазақстан.

25 шілде күні Шведова австралиялық Айла Томляновичпен кездескен болатын. Бірінші сетте Шведова 5:7 есебімен ұтылды. Ал екінші сетте есеп 2:3-ке жеткенде ойын тоқтатылды. Әйелдер командасының капитаны денсаулығына байланысты матчты жалғастырудан бас тартты. Шведова өзінің Instagram желісінде ойынның қалай тоқтатылғанын да көрсетті. Видеода теннисші алдымен басын ұстап тұр, одан кейін жерде отыр. Австралиялық спортшы оған мұз бен орамал әкеліп, көмек көрсетіп жатыр.

Посмотреть эту публикацию в Instagram

Публикация от Yaroslava Shvedova (@yaroslavashvedova)

"Ойыннан шығуды қаламадым, матчты аяқтағым келді. Бірақ, өкінішке қарай, есеп 3:2 болып тұрғанда жағдайым нашарлап, жүрегім айныды. Артынан ауа жетпей, тұншыға бастадым. Денем қалшылдап кетті. Содан жерге отыра кеттім", - деп жазды Шведова.

Оның сөзіне қарағанда, үзіліс 10 минутқа созылды. Қазақстандық спортшыны орындыққа жайғастырып, көмек көрсетті. Ал судья мен дәрігер жылдам шешім қабылдауды талап етті. Себебі ойынды жалғастыру қажет болған.

"Мен болсам, ойынды ары қарай жалғастыра алмайтынымды түсіндім. Өйткені жағдайым одан бетер нашарлап кетті", - дейді Шведова.

Айта кеткен жөн, бұған дейін Зарина Диас пен Юлия Путинцева да ойынды жалғастырудан бас тартқан. Диас жарақат алса, Путинцеваның басынан күн өтіп кетті.

"Өте ыстық! Сосын ылғалдылық өте жоғары болып тұр. Ауа жоқ. Екінші сетте ойынды жақсы бастап едім, бірақ артынан басым қатты ауырып кетті. Бірден дәрігерді шақырдым. Қан қысымым да көтерілді. Дәрігер күннің өтіп кеткенін айтты. Матчтан кейін денем дірілдей бастады", - дейді Путинцева.

Токио Олимпиадасында теннис турниріне қатысып жатқан бірнеше спортшы аптап ыстыққа байланысты ойынды жалғастырудан бас тартты. Олардың ішінде екі дүркін Олимпиада чемпионы Энди Маррей де бар.

Осы жолы қазақстандық теннисшілер 8 бірдей лицензия иеленді. Токиоға 7 спортшы аттанды. Олар - Александр Бублик, Елена Рыбакина, Михаил Кукушкин, Юлия Путинцева, Зарина Диас, Андрей Голубев пен Ярослава Шведова. Әзірше, жекелеген сындарда Елена Рыбакина ғана ұтылмай келе жатыр. Алдағы уақытта жұптық сайыстар бар.

Михаил Кукушкин де екінші айналымға өткен болатын.

668
Кілт сөздер:
видео, Токио Олимпиадасы
Тақырып:
Токио Олимпиадасы (115)
Сауль Канело Альварес

"Канело" көз түйістіру кезінде төбелесіп кетті видео

1486
(Жаңартылды 11:28 22.09.2021)
"Канело" жекпе-жекке арналған баспасөз конференциясында қарсыласының кеудесінен итеріп жіберді

НҰР-СҰЛТАН, 22 қыркүйек – Sputnik. WBA, WBO және WBC титулдарының иегері Сауль "Канело" Альварес супер орта салмақтағы IBF титулының иегері америкалық Калеб Плантпен төбелесіп қалды. Оқиға олардың жекпе-жегіне арналған баспасөз конференциясында болды.

​Көз түйістіру кезінде "Канело" қарсыласын қатты итеріп жіберді. Боксшыларды баспасөз конференциясына қатысушылар ажыратты.

Альварес пен Плант арасындағы жекпе-жек 6 қарашада АҚШ-тың Лас-Вегас қаласында өтеді. Спортшылар супер орта салмақтағы абсолютті әлем чемпионы атағы үшін таласады.

"Канелоның" соңғы жекпе-жегі 8 мамырда өтті, ол Билли Джо Сондерсті ұтып, WBO чемпионы болды.

Мексикалық Сауль "Канело" Альварес қазақстандық боксшы Геннадий Головкинмен екі рет жұдырықтасты. Бітіспес қарсыластар алғашқы жекпе-жекте тең түссе, екіншісі Альварестің жеңісімен аяқталды.

Оқи отырыңыз:

1486
Кілт сөздер:
Сауль 'Канело' Альварес, төбелес
Виды столицы

Танымал қазақстандық спортшы карьерасын аяқтады

83
(Жаңартылды 10:59 22.09.2021)
Элизабет Тұрсынбаева ұзақ уақыттан бері денсаулығы мазалап жүргенін жасырмады

НҰР-СҰЛТАН, 22 қыркүйек – Sputnik. Қазақстандық мәнерлеп сырғанаушы, 2019 жылғы әлем вице-чемпионы Элизабет Тұрсынбаева карьерасын аяқтағанын мәлімдеді, деп хабарлады Prosports.kz.

Элизабет Турсынбаева (Казахстан), завоевавшая серебряную медаль в женском одиночном катании на чемпионате мира по фигурному катанию в Сайтаме
© REUTERS / ISSEI KATO
2019 жылғы әлем чемпионатының күміс жүлдегері Элизабет Тұрсынбаева

Элизабет Тұрсынбаева Instagram-парақшасында карьерасын аяқтауға арқасынан алған жарақаты себеп болғанын айтты. Ол ұзақ уақыттан бері денсаулығы мазалап жүргенін жасырмады.

Мәнерлеп сырғанаушы халықаралық сайыстарда барлығы 39 медаль иеленді. Олардың 17-і алтын. 2019 жылы әлем чемпионатында күміс жүлде алды.

Оқи отырыңыз:

83
сиырлар

Малдары бруццелезге шалдыққан Солтүстік Қазақстан тұрғындары дабыл қақты

10
(Жаңартылды 10:33 23.09.2021)
Ауру жұқтырған сиырдың саны өткен жылмен салыстырғанда 10 есе көп. Соңғы айда 50 жағдай тіркелген

АЛМАТЫ, 23 қыркүйек – Sputnik. Қазақстанның солтүстігіндегі бірнеше ауданда бруцеллез тіркелді, деп хабарлады "Астана" телеарнасы.

Ауыл тұрғындары жалғыз табыс көзінен айырылғанын жеткізді. Адамдар көктемнен бері ветеринарлық қызмет аурудың асқынуын не себепті тоқтата алмағанын түсіне алар емес.

Михайловка ауылының тұрғыны Маргарита Кучерованың екі сиыры бруцеллезге шалдыққан, енді олардың да көзін жою көзделіп отыр.

Әйелдің сөзінше, барлығы көктемде басталған. Сол уақытта жергілікті фермердің 30-дан астам сиыры ауру жұқтырғаны анықталды.

"Сиырлар жаппай ауырып, бізде ауру өршіп жатыр. Толмачевкада, Асановода ауылында қазір тыныш, бірақ ветстанция әрекет етпей отыр. Неге олар дабыл қақпайды? Неге олар келіп, карантин енгізіп, аулаларды тазартпайды?", - деді Маргарита Кучерова.

Қазір ауыл тұрғындары келесі кезекте кімнің малынан бруцеллез шығуы мүмкін екенін білмей отыр. Барлығы биліктің не себепті карантин енгізбей отырғанына аң-таң. Адамдар осындай тәсіл арқылы өздерін етті арзан бағаға сатуға мәжбүрлейді деп болжады.

Асаново ауылының тұрғыны Евгений Маргердің сегіз сиырын алып кеткен. Оның сөзінше, мал – отбасының жалғыз табысы. Енді төрт баланың әкесі оларды қалай асырайтынын білмейді.

"Менің сегіз сиырымды алып кетті, осылайша маған жарты миллионнан астам шығын келді. Оларды бізден арзан бағаға сатып алып кетіп жатыр, әр килограммы үшін 700 теңге төледі. Бұл күлкілі баға, себебі килограммы 1 200 теңгеден сатылады, ал жас малдың еті 1 600 теңге. Мүмкін олардың жоспары осындай шығар", - деді Маргер.

Қызылжар ауданының мал дәрігерлері құрамына төрт ауыл кіретін Асанов ауылдық округінде бруцеллездің тарауы биыл 10 есе өскенін айтты. Соңғы айда 50 жағдай тіркелген. Мамандар аурудың таралуын тоқтату үшін ауылдарды карантинге жапқан.

"Зерттеу қорытындысы бойынша 9 шілдеден Плоское ауылына және 10 қыркүйектен Толмачевка ауылына карантиндік шектеулер енгізілді. Былтыр барлығы 11 жағдай тіркелген еді. Былтырмен салыстырғанда биыл ауырған мал басы 90 басқа артық. Барлық жерде механикалық тазалау жүргізілді. Содан кейін толық дезинфекция жасаймыз. Артынша дезинфекцияның сапасын зертхана арқылы тексереміз", - деді Қызылжар ауданының ветеринарлық станциясының директоры Ербол Бағенов.

Мамандардың пікірінше, аурудың күрт өсуіне малдың бақылаусыз қозғалысы себеп болған. Бруцеллез Есіл ауданында да тіркелген. Ол жерде жыл басынан бері 125 ауру мал анықталды. Қазір өңірде әрбір сиыр жоспарлы түрде тексеріліп жатыр.

Оқи отырыңыз: 

10
Кілт сөздер:
Солтүстік Қазақстан облысы, бруцеллез, мал