НҰР-СҰЛТАН, 27 тамыз – Sputnik. Токиода өтіп жатқан Паралимпиада ойындарында қазақстандық дзюдошы Әнуар Сәриев (60 келі) жартылай финалға шықты, деп хабарлайды Sputnik Қазақстан тілшісі.
Сәриев бірден ширек финалдық жекпе-жектерден бастады. Алғашқы белдесуде қазақстандық спортшы моңғол Ядамдорж Сухбаатарды жеңді. Ал жартылай финалда Венесуэла дзюдошысы Маркос Дениз Бланкодан басым түсті.
Посмотреть эту публикацию в Instagram
Осылайша, Әнуар Сәриевтің арқасында ел қоржынына тағы бір медаль түсті. Әзірше күміс бар. Сәриев финалда жеңсе, алтын медаль болады. Финалдық жекпе-жекте ол Әзірбайжан спортшысы Вугар Ширинлимен белдеседі.
Айта кетері, бұған дейін паралимпиадашы Давид Дегтярев пауэрлифтингтен алтын медаль жеңіп алған болатын.
Оқи отырыңыз: Параолимпиадашылар Токиоға аттанды – Қазақстан намысын кім қорғайды
