Баян Мақсатқызы

Баян Мақсатқызы Алагөзова туралы не білеміз?

4410
(Жаңартылды 18:32 27.08.2018)
Белгілі продюсер Баян Мақсатқызы Алагөзованың өмірбаянын Sputnik дерекқорынан оқыңыз

Баян Мақсатқызы Алагөзова – қазақстандық продюсер, Shine Production компаниясының басшысы, тележүргізуші, актриса, әнші. Алғаш рет 1993 жылы "Махаббат бекеті" фильмінде басты кейіпкерді сомдап, жұртшылыққа танылды, кейін ұзақ жылдар бойы телевидениеде тілші және жүргізуші болып қызмет етті. 2006 жылдан бері қазақстандық музыкалық топтар мен жеке орындаушылардың продюсері болып жүр. 2010 жылдан бастап бірнеше фильм мен телехикаяға түсті.

Балалық шағы

Баян Мұхитденова (қыз күніндегі фамилиясы) 1974 жылы 9 қаңтарда Орал қаласында дыбыс режиссері Мақсат Мұхитденов пен актриса Гүлжамал Мұхитденованың отбасында дүниеге келді. Өзінің айтуынша, "кішкентайынан әртіс болуды армандаған", бірақ анасы қарсы болып, мұғалім болғанын қалапты. Екі жыл педагогикалық училищеде оқыған Баян ата-анасына айтпай, кино  факультетіне ауысып кетеді.

Журналистік мансабы

1993 жылы "Махаббат бекеті" фильмінде басты кейіпкердің ғашығын сомдаған Баян кең танымалдыққа ие болды. Алғашқы сәтті қадамынан кейін ұзақ уақыт бойы жұртшылыққа көрінбей кетті. 1994 жылы жиырма жасында Баян Мұхитденова Бақытбек Есентаевқа тұрмысқа шығып, күйеуінің фамилиясын алды.

ҚазМУ-да тележурналистика факультетін тәмамдаған Баян жаңалықтар тілшісі болып жұмысқа орналасып, "Таң" телеарнасында "Желтый салон" атты бағдарламасын ашқанша жеті жыл бойы еңбек етті. "Таң" арнасы жабылып қалған соң, екі жыл бойы НТК телеарнасындағы "На шпильке" бағдарламасында жүргізуші болды.

Продюсерлік мансабы

2006 жылы Баян Есентаева КешYOU тобының продюсері атанды. Кейін соған ұқсас басқа да жобаларды қолға алды. 2010 жылы Shine Production компаниясы "Ғашық жүрек" фильмін түсіріп, продюсердің өзі басты рөлдердің бірін ойнады. 2011 жылы бұл фильмнің жалғасы түсірілді — "Ғашық жүрек 2".

2013 жылы Баян Есентаева "Осторожно, корова!" фильмінде басты кейіпкерді сомдады. 2014 жылы "Қазақ аруы"жобасы басталды, Lashyn тобы құрылды, ал қанатының астындағы әншілердің бірі Жанар Доғалова Тюрквидение байқауында жеңімпаз атанды, "Махаббатым жүрегімде" телехикаясы шықты.

2017 жылы 25 желтоқсанда Баян продюсерлік еткен "Баян сұлу" телехикаясы жарық көрді. Бірақ бұл жұмысы сәтсіздікке ұшырап, басы дауға қалды. Жұрт "Қозы Көрпеш – Баян Сұлу" телехикаясын ұлттық арнаның эфирінен алып тастауды талап етті. Qazaqstan телеарнасының басшылығы телехикаяны эфирге енді шығармауға уәде беруге мәжбүр болды.

Бақытбек Есентаевпен арадағы жанжал

2016  жылы 10 маусымда Есентаева күйеуі Бақытбек Есентаев және оның жиенімен бірге Алматыдан көлікпен шығады. Жолда Есентаеваның мас күйеуі әйелін соққының астына алады. Бақытбек Есентаев көлікті жүргізіп келе жатқан жиенін жанармай бекеттерінің бірінде қалдырып, Баянды әрі қарай ұрып-соғып, төрт рет пышақ салады да, "сексуалды сипаттағы әрекетке" барады. Оқиға орнына келіп жеткен Есентаеваның қызы әкесін тоқтатып, анасын Талғар қаласындағы аудандық ауруханаға жеткізген. Бақытбек Есентаевтың адвокатының айтуынша, жанжал қызғаныштан туындап, күйеуі Баян Есентаеваны ұстап қалғысы келген. Оқиғадан бір жыл бұрын Баян Есентаева күйеуін сүйіспеншілігі мол, бірақ өте қызғаншақ адам ретінде сипаттап, некедегі алғашқы он жылын "соғыс" деп атаған еді.

Бақытбек Есентаев ұсталғаннан кейін сот оны екі айға қамауға алуға шешім шығарып, ҚР ҚК 106-бабы — "Денсаулығына қасақана ауыр зақым келтіру" бойынша сотқа дейінгі тергеу амалдары басталды, кейінірек Есентаевтың ісі 99-баптың 1-тармағына "Қастандық жасауға" өзгертілді. 

Оқиғадан кейінгі алғашқы сұхбатында Баян 22 жыл оттасқан жұбайы Бақытбек Есентаевпен ажырасқанын айтты. Оның айтуынша, күйеуімен бұрын да ажырасқысы келгенімен, Есентаев қарсылық білдіріп, қоқан-лоққы көрсеткен. Сонымен бірге, Есентаева "тұрмыстық зорлық-зомбылықтан зардап шеккен әйелдердің құқығын қорғау бойынша қоғамдық ұйым" құрғысы келетінін мәлімдеді. 

Арада 4 ай өткен соң Баян Есентаева өзінің соттағы өкілі арқылы күйеуін кешіргенін хабарлады. Ол Бақытбек Есентаевтың жазасын жеңілдетіп, бас бостандығынан айырмауды сұраған. Бірақ соған қарамастан 2016 жылы 3 қарашада Алматы облысының қылмыстық істер бойынша мамандандырылған ауданаралық соты Есентаеваның күйеуін 9 жылға соттады. 

Екінші некесі

2017 жылы 22 қаңтарда Баян Мақсатқызы танымал бизнесмен Тұрсынғали Алагөзовтің күйеуге шығу туралы ұсынысын қабылдағанын мәлімдеді. Бұдан бұрын БАҚ-та Мақсатқызы мен Алагөзовтың ғашықтық хикаясы туралы сыбыс тарап кеткен еді.

Сол жылдың 7 желтоқсанында Баян Мақсатқызы мен Тұрсынғали Алагөзов некесін қидыртты.

Қаржылық жағдайы

2013—2015 жылдары Баян Алагөзова Forbes Kazakhstan журналы бойынша шоу-бизнес пен спорт жұлдыздарының үздік бестігінен орын алып келді. 2013 жылы сарапшылардың есебі бойынша 480 мың АҚШ долларын тапса, 2014 жылы табысы — 850 мың долларға, 2015 жылы — 1 млн долларға жетті. Shine Production компаниясы жеті музыкалық жобаға продюсерлік етіп келеді.

Баян Алагөзованың отбасы

Әкесі — Мақсат Мұхитденов, анасы — Гүлжамал Айдарқызы Мұхитденова. Әпкесі — Бәтес Мұхитденова — қазақстандық әнші Аша Матайдың (Ақбота Асқарбекова) анасы. Сіңлісі — Бағым Мұхитденова Баян сияқты музыкалық продюсер болып қызмет етеді.

Баян мен Бақытбек Есентаевтың екі қызы бар – Айсәуле және Айару. Үлкен қызы Айсәуле (1996 жылы 22 мамырда туған) Дубайдағы Америкалық университетте оқиды, кіші қызы (2003 жылы 19 желтоқсанда туған) – мектеп оқушысы.

Баян Мақсатқызының кітабы

2017 жылдың 3 шілдесінде Баян Мақсатқызы "Баян. Обо мне и не только" атты кітап шығарды. Кітаптың сатылымынан түскен қаражаттың басым бөлігі әйелдер құқығын қорғау бойынша қоғамның құрылуына жұмсалады.

Баян Мақсатқызының кітабы
© Sputnik / Ксения Воронина
Баян Мақсатқызының кітабы
4410
Кілт сөздер:
қыздары, күйеуі, өмірбаян, фото, отбасы, Бақытбек Есентаев, Баян Есентаева, Баян Мақсатқызы, Тұрсынғали Алагөзов, Баян Алагөзова
Тақырып:
Өмірбаяндар (111)
Тақырып бойынша
Баян Алагөзова не үшін кешірім сұрады?
Баян Алагөзова мен МС Сайлаубек үйлерін көрсетті
Баян Алагөзова Алматы судьясын бар шындықты айтамын деп қорқытты
Баян Алагөзова: Мөлдіржан, мүмкін қалай болғанын көзіме қарап айтарсың?
Баян Алагөзова жаңа фильмінің даулы трейлерін жариялады
Сайлау, дауыс беру, иллюстративті сурет

Мәжіліс сайлауы: кім дауыс бере алады

402
Мәжіліс сайлауында дауыс беруге құқылы сайлаушылар, дауыс беру уақыты мен тәртібі туралы Sputnik Қазақстан дерекқорынан оқыңыз

Қазақстанның 18 жасқа толған кез келген азаматы, тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне немесе кез келген өзге жағдаяттарға қарамастан, сайлауда дауыс беруге құқылы.

Сайлауға сот iс-әрекетке қабілетсiз деп таныған, сондай-ақ сот үкiмiмен бас бостандығынан айыру орындарында отырған азаматтар қатыспайды.

Мәжiлiс депутаттарын сайлаған кезде сайлаушылар тiзiмi жасалады. Азаматтар жасырын дауыс береді және сайлаушылардың еркiн бiлдiруiне қандай да болсын бақылау жасауға тыйым салынады.

Сайлаушылар тізімінде сайлаушының тегi, аты, әкесiнiң аты, туған жылы (он сегіз жастағылар үшiн – қосымша күнi мен айы), жеке сәйкестендіру нөмірі және тұрғылықты мекенжайы көрсетiледi.

Әрбір сайлаушы сайлау жарияланған немесе тағайындалған кезден бастап тиісті әкімдікте сайлаушы ретінде тіркелуге құқылы.

Сайлау күні басқа қалада жүргендер қалай дауыс береді

Егер азамат басқа өңірде жүріп, дауыс беретін күні сайлаушы ретінде тіркелген қаласына бара алмайтынын білсе, онда өзі жүрген қаланың әкімдігіне жүгінуге құқылы. Жазбаша өтiнiшті сайлаудан кемінде отыз күн бұрын беру керек.

Азамат өтiнiш жасаған соң, әкімдік оны тiркелген жері бойынша сайлаушылар тiзiмiнен шығарып, сол қаладағы дауыс беретiн учаскенiң сайлаушылар тiзiмiне енгiзеді.

Дауыс беру уақыты

Дауыс беру сайлау күнi жергiлiктi уақытпен сағат 07.00-ден 20.00-ге дейiн өткiзiледi.

Алайда учаскелiк сайлау комиссиялары басқа уақытты белгiлей алады. Бұл орайда дауыс берудi сағат 06.00-ден ерте бастап, сағат 22.00-ден кеш аяқтауға болмайды.

Учаскелiк сайлау комиссиясы азаматтарды дауыс беретiн уақыт пен орын туралы сайлау өткiзiлетiн күнге дейiн он күннен кешiктiрмей, БАҚ арқылы, сондай-ақ, өзге де әдiстермен хабардар етуі тиiс.

Дауыс беру тәртібі

Учаскелiк сайлау комиссиялары дауыс берудің басталуына бiр сағат қалғанда дауыс беруге арналған учаскелердi аша бастайды.

Аумақтық сайлау комиссиясының төрағасы дауыс беру басталардан 30 минут бұрын комиссия мүшелерiнiң қатысуымен сайлау жәшiктерiнде сайлау бюллетеньдерiнiң бар-жоғын, жәшiктердiң бүтiндiгiн тексередi, дауыс беруге арналған жәшiктерге пломба салады немесе мөр басады.  Комиссияның сайлау бюллетеньдерiн беруге жауапты мүшелерiн белгiлейдi.

Әрбiр сайлаушы өзi дауыс бередi.

Тағы оқыңыз: Мәжіліс сайлауы қашан өтеді

Сайлауда дауыс құқығын басқа бiреуге беруге және сол сияқты басқа адам үшiн дауыс беруге жол берiлмейдi.

Бюллетеньдер сайлаушылар тiзiмі негiзiнде жеке басын куәландыратын құжатты көрсеткен соң берiледi.

Сайлаушылар тiзiмге бюллетеньдердi алғаны туралы қол қояды.

Комиссияның бюллетеньдi берген мүшесi оларға өзiнiң қолын қояды, сондай-ақ бюллетеньдi алған сайлаушының тiзiмдегi тегiнiң тұсына қол қояды.

Сайлау комиссиясы төрағасы мен хатшысының бюллетень бepуге құқығы жоқ.

Дауыс берушiлер сайлау бюллетенiн жасырын дауыс беруге арналған кабиналарда толтырады. Оны толтыру кезiнде кабинаға басқа адамның кіруіне тыйым салынады. Бюллетеньдi өз бетiнше толтыруға мүмкiндiгi жоқ сайлаушы өзi сенетiн адамның көмегiн пайдалануға құқылы.

Бюллетеньге қарындашпен белгi қоюға, сондай-ақ оған қандай да болсын түзету енгiзуге жол берiлмейдi.

Толтырылған бюллетеньдердi сайлаушы дауыс беруге арналған жәшiкке салады.

402
Кілт сөздер:
сайлау, Мәжіліс
Мәжіліс залы

Мәжіліс сайлауы қашан өтеді

727
(Жаңартылды 18:32 27.09.2020)
Қазіргі шақырылымдағы мәжілістің өкілеттігі 2021 жылдың 24 наурызында аяқталады. Қазақстан президенті парламент сайлауының өтетін күнін 2020 жылдың 24 қазанынан кешіктірмей белгілеуі тиіс

Парламент – Қазақстанның заң шығару билігiн жүзеге асыратын республиканың ең жоғары өкiлдi органы.

Парламент тұрақты негізде жұмыс істейтін екі палатадан: сенаттан және мәжілістен тұрады.

Мәжіліс конституциялық заңда белгіленген тәртіппен сайланатын 107 депутаттан тұрады. Өкілеттік мерзімі - бес жыл.

Сайлауды кім және қалай тағайындайды

Мәжілістің соңғы сайлауы 2016 жылдың 20 наурызында өтіп, бірінші сессия 2016 жылдың 25 наурызында ашылған еді. Тиісінше, қазіргі шақырылымдағы мәжілістің өкілеттігі 2021 жылдың 24 наурызында аяқталады.

Конституцияға сәйкес, мәжілістің кезекті сайлауы парламенттің жұмыс істеп тұрған шақырылымы өкілеттігінің мерзімі аяқталардан кемінде екі ай бұрын өткізіледі.

Осылайша, төменгі палата депутаттарының сайлауы 2021 жылдың қаңтарынан кешіктірілмей өткізілуі тиіс.

"Қазақстандағы сайлау туралы" Конституциялық заңға сәйкес, мәжілістің кезекті сайлауын президент депутаттар өкiлеттігінің бiтуiне кемiнде бес ай  қалғанда тағайындайды.

Мәжілістің 98 депутатын сайлау жалпыға бірдей, тең және төте сайлау құқығы негізінде жасырын дауыс беру арқылы жүзеге асырылады. Мәжілістің 9 депутатын Қазақстан халқы Ассамблеясы сайлайды.

Үміткерге қойылатын талаптар

Қазақстан азаматтығы бар және ел аумағында соңғы он жылда тұрақты тұрып жатқан, жасы жиырма беске толған адам мәжіліс депутаты бола алады.

Сот іс-әрекетке қабілетсіз деп таныған, сондай-ақ сот үкімі бойынша бас бостандығынан айыру орындарында отырған азаматтардың сайлануға құқығы жоқ.

Мыналар:

  • сотталғандығы белгіленген тәртіппен өтелмеген немесе алып тасталмаған адам;
  • сот сыбайлас жемқорлық қылмысын жасағаны үшін кінәлі деп таныған адам парламенттің депутаттығына, оның ішінде партиялық тізімдер бойынша, кандидат бола алмайды.

Мәжiлiс депутаттығына кандидаттар ұсыну

Партиялық тізімдер бойынша сайланатын мәжіліс депутаттығына кандидаттарды тіркелген саяси партиялар, ал Қазақстан халқы Ассамблеясы сайлайтын кандидаттарды Ассамблея кеңесі ұсынады.

Мәжіліс депутаттығына сайлау үшін адамдарды партиялық тізімге енгізу саяси партияның жоғары органы мүшелерінің жалпы санының көпшілік даусымен жүргізіледі. Саяси партиялардың партиялық тізімдерге осы саяси партияның мүшелері болып табылмайтын адамдарды кіргізуге құқығы жоқ.

Егер сайлауды белгілеу кезінде өзгеше көзделмесе, партиялық тізімдер бойынша сайланатын үміткерлерді ұсыну сайлаудан 2 ай бұрын басталып, оған 40 күн қалғанда жергілікті уақытпен сағат 18.00-де аяқталады.

ҚХА сайлайтын кандидаттарды ұсыну сайлаудан 1 ай бұрын басталып, оған 20 күн қалғанда жергілікті уақытпен сағат 18.00-де аяқталады.

Кандидатураны алып тастау

Партиялық тізімге енгізілген адам Орталық сайлау комиссиясына жазбаша өтініш бере отырып, өз кандидатурасын партиялық тізімнен кері қайтарып ала алады. Бұл жағдайда ОСК партиялық тізімге енгізілген адамды шығару туралы шешім қабылдайды.

Қазақстан халқы Ассамблеясының кеңесі, ол ұсынған кандидат Орталық сайлау комиссиясына жазбаша өтініш жасай отырып, кандидатураны кері қайтарып ала алады. Бұл жағдайда ОСК кандидатты тіркеудің күшін жою туралы шешім қабылдайды.

727
Кілт сөздер:
сайлау, мәжіліс депутаты, Мәжіліс
Депутаттың жұмыс үстелі

Мәжіліс отырысы бір минут үнсіздікпен басталды

7
2016 жылы алтыншы сайланған мәжіліс депутаты атанған Глеб Щегельский экология мәселелері және табиғат пайдалану комитетінің төрағасы болды

НҰР-СҰЛТАН, 21 қазан – Sputnik. Парламент мәжілісінің бүгінгі жалпы отырысы бір минут үнсіздікпен басталды. Депутаттар әріптесі Глеб Щегельскийді еске алды, деп хабарлайды Sputnik Қазақстан тілшісі.

Мәжіліс төрағасы Нұрлан Нығматулин экология және табиғатты пайдалану комитетін басқарған Глеб Щегельскийдің мезгілсіз қазасына байланысты палата өкілдері мен отырысқа қатысқан үкімет мүшелерінің атынан тағы да көңіл айтып, қайғыға ортақтасатынын жеткізі. 

"Глеб Анатольевич өзінің бар күш-жігерін мен тәжірибесін ел игілігіне жұмсады. Ол үкіметпен тығыз жұмыс істеді, нағыз патриот болды. Біз оны ешқашан ұмытпаймыз", – деді Нығматулин. 

Мәжіліс депутаты Глеб Щегельский 2020 жылдың 17 қазанында 51 жасында кенеттен қайтыс болды.

Глеб Щегельский туралы

Ол 1969 жылы Целиноград облысының Степногорск қаласында туған. Мәскеудің С.Орджоникидзе атындағы Авиация институтын бітірген.

Еңбек жолын Ақтөбе ферроқорытпалар зауытында балқытушы, инженер болып бастаған. Әр жылдары Ақтөбе қаласы әкімінің бірінші орынбасары, "Рика ТВ" ЖШС директорының орынбасары, индустрия және сауда министрлігінің Ақтөбе техникалық реттеу және метрология департаментінің директоры болып еңбек еткен.

Глеб Щегельский
Глеб Щегельский

2012 жылдан бесінші сайланған парламент мәжілісінің депутаты. Мәжілістің қаржы және бюджет комитеті мен "Нұр Отан" партиясы фракциясының мүшесі. 2016 жылы алтыншы сайланған мәжіліс депутаты атанған ол экология мәселелері және табиғат пайдалану комитетінің төрағасы болды.

Астанаға 10 жыл, "Нұр Отан", Қазақстан Республикасы Тәуелсіздігінің 20 жылдығы медальдерімен, "Құрмет" орденімен марапатталған.

Төрт баласы бар.

7
Кілт сөздер:
депутат, еске алу шарасы, мәжіліс отырысы
Тақырып бойынша
Депутаттар белгісіз заттан уланған баланы еске алды
Әйелінің хаты оқтан құтқарды - әнші атасының майдандағы оқиғасын еске алды
Министр Абаев еден жуған жылдарын еске алды  
Нұр-Сұлтанда Қазақстанның бірінші қорғаныс министрі Нұрмағамбетовті еске алды
Бір минут үнсіздік: Тоқаев пандемия құрбандарын еске алды – видео