шарап

Бүгін әлемде және Қазақстанда қандай мереке: 28 қыркүйек

531
(Жаңартылды 16:30 29.09.2018)
Григориан күнтізбесі бойынша 271-ші күн, жыл соңына дейін 94 күн бар

28 қыркүйекте не болғанын білесіз бе? 

Бұл күннің несімен ерекшеленетінін  дереқорынан оқыңыз. 

28 қыркүйекте әлемде қандай мереке тойланады

Бүгін Қытай Халық Республикасында Ұстаздар күні. Бұл күн б.з.д. 551 жылы 28 қыркүйекте туған қытайлық ойшыл, алғашқы кәсіби ұстаз Конфуцийдің туған күніне орай белгіленген. 

28 қыркүйек — құтыру ауруына қарсы күрестің бүкіләлемдік күн.

Сондай-ақ бүгін ресми тойланбайтын қызық мереке – Бас директор күні. Басшыңызды кәсіби мейрамымен құттықтап қойыңыз, сонда жұмыс күні көңілді өтеді. 

Бұдан  бөлек, 28 қыркүйекте Швейцарияда жүзім өсірушілердің жыл сайнығы мейрамы  — шарап фестивалі басталады. Ол жүзім жинау науқанының басталуына орайластырылған. Швейцарияда бүкіл жүзімнен дерлік шарап дайындалады. 

28 қыркүйекте әлемде болған тарихи оқиғалар

1542 жылы испаниялық Хуан Родригес Карбрильо Калифорния  жағалауымен жүзіп өткен алғашқы еуропалық болды; 

1958 жылы Францияда Бесінші Республиканың Конституциясы қабылданған  референдум өтті; 

1994 жылы "Эстония" паромы Балтық теңізінде батып кетті, 852 адам қаза тапты; 

2001 жылы бразилиялық ұшқыш Жерард Мос "Шимангу" моторлы планерінде алғаш рет 100 күн ішінде жер шарын айнала ұшып өтті. 

28 қыркүйекте Қазақстанда болған болған тарихи оқиғалар

1995 жылы "Сайлау туралы" Қазақстан Республикасының Конституциялық заңы қабылданды; 

1996 жылы Алматыда Кеңсай зиратында жазушы Оралхан Бөкеевтің зиратына ескерткіш орнатылды;

1999 жылы Ақтау қаласында Алашорда қайраткері Мұстафа Шоқайға ескерткіш орнатылды. 

2006 жылы АҚШ-қа ресми сапармен барған Қазақстан президенті Нұрсұлтан Назарбаев Вашингтондағы Қазақстан елшілігінің алдына қойылған Қазақстан Республикасы Тәуелсіздік монументін ашты.

28 қыркүйекте дүниеге келген танымал тұлғалар

1924 жылы итальян актері Марчелло Доменико дүниеге келді; 

1934 жылы француз актрисасы, әнші Брижит Бардо дүниеге келді;

1938 жылы кеңес одағының театр және кино актері Александр Голобородько дүниеге келді; 

1976 жылы ресейлік спортшы, ММА бойынша Pride FC тұжырымы бойынша ауыр салмақтағы төрт дүркін, WAMMA тұжырымы бойынша екі дүркін әлем чемпионы Федор Емельяненко дүниеге келді.

28 қыркүйекте Қазақстанда кім туды

1897 жылы қазақ әдебиетінің классигі, қоғам қайраткері, Қазақ КСР-нің еңбек сіңірген ғылым қайраткері Мұхтар Омарханұлы Әуезов  дүниеге келді;

1932 жылы Қазақстанның халық жазушысы, Қазақстанның еңбек сіңірген мәдениет қызметкері, ҚР Мемлекеттік сыйлығының лауреаты Шерхан Мұртазаұлы Мұртаза дүниеге келді;

1940 жылы ғалым, геология-минералогия ғылымдарының докторы, профессор, КСРО мұнай өнеркәсібінің үздігі Герой Жолтайұлы Жолтаев дүниеге келді;

1943 жылы жазушы, Қазақ КСР Мемлекеттік сыйлығының, Н.Островский атындағы Бүкілодақтық әдеби сыйлықтың иегері Оралхан Бөкеев дүниеге келді;

Ай күнтізбесі

Бүгін бұрынғы әдеттерден арылу үшін жақсы мүмкіндік, сонымен бірге жаңа іс бастауға қолайлы күн. 

531
Кілт сөздер:
танымал есімдер, мереке, тарихи оқиғалар, атаулы күндер, 28 қыркүйек
Тақырып:
Бүгін қандай мереке: әр күнге арналған күнтізбе (361)
Тақырып бойынша
Бүгін әлемде және Қазақстанда қандай мереке: 27 қыркүйек
Бүгін әлемде және Қазақстанда қандай мереке: 26 қыркүйек
Бүгін әлемде және Қазақстанда қандай мереке: 25 қыркүйек
Бүгін әлемде және Қазақстанда қандай мереке: 24 қыркүйек
Бүгін әлемде және Қазақстанда қандай мереке: 23 қыркүйек
Бүгін әлемде және Қазақстанда қандай мереке: 22 қыркүйек
Бүгін әлемде және Қазақстанда қандай мереке: 21 қыркүйек
Бүгін әлемде және Қазақстанда қандай мереке: 20 қыркүйек
Бүгін әлемде және Қазақстанда қандай мереке: 19 қыркүйек
Архивтегі сурет

2022 жылы қазақстандықтарды қандай маңызды оқиғалар күтіп тұр

1588
Барыс жылы әлем жұртшылығы көптеген маңызды оқиғаның куәсі болады. Оның арасында саяси, мәдени, спорттық іс-шаралар жетерлік

Әйтсе де, екі жылға жуық уақыт адамзатты әбігерге салған пандемия 2022 жылға арналған жоспардың күл-талқанын шығаруы мүмкін. Өйткені індет әлі саябырсыған жоқ. Оның үстіне әлем елдерінде жаңа "омикрон" штамы тарала бастады. Коронавирустың бұл түрі қазір төрткүл дүниені алаңдатып отыр. Десе де індетке қарамастан, келесі жылға біраз шара жоспарланып қойды. Солардың бірсыпырасымен Sputnik Қазақстан материалынан таныса аласыз.

Қысқы Олимпиада

2022 жылы өтетін маңызды тарихи оқиғалар шымылдығын қысқы Олимпиада ойындары ашады.

Жаһан жұрты асыға күтетін XXIV қысқы Олимпиада Қытайдың Бейжің қаласында өтеді. Спорттық іс-шара 4 мен 20 ақпан аралығына жоспарланған.

Олимпиадада қысқы спорттың жеті түрінен 109 медаль жиынтығы сарапқа салынады. Атап айтқанда, спортшылар биатлон, бобслей, керлинг, конькимен сырғанау, шаңғы жарысы, шана спорты және хоккей сайыстарында бақ сынайды.

Олимпиада ойындары Бейжің орталығында, Яньцин және Чжанцзякоу аудандарында өтеді. Өкінішке қарай, COVID-19 пандемиясына байланысты Олимпиаданың салтанатты ашылу рәсіміне көрермендер кіргізілмейді. Бірақ жанкүйерлер төрт жылда бір келетін дүбірлі доданы көгілдір экраннан тамашалай алады.

2022 жылы Бейжің Олимпиадасы қытайлардың басты ұлттық мерекесі – Қытай Жаңа жылымен тұспа-тұс келеді.

Айта кетері, 2022 жылғы қысқы Олимпиада ойындары Қазақстанда өтуі де мүмкін еді. 2013 жылы Халықаралық Олимпиада комитетіне бірінші болып Алматы қаласы өтінім берді. Артынша Қытай астанасы Бейжіңнен өтінім түсті. Осылайша спорттық сайысты өткізу құқығына екі қала таласты. Дауыс беру қорытындысы бойынша Бейжің жеңіске жетті. Алматыға небәрі 4 дауыс жетпей қалды.

Бейжің – жазғы және қысқы Олимпиада ойындарын қабылдайтын алғашқы қала.

Паралимпиада ойындары

Дәл сол Бейжіңде бір айдан кейін – 4-13 наурызда қысқы Паралимпиада өз жалауын желбіретеді.

Паралимпиада ойындары осымен он үшінші рет өткелі жатыр. Спортшылар спорттың алты түрінен 78 жарысқа қатысады.

Паралимпиада ойындары – мүгедектігі бар адамдарға арналған халықаралық сайыс. Дәстүр бойынша Олимпиада ойындарынан кейін өткізіледі.

Алғаш рет қысқы Паралимпиада ойындары 1976 жылы ұйымдастырылды.

Ғалымдар форумы

2022 жылы Қырғызстан астанасы – Бішкекте ТМД елдерінің ғалымдары бас қосады. Әзірге форумның нақты күні хабарланған жоқ.

Жиынға ТМД-ға қатысушы елдер ғылыми ұйымдарының басшылары мен беделді өкілдері қатысады. Олар достастық елдері арасындағы ынтымақтастық бағыттарын, жаңа бастамалар мен өзара іс-қимыл мәселелерін талқылайды.

Оқи отырыңыз: 2021 жылы қазақстандықтардың өмірі қалай өзгерді

Форумның мақсаты – ТМД елдерінің ғылыми-техникалық ынтымақтастығын дамыту, жаңа бірлескен ғылыми зерттеулерге серпін беру, жастар арасында ғылымды насихаттау.

Дүниежүзілік көшпенділер ойыны

Келесі жылы Түркияда төртінші Дүниежүзілік көшпенділер ойыны өтеді деп жоспарлануда. Халықаралық дода 2020 жылы өтуге тиіс еді, алайда пандемияға байланысты екі рет шегерілді.

Дүниежүзілік көшпенділер ойыны – этникалық спорт түрлерінен өтетін халықаралық сайыс. Оның негізіне Орталық Азия көшпенді халықтарының ұлттық ойындары алынған. Мақсаты – өркениет мұрасы ретінде әлемде этномәдени және этноспортты дамыту, ұлттық ойындарды жаңғырту.

 Всемирные игры кочевников-2018. Французские, американские, казахские и узбекские спортсмены играют в кок-бору Ключевые слова: вик
© Sputnik / Табылды Кадырбеков
Дүниежүзілік көшпенділер ойыны, 2018 жыл.

Көшпенділер ойынын өткізу идеясын 2012 жылы Бішкектегі Түркі кеңесі саммитінде Қырғызстан ұсынды. Бұл бастама түркі тілдес мемлекеттерден қолдау тапты. Осыдан кейін 2014 жылдан бастап Көшпенділер ойыны екі жылда бір рет қырғыз елінде ұйымдастырылып келді. 2018 жылы эстафетаны Түркия қабылдады.

Евровидение

Келер  жылы өнерсүйер қауымды 66-шы "Евровидение" ән байқауы қуантады. Мәдени шара Италияның Турин қаласында өтеді. Бірінші және екінші жартылай финалдар 10 мен 12 мамырға, ал финал 14 мамырға жоспарланған.

Еуропа хабар тарату одағы байқауға 41 ел қатысатынын жариялады. Тізімге 2021 жылы конкурсқа қатысқан елдер, сондай-ақ Армения мен Черногория қосылған. Армения бір жылдық, ал Черногория екі жылдық үзілістен кейін қайта оралып отыр.

Еске салсақ, 2021 жылы өткен "Евровидениеде" Италия жеңіске жеткен болатын. Måneskin тобы Zitti e buoni әнін орындап, бірінші орын алды. Осылайша дәстүр бойынша Италия 2022 жылғы байқауды өткізу құқығын иеленді.

"Евровидение" – Еуропа хабар тарату одағына мүше елдер арасындағы эстрадалық ән байқауы. Байқауға одаққа мүше әр елден бір-бір өкілден қатысады. Фестиваль тікелей эфирде өтеді. Қатысушылар өнер көрсеткеннен кейін, телекөрермендер мен әділ қазылар алқасы дауыс беру арқылы ең мықтыны таңдайды.

Ән байқауының тарихы 1956 жылдан басталады. Бүгінде жыл сайын өтетін шараның аудиториясы 600 миллион көрерменге дейін барады.

"Евровидение", сондай-ақ Қазақстан, Қырғызстан, Канада, Египет, Үндістан, Оңтүстік Африка, Корея, АҚШ-та трансляцияланады.

Айта кетері, "Евровидение" байқауы талай әртістің жұлдызын жақты. Мәселен, аты аңызға айналған "АББА" тобы (Швеция – 1974), "Чингисхан" (Dschinghis Khan, Германия – 1979) және әнші Селин Дион (Швейцария – 1988) фестивальде өнер көрсеткеннен кейін бүкіл әлемге танылды.

Футболдан әлем чемпионаты

21 қараша мен 18 желтоқсан аралығында Катарда футболдан 22-ші әлем чемпионаты өтеді. Катар өз тарихында футболдан әлем чемпионатын алғаш рет қабылдайды.

Жанкүйерлер финал матчын 18 желтоқсанда Лусаилдегі Ұлттық стадионда тамашалай алады. Алаңға 80 мың көрермен сыяды.

Катарда жазда аптап ыстық болатындықтан, бұл жолғы әлем біріншілігі қарашаның соңы мен желтоқсанның ортасына белгіленген. Осылайша ол мамырда, маусымда немесе шілдеде өтпейтін алғашқы турнир.

Әлем чемпионатының финалдық турниріне 32 құрама қатысады.

Футболдан әлем чемпионаты – футболдан өтетін басты халықаралық сайыс. Біріншілікті ФИФА Әлем кубогы деп те атайды. Чемпионатты әлемдік футболдың басқарушы органы – ФИФА өткізеді. Оған барлық құрлықтан ФИФА-ға мүше елдердің ерлер ұлттық құрамасы қатысады.

Оқи отырыңыз: Балаға берілетін жәрдемақы – 2022: кімге, қалай және қанша төленеді?

Әлем чемпионатының финалдық турнирі Олимпиада сияқты 4 жылда бір рет өткізіледі. Алайда өңірлік турнирлерді ескерсек, әр мундиаль 3 жылдан астам уақытқа жалғасады.

Соңғы рет футболдан әлем чемпионаты 2018 жылы Ресейде өткен болатын. Қазіргі әлем чемпионы – Франция ұлттық құрамасы.

Жазғы Универсиада

2022 жылы Қытайдың Чэнду қаласы Бүкіләлемдік жазғы Универсиаданы қабылдайды.

Негізі, студенттер сайысы биыл тамызда өтуге тиіс еді, бірақ пандемияға байланысты келесі жылға ауыстырылды.

Жазғы Универсиада 26 маусым басталып, 7 шілдеге дейін созылады. Осы аралықта жастар 18 спорт түрінен бақ сынайды, 268 медаль жиынтығы сарапқа салынады.

Чэнду Универсиаданы өткізуге жалғыз үміткер қала болды. Бұған дейін Қытайда жазғы Универсиада 2001 жылы (Бейжің) және 2011 жылы (Шэньчжэнь) өткен болатын.

Универсиада – студенттер арасындағы халықаралық және ұлттық спорттық жарыс. Оны Халықаралық университет спорты федерациясы өткізеді. Жазғы және қысқы Универсиада әр екі жыл сайын ұйымдастырылады.

 "Универсиада" атауы "Университет" пен "Олимпиада" сөздерінен құралған. Көбіне Бүкіләлемдік студенттер ойындары және Бүкіләлемдік университет ойындары деп те айтылады.

ҚАЗАҚСТАНДА ӨТЕТІН МАҢЫЗДЫ ОҚИҒАЛАР

Әлемдік діндер лидерлері съезі

Нұр-Сұлтанда Әлемдік және дәстүрлі діндер көшбасшыларының VII съезі өтеді.

Іс-шара 14-15 қыркүйек күндеріне жоспарланған. Съезд тақырыбы пандемиядан кейінгі кезеңде адамзаттың әлеуметтік-рухани дамуындағы әлемдік және дәстүрлі діндер лидерлерінің рөліне арналады.

Ал Әлемдік және дәстүрлі діндер көшбасшылары съезі хатшылығының XX отырысы 2022 жылы 12-13 қыркүйекке белгіленді.

Әлемдік және дәстүрлі діндер лидерлерінің съезі алғаш рет 2003 жылы елордада өткен болатын. Съезд өткізу бастамасын Елбасы Нұрсұлтан Назарбаев ұсынған еді. Тұңғыш президенттің Ватиканға сапарында бұл идеяны алғашқылардың бірі болып католик шіркеуінің өкілдері қолдады.

Әлемдік және дәстүрлі діндер лидерлерінің съезі – діни көшбасшыларға, саясаткерлерге, халықаралық және өңірлік ұйымдарға дінаралық диалог пен орнықты даму проблемаларын талқылауға мүмкіндік беретін бірегей платформа.

ТМД мемлекет басшылары кеңесінің отырысы

2022 жылы елордада өтетін саяси оқиғалардың бірі – ТМД мемлекет басшылары кеңесінің отырысы.

Іс-шара 14 қазанда өтеді деп жоспарлануда. Отырыс аясында ТМД елдері лидерлерінің бейресми кездесуі де өтуі мүмкін.

Айта кетері, 2022 жылы Қазақстан ТМД-ға төрағалық етеді. Осыған байланысты ел президенті Қасым-Жомарт Тоқаев ортақ мақсаттарға қол жеткізу үшін бірлесіп белсенді жұмыс істеуге дайын екенін мәлімдеді.

Оқи отырыңыз: Зейнетақы жинағын мерзімінен бұрын пайдалану: "жеткілікті шек" 2022 жылы өседі

ТМД мемлекет басшылары кеңесі – Тәуелсіз мемлекеттер достастығының жоғарғы органы. Оған ұйымға қатысушы мемлекеттердің бірінші басшылары кіреді.

Кеңес ТМД жарғысын өзгерту, ТМД органдары құрылымын өзгерту мәселелерімен айналысады. Кеңестің кезекті отырысы жыл сайын өткізіледі.

Еске салсақ, ТМД – бұған дейін КСРО құрамына кірген мемлекеттер арасында ынтымақтастық қатынастарын реттеуге бағытталған халықаралық ұйым. Ол 1991 жылы 8 желтоқсанда құрылды.

ТМД-ға қатысушы мемлекеттер: Әзербайжан, Қырғызстан, Армения, Молдова, Өзбекстан, Ресей, Қазақстан, Беларусь, Тәжікстан, Түрікменстан және Украина.

Азиядағы өзара іс-қимыл және сенім шаралары кеңесі

Келесі жылы Нұр-Сұлтанда Азиядағы өзара іс-қимыл және сенім шаралары жөніндегі кеңесінің саммиті өтеді.

2022 жылы Азиядағы өзара іс-қимыл және сенім шаралары жөніндегі кеңеске 30 жыл толады. Осыған орай елордада кеңестің VI саммиті өтеді.

"Бұл жиынды ұйымдастыру үшін сыртқы істер министрлігі ауқымды жұмыс атқаруы керек. Біз бұл кеңесті біртіндеп құрлықтағы Қауіпсіздік және даму ұйымына айналдыруды көздейміз", - деген еді президент Қасым-Жомарт Тоқаев сыртқы істер министрлігінің кеңейтілген алқа отырысында.

Азиядағы өзара іс-қимыл және сенім шаралары жөніндегі кеңесті шақыру идеясын алғаш рет 1992 жылы Елбасы Нұрсұлтан Назарбаев ұсынды.

Кеңес Азиядағы бейбітшілік, қауіпсіздік пен тұрақтылықты қамтамасыз ету арқылы ынтымақтастықты нығайтуды мақсат етеді.

ТМД мұғалімдерінің съезі

Қазақстан 2022 жылы ТМД елдерінің білім саласындағы ынтымақтастық кеңесіне төрағалық етеді. Сондай-ақ елімізде ТМД-ға қатысушы мемлекеттердің мұғалімдері мен білім саласы қызметкерлерінің VII съезі өтеді.

Съезд өткізу туралы шешім биыл Арменияда өткен ТМД елдерінің білім саласындағы ынтымақтастық кеңесі отырысында қабылданды. Оған Қазақстан, Ресей, Қырғызстан, Өзбекстан, Армения, Беларусь, Тәжікстаннан кеңес мүшелері, сондай-ақ ТМД Атқарушы комитетінің өкілдері мен басқа да шақырылған тұлғалар қатысты.

Оқи отырыңыз: 2022 жылдан бастап 2,3 миллион қазақстандықтың зейнетақысы өседі

Мұғалімдердердің VII съезі пандемиядан кейінгі кезеңдегі білім беру процесінің жаңа болмысы мен трансформациясы тақырыбына арналады.

Жиынға әдіскерлер, жоғары оқу орындарының басшылары мен оқытушылары, мемлекетаралық және үкіметаралық ұйымдардың өкілдері, білім және ғылым саласындағы баспалардың басшылары,саясаткерлер, ғылым және мәдениет қайраткерлері қатысады.

Съезд 2010 жылдан бері екі жылда бір рет өткізіліп тұрады.

Қазақстан мен Ресей өңіраралық форумы

Кезекті 18-ші Қазақстан мен Ресейдің өңіраралық ынтымақтастық форумы 2022 жылы Орынборда өтеді. Форум бетпе-бет кездесу форматында өтеді деп жоспарланып отыр.

"2022 жылы кезекті өңіраралық форумы Ресейде өтуге тиіс. Біз Орынборды қарастырып жатырмыз. Мен бәрін бізге қонаққа шақырамын. Бетпе-бет кездесу форматында жиналамыз деген үміттемін", - деген болатын Ресей президенті Владимир Путин 17-ші өңіраралық форумда.

Қазақстан мен Ресейдің өңіраралық ынтымақтастығы форумы 2003 жылы Омбыда Елбасы Нұрсұлтан Назарбаев пен Ресей президенті Владимир Путиннің кездесуінен кейін екі елде кезекпен өткізіліп келеді. Форумда екі ел лидерлері күн тәртібіндегі өзекті мәселелерді талқылайды. Президенттердің кездесуін шекара маңындағы өңірлердің бірінде өткізу игі дәстүрге айналған.

WBC конвенциясы

Келер жылы Қазақстан World Boxing Council бүкіләлемдік бокс конвенциясын қабылдайды.

Бокс әлеміндегі маңызды оқиғаны Қазақстанда өткізу жайлы шешім Мексикада өткен Бүкіләлемдік бокс кеңесінің 59-шы конвенциясында қабылданды. SULEIMEN promotions командасы WBC мерейтойлық 60-шы конвенциясын Қазақстанда өткізу жобасын сәтті қорғап шыққан болатын.

Оқи отырыңыз: Барыс жылы кімдердің жолы болады

Бүкіләлемдік бокс кеңесі (WBC) – кәсіпқой бокс ұйымы. 1963 жылы он бір бокс ұйымымен негізі қаланды: Аргентина, Бразилия, Ұлыбритания, Венесуэла, Мексика, Панама, Перу, АҚШ, Филиппин, Франция, Чили. Кеңесті Хосе Сулейман басқарды.

Конвенцияға әлемдегі жетекші промоутерлер мен бокстағы беделді адамдар шақырылады.

WPC жастар форумы

Сондай-ақ 2022 жылы қазан айында Алматыда WPC 7-ші жастар форумы өтеді деп жоспарланып отыр. Оған WPC-ға мүше 63 елдің жас мамандары қатысады.

WPC немесе Бүкіләлемдік мұнай конгресі – әлемдік мұнай-газ индустриясындағы маңызды оқиға. Бүкіләлемдік мұнай кеңесі әр үш жыл сайын Бүкіләлемдік мұнай конгресін ұйымдастырады.

Мұнай кеңесі БҰҰ жанында тіркелген, коммерциялық емес ұйым саналады. Оның мақсаты – мұнай мен газ өнеркәсібіндегі түйткілді мәселелерді талқылау үшін жаһандық алаң ұсыну.

Бүкіләлемдік мұнай кеңесінің негізі 1933 жылы Лондонда қаланды. Дәл сол жылы Лондонда бірінші Бүкәлемдік мұнай конгресі шақырылды. Қазақстан кеңеске 2008 жылы маусымда KAZENERGY қауымдастығының бастамасымен қосылды.

Жастар форумында студенттер мен жас мамандар мұнай-газ саласындағы көшбасшыларымен, сарапшыларымен пікір алмасып, ой бөліседі.

1588
Кілт сөздер:
оқиғалар, 2022 жыл
Әмиян, карта, теңге

2022 жылы атаулы әлеуметтік көмек қалай төленеді

18473
Тіпті айына 1 теңге төленсе де, не себепті атаулы әлеуметтік көмектен бас тартпау керек

Қазақстанда атаулы әлеуметтік көмек кімге беріледі

Ең төменгі күнкөріс деңгейі және кедейлік шегі. Атаулы әлеуметтік көмек әрбір отбасы мүшесінің табысы ең төменгі күнкөріс деңгейінің 70%-інен төмен адамдарға тағайындалады: бұл мән (ең төменгі күнкөріс деңгейінің 70%-і) "кедейлік шегі" деп аталады.

2021 жылы Қазақстанда ең төменгі күнкөріс деңгейі 34 302 теңге болса, 2022 жылы ол 36 018 теңгені құрайды. Сондықтан кедейлік шегі 2021 жылы 24 011 теңге болса, 2022 жылы бір адамға айына 25 212 теңге төленеді.

Егер 2022 жылы отбасы табысы бір адамға шаққанда айына 25 212 теңгеден аз болса, онда мұндай отбасы осы отбасының барлық мүшесі үшін атаулы әлеуметтік көмек алуға өтініш бере алады.

Отбасының орташа табысын есептеу кезінде мүгедек балаларға берілетін жәрдемақы есепке алынбайды.

Қазақстанда АӘК көлемі қандай болады

Атаулы әлеуметтік көмек көлемін әр адамға қатысты жеке есептейді. АӘК мөлшері кедейлік шегі мен отбасының жан басына шаққандағы орташа табысы арасындағы айырмашылықты құрайды, яғни 25 212 теңгеден отбасының бір адамға шаққандағы орташа табысын шегеру қажет. Кейде отбасының әрбір мүшесіне 1000 теңге немесе 20 теңге, тіпті 1 теңге атаулы әлееуметтік көмек тиесілі болуы мүмкін.

АӘК-тен неге бас тартуға болмайды

Егер отбасы аз да болса атаулы әлеуметтік көмек алса, онда бұл отбасының балалары үшін еңбек министрлігінен (егер балалар 1-6 жас аралығында болса) немесе білім министрлігінен (6 жастан 18 жасқа дейінгі балалар үшін) көмек беріледі.

АӘК алатын отбасындағы 1-6 жас аралығындағы балаларға не тиесілі

Мұндай балаларға ай сайын азық-түлік және гигиеналық заттар жинағы беріледі. Онымен еңбек және халықты әлеуметтік қорғау министрлігінің құрылымдары қамтамасыз етуге тиіс.

1 жастан 3 жасқа дейінгі балаларға арналған ай сайынғы азық-түлік жинағына мыналар кіреді:

  • жеміс және (немесе) көкөніс гипоаллергенді езбесі – кемінде 1200 грамм;
  • балаларға арналған гипоаллергенді сәбилер ботқасы – кемінде 320 грамм;
  • қаптамадағы жүгері жармасы – кемінде 400 грамм;
  • қаптамадағы сұлы қауыздары – кемінде 800 грамм;
  • балаларға арналған печенье – кемінде 180 грамм;
  • пастерленген немесе ультрапастерленген сүт – кемінде екі литр.

3 жастан 6 жасқа дейінгі балаларға арналған ай сайынғы азық-түлік жинағына мыналар кіреді:

  • пастерленген сүт – кемінде екі литр;
  • қатты бидайдан дайындалған макарон, сұлы қауыздары, арпа жармасы, шағылған асбұршақ – барлығы кемінде 800 грамм;
  • ұнтақ жармасы – кемінде 700 грамм;
  • қарақұмық немесе күріш жармасы – кемінде 1,6 кг;
  • күнбағыс майы – кемінде 0,8 литр;
  • гематоген – кемінде 240 грамм;
  • құрамында бүтін астық дақылдар бар таңғы асқа арналған сүтке қосатын тағам – кемінде 250 грамм;
  • балаларға арналған печенье – кемінде 400 грамм;
  • таза бал – кемінде 200 грамм.

1 жастан 6 жасқа дейінгі балаларға арналған тұрмыстық химия құралдарының ай сайынғы жинағына тіс пастасы, тіс щеткасы, гипоаллергенді сабын, сусабын, жақпамай, кір сабын және кір жуғыш ұнтақ кіреді.

АӘК алатын отбасындағы 6-18 жас аралығындағы балаларға не тиесілі

Атаулы әлеуметтік көмек алатын отбасындағы 6 жастан 18 жасқа дейінгі балаларға азық-түлік және тұрмыстық химия жинақтары берілмейді. Бірақ білім және ғылым министрлігінің басқармалары мен бөлімдері оларды мектепке қажетті барлық жабдықпен қамтамасыз етеді.

Біріншіден, бұл балалар мектепте күнделікті тегін тамақтануға құқылы болса, екіншіден, олардың қоғамдық көлікте жүру құнының 50 проценті өтеледі.

Сонымен қатар балаларға мектеп формасы және мектепке қажетті құралдар беріледі (жылына бір рет).

Ұл балалар пиджак, желетке, шалбар, жейде немесе водолазка және аяқ киіммен қамтамасыз етіледі. Қыздарға пиджак, желетке, белдемше немесе сарафан (немесе шалбар), жейде немесе водолазка және аяқ киім беріледі. Бұл жинаққа сондай-ақ спорт костюмі мен спорт аяқ киімі кіреді.

Кеңсе заттарының жинағына рюкзак, сонымен қатар дәптер, қаламсауыт, қарындаш, қаламсап, сызғыш, өшіргіш, жоғары сыныпта оқитындарға – циркуль, ал төменгі сыныптағыларға сурет салуға арналған альбом мен бояу кіреді.

АӘК қашан беріледі

АӘК өтініш берген күнге қарамастан азамат жүгінген күннен бастап тағайындалады. Мысалы, егер өтініш 20 қаңтарда немесе айдың соңғы күнінде жолданса, онда төлем бүкіл айға толық төленеді.

АӘК кімге берілмеуі мүмкін

Атаулы әлеуметтік көмек шартты және шартсыз ақшалай көмек түрінде тағайындалады. Шартты ақшалай көмек отбасында еңбекке жарамды адам болған жағдайда тағайындалады.

"Алты ай ішінде жұмысқа тұрудан бас тартқан жағдайда барлық отбасы мүшесіне атаулы әлеуметтік көмек беру тоқтатылады. Ол тұрмысы төмен отбасыға жатпайтын, көрінеу жалған ақпарат берген адамдарға, учаскелік комиссияға сәйкес атаулы әлеуметтік көмекке мұқтаж емес адамдарға тағайындалмайды", - деді Нұр-Сұлтан қаласындағы жұмыспен қамту және әлеуметтік қорғау басқармасының Есіл аудандық әлеуметтік жәрдемақы тағайындау бөлімінің басшысы Самал Ахметова.

18473
Кілт сөздер:
атаулы әлеуметтік көмек, жәрдемақы
АҚШ туы

АҚШ Ресеймен соғысуды қалай ма БАҚ

0
Пентагонға қызмет ететін Гудзон институтындағы аналитиктер тез арада америкалық орташа қашықтыққа ұшатын зымырандарды Ресей шекарасын бойлай орналастыруға және НАТО әскерін Сувалки дәлізіне жөнелтуге кеңес береді

НҰР-СҰЛТАН, 20 қаңтар – Sputnik. Батыстағы элита БАҚ-та ақпараттық шу шығарып, Украинаны Ресейден "құтқарып" жатқан шақта америкалық әскерилер өз шаруаларын тындырып жатыр, деп жазды РИА Новости.

НАТО Біріккен қарулы күштерінің бұрынғы бас қолбасшысы Филипп Бридлав Еуропада америкалық заманауи стратегиялық көлік ұшақтары мен жанармай тасымалдайтын ұшақтардың жоқ екеніне шағымданды. Ол ұшақтар әуедегі НАТО басымдығын қамтамасыз ететін еді. Алайда кімнен басым түсу қажет? Генерал Бридлав Ресеймен соғысты жоспарлап отырғаны анық.

Ол 2014 жылы НАТО Әуе күштеріне қолбасшылық еткен шақта "сыпайы адамдардың" Қырымға қонуын байқамаған сыңай танытты. Ол сол кезде ашуға мініп, Ресейдің айыру белгісі жоқ әскерді қолдануын ең таңғаларлық блицкирг деп бағалады. Ол бүгінгі жағдайды сол оқиғаның есесін қайтарудың мүмкіндігі ретінде қарастыратын секілді.

Пентагонға қызмет ететін Гудзон институтындағы аналитиктер тез арада америкалық орташа қашықтыққа ұшатын зымырандарды Ресей шекарасын бойлай орналастыруға және НАТО әскерін Сувалки дәлізіне жөнелтуге кеңес береді. Бірақ олар Сувалки дәлізі Белоруссия мен Калининград облысының арасында 65 километрге созылып жатқан аумақ екенін біле ме? Бір жағында Литва болса, екінші жағында Польша орналасқан. Картада бәрі анық көрсетілген. Сонда Украинаның бұған не қатысы бар?

Шындығында Украинаның ешқандай қатысы жоқ және көп уақыттан бері барлығы ашық әрекетке көшті. Америкалықтар Ресеймен соғысуды көздеп отыр. "Тежеу" – бұл сыпайы эвфемизм. АҚШ Украинаны да Балтық маңы елдері секілді қажеттілігіне қарай қолданады. Территориясын әскери әрекеттер театры ретінде, халқын соғыс кезіндегі адам шығыны ретінде, елдегі билікті өз дегенін бұлжытпай орындайтын "одақтас" ретінде қолданады.

Америкалық әскеридің жоспары олар өз одақтастарын аса бағаламайтынын айғақтап тұр. Себебі Украина барлық стратегиялық шараларда атүсті аталады. Украина үшін Ресейді тежеу туралы бірер сөз айтылса, одан кейінгі жоспар ауқымдылығымен таңғалдырады. Сувалки дәлізі, тасымалдаушы ұшақтар, "die erste Kolonne marschiert, die zweite Kolonne marschiert..." Балтық елдеріндегі оқиға қайталанып жатыр.

Соңғы отыз жылда кейбір лимитрофты елдерде ұлтшылдықты тым асқақтатып жібергені соншалық, жергілікті тұрғындар қарапайым нәрсені елемей отыр. Олар өзерінің ұлттық ерекшеліктерін айтып, қанша мақтанса да, америкалықтар оларды әрдайым "орыстар" ретінде ғана қабылдайды. Немесе "кеңестік" деп қарастырады, айырмашылығы жоқ.

Бір кездері Еуразияның жүрегі болған одаақтың елдері біртұтас болған шақта ешкімге жеңістік бермейтін. Ресей шекарасын бойлай орналасқан халықтарға "дербес ұлтшылдық" таңу үшін бүтіндей сарапшылар институты ондаған жылдар бойы жұмыс істеп жатыр.

Украинаны Ресейден қорғау бойынша батыстағы әріптестердің іс-әрекеті жаға ұстатарлықтай. Себебі бейбітшілікке апаратын жол – бұл келіссөз, келісімді әзірлеу және сақтау емес пе? Ал америкалықтар Украинаға әскери техника жөнелтіп, ағылшындар танкіге қарсы зымырандармен жабдықтап жатыр. Ал Канада арнайы мақсаттағы әскер жасағын осы іске жұмылдырды. Американың Орталық барлау қызметі украин сарбаздарын арнайы даярлықтан өткізіп жатыр. Тіпті немісер де атсалысып жатыр. Олар украин әскерилеріне медициналық көмек көрсетуде.

Егер шындықты бүкпесіз баяндасақ, онда АҚШ үстемдігімен батыс елдердің Украинаны оккупациялауы баяу, бірақ табанды түрде жүріп жатыр. Украинаның бұл мәселеде өз есебі болғаны анық. Олар 2014 жылы осындай бір есепті жүзеге асырды: украиндер америкалықтардың ықпалына көшіп, есесіне солардың қаржысына иек артуға, ал өздерін Ресейден қысым көріп жатқан ел ретінде танытуды көздеді. Соғыс басталғалы жатыр деп дабыл қағып, бірақ ол соғысқа өзіміз қатыспаймыз деп жоспарлады.

Мәскеу көрінісі
© Sputnik / Наталья Селиверстова

Бірақ Ресей көршісі америкалықтар оларға қарағанда есепке жүйрік екенін ескермеді. Себебі украиндер міне, соғыс табалдырығында тұр. Елге аштық пен кедейлік қаупі төнді. Ресейді елемеуге тырысқан Украина өзі құрған қақпанға өзі түсті.

Егер 2014 жылы Украина Майданға мән бермей, Ресеймен тату қарым-қатынасты ұстана берсе, онда сол кездегі қақтығыс кезінде көз жұмған кемінде он төрт мың адам қазір тірі жүрер еді. Ел экономикасы құлдырамас еді және газ бағасы Ресейдегідей, яғни қазіргі өлшем бойынша нөлге тең дәрежеде болар еді.

Бір қызығы, әлемде тек Ресей ғана Украинаны қаз-қалпында, ел ішінде ешқандай жаңашылдық енгізбей-ақ, өзіндік атмосферасымен қабылдады. Ал басқалары бұл елді кезінде Ресейден бөлініп шыққан және ескіліктің заманында қалып кеткен түсініксіз аумақ ретінде қарастырды.

Батыстық басқыншылар жергілікті халыққа қатысты аяушылық пен адамгершілік танытады дегенге сену қиын. Себебі Донбастағылар жас гвардияшыларды әлі ұмытқан жоқ. Бабий Яр әлі де Киевтің жадында. Сол себепті орыстар бүгінде болып жатқан қатыгездікке абыржып отыр.

Украина Қарулы күштері мектептерді оқ ату және соғыс жүргізу орындары ретінде қолдануға көшті. Уукраина артиллериясы Донбастағы жүзден астам бейбіт тұрғынның көзін жойды. Одессадағы Кәсіподақтар үйінде ондаған адам тірідей өртелді және соққыға жығылды. Шаңқай түсте сәбиімен бірге өлтірілген жас әйелдің суреті бүкіл әлемге тарады.

Адам айтса сенгісіз бұл жағдай бүгінде Украинаның ақиқатына айналды. Ал америкалықтар "Ресей Украинаға шабуыл жасауға дайындалып жатыр" деп әлемді дүрліктіруін қояр емес. Ал шындығында америкалықтар мен еуропалықтардың Украинаға басып кіруін әлдеқайда бұрын болып қойған еді.

Енді бүгінде украин халқы кедейлік пен аштықтың қарсаңында тұр. Енді бұл сұрапылдан украиндерді кім құтқарады?

0
Кілт сөздер:
АҚШ, Ресей, соғыс