Астана қаласы әкімдігінің Қуыршақ театры

Астана қаласы әкімдігінің "Қуыршақ" театры

649
(Жаңартылды 17:03 28.02.2019)
2010 жылдың 29 желтоқсанында Астана қаласында "Қуыршақ" театры ашылды. Бұл елорданың мәдени-рухани өміріндегі елеулі өзгерістердің бірі болды

Бүгінгі таңда театр директоры — мәдениеттану ғылымдарының кандидаты, "Құрмет" орденінің иегері Тоғжан Ескендірқызы Хасанғалиева. Ал көркемдік жетекшісі — Қазақстанның еңбек сіңірген әртісі, "Құрмет", "Халықтар достығы" ордені, "Ерен еңбегі үшін" медалінің иегері, профессор Құралай Қалекетқызы Ешмұратова.

Мұнымен қатар, театрдың қоюшы режиссері қызметіне 2011 жылы "Үздік актриса" атанған Айжан Кәрібайқызы Салаева тағайындалды.

Театрдың жүлделері мен марапаттары

Астана қаласы әкімдігінің "Қуыршақ" театрының шығармашылық ұжымы аз уақытта көптеген жетістікке ие болды.

2012 жылдың 11-18 сәуір күндері Тәжікстан Республикасының Душанбе қаласында өткен "Чодари хаел" III халықаралық қуыршақ театрлары фестивалінде "Менің салған суретім" спектаклі арнайы диплом иеленді. Аталған туындының авторы әрі режиссері Айжан Салаева болды.

2013 жылдың 25-29 қарашасында Елордада өткен "Ортеке" III халықаралық қуыршақ театрлары фестивалінде театрдың "Арыстан патша" қойылымы "Үздік спектакль" және "Ең үздік актерлік жұмыс" марапатын иеленді.

Астана қаласы әкімдігінің Қуыршақ театрының әртістері
© CC0 / Екатерина Тыщенко
Астана қаласы әкімдігінің "Қуыршақ" театрының әртістері

2013 жылдың 1-6 қазан күндері Ақтөбеде өткен "Ассалаумағалейкум — III" халықаралық қуыршақ театрлар фестивалінде "Қаңбақ шал" қойылымымен қатысқан ұжым дипломант атанды.

2014 жылы 1-6 қазанда Ресейдің Астрахан қаласында болған "Каспий жағалауы" атты ТМД елдер арасындағы қуыршақ театрлары фестивалінде "Менің салған суретім" қойылымын көрермен назарына ұсынды. Осы қойылым үшін шығармашылық ұжым "Достық" номинациясын жеңіп алды.

Астана қаласы әкімдігінің Қуыршақ театрының қойылымы кезінде түсірілген сурет
Астана қаласы әкімдігінің "Қуыршақ" театрының қойылымы кезінде түсірілген сурет

2014 жылы 15-21 қазанда Түркияда өткен XVII стамбулдық театр фестиваліне қатысты.

2014 жылы республика бойынша алғаш рет Италияның "Марионетка", Стамбулдың "Қарагөз" театрларымен достық қарым-қатысты нығайту мақсатында келісімшарт жасасты.

Тағы оқыңыз: Әлем жұртын өнерімен таң-тамаша еткен "Астана балет" театры

Бұдан өзге 2015 жылдың 29 маусым мен 2 шілде аралығында театрдың көркемдік жетекшісі Құралай Ешмұратова атындағы "I халықаралық "Құралай" қуыршақ театрлар фестивалін өткізді. Театр мерекесі қарсаңында 9 мемлекеттегі театр басшылары EURASIA PUPPET қуыршақ театрлар ассоциациясын құру меморандумына қол қойды. Аталған келісім театр арасында тәжірибе алмасып, арадағы сенімді нығайтуға бағытталған.

Астана қаласы әкімдігінің Қуыршақ театрының ішкі көрінісі
Астана қаласы әкімдігінің "Қуыршақ" театрының ішкі көрінісі

Аталған фестивальге Ресей, Татарстан, Тәжікстан, Италия, Болгария, Сербия, Румыния, Перу, Эстония елдерінің театрлары қатысты.

2015 жылдың 24-28 қараша күндері Астана қаласы әкімдігінің "Қуыршақтар" театры Қостанайда өткен "Ортеке" IV халықаралық қуыршақ театр фестивалінде Сәкен Жүнісовтің "Атамекен" шығармасын сахналады. Сондай-ақ, осы қойылым үшін театр "Хореографиялық-пластикалық шешім үшін" атты номинацияны жеңіп алды.

Осы қойылымның арқасында шығармашылық ұжым 2016 жылдың 21-25 наурызында Тамбов қаласында өткен "Преданья старины глубокой" атты II халықаралық қуыршақ театрлар фестивалінде арнайы диплом және "Ұлттық дәстүрлерді ұлықтау" номинациясын иеленді.

Қуыршақ театрындағы кейіпкерлердің бірі
"Қуыршақ" театрындағы кейіпкерлердің бірі

Бүгінгі "Қуыршақ" театрының сахнасынан төл аңыз-ертегілерден бөлек, шетелдік және отандық заманауи туындыларды да тамашалауға болады. Олар — Айжан Салаеваның "Менің салған суретім", "Байқа жолда, балақай", "Мен сияқты жаса", Тоғжан Хасанғалиеваның "Орманда болған оқиға", "Ана құдіреті", Құралай Ешмұратованың "Махаббат туралы аңыз", Мырзабек Тойбаевтың "Сиқырлы сөздер", Еркін Жуасбектің "О, тоба" сынды спектакльдері. Мұнымен қатар, шетелдік драматургтердің "Сарбаздың бақырашы", "Су перісі" сынды туындылары.

Көрермен жүрегін баураған театрдың бағындырар белесі әлі алда екені сөзсіз.

649
Кілт сөздер:
қойылым, өнер, театр, актер, Астана
Тақырып:
Қазақстан театрлары (80)
Тақырып бойынша
Максим Горький атындағы мемлекеттік академиялық орыс драма театры
Астанадағы орыс театры "Зың-зың" әніне ролик түсірді
"Астана Опера" театры Пласидо Домингоның ұлына қатты ұнады
Астана драма театры Путин сыйлығына ие болды
Алматыда жантүршігерлік жол апатынан театр және кино актрисасы көз жұмды
Әмина Өмірзақованың туғанына 100 жыл: Халық әртісі туралы қызықты деректер
"Түрімді ұмытып қалды" Назарбаевтың рөлін сомдаған актер көрген қиындықтары туралы айтты
Сайлау, дауыс беру, иллюстративті сурет

Мәжіліс сайлауы: кім дауыс бере алады

638
Мәжіліс сайлауында дауыс беруге құқылы сайлаушылар, дауыс беру уақыты мен тәртібі туралы Sputnik Қазақстан дерекқорынан оқыңыз

Қазақстанның 18 жасқа толған кез келген азаматы, тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне немесе кез келген өзге жағдаяттарға қарамастан, сайлауда дауыс беруге құқылы.

Сайлауға сот iс-әрекетке қабілетсiз деп таныған, сондай-ақ сот үкiмiмен бас бостандығынан айыру орындарында отырған азаматтар қатыспайды.

Мәжiлiс депутаттарын сайлаған кезде сайлаушылар тiзiмi жасалады. Азаматтар жасырын дауыс береді және сайлаушылардың еркiн бiлдiруiне қандай да болсын бақылау жасауға тыйым салынады.

Сайлаушылар тізімінде сайлаушының тегi, аты, әкесiнiң аты, туған жылы (он сегіз жастағылар үшiн – қосымша күнi мен айы), жеке сәйкестендіру нөмірі және тұрғылықты мекенжайы көрсетiледi.

Әрбір сайлаушы сайлау жарияланған немесе тағайындалған кезден бастап тиісті әкімдікте сайлаушы ретінде тіркелуге құқылы.

Сайлау күні басқа қалада жүргендер қалай дауыс береді

Егер азамат басқа өңірде жүріп, дауыс беретін күні сайлаушы ретінде тіркелген қаласына бара алмайтынын білсе, онда өзі жүрген қаланың әкімдігіне жүгінуге құқылы. Жазбаша өтiнiшті сайлаудан кемінде отыз күн бұрын беру керек.

Азамат өтiнiш жасаған соң, әкімдік оны тiркелген жері бойынша сайлаушылар тiзiмiнен шығарып, сол қаладағы дауыс беретiн учаскенiң сайлаушылар тiзiмiне енгiзеді.

Дауыс беру уақыты

Дауыс беру сайлау күнi жергiлiктi уақытпен сағат 07.00-ден 20.00-ге дейiн өткiзiледi.

Алайда учаскелiк сайлау комиссиялары басқа уақытты белгiлей алады. Бұл орайда дауыс берудi сағат 06.00-ден ерте бастап, сағат 22.00-ден кеш аяқтауға болмайды.

Учаскелiк сайлау комиссиясы азаматтарды дауыс беретiн уақыт пен орын туралы сайлау өткiзiлетiн күнге дейiн он күннен кешiктiрмей, БАҚ арқылы, сондай-ақ, өзге де әдiстермен хабардар етуі тиiс.

Дауыс беру тәртібі

Учаскелiк сайлау комиссиялары дауыс берудің басталуына бiр сағат қалғанда дауыс беруге арналған учаскелердi аша бастайды.

Аумақтық сайлау комиссиясының төрағасы дауыс беру басталардан 30 минут бұрын комиссия мүшелерiнiң қатысуымен сайлау жәшiктерiнде сайлау бюллетеньдерiнiң бар-жоғын, жәшiктердiң бүтiндiгiн тексередi, дауыс беруге арналған жәшiктерге пломба салады немесе мөр басады.  Комиссияның сайлау бюллетеньдерiн беруге жауапты мүшелерiн белгiлейдi.

Әрбiр сайлаушы өзi дауыс бередi.

Тағы оқыңыз: Мәжіліс сайлауы қашан өтеді

Сайлауда дауыс құқығын басқа бiреуге беруге және сол сияқты басқа адам үшiн дауыс беруге жол берiлмейдi.

Бюллетеньдер сайлаушылар тiзiмі негiзiнде жеке басын куәландыратын құжатты көрсеткен соң берiледi.

Сайлаушылар тiзiмге бюллетеньдердi алғаны туралы қол қояды.

Комиссияның бюллетеньдi берген мүшесi оларға өзiнiң қолын қояды, сондай-ақ бюллетеньдi алған сайлаушының тiзiмдегi тегiнiң тұсына қол қояды.

Сайлау комиссиясы төрағасы мен хатшысының бюллетень бepуге құқығы жоқ.

Дауыс берушiлер сайлау бюллетенiн жасырын дауыс беруге арналған кабиналарда толтырады. Оны толтыру кезiнде кабинаға басқа адамның кіруіне тыйым салынады. Бюллетеньдi өз бетiнше толтыруға мүмкiндiгi жоқ сайлаушы өзi сенетiн адамның көмегiн пайдалануға құқылы.

Бюллетеньге қарындашпен белгi қоюға, сондай-ақ оған қандай да болсын түзету енгiзуге жол берiлмейдi.

Толтырылған бюллетеньдердi сайлаушы дауыс беруге арналған жәшiкке салады.

638
Кілт сөздер:
сайлау, Мәжіліс
Тақырып:
Мәжіліс сайлауы
Мәжіліс залы

Мәжіліс сайлауы қашан өтеді

770
(Жаңартылды 18:32 27.09.2020)
Қазіргі шақырылымдағы мәжілістің өкілеттігі 2021 жылдың 24 наурызында аяқталады. Қазақстан президенті парламент сайлауының өтетін күнін 2020 жылдың 24 қазанынан кешіктірмей белгілеуі тиіс

Парламент – Қазақстанның заң шығару билігiн жүзеге асыратын республиканың ең жоғары өкiлдi органы.

Парламент тұрақты негізде жұмыс істейтін екі палатадан: сенаттан және мәжілістен тұрады.

Мәжіліс конституциялық заңда белгіленген тәртіппен сайланатын 107 депутаттан тұрады. Өкілеттік мерзімі - бес жыл.

Сайлауды кім және қалай тағайындайды

Мәжілістің соңғы сайлауы 2016 жылдың 20 наурызында өтіп, бірінші сессия 2016 жылдың 25 наурызында ашылған еді. Тиісінше, қазіргі шақырылымдағы мәжілістің өкілеттігі 2021 жылдың 24 наурызында аяқталады.

Конституцияға сәйкес, мәжілістің кезекті сайлауы парламенттің жұмыс істеп тұрған шақырылымы өкілеттігінің мерзімі аяқталардан кемінде екі ай бұрын өткізіледі.

Осылайша, төменгі палата депутаттарының сайлауы 2021 жылдың қаңтарынан кешіктірілмей өткізілуі тиіс.

"Қазақстандағы сайлау туралы" Конституциялық заңға сәйкес, мәжілістің кезекті сайлауын президент депутаттар өкiлеттігінің бiтуiне кемiнде бес ай  қалғанда тағайындайды.

Мәжілістің 98 депутатын сайлау жалпыға бірдей, тең және төте сайлау құқығы негізінде жасырын дауыс беру арқылы жүзеге асырылады. Мәжілістің 9 депутатын Қазақстан халқы Ассамблеясы сайлайды.

Үміткерге қойылатын талаптар

Қазақстан азаматтығы бар және ел аумағында соңғы он жылда тұрақты тұрып жатқан, жасы жиырма беске толған адам мәжіліс депутаты бола алады.

Сот іс-әрекетке қабілетсіз деп таныған, сондай-ақ сот үкімі бойынша бас бостандығынан айыру орындарында отырған азаматтардың сайлануға құқығы жоқ.

Мыналар:

  • сотталғандығы белгіленген тәртіппен өтелмеген немесе алып тасталмаған адам;
  • сот сыбайлас жемқорлық қылмысын жасағаны үшін кінәлі деп таныған адам парламенттің депутаттығына, оның ішінде партиялық тізімдер бойынша, кандидат бола алмайды.

Мәжiлiс депутаттығына кандидаттар ұсыну

Партиялық тізімдер бойынша сайланатын мәжіліс депутаттығына кандидаттарды тіркелген саяси партиялар, ал Қазақстан халқы Ассамблеясы сайлайтын кандидаттарды Ассамблея кеңесі ұсынады.

Мәжіліс депутаттығына сайлау үшін адамдарды партиялық тізімге енгізу саяси партияның жоғары органы мүшелерінің жалпы санының көпшілік даусымен жүргізіледі. Саяси партиялардың партиялық тізімдерге осы саяси партияның мүшелері болып табылмайтын адамдарды кіргізуге құқығы жоқ.

Егер сайлауды белгілеу кезінде өзгеше көзделмесе, партиялық тізімдер бойынша сайланатын үміткерлерді ұсыну сайлаудан 2 ай бұрын басталып, оған 40 күн қалғанда жергілікті уақытпен сағат 18.00-де аяқталады.

ҚХА сайлайтын кандидаттарды ұсыну сайлаудан 1 ай бұрын басталып, оған 20 күн қалғанда жергілікті уақытпен сағат 18.00-де аяқталады.

Кандидатураны алып тастау

Партиялық тізімге енгізілген адам Орталық сайлау комиссиясына жазбаша өтініш бере отырып, өз кандидатурасын партиялық тізімнен кері қайтарып ала алады. Бұл жағдайда ОСК партиялық тізімге енгізілген адамды шығару туралы шешім қабылдайды.

Қазақстан халқы Ассамблеясының кеңесі, ол ұсынған кандидат Орталық сайлау комиссиясына жазбаша өтініш жасай отырып, кандидатураны кері қайтарып ала алады. Бұл жағдайда ОСК кандидатты тіркеудің күшін жою туралы шешім қабылдайды.

770
Кілт сөздер:
сайлау, мәжіліс депутаты, Мәжіліс
Тақырып:
Мәжіліс сайлауы
Сапасыз жол

Жол сапасыз салынса, қайда хабарласу керек?

0
Сапасыз жолдар, көбінесе, облыста, ауданда немесе ауылда салынады. Бұл жерде бюджет қаржысын ұрлау мәселесі ғана емес, сол жолды тексеретін маман тапшылығы проблемасы да бар

НҰР-СҰЛТАН, 29 қазан – Sputnik. "Жол активтері сапасының ұлттық орталығының" бас директоры Замир Сағынов халықты жолдардың сапасын бірлесіп бақылауға шақырды, деп хабарлайды Sputnik Қазақстан тілшісі.

"739-739 телефонына (Нұр-Сұлтанда - Sputnik) қоңырау шалуға болады. Бұдан бөлек, ресми сайтымыз, әлеуметтік желілерде парақшаларымыз ашылған. Сол жерде жазып, арыз-шағым түсіруге болады. Біз бірден барып, жолдың сапасын тексере аламыз", - деді Сағынов орталық коммуникациялар қызметінде өткен онлайн брифингте. 

Осы орайда орталық басшысы халықты жолдың сапасын бірлесіп бақылауға үндеді. Себебі мамандар барлық жолды тексере алмайды. Ал нақты арыз-шағымдар түссе, орталық қызметкерлері сол жерге барып, зертханалық тексеру жасай алады. 

"Негізі, сапасыз жолдар, көбінесе, облыста, ауданда немесе ауылда салынады. Бұл жерде бюджет қаржысын ұрлау мәселесі ғана емес, сол жолды тексеретін маман тапшылығы проблемасы да бар. Мысалы, аудандық әкімдіктерді алатын болса, бір бөлімде екі-үш адам ғана жұмыс істейді. Сосын жолдың сапасы бойынша арнайы маманы жоқ. Ал арнайы маман болмағасын, құжаттар да дұрыс жасалмайды", - деп атап көрсетті Сағынов.

Оның айтуынша, бүгінде осы салада кәсіби мамандарды даярлау мәселесіне баса назар аударылады. Арнайы акция басталды, жоғары оқу органдарымен бірлескен шаралар қолға алынды. Соның арқасында жас мамандардың саны біртіндеп көбейіп жатыр.

0
Кілт сөздер:
шағым, жол