Арыстанбек Мұхамедиұлы

Мәдениет және спорт министрі Арыстанбек Мұхамедиұлы өмірбаян

2061
(Жаңартылды 11:21 26.02.2019)
Арыстанбек Мұхамедиұлы төртінші премьер-министрдің кезінде мәдениет және спорт министрі қызметін жалғастырып келеді

Арыстанбек Мұхамедиұлының еңбек өтілі - отыз бес жыл, деп еске салады Sputnik Қазақстан.

Өмірбаяны

Арыстанбек Мұхамедиұлы Әлиев 1963 жылы 11 ақпанда  Алматы облысы Талғар ауданы бұрынғы Калинин атындағы колхоз – қазіргі Тұздыбастау ауылында дүниеге келді. 2008 жылдың қазан айында фамлиясын Мұхамедиұлы деп өзгертті.

Арыстанбек Мухамедиулы
© Sputnik / Болат Шайхинов
Арыстанбек Мұхамедиұлы

Білімі

1981 жылы Жұбанов атындағы республикалық мамандандырылған музыка мектебін бітірген.

1986 жылы Алматы мемлекеттік консерваториясындағы виолончель сыныбының түлегі атанды.

1997 жылы Қазақстан Республикасы президенті жанындағы мемлекеттік басқару Ұлттық жоғары мектебін "Мемлекеттік басқару" мамандығы бойынша бітірді.

2001 жылы Әл-Фараби атындағы Қазақ ұлттық университетінің аспирантурасын бітіріп, 2003 жылы кандидаттық диссертация қорғап, тарих ғылымдарының кандидаты ғылыми дәрежесі берілді (Ph.D).

Қазақ, орыс, ағылшын тілдерін меңгерген.

Отбасылық жағдайы

Жары: Искакова Ғалия Нығметқызы. Балалары: қызы – Айжан, ұлдары - Дінмұхамед, Жандос.

Мұхамедиұлы жазған әнді Қайрат Нұртас пен Айдана Меденова орындады

Еңбек өтілі

Еңбек жолын 1984 жылы Жамбыл Жабаев атындағы Қазақ мемлекеттік филаромниясында Мемлекеттік симфониялық оркестрдің әртісі болып бастаған.

1991 жылы мәдениет минитрлігінің бас маманы ретінде мемлекеттік қызметке ауысып, кейінірек, 1993 жылы министрдің көмекшісі болып тағайындалады. 1997 жылдан бастап республикалық гвардияның президенттік оркестрін басқарған.

2003 жылы Қазақстан Республикасы мәдениет және ақпарат министрлігі "Республикалық және халықаралық мәдени бағдарламалар дирекциясы" РМҚК-нің атқарушы директоры, 2005 жылы "Қазақ әуендері" АҚ-ның президенті қызметін атқарды.

2006 жылы Қазақстан Республикасы мәдениет және ақпарат вице-министрі лауазымында қызмет етті.

2007 жылдан бастап Қазақстан Республикасы президент әкімшілігінің әлеуметтік саясат бөлімінің бас инспекторы, ішкі саясат бөлімі мәдениет секторының меңгерушісі қызметтерін атқарды.

2008 жылы президентінің бұйрығымен Т.К. Жүргенов атындағы Қазақ ұлттық өнер академиясының ректоры болып тағайындалды.

2014 жылғы наурыз айында президентінің жарлығымен Қазақстанның мәдениет министрі болып тағайындалды, сол жылы 6 тамызда президент жарлығымен Қазақстан Республикасының мәдениет және спорт министрі болып тағайындалды. 

Басқа қызметтері

2018 жылдың 9 қаңтарынан бері Kazakh Tourism ұлттық компаниясы директорларының кеңесіне кіреді.

2017 жылдан бері Қазақстан президенті жанындағы рухани жаңғыру бағдарламасын жүзеге асыру ұлттық комиссиясының мүшесі қызметін атқарып келеді.

Мұхамедиұлы қазақ мультфильмдерінің жоқтығына қынжылған депутатқа ән айтып берді

Марапаттары мен атақтары

Қазақстан президентінің жарлығымен "Қазақстанның еңбек сіңірген қайраткері" атағын алған. Елбасының алғыс хатының иегері. "Қазақстан Республикасының білім беру ісінің құрметті қызметкері" төсбелгісімен, "Қазақстан Республикасының Тәуелсіздігіне 10 жыл", "Қазақстан Республикасының Конститутциясына 10 жыл", "Астананың 10 жылдығы", "Қазақстан Республикасының Тәуелсіздігіне 20 жыл" мерейтойлық медальдарымен, "Құрмет" орденімен, "Астана" медалімен марапатталған.

Министр культуры и спорта РК Арыстанбек Мухамедиулы на премьере фильма Айка в Астане
© Sputnik / Владислав Воднев
Арыстанбек Мұхамедиұлы "Айка" фильмінің тұсаукесерінде

"Әлемдік деңгейдегі мәдениет және өнер шебері" (World master in Аrts and Сulture) жоғары атағына ие болды. 2012 жылы Ресейлік "Жыл менеджері" конкурсының жеңімпазы атанды.

  • Өнертану докторы, тақырыбы: "ЮНЕСКО-мен ынтымақтастық аясында Тәуелсіз Қазақстанның өнері";
  • Философия докторы (Ph.D), тақырыбы: "Қазақстан-ЮНЕСКО: мәдени ынтымақтастық аспектілері".

Шығармашылығы

Мұхамедиұлы бірқатар музыкалық шығарманың авторы: "Астана" (сөзі: Н. Айтұлы), "Мақтанышым Елбасы" (сөзі: М.Қасымбеков), "Асыл сезім" (сөзі: И. Исаев), "Анажан" (сөзі: М. Қасымбеков), "Алматы көктемі" инструменталдық туындысы, "Жан әке" (сөзі: А. Дүйсенбі), "Бақытты жандармыз" (сөзі: А. Дүйсенбі), "Достарым" (сөзі: А.Дүйсенбі), "Ата-анаға тағзым" (сөзі: М.Қасымбеков), "Бақытым", "Ана" (сөзі Ш. Сариев), "әл-Фараби атындағы ҚазҰУ гимні" (сөзі: Ұ. Есдәулетов), "Бақыт құсы" (би музыкасы), "Шабыт" би композициялары, үрмелі аспаптарға арналған марштар.

2061
Кілт сөздер:
Арыстанбек Мұхамедиұлы, өмірбаян
Тақырып:
Өмірбаяндар (125)
Архивтегі сурет

Кредиті бар адамдар базалық ставка туралы нені білуге тиіс

3023
2021 жылы 13 қыркүйекте Ұлттық банк базалық ставканы 9,5%-ке дейін көтерді. Ал бұған дейін 26 шілдеде базалық мөлшерлеме 9%-тен 9,25%-ке дейін жоғарылаған еді

Жалпы, базалық ставка деген не? Оның коммерциялық банктер беретін кредиттер мен депозиттерге әсері қандай? Толығырақ Sputnik Қазақстан дерекқорынан оқыңыз.

Базалық ставка деген не

Базалық мөлшерлеме – елдегі орталық банктің ақша құнын басқару тетігі. Ұлттық банк базалық ставканы екінші деңгейлі банктерге кредит берерде және олардың ақшасын депозитке қабылдарда қолданады. Яғни Ұлттық банк коммерциялық банктерге несиені дәл осы базалық ставкамен береді, депозитке де осы мөлшерлемемен қабылдайды.

Базалық пайыздық мөлшерлемені бекіту кезінде экономикалық көрсеткіштер негізге алынады. Ұлттық банк ставканы экономиканың жай-күйіне қарай көтереді немесе төмендетеді.

Банктердің қарапайым халық пен бизнеске беретін кредиттерінің пайызын белгілеуде базалық ставка маңызды рөл ойнайды. Банктер базалық ставканың үстіне тағы пайыз қосып, өздерінің кредит мөлшерлемесін бекітеді.

Былайша айтқанда, базалық ставка – ел экономикасы мен банк секторы үшін бағыт-бағдар.

Базалық ставканың экономикаға ықпалы

Екінші деңгейлі банктер клиенттерге қарыз беру үшін ақшаны орталық банктен алатындықтан, олар өз пайыздық мөлшерлемесін базалық ставканы ескере отырып есептейді. Базалық ставкаға өз маржасы мен тәуекелдерін қосады. Сол себепті базалық ставка жоғарыласа, коммерциялық банктердің несиесі де қымбаттай түседі. Ал бұл кәсіпкерлер мен қарапайым адамдардың қалтасына салмақ салады. Кейбір шағын және орта кәсіпкерлерге бизнес жоспарларынан бас тартуға тура келеді. Бұған қоса, халықтың сатып алу қабілеті төмендеуі мүмкін. Адамдар кредитті аз алып, ақшаны аз жұмсайды.

Оқи отырыңыз: Кредит қайтаруға жағдай келмесе, не істеу керек - заңға өзгеріс енгізілді

Ал базалық мөлшерлеме төмендесе, кредит те арзандайды. Яғни халық пен бизнеске арзан несие қолжетімді болады. Кәсіпорындарда ақша молаяды, инвестиция көбейеді. Мұның бәрі ел экономикасының өсуіне ықпал етеді.

Базалық ставка мен инфляция арасындағы байланыс

Базалық ставканың тағы бір міндеті – инфляцияны барынша тежеп, оның өсуіне жол бермеу.

Инфляция дегеніміз – тауарлар мен қызмет бағасының өсуі.

Әдетте Ұлттық банк инфляцияны ұстап тұру үшін базалық ставканы көтереді. Базалық мөлшерлеме жоғары болған сайын, экономикада еркін айналымдағы ақша массасы соғұрлым азаяды. Яғни халық қызметтер мен тауарларға аз ақша жұмсайды. Өйткені базалық ставка жоғарылағанда, ақшаны оңды-солды жұмсағанша, оны депозитте сақтап, үстінен пайда көрген әлдеқайда тиімді.

Ал базалық ставка төмендегенде, халық пен бизнес ақшаны көп жұмсайды. Бұған кредиттің арзандауы да әсер етеді.

Базалық ставканың теңгеге әсері

Ұлттық банк бекітетін базалық ставка теңге бағамына да ықпал етеді. Егер базалық ставка жоғарыласа, ұлттық валютаның бағамы да жоғарылайды.

Оқи отырыңыз: Банк картаны бұғаттап тастаса, не істеу керек

Ал базалық ставка төмендесе, ұлттық валюта бағамы әлсірейді, өйткені ақша құны төмендейді. Алайда мұндай әсер тек қысқа мерзімдік аспектіде байқалады. Орта мерзімдік аспектіде өндірістің өсуі және инфляцияның төмендеуі ұлттық валюта бағамының өсуіне әкеледі.

3023
Кілт сөздер:
базалық мөлшерлеме, кредит, Ұлттық банк, бизнес, теңге бағамы, инфляция, экономика
Наурыз

Барқыт шапан, былғары белбеу: Ерлердің ұлттық киімдері қандай болған - фото

77
Қазақтың ер азаматтарының шапан мен ішіктің белбеуіне баса мән берген. Ерлердің қалтасы, қару-жарақ ілінентін оқшантайы бар белбеуі өте бағалы көрінген. Ер азаматтарының ұлттық киімі туралы Sputnik Қазақстан дерекқорынан оқи аласыз

Қазақ халқының ерлер киімі әйелдер киіміне қарағанда бір типті болып келеді. Ол іштен киетін жейдеден, шапан, шұғадан тігілген шекпеннен, қой жүнінен жасалған балағы етік ішіне салынатын кең шалбардан, саптама етіктен, киізден жасалған шұлық байпақтан және тоннан тұрады.

Ер азаматтардың киімі қандай болған

Қазақ халқының киімдерін зерттеген ғалым Рукия Ходжаеваның зерттеуінше, 18-19 ғасырдағы ерлердің иық киімдері желбегей, желбегей емес деп тігілген. Сол дәуірдегі өте кең, жеңі ұзын, мойны ашық, үшбұрышты ойықты киімді желбегей деп атаған. Ойығы да дәл сол матадан дайындалған.

19 ғасырдың ортасынан бастап жейденің желбегей емес, иығында тігістері бар, омырауына тілік түсірілген, кең қайырма жағалы немесе тіктеме жағалы түрлері пайда болды.

Басында мойын ойығына дейінгі омырауын тіліп, екі жағынан баумен байлаған, кейінірек оны өңіржиекпен көмкерген. Оны түймелеу үшін ілмекке түймеленетін түйме қадаған.

Фестиваль военного искусства кочевников
© Sputnik / Анатолий Устиненко
Қазақ халқының ерлер киімі әйелдер киіміне қарағанда бір типті болып келеді

Ер азаматтың киімдері арасында жігіт костюмі ерекше көзге түскен. Мақтадан жасалған ақ матадан тіктеме жағалы көйлек тіккен. Көйлегінің қолтық астына қолтықшалар салынған. Көйлекке қолданылған матадан дамбал шалбар тіккен. Ол көйлек сияқты кең болған. Шалбардың үстіңгі бөлігін белбеу салу үшін қайырған.

Соның үстінен жігіт қынама белді, тіктеме жағалы, түймеленетін бешпентті не қондырма жеңді немесе жеңсіз көкірекшені киген. Қазақстанның солтүстік және шығыс аймақтарында бешпент, орталық және батыс аймақтарында көкірекше киген.

Оңтүстік Қазақстанда тұратын ерлер бешпенттің белін сәл түсіріп киген. Оның ішінен киілетін көйлек мақтадан жасалған ақ жұқа матадан тігілген, тіктеме жағасы болған. Жейде шалбардың ішіне салынып, былғарыдан жасалған белдікпен, кейде матадан жасалған құшақпен белбеуленген.
Кең белбеулі, белбеуінде түймесі бар шалбарлар 19 ғасырдың аяғында орыс халқының әсері арқылы пайда болды.

Қыс басталса ерлер қой және қасқыр ішікті тондар, түлкінің үлбірінен дайындалған тымақ, былғарыдан жасалған саптама етіктер киген. Қазақ көшпелілерінің ежелгі қыс киімдерінің бірі үлбірден немесе жүннен астары бар күпі болған.

Ерлер киімінің қатарына ертеден келе жатқан "кебенек" деген киізден жасалған ұзын шекпен де енеді. Оны малшылар, жылқышылар қыс мерзімінде сырт киім есебінде киген. Ерлердің сыртқы киімі түймеленбегендіктен, белдік кимінің негізгі элементі саналған.

Белбеудің қай түрі бағалы саналған

Қазақ киімдерінің құрамдас бөліктерінің бірі – әйелдер мен ерлер белін буатын белбеу. Ол былғары, барқыт, жібек, жүннен жасалады. Салтанатты киімдердің белбеуін жасау барысында тапсырыс иесі қымбат материалдар берген, шеберлер уақыты мен ісмерлігін аямаған.

Ерлердің қалтасы, құтысы, оқшантайы бар белбеуі өте бағалы көрінген. Кейде салпыншақ пен қосалқы белбеуге сән үшін тағылған.

Былғарыдан жасалған белбеулерге жартылай қымбат тастар орнатылған металл жапсырмалар жабыстырылып, сүйектен ойылған жалпақ тілікшелермен әшекейленген. Осындай жиынтығы бар белбеулер ежелгі киім саналып, кісе деп аталған.

В музее ожили царица Томирис и Кабанбай батыр
© Photo : пресс-служба акима Алматинской области
Ерлердің қалтасы, құтысы, оқшантайы бар белбеуі өте бағалы көрінген

Осыған ұқсас әйелдер белбеуі де бар. Олар кең әрі сәнді көрінген. Әйелдер белбеуі жібектен жасалған. Жібектен жасалған, сәнді ағаштан ойылған өрнегі бар белбеуді "құр белдік" немес "құр белбеу" деп атаған. Қой жүні мен түйе жүнінен жасалған белбеуді де осылай атаған. Барқыттан және жібектен тігілген, інжумен кестеленген, қапсырма тағылған белбеуді "қамар белбеу" деп атаған.

Әйелдер мен ерлердің белбеулері металдан жасалған тікбұрышты, үшбұрышты, жүрек пішінді және мүйіз тәрізді жапсырмамен, сондай-ақ түрлі-түсті асыл тастары орнатылған металдармен де әшекейленген.

Ер адамның белбеуінің бірнеше түрі болған. Күмістен немесе күміс жапқан белдікті "дембет белбеу" дейді. Жұмсақ иленген бұлан не бұғы терісінен жасалған белдікті "күдері белбеу" деген. Қару-жарақ ілінентін белдіктің ең көне түрі – кісе белбеу. Бетіне алтын не күмістен өрнекті жапсыра бекітілген, ішік, тон, шапан сыртынан буынатын жалпақ сәнді былғары белбеу "кемер белбеу" деп атадады. Қон теріден жасалған қалың әрі жалпақ белдікті "көнте" дейді.

Ер адамның киімі – барқыт шапан мен жанат ішік

Ішік – қазақтың ұлттық киімдерінің бірі, оны елтіріден, сеңсеңнен, әр түрлі аң терілерінен тігеді, сырты матамен тысталады. Қазақтар құланның, киік және жолбарыс терісінен, сондай-ақ қара түсті жанаттың, су тышқанының, бұлғын және сусардың, ақ түсті тышқанның, күзеннің үлбірін аса бағалы деп санаған. Сусар мен бұлғынның үлбірі басқа мамық жүнді аңның үлбіріне қарағанда қымбат бағаланған. Теріден тондар тігілген. Мамық жүнді аңның терісінен тігілген тонды қазақтар ішік деп атаған.

 В Астану приехал караван
© Sputnik / Айгюзель Кадир
Ішік – қазақтың ұлттық киімдерінің бірі, оны елтіріден, сеңсеңнен, әр түрлі аң терілерінен тігеді, сырты матамен тысталады.

Жанаттың үлбірінен жасалған тон – жанат ішік, қара түлкінің үлбірінен тігілген тон – қара түлкі ішік, Алтайдың қызыл түлкісінен жасалған тон – қызыл түлкі ішігі деп аталған.

Үлбірден тігілген ішіктер шұғамен, жібекпен, қамқамен қапталған. Көк шұғамен қапталып, түкті шұғамен жиектелген ішекті "көк тон" деп атаған. Оны тек атақты адамдар киген.

Түйе жүнінен дайындалатын ежелгі киім түрінің бірі – шекпен. Шекпен жаңбырдан, бораннан, жайсыз ауа райынан сақтайтын өте кең де ұзын тігілген киім. Шекпенді боялмаған жүндерден де, көкке, көк бұлыңғырға және басқа түске боялған жүннен де дайындалған. Сәнді шекпендер тек боялған жүндерден тігілсе, олардың тігістері оқамен көмкерілген.

Шапан – қазақтың негізгі және ежелгі киімі. 9-14 ғасырларда қыпшақтардың тас мүсіндерінен шапан бейнелерін кездестіруге болады. Шапанды әйелдер де, ерлер де киген. Көп жағдайда шапанның күдеріден тігілгені айтылады, алайда ол тек күдеріден тігілмеген, басқа елдерден әкелінген жібек, жүн және мақта маталарынан да дайындалды.

Fashion Hanum Collection
© Sputnik / Болат Шайхинов
Шапан – қазақтың негізгі және ежелгі киімі

Шетелдік саяхатшылар 19 ғасырда қазақтың атақты адамдарының киімін былай суреттейді: "үстіне қара түсті барқыттан тігілген шапан, басына әдемі кестеленген тымақ, аяғына биік өкішелі қызыл былғарыдан тігілген етік киген. Оның әйелі салтанатты реңк беретін сары, қызыл және жасыл түсті жібектен тігілген шапан киетін. Сұлтан басына тығыз жібектен тігілген, күміспен кестеленген баскиім, үстіне көк бұлыңғыр түсті шапан, аяғына қызыл қоңыр былғарыдан тігілген биік өкшелі етік киетін".

Шапан Қазақстанның ғана емес, Орталық Азияның ұлттық киімі саналады. Оны қалың матадана арасына жүн, мақта салып, астарлап немесе қос астарлап сырып тігеді. Ол тік жағалы және қайырма жағалы болады. Шапан сырмалы шапан, қаптал шапан, қималы шапан деп бөлінеді.

Ерлер қандай бас киім киген

Ер азаматтар көктемде және жазда бөрік киген, қыста тымағын басынан тастамаған. Қазақ халқының ерлерге арналған бас киімінің басым бөлігі киізден тігілген. Солардың ішінде ең ежелгі және дәстүрлі түрінің бірі – қалпақ. Ол қазірге дейін Қазақстанда сақталған бас киім.

Қалпақ пішініне қарай үш түрге бөлінеді. Біріншісі – артына тігіс түсірілген, жарты шеңбер түрінде пішілген қалпақ. Екіншісі – төбесі биік, тар, дөңгелек пішінді қалпақ. Жарты ай пішінді ернеуі аса кеңейтілген және жалпақ жиек ретінде қайырылады. Төбесінің жоғары бөлігі 2 немесе 4 қимадан тұрады.
Қалпақтың соңғы түрі 18 ғасырда кездесіп, 20 ғасырдың жартысында жойыла бастаған.

Шапан, иллюстративное фото
© Photo : advooc.kz
Бас киімнің ең ежелгі және дәстүрлі түрінің бірі – қалпақ

Үшіншісі – бірдей үшбұрышты пішінді төрт бөліктен тұрады, тігу барысында төбесі дөңгеленіп, жоғарғы бөлігі конус тәрізді безендіріледі.
Қалпақтың тағы бір түрі – телпек. Телпекті тек сұлтандар киетін болғандықтан, ол 19 ғасырға дейін-ақ қолданылды.
Ерлер бас киімінің тағы бір түрі – көктемде және жазда киілетін бөрік.

Қазақ халқының ерлер бас киімінің ішінде дөңгелек пішінді, ернеуі үлбірмен көмкерілген бөрік негізгі түрі саналған. Оның құндыз бөрік, пұшпақ бөрік, қара бөрік секілді түрлері бар. Олар тігілген материалына, пішіміне қарай ажыратылады.

Национальный мужской головной убор бөрік
© Photo : Satu.kz
Қазақ халқының ерлер бас киімінің ішінде дөңгелек пішінді, ернеуі үлбірмен көмкерілген бөрік негізгі түрі саналған

Пішіні бойынша бөріктің жоғарғы бөлігі биік конус тәрізді дөңгелек немесе бірнеше қималы болады. Ал жиегі бұлғын, кәмшат үлбірімен сәнделеді. Бөрікті қыздар да киген, олардың бас киімі салпыншақ, үкі, құтан мен тауыстың мамығымен әшекейленген.

Тақия – барқыттан, қамқадан тігілген жазғы жұқа бас киім. Ертеректе оның жиегі ақ тиіннің, сусар мен бұлғынның үлбірімен көмкерілген, күміс және алтынмен әшекейленген.

Казахский чабан
© Sputnik / Розов
Тақия – барқыттан, қамқадан тігілген жазғы жұқа бас киім

Шығыс Қазақстанда ерлер тақияны астыңғы бас киім ретінде міндетті түрде киген. Оларды сапасы және түсі әртүрлі матадан тіккен. Әдетте олар жұқа матамен астарланған, кейде олардың арасына жүн немесе мақта салынған қабаты болған.

Ер адамдардың тақиясында моншақ, ақша, әшекейлер болмайды. Ерлер биік төбелі, тегіс төбелі, үшкір төбелі тақия киеді. Олар киген тақия мүйіз, шырмауық секілді өрнектер салынады. Тақия пүліштен тігілген, ал астарын жібек матадан тіккен.

Тақияның тағы бір түрі – айдарлы кепеш. Оның төбесінде қысқалау жіпке тағылған күлтесі бар және кестеленіп, әшекейленген. Күйші, сері кісілер киетін айдарлы кепештің әшекейлі күлтесі домбыра шерткен кезде орындаушымен бірге қозғалып тұрады.

Құлақшын – құндыз, бұлғын, сусар, жанат, түлкі, қарсақ, суыр секілді аң мен құлын, бұзау терісінен, лақ, қозы елтірісінен тігілетін ерлердің баскиімі. Құлақшынның төбесін екі түрлі тәсілмен пішеді. Алдымен теріні төрт не алты қиық (сай) етіп пішіп алады.

Қиықтың түйісетін ұшы үшкіл, етек жағы тік төртбұрышты болады. Етегін қусырып тігеді де, оған дөңгелек төбе қондырады. Құлақшын тіккенде теріге өлшеп пішілген астарға мақта не жүн тартып, екінші бетіне шүберек салып сырады. Сыртын терімен тыстап, қалыпқа кигізіп кереді.

Оқи отырыңыз: 

77
Кілт сөздер:
қазақ шапаны, белбеу, ұлттық, киім-кешек, фото, видео
Тақырып бойынша
Этнограф қазақ қыздары сәукеле мен бөрікті қандай жағдайда кигенін түсіндірді
"Киімнің киелісі – кимешек": Алматы орталық музейіндегі көрме – фото
Ер де, әйел де киген: бөрік туралы не білеміз
Тақияның өзге бас киімнен ерекшелігі неде – видео
Архивтегі сурет

Нұр-Сұлтанда сүйіктісімен сауда үйіне барған жігіттің қылмысы видеоға түсіп қалды

0
Жігіт кінәсін мойындады, сыртқы киім алынды, қазір оның елорда аумағында жасалған осыған ұқсас қылмыстарға қатысы бар-жоғы тексерілуде

НҰР-СҰЛТАН, 23 қазан – Sputnik. Елорда тұрғыны сүйіктісімен сауда үйіне барып, манекендегі жаңа күрткені ұрлап кетті. Полиция 26 жастағы жігітті ұстады.

Қалалық полиция департаментінің ақпаратынша, жас жігіт сүйіктісімен "Әсем" сауда үйіне барған. Бір кезде оның көзі бутик сыртында тұрған манекенге киілген жаңа күрткеге түседі. Қасындағы серігін акссесуар қарауға жіберіп, өзі манекендегі "Найк" маркалы сырт киімді шешіп, киіп алады. Осыдан кейін жастар оқиға орнынан ізін жасырады. Ал сатушы бұл уақытта бутик ішінде отырған.

Жедел іздестіру шаралары барысында полиция 26 жастағы қала тұрғынын ұстады. Анықталғандай, бір жыл бұрын күдікті ұрлық үшін істі болған.

Қазір сотқа дейінгі тергеу басталды. Жігіт кінәсін мойындады, сыртқы киім алынды, оның елорда аумағында жасалған осыған ұқсас қылмыстарға қатысы бар-жоғы тексерілуде.

Қала полициясы шағын және орта бизнес нысандарына күзет сигнализациясын орнатуға, бағалы заттарды қараусыз қалдырмауға кеңес береді.

Оқи отырыңыз: 

0
Кілт сөздер:
Нұр-Сұлтан, сауда орталығы, жігіт, видео, қылмыс, ұрлық