Бақыт Сұлтанов

"Жұмыс істе" Назарбаевтан екі рет сөз естіген Астана әкімі туралы не білмейміз?

1485
(Жаңартылды 15:45 07.03.2019)
Астана әкімі Бақыт Сұлтановтың өмірбаянын Sputnik Қазақстан дерекқорынан оқыңыз

Бақыт Сұлтанов Астана әкімі болып 2018 жылдың 11 қыркүйегінде тағайындалды. Бұған дейін ол қаржы министрлігін басқарған еді.

Өмірбаяны

Бақыт Тұрлыханұлы Сұлтанов 1971 жылы 29 қарашада Алматыда дүниеге келген.

Тағы оқыңыз: Астана әкімі көп балалы аналарды өзі қабылдап жатыр - видео

Білімі

1994 жылы Қазақ ұлттық техникалық университетін инженер-электрик мамандығы бойынша, ал 1995 жылы Қазақ мемлекеттік басқару академиясын экономист мамандығы бойынша тәмамдады.

Тағы оқыңыз: Халықтың ашуына тиген экс-министр: Мадина Әбілқасымова туралы қызықты деректер

Отбасы

Үйленген, әйелі – Регина Фандесовна Сұлтанова. Анель есімді қызы мен Данияр және Әмірлан есімді ұлдары бар.

Еңбек өтілі

  • Еңбек жолын 1994 жылы қаржы министрлігінде қаржы нарығының құнды қағаздары басқармасы акционерлеу және лицензиялау бөлімінің жетекші экономисі болып бастады;
  • 1995 жылы бөлім басшысы, 1996 жылы басқарма басшысының орынбасары қызметін атқарды;
  • 1997 жылы – бюджет департаменті директорының орынбасары;
  • 1998 жылы – мемлекеттік сатып алу департаментінің директоры;
  • 1999 жылы – қазынашылық департаменті директорының орынбасары;
  • 2001 жылы – бюджет департаменті директорының орынбасары;
  • 2002 жылы – қаржы министрлігі мемлекеттік бюджет департаментінің директоры;
  • 2002 жылдың қыркүйегінен 2003 жылдың маусымына дейін – экономика және бюджеттік жоспарлау министрлігі бюджет саясаты және жоспарлау департаментінің директоры;
  • 2003 жылдың маусымынан 2006 жылдың ақпанына дейін – экономика және бюджеттік жоспарлау вице-министрі;
  • 2006 жылдың ақпанынан 2007 жылдың қаңтарына дейін – статистика агенттігінің төрағасы;
  • 2007 жылдың қаңтарынан 2007 жылдың тамызына дейін – қаржы вице-министрі;
  • 2007 жылдың 10 тамызынан бастап – экономика және бюджеттік жоспарлау министрі;
  • 2010 жылдың 13 наурызында президенттің көмекшісі болып тағайындалды;
  • 2012 жылдың 21 қаңтарынан 2013 жылдың 6 қарашасына дейін –  президент әкімшілігі басшысының орынбасары;
  • 2013 жылдың қарашасында премьер-министрдің орынбасары болып тағайындалды;
  • 2013 жылдың 6 қарашасынан 2018 жылдың 11 қыркүйегіне дейін – қаржы министрі;
  • 2018 жылдың 11 қыркүйегінен – Астана әкімі.

Партия қызметі

"Нұр Отан" партиясының Астанадағы филиалының төрағасы;

"Нұр Отан" партиясы саяси кеңесі бюросының мүшесі.

Тағы оқыңыз: Шымкентті "зың" деп, "вау" етуге уәде берген Ғабидолла Әбдірахымов – қызықты деректер

Марапаттары

2001 жылы Қазақстан президентінің алғыс хатымен, 2005 жылы премьер-министрдің алғыс хатымен, "Қазақстан Конституциясына 10 жыл", 2006 жылы "Қазақстан Республикасының Парламентіне 10 жыл", 2008 жылы "Астанаға 10 жыл", 2011 жылы "Қазақстан Республикасының тәуелсіздігіне 20 жыл" мерейтойлық медальдарымен, сондай-ақ 2012 жылы "Парасат" орденімен марапатталды.

Әскери қызметі, әскери шені

Запастағы лейтенант

Бақыт Сұлтанов туралы қызықты деректер

Бақыт Сұлтанов Астана әкімі болмай тұрып, қаржы министрлігін бес жылдай басқарды. Осы аралықта ол президенттен мақтау сөз де естіді, қатаң сынға да ілікті.

Тағы оқыңыз: Назарбаев: әлеуметтік көмек 1 сәуірден бастап төленуі тиіс

Былтыр ақпанда өткен үкіметтің кеңейтілген отырысында президент салық органдарында тексерушілер санын қысқартпаймыз деген экс-министрге екінші рет ескерту жасаған болатын.

"Мен саған екінші рет ескерту жасап отырмын. Үшіншісі соңғы болуы мүмкін. Жұмыс істе", - деген еді Назарбаев.

Мемлекеттің ақшасын уақытында әрі тиімді игермегені үшін де президенттен сөз естіді.

Мәжіліс төрағасы Нұрлан Нығматулин де парламент қабырғасында экс-министрге талай рет шүйліккен. Бұрынғы министрдің "түсініксіз" жауаптары төменгі палата спикерінің көңілінен шыға бермейтін.

Мәселен, мәжілісте ұлттық компанияларды жекешелендіруге қатысты мәселе қаралған кезде Нығматулин:

"Осындай да жауап бола ма?! Министр мырза, сіз дұрыс жауап беріңіз немесе мүлдем жауап бермеңіз", - деп сынаған еді Сұлтановты.

Ал министрліктен Астана әкімдігіне ауысқан кезде, Сұлтанов жаңа жұмыс орнына жаяу баратынын айтты.

"Мен бұрын да жұмысқа жаяу баратын едім, қазір де үйім жақын болғаннан кейін, біраз айналып бару қажет болды. Бұл жаңа жұмысыма көп көмегін тигізіп отыр, әрине. Өйткені көшелерді аралаған кезде, біраз кемшілікті байқайсың", - деген еді ол жаңа қызметіне кіріскеннен кейін бір аптадан соң.

Сондай-ақ, Сұлтанов елорданың бұрынғы әкімі Әсет Исекешевтің прогрессивті идеяларын жалғастыруға уәде берген болатын.

Барша қазақтың қабырғасын қайыстырған бес баланың қазасы Сұлтанов үшін алғашқы сынақ болды десе де болады. Апалы-сіңлілі қыздардың өлімі елде қордаланған әлеуметтік проблемалардың барын көрсетті. Ауыр трагедиядан кейін елорда басшысы көпбалалы аналарды жеке-жеке қабылдап, баспана және тағы басқа мәселелерді шешуге уәде етті.

Тағы оқыңыз: Астана әкімі үлескерлерге: оңай болмайды

Бұған қоса, алаяқтарға алданып қалған үлескерлердің мәселесі де Сұлтановтың назарынан тыс қалмады. Алдағы үш жылда бұл мәселені шешіп беремін деген әкім бір баспанаға зар болып жүрген астаналықтарға үміт отын сыйлады.

1485
Кілт сөздер:
өмірбаян, әкім, Бақыт Сұлтанов, Астана
Тақырып бойынша
Астана қаласының жаңа әкімі тағайындалды
"Жақсы көреміз". Министрлер Астана әкімі болған әріптестері туралы не дейді?
Астана әкімі көп балалы аналармен кездесуге мәжбүр болды
Астанадағы көп балалы отбасылар мәселесі: Сұлтанов бірқатар шешім ұсынды
Сұлтанов Астана халқының саны қашан 3 миллионнан асатынын айтты
"Күні кеше бір бала табылды" Сұлтанов астаналықтарды сақ болуға шақырды
Астана әкімі көмек сұрап келген ананы бірлесіп жұмыс істеуге шақырды
"Тегін тамақ, тегін жолақы" Сұлтанов жаңа әлеуметтік пакет жайлы айтты
Астана әкімі көпбалалы аналармен кездесуде: мен уәде беріп отырмын
Сәби

Балаға берілетін жәрдемақы - 2021: кімге, қалай және қанша төленеді?

32615
2021 жылы айлық есептік көрсеткіш 2 917 теңгені құрайды. Осыған байланысты жөргекпұл, көпбалалы отбасылар және аналарға төленетін ай сайынғы жәрдемақы да өседі. Келесі жылы кімге қанша төленетінін Sputnik Қазақстан материалынан оқыңыз

Бала туғанда берілетін біржолғы жәрдемақы

Бала туғанда берілетін біржолғы мемлекеттік жәрдемақы республикалық бюджет есебінен жұмыс істейтін және жұмыс істемейтін әйелдерге төленеді.

  • бірінші, екінші, үшінші балаға – 38 АЕК немесе 110 846 теңге;
  • төртінші және одан кейінгі балаларға – 63 АЕК немесе 183 771 теңге.

Ал отбасында егіз, үшем, төртем дүниеге келсе, біржолғы мемлекеттік жәрдемақы әр сәбиге жеке-жеке төленеді.

Бір жасқа дейінгі ай сайынғы жәрдемақы

Жұмыс істемейтін әйелдерге бала бiр жасқа толық толғанға дейiн төленетін ай сайынғы төлем:

  • бірінші балаға – 5,76 АЕК немесе 16 802 теңге;
  • екінші балаға – 6,81 АЕК немесе 19 865 теңге;
  • үшінші балаға – 7,85 АЕК немесе 22 899 теңге;
  • төртінші және одан кейінгі балаларға – 8,90 АЕК немесе 25 962 теңге.

Декретке дейін жұмыс істеген әйелдерге бала күтіміне байланысты төленетін ай сайынғы төлем былай есептеледі:

Соңғы 2 жыл ішіндегі жалпы табысты 24 айға бөліп, мемлекет бекіткен 0,4 коэффициентіне көбейтіп, одан шыққан сомадан 10% зейнетақы жарнасын алып тастайсыз.

Мәселен, әйел босанғанға дейін екі жыл ішінде 2 500 000 теңге табыс тапты делік.

Осы соманы 24 айға бөлеміз: 2 500 000/24= 104 166 теңге.

104 166 теңге – орташа айлық жалақы.

104 166*0,4 = 41 666 теңге.

41 666 теңгенің 10%, яғни 4 167 теңгесі – ай сайынғы зейнетақы жарнасы.

Сонда жұмыс істейтін әйел бала күтімі үшін ай сайын 37 499 теңге алып отырады.

Жүктілікке және босануға байланысты төлем

Жұмыс істейтін әйелдерге жүктілікке және босануға байланысты төленетін біржолғы әлеуметтік төлемнің мөлшері былай есептеледі:

орташа айлық табысты еңбекке жарамсыздық күндері санының тиісті коэффициентіне көбейтіп, кейін шыққан сомадан 10 процент зейнетақы жарнасын алып тастайсыз. Коэффициент 4,2-ге тең.

Мысалы, соңғы бір жыл ішінде табысыңыз 1 800 000 теңге болды. Осы соманы он екі айға бөлген кезде, орташа жалақы шығады.

1 800 000/12 = 150 000 теңге;

150 000 теңге * 4,2 = 630 000 теңге;

Осы сомадан 10% зейнетақы жарнасын шегересіз. 630 000 – 63 000 = 567 000 теңге.

Яғни, жүктілікке және босануға байланысты біржолғы төлем 567 000 теңгеге тең болды.

Көпбалалы аналар

"Алтын алқа", "Күміс алқа" алқаларымен марапатталған немесе бұрын "Батыр ана" атағын алған, І және ІІ дәрежелі "Ана даңқы" ордендерімен марапатталған көпбалалы аналарға табысына қарамастан төленетін ай сайынғы мемлекеттік жәрдемақы 6,4 АЕК немесе 18 669 теңге.

Көпбалалы отбасыларға төленетін жәрдемақы

2020 жылдың қаңтарынан көпбалалы отбасыларға табысына қарамастан бала санына қарай сараланған мөлшерде жәрдемақы төленеді.

2021 жылы оның мөлшері:

  • 4 балаға – 16,03 АЕК немесе 47 548 теңге;  
  • 5 балаға – 20,04 АЕК немесе 58 457 теңге;
  • 6 балаға – 24,05 АЕК немесе 70 154 теңге;
  • 7 балаға – 28,06 АЕК немесе 81 851 теңге;

8 және одан көп баласы бар отбасыларға әр бала үшін 4 АЕК мөлшерінде жәрдемақы төленеді.

32615
Кілт сөздер:
көпбалалы отбасы, жәрдемақы
Дни культуры и искусства Казахской ССР в Москве. Выступление Казахского государственного оркестра народных инструментов имени Курмангазы

"Туып-өскен үйім домбыра, ән, күй, жыр": Ахмет Жұбанов жайлы не білеміз

702
(Жаңартылды 20:57 13.12.2020)
Қазақ музыкасын зерттеуші ғалым, композитор, қазақтың тұңғыш дирижері, Қазақстанның халық әртісі Ахмет Жұбанов жайлы Sputnik Қазақстан дерекқорынан оқыңыз

Музыкаға деген ұмтылыс

Ахмет Қуанұлы Жұбанов 1906 жылы 29 сәуірде Ақтөбе облысы Темір ауданында Ақжар деген жерде дүниеге келген. Ахметтің әкесі Қуан балаларын оқытуды армандайды, осы ниетпен Темір уезіне берілген екі мектептің бірін өз ауылында ашқызады.

1911 жылы Темір уезінде екі орыс мектебі ашылды. Сол жылы оқу бітірген Құсайын есімді мұғалім уезге келеді. Ол Ахмет Жұбановтың үйінде жатады. Құсайын домбыра мен скрипка, мондолин тартады, аздап нотадан да хабары болған. Осы аспаптың қайсысында ойнаса да, Ахмет Жұбанов жанынан табылған. 

Бес жастан асқан Ахмет сол аспаптың бәрінде ойнап кетеді. Дирижер өз естеліктерінде мектептегі ұстазының музыкаға деген ұмтылысын арттырғанын айтады.

"Менің туып-өскен үйім – домбыра, ән, күй, жыр. Көркем әңгімені кәрі-жасына дейін қадірлейтін осындай ауылда өскен мен бес жасымда хат танып, домбыра тартып, өлең айтып, тақпақ жаттайтынмын. Ауылдың қақ ортасында суы мол үлкен құдық болатын, кешке қарай салқын түскен соң ауыл адамдары құдықтың басына жиналушы еді. Ән, күй, жыр тыңдап, ақындар айтысын тамашалайтынмын. Әсіресе, күйге деген ықыласы ерекше-тұғын. Күй тартпайтын кәрі-жас, әйел, еркекті кездестірмейтінбіз", - дейді естелігінде Жұбанов.

Тағы бір есте қалғаны, ауылдастарым қуанышты да, қаңғыны да  өлең, жыр арқылы білдіретін. Сондықтан маған бүкіл дала ән-жыр айтып, күмбірлетіп күй тартып, әсем әсерге бөлейтін. Әнші, күйші, жырау дегендерді ауыл адамдары пір тұтатын, дейді дирижер.

Ахметтің әкесі Қуан 1919 жылы қайтыс болады. Содан кейін үн үш жасар Ахмет оқудан қол үзуге мәжбүр болады. Келесі жылы әкеден қалған аз ғана мал жұтап, үй ішінің бар ауыртпалығы баланың басына түседі.

Ерте есейген Ахмет

1924 дирижер ауыл комсомолына мүше болады. Сол жылы ауылында ашылған "Шамшырақ" оқу үйінің меңгерушісі болып, ауылдың мәдениетіне қызу араласады. Сол жылдары киноға барғанда дыбыссыз фильмді сүйемелдеп тұрған скрипакашымен танысады. Қарт музыкант жас жігітті ілтипатпен қарсы алады. Содан кейін кәсіби білім алу үшін Ленинградқа оқуға түседі.

"1932 жылы оқуды бітіріп, аспирантураға түсті. Бірақ ол кезде біздің үкімет хат жазып, училище ашылып жатқанын айтты. Музыкант керек екенін айтып, шақырды", - дейді Жұбановтың қызы Ажар Ахметқызы.

Ахмет Жұбанов 1933 жылы Алматы музыкалық драма училищесіне ұстаздық қызметке келеді. Осы кезден бастап өмірінің соңғы күндеріне дейін ол қазақтың музыкалық мәдениеті жолында қызмет етті.

Шығармашылық жолы

1934 жылы бір топ домбырашының басын қосып, қазақ ұлт аспаптар оркестрінің негізін қалаған. Сол оркестрдің көркемдік жетекшісі әрі дирижері болған. Жұбанов өзі құрған оркестрге Құрманғазының атын береді.

1936 жылы алғаш Мәскеуде өткен Қазақ әдебиеті мен өнерінің онкүндігіне, кейін 1949 жылы өткен екінші онкүндікте де Құрманғазы атындағы халық аспаптар оркестрі үлкен абыройға ие болған.

1936 жылы композитордың "Музыка әліппесі" атты тырнақалды кітапшасы жарық көрген.

1945-1951 жылдары Алматы консерваториясының ректоры, 1954-1961 жылдары осы консерваториядағы өзі ашқан халық аспаптар кафедрасының меңгерушісі болып, қазақ халық музыкасының тарихынан, дирижерлік өнер мен аспаптану пәнінен сабақ берді.

"Ол – тумысынан ерекше туындыгер, ерекше композитор. Оның барлық музыкасы өміршең. Оның композиторлық таланты опералық шығармаларды шығаруда кеңінен ашылды деуге болады", - дейді Ахмет Жұбановтың шөбересі, дирижер Алан Бөрібаев.

1938 жылдан бастап Ахмет Жұбанов композиторлық жұмыспен айналыса бастайды. Жазушы Ғабит Мүсіреповтің "Қозы-Көрпеш – Баян сұлу" драмасына, Мұхтар Әуезовтің "Абай" спектакліне, "Амангелді" кинофильміне музыка жазды. Камералық шығармалардың ішінде "Қазақтың жеті биі", "Тәжіктің он биі" сияқты фортепианоға арналған, "Ария", "Көктем", Жезкиік", "Романс" сияқты қобызға арналған шығармаларының қазақ өнерінде алатын орны ерекше.

Ахмет Жұбанов 1936 жылы "Халық композиторлары. Құрманғазы", 1942 жылы "Қазақтың халық композиторларының өмірі мен творчествосы" атты кітаптарын жазды. 

Ахмет Жұбановтың композиторлық шығармаларының көрнектілері Латиф Хамидимен бірлесіп жазған "Абай" (1944 жылы) және "Төлеген Тоқтаров" (1947 жылы) опералары, қызы Ғазиза Жұбанова аяқтаған "Құрманғазы" (1970 жылы) операсы.

Қазақстан тарихындағы алғашқы дыбысты фильм "Амангелді" фильміне Михаил Гнесин мен Ахмет Жұбанов музыкасын жазды.

1968 жылы "Замана бұлбұлы" атты кітабы үшін Ахмет Жұбанов Қазақ ССР Ғылым академиясының Шоқан Уәлиханов атындағы сыйлығына ие болды.

Жұбановтар әулеті

Жұбановтар әулеті дарын қонған отбасы. Сөзімізге Ахмет өнер саласындағы бірінші академик болғаны, бауыры Құдайбергеннің қазақ тіл білімі саласын зерттеген профессор екені дәлел бола алады. Ахметтің қызы Ғазиза Жұбанова қазақ әйелдерінің ішінен шыққан бірінші кәсіби композитор, жиені Алан Бөрібаев дарынды дирижер.

Құдайберген Жұбанов – қазақ тілінің теориялық негізін қалаушы, қазақ тіл білімінің тұңғыш профессоры, педагог, түркітанушы. Ал оның ұлы Асқар Жұбанов өмірін математикалық лингвистикаға арнаған ғалым.

Ахмет Жұбанов 1968 жылы Алматыда 62 жасында дүниеден өтті.

702
Кілт сөздер:
композитор
Тақырып:
Өмірбаяндар
Тақырып бойынша
"Көкейімнен кетпейді": ұлттың ұлы ұстазы Ыбырай Алтынсариннің тілегі
Бүгін Нұрғиса Тілендиевтің туған күні: әйгілі композитор туралы қызықты деректер
"ХХ ғасыр Гомері" деген бағаға ие болған Жамбыл Жабаев жайлы қызықты деректер
Композитор Дүйсенов: орындаушының бейғамдығынан әнімнің бағы жанбай қалды
"Абай-Тоғжан" музыкалық драмасы: астанада жаңа театр ашылады
Сот отырысы, архивтегі сурет

Жарамсыз әуе айлағын 240 миллион теңгеге сатып алған экс-әкімге сот үкімі шықты

0
2020 жылдың қарашасында Павлодар облысы Баянауыл ауданының бұрынғы әкімі сыбайлас жемқорлық жасады деген күдікке ілінді

НҰР-СҰЛТАН, 22 қаңтар – Sputnik. Павлодар облысы Баянауыл ауданының бұрынғы әкімі Оразгелді Қайыргелдинов үш жарым жылға бас бостандығын шектеу жазасына кесілді, деп хабарлайды Sputnik Қазақстан тілшісі.

Бұл туралы сыбайлас жемқорлыққа қарсы іс-қимыл агенттігінде өткен брифингте айтылды.

"2021 жылы 18 қаңтарда Баянауыл аудандық сотының үкімімен ауданның бұрынғы әкімі Қайыргелдинов 3 жыл 6 ай мерзімге бас бостандығын шектеуге сотталды", – деді агенттіктің аса маңызды істер жөніндегі тергеушісі Данияр Биғайдаров.

Қайыргелдинов лауазымдық өкілеттігін теріс пайдаланды деп айыпталды.

Экс-әкім Баянауыл ауданының коммуналдық меншігіне кәсіпкерден пайдалануға жарамсыз әуе айлағын заңсыз сатып алған.

Осылайша мемлекетке 240 миллион теңге сомасында шығын келтірді.

Оқи отырыңыз: Тоңазытқыштағы нәресте өлімі: сот залында шу шықты – видео

Еске салсақ, 2020 жылдың қарашасында Павлодар облысы Баянауыл ауданының бұрынғы әкімі Оразгелді Қайыргелдинов сыбайлас жемқорлық жасады деген күдікке ілінді.

Оған қатысты қамауға алу түрінде бұлтартпау шарасы таңдалған еді.

Оразгелді Қайыргелдинов Баянауыл әкімі қызметін 2016 жылдан 2019 жылға дейін атқарды.

0
Кілт сөздер:
экс-әкім, сот үкімі
Тақырып бойынша
Екі судья мен полицейге қатысты тергеу басталғаны хабарланды
Риддердегі атышулы жол апаты: әкім орынбасары сот алдына келеді
Түркістан облысында әкім орынбасарын атып кеткендер сот залынан босатылды
Баянауыл туристерді қабылдай ма – бақылау тобының қорытындысы жарияланды
3 миллионға әжетхана салған экс-әкім ірі көлемде айыппұл төлейтін болды