Қазақстан президенті Қасым-Жомарт Тоқаев бүкіл елде төтенше жағдай режимін енгізді. Мемлекет басшысы тәтіпсіздіктерге ұйымдастырылған және дайындықтан өткен террористік топтардың қатысы барын мәлімдеді. Тоқаев ҰҚШҰ бойынша одақтастардан әскери көмек сұрады.

Маңғыстау облысы мен басқа өңірлерде сұйылтылған газ бағасының күрт өсуіне байланысты не болып жатқанын Sputnik Қазақстан материалдарынан оқи аласыздар. 

Жексенбі, 7 қарашада таңғы сағат 09:30-да Қарағанды облысы Абай қаласындағы шахтада метан газы жарылды. Апат кезінде шахтада барлығы 64 адам болған. 56 адам өздері жер бетіне шыққан. Метан газы тараған 3-К10 кенжарында сегіз адам қалған. Алтауы қаза тауып, екеуі зардап шекті, олар ауруханада жансақтау бөлімінде жатыр. Министр Юрий Ильин бастаған төтенше жағдайлар министрлігінің бөлімшелері апат болған жерде тиісті жұмыстарды жүргізуде. 

Полиция қылмыстық кодекстің 277-бабының 3-бөлімі (Екі және одан да көп адамның өліміне алып келген тау және құрылыс жұмыстары кезінде қауіпсіздік ережелерін бұзу) бойынша қылмыстық іс қозғады.

Мемлекет басшысы Қасым-Жомарт Тоқаев қаза болған кеншілердің отбасына көңіл айтып, үкіметке оларға көмек көрсетуді тапсырды. 

20 қыркүйекте Алматының Ақбұлақ ауданында ер адам 5 адамды атып өлтірді. Олардың ішінде екі полицей, бір сот орындаушысы және тағы екі азамат бар. Құқық қорғау органдары сот үкімін орындауға келген. Бірақ баспананы босатуға міндетті ер адам үйдегі мылтықтан оқ атады. Бес адамның барлығы қайтыс болды. Полицейлер мен сот орындаушысының жанында үйдің жаңа иесі және оның танысы болған. Қазіргі кезде Қылмыстық кодекстің 99-бабы, 2-бөлігі бойынша сотқа дейінгі тергеу шаралары басталды. Ондай қылмыс үшін 20 жылға дейін немесе өмір бойына бас бостандығынан айыру жазасы қарастырылған.

26 тамыз кешкі сағат 19:00 шамасында Жамбыл облысы Байзақ ауданындағы №28349 әскери бөліміндегі қоймалардың бірінде өрт шығып, оннан астам жарылыс болды. Қоймада Арыс қаласынан жеткізілген оқ-дәрі сақталған. Түнде оқиға орны маңындағы бірнеше ауылдың тұрғындары қауіпсіз аймаққа көшірілді. Өртті сөндіруге әскери бөлімнің жеке құрамы мен төтенше жағдайлар министрлігінің қызметкерлері жұмылдырылды. Сонымен қатар әскери бөлімнің шынжырлы өрт сөндіру машиналары тартылды. Өрт сөндіру кезінде төрт әскери қызметші қаза болды. Соңғы мәлімет бойынша ауруханаға 90-ға жуық адам түскен, оның 49-ы – төтенше жағдай департаментінің қызметкерлері.

Төтенше жағдайдың себебі анықталып жатыр. Қорғаныс министрлігі әдейі өрт қою немесе диверсияны да жоққа шығармай отыр. Бұл факті бойынша қылмыстық іс қозғалды. Мемлекет басшысы Қасым-Жомарт Тоқаев тұрғындарды сабырлық танытуға шақырды.

XXXII жазғы Олимпиада ойындары Жапонияда 23 шілде - 8 тамыз аралығында өтеді. Қазақстан құрамасы Токио Олимпиадасына 27 спорт түрінен 97 лицензия жеңіп алды. Толығырақ Sputnik Қазақстан материалдарынан оқыңыз. 

Барша мұсылман жамағаты 20, 21, 22 шілде күндері Құрбан айт мейрамын тойлайды. Қазақстанда биыл қасиетті мереке қалай өтетінін Sputnik Қазақстан материалдарынан оқыңыз.

Қазақстан парламенті мәжілісінің алтыншы шақырылымының өкілеттілік мерзімі 2021 жылдың 24 наурызында аяқталады.

Президент Қасым-Жомарт Тоқаевтың жарлығымен кезекті мәжіліс сайлауы 2021 жылдың 10 қаңтарына белгіленді. 

Мәжіліс сайлауына қатысты жаңалықтарды Sputnik Қазақстан материалдарынан оқыңыз. 

Қазақстан президенті Қасым-Жомарт Тоқаев 1 қыркүйекте парламент палаталарының бірлескен отырысында Қазақстан халқына жолдауын жариялады. Бұл Тоқаевтың екінші жолдауы. Ол алғашқы жолдауын 2019 жылы 2 қыркүйек күні жасаған болатын. Президенттің қандай мақсат-міндеттер қойғанын және оның қалай орындалатынын Sputnik Қазақстан материалдарынан оқи аласыздар.

2020  жылы мұсылман қауым асыға күтетін Рамазан айы 24 сәуірде басталып, 23 мамырға дейін созылады. Мамыр айының 19-нан 20-на қараған түн – қасиетті Қадір түні. 

Осы жылы  пітір садақаның мөлшері адам басына 370 теңге деп белгіленді. Төтенше жағдайға байланысты Рамазан айында берілетін пітір садақа мен зекетті kaspi.kz мобильді қосымшасы арқылы аударуға болады.

Карантин кезінде мешіттерде жұма, тарауық, күнделікті жамағат намаздары уақытша оқылмайды.

Сонымен қатар, мешіт пен қоғамдық орындарда ауызашар берілмейді.

Коронавирус індетіне байланысты 16 наурыздан Қазақстанда төтенше жағдай режимі жарияланды. Ол 15 сәуірге дейін созылады. Ал 19 наурыздан бастап Нұр-Сұлтан мен Алматы қалалары карантинге жабылды. Екі мегаполисте ең көп науқас саны тіркеліп отыр. Басқа қалалар да қажетті шектеу шараларын қолға алып жатыр. Күннен-күнге коронавирус инфекциясын жұқтырғандар саны артып келеді, қайтыс болғандар бар. Толығырақ Sputnik Қазақстан материалдарынан оқи аласыздар.

Жамбыл облысының Қордай ауданында туындаған тұрмыстық кикілжің жаппай тәртіпсіздікке ұласты. 7 ақпанда Масаншы ауылында жанжал шығып, кейін төбелеске көрші Ауқатты және Бұлан батыр ауылдарынан келген тұрғындар қосылған. Екі жақ бір-біріне тас лақтырып, таяқпен ұрған. Тіпті, қару да қолданған. Келесі күні қақтығыс салдарынан 8 адамның қаза болып, 40-тан астамы жарақат алғаны белгілі болды. Олардың ішінде оқ тиген полицейлер де бар. Үйлер, дүкендер мен көліктер қиратылған.

8 ақпанда өткен баспасөз мәслихатында ішкі істер министрлігі 47 адамгың ұсталғанын хабарлады. Сотқа дейінгі тергеу шаралары қылмыстық кодекстің 272-бабы (жаппай тәртіпсіздіктерді ұйымдастыру және қатысу) мен 99-бабы (адам өлтіру) бойынша жүргізіліп жатыр. 

Қазақстан президенті Қасым-Жомарт Тоқаев тікелей эфирге шығып, мәлімдеме жасады. Ол қаза болғандардың отбасына көңіл айтып, зардап шеккендерге көмек көрсетілетінін айтты. Мемлекет басшысының тапсырмасымен үкімет комиссиясы құрылды.

Желтоқсан айының соңында Қытайдың Хубэй провинциясындағы Ухань қаласында белгісіз пневмония тарады деген ақпараттар жариялана бастады. Кейін билік аурудың қоздырғышы коронавирустың жаңа түрі -COVID-19 екенін анықтады. Ол адамнан адамға жұғады. Вирус Ухань қаласынан Қытайдың басқа өңірлеріне, кейін өзге елдерге де тарап кетті. Таиланд, Жапония, Оңтүстік Корея, АҚШ, Вьетнам, Сингапур, Непал, Франция, Австралия, Малайзия, Канадада тіркелді. 

28 қаңтарда Дүниежүзілік денсаулық сақтау ұйымы вирустың таралу қаупінің деңгейі "өте жоғары" екенін мойындады.

Қазақстан үкіметі елімізде коронавирус таралуының алдын алу үшін бірқатар шара қабылдады. 29 қаңтардан бастап екі ел арасында жолаушылар автобусының тасымалы, 3 ақпаннан бастап Қазақстан мен Қытай арасындағы жүйелі әуе қатынасы уақытша тоқтатылды. Сондай-ақ, 1 ақпаннан бастап Қазақстан мен Қытай арасында жүретін жолаушылар пойыздары уақытша тоқтатылмақ. Бұдан бөлек, Қытай азаматтарына виза берілмейді.

Қытайдан келген қазақстандықтар қатаң бақылауға алынды. Толығырақ Sputnik материалдарынан оқи аласыз. 

28 желтоқсан таңертең Алматы түбінде жолаушылар ұшағы апатқа ұшырады. Әуежайдан Нұр-Сұлтанға ұшып шыққан Fokker 100 ұшағы көп ұзамай Талғар ауданындағы елді мекенге құлады. 

Ұшақтың ішінде 93 жолаушы, соның ішінде төрт шетелдік азамат және 5 экипаж мүшесі болған. Мемлекеттік органдар ресми түрде қайғылы оқиғадан 12 адамның қаза тапқанын хабарлады. 50 адам ауруханаға жатқызылды.

Мемлекет басшысы Қасым-Жомарт Тоқаев мерт болғандардың жақындарына көңіл айтып, кінәлі адамдар қатаң жазаланатынын айтты. Президент 28 желтоқсанды жалпыұттық аза тұту күні ретінде жариялады. Толығырақ Sputnik Қазақстан материалдарынан оқыңыз.